教育王國

標題: 分班試一定要考的嗎? [打印本頁]

作者: 皮亞莉 時間: 15-6-18 14:16 標題: 分班試一定要考的嗎?

因為上年年尾已安排好今年暑假的旅行。。。

作者: Yanamami 時間: 15-6-18 14:27

本帖最後由 Yanamami 於 15-6-18 14:27 編輯

如果唔介意小朋友俾塞左去唔知邊班都得既.......

作者: goodmama2003 時間: 15-6-18 14:45

提示: 作者被禁止或刪除內容自動屏蔽

作者: yvettefeng 時間: 15-6-18 15:32

有啲學校想你好既會要考，有啲如果比較懶就唔會要考

作者: MariaTsui 時間: 15-6-18 18:34

不考編班試的學生一定不會去精英班,如果是B2中學,只有1,2班是英文班,不考編班試,一定入唔到

作者: moniquechoy 時間: 15-6-19 15:16

還有一些學校是用PRE-S1 去決定同學是去"拔尖" 定"補底". 沒考 = 0分, 即全部去補底. 即有好多天要遲放1-1.5小時.

其實上五, 小六時, 好多小學和家長已洗腦式咁講放榜後要考PRE-S1, 好多學校都要操PRE-S1, 無論那次PRE-S1 是有用OR 無用, 我個人唔理解成個暑假咁長, 點解偏要選這些時間去旅行囉. 除非BAND 3啦, 去邊都無所謂!

作者: sum-yan 時間: 15-6-19 17:26 標題: 引用：還有一些學校是用PRE-S1+去決定同學是去"拔

原帖由 moniquechoy 於 15-06-19 發表
還有一些學校是用PRE-S1 去決定同學是去"拔尖" 定"補底". 沒考 = 0分, 即全部去補底. 即有好多天要遲放1-1 ...

唉～依家好多家長思維有點特別，一生人只有一次升中，這不重要嗎？年年有暑假和其他假期，但偏偏有家長不重視升中的種種安排仍去旅行…

作者: mrsanthony 時間: 15-6-20 11:31

但是家家有本難念的經

只能儘量安排, 並非事事盡如人意.

作者: 奥脫福 時間: 15-6-20 13:54

又係去旅行。。。

其實上年年尾前教育局已公佈了考ＰＳ１的日字，此帖絕對係
膠ｐｏｓｔ一條。。。救命！

作者: fatman69 時間: 15-6-20 15:38 標題: 回覆：分班試一定要考的嗎

對於去慣旅行的人，旅行散心充電是十分重要的，「讀萬卷書不如行萬里路」。已肯定入邊間中學，入邊班已是小事，若要入精英班，下年考好D，中二又可入番。

作者: LOKLOK89 時間: 15-6-20 16:10 標題: 回覆：分班試一定要考的嗎

我知此試很重要，但往往爸爸唔理解，講極都唔明，都要求我安排去旅遊，我只好推說自己無大假咋，等中二先去。

作者: brother4 時間: 15-6-20 16:10 標題: 回覆：分班試一定要考的嗎

是看怎樣入的，派位上唔考分班試，一定派入最差成績果班，第二年成績好上番精英班，另叩門入唔考分班試，—檨入精英班。。。

作者: Yanamami 時間: 15-6-20 18:05

唔怪得公司有未滿probation既後生仔要攞假，為既係要同屋企人去旅行~公司人人覚得匪夷所思，原來係禁出黎。

作者: beecatcher 時間: 15-6-20 20:04 標題: 回覆：分班試一定要考的嗎

家長連自己的時間管理都不好，就唔好對自己的子女有太高要求了！

作者: sum-yan 時間: 15-6-20 20:45 標題: 引用：唔怪得公司有未滿probation既後生仔要攞假

原帖由 Yanamami 於 15-06-20 發表
唔怪得公司有未滿probation既後生仔要攞假，為既係要同屋企人去旅行~公司人人覚得匪夷所思，原來係禁出黎。 ...

呢ｄ咪係家教囉，年年都一定旅行已成習慣。
我都聽聞公司有新人堅持同舊人爭暑假。

作者: sum-yan 時間: 15-6-20 20:54 標題: 引用：家長連自己的時間管理都不好，就唔好對自己

原帖由 beecatcher 於 15-06-20 發表
家長連自己的時間管理都不好，就唔好對自己的子女有太高要求了！

這類家教孕育出一定要旅行的港孩，有些更差勁的家長經常在期考完即向學校攞假去旅行，完全不尊重學校規條和校曆表。曾接觸過這些同學，理解到他們亦因家教而真的比其他同學不尊重學校的課外安排，至中學仍是或更甚。

作者: himhim0502 時間: 15-6-21 00:44 標題: 回覆：分班試一定要考的嗎

都係個句，香港真係有好多怪獸家長

作者: SIYip 時間: 15-6-21 00:45

讀萬卷書不如行萬里路，前題係旅行中真的會體驗當地文化，而且，暑假流流長，點解要揀甘早去？當我小人之心，咪又係慳錢。。。

作者: fatman69 時間: 15-6-21 01:52 標題: 引用：讀萬卷書不如行萬里路，前題係旅行中真的會

原帖由 SIYip 於 15-06-21 發表
讀萬卷書不如行萬里路，前題係旅行中真的會體驗當地文化，而且，暑假流流長，點解要揀甘早去？當我小人之心 ...

至叻係你，咁都比你估到。
剛考完試就告假，仍當淡季，慳好多！

作者: Kittymummy 時間: 15-6-21 04:01 標題: 回覆：分班試一定要考的嗎?

梗係考啦，其一影響分班結果.
其二亦會吾多吾少影響小學既ranking.
雖然你小朋友已經升中，但責任問題。
吾係話升左中拍下pat pat 就算.
係會影響後兩屆的師弟師妹.
吾好做一個自私的人，pls ....

作者: Yanamami 時間: 15-6-21 07:37

本帖最後由 Yanamami 於 15-6-21 07:40 編輯

旅行無論為左放鬆还是增广見闻，失去了做学生应有責任，都係無用~ 假唔係隨便可以告, 唔係病唔係白事，自然应番齐学，尊重学校编制｡番工更甚，唔係話你攞no pay leave就可以鈡意幾時唔番就唔番，要有責任係大前題｡連家長都認為学隨時可唔番，工隨時攞假，唯怪年青人亦覚理所當然~旅行实屬奢侈品，係覆行—切責任後既享受，而唔应該將佢擺头位~

作者: like_travel 時間: 15-6-21 10:01

No pay leave也不是想攞就攞，隨非想唔Lo

作者: bb560 時間: 15-6-21 10:07 標題: 回覆：分班試一定要考的嗎

本帖最後由 bb560 於 15-6-21 11:15 編輯

Pre s1 個日期好早已經出左，不過如果家長堅持係依D時間去旅行，都係個人決定。不過咁，家長等於教個小朋友，返學唔緊要，讀書唔緊要，考試都唔緊要啦，“玩“行先架媽，亞媽教架媽，咁，就遲D，唔好係“初中教育“叫救命話:“亞囝唔讀書呀！点算呀！“、、、、可能有人話我誇張，不過，生活方式係自己揀嘅，唔信米試下羅！

作者: momama 時間: 15-6-21 10:27 標題: 回覆：分班試一定要考的嗎?

我真係好怕呢啲 post! 仲有好多係考小一時，又冇直私喺手，純粹靠大抽獎；抽到寶校又話安排咗去旅行、點扣門！

作者: mcl203 時間: 15-6-21 11:29

有朋友仲誇張...大大聲話...佢帶小朋友去旅行要告假...關學校乜事...佢地有乜權唔批...佢小朋友考試OK就得

作者: sum-yan 時間: 15-6-21 12:28 標題: 引用：有朋友仲誇張...大大聲話...佢帶小朋友去旅

原帖由 mcl203 於 15-06-21 發表
有朋友仲誇張...大大聲話...佢帶小朋友去旅行要告假...關學校乜事...佢地有乜權唔批...佢小朋友考試OK就得: ...

我唔敢咁直接指出怪獸家長的奇異思想，所以這幾年都只是寫家教問題。
其實D怪獸知不知道他們的自私和不尊重學校生活是直接負面影響他們子女人格？

作者: sum-yan 時間: 15-6-21 12:57 標題: 引用：我真係好怕呢啲+post!++仲有好多係考小一時

原帖由 momama 於 15-06-21 發表
我真係好怕呢啲 post! 仲有好多係考小一時，又冇直私喺手，純粹靠大抽獎；抽到寶校又話安排咗去旅行、點扣 ...

冇錯，年年都有呢種post，証明真係有D家長

有樣嘢我非常唔明，好多怪獸家長孕育港孩，其一是極之關心教育，部署多年在升學之路，但很矛盾的是個人旅行大過學校生活，明知升中有pre-S1，有bridging(部分學校，可以數天可以2星期)，有中一簡介會(家長必須出席)，有補底班(如有需要)等等但會做幫兇不讓子女參加。

作者: fatman69 時間: 15-6-21 16:32 標題: 回覆：分班試一定要考的嗎

可能入B3，考吾考都冇人理你，人地只怕你轉校。

作者: SIYip 時間: 15-6-21 17:35

除非學校唔按成績分班，否則band 3更加要考，希望入班成績好d, 有心機讀書嘅班。

作者: fatman69 時間: 15-6-21 17:42 標題: 引用：除非學校唔按成績分班，否則band+3更加要考

原帖由 SIYip 於 15-06-21 發表
除非學校唔按成績分班，否則band 3更加要考，希望入班成績好d, 有心機讀書嘅班。 ...

開得「旅行post」就知家長對旅行的重視，我之前都講過，有實力下年入番精英班好易，冇實力就乜班都冇所謂。
但若有一年暑假冇去旅行，可能覺得係一種遺憾。

作者: Yanamami 時間: 15-6-21 17:53

fatman69 發表於 15-6-21 17:42
開得「旅行post」就知家長對旅行的重視，我之前都講過，有實力下年入番精英班好易，冇實力就乜班都冇所謂。 ...

遺憾？誇張左d掛？我覺的小學成個階段如無好好完成，中學一個人生新階段無好好開始，拼圖少左一塊，對一個學生講先至喺遺憾。暑假流流長，喺考PreS1，Bridging course同新生家長日間d卡啦日子都可以去旅行吖~唔一定要犧牲呢d重要日子吖~至于high season去要貴d都無計架，除非無子女，好似我舊同學禁，就永遠喺low season去，我只有流口水份。

作者: fatman69 時間: 15-6-21 18:04 標題: 引用：Quote:fatman69+發表於+15-6-21+17:42+開得

原帖由 Yanamami 於 15-06-21 發表
遺憾？誇張左d掛？我覺的小學成個階段如無好好完成，中學一個人生新階段無好好開始，拼圖少左一塊，對一個 ...

不要認真，我只是諷刺那些開「旅行post」的家長。
我相信把旅行看得咁重要的家長，對子女成績的要求未必高。

作者: 奥脫福 時間: 15-6-21 23:18

其實開「旅行帖」的家長，想無非係想要得到別人認同。。。
咁在旅行社、航空公司，或者旅行討論區入面問會唔會好ｄ呢
？「人以群分」嘛！試問有幾多「旅行樓主」在升小一、中一
的討論區入面有運行呢？

作者: simonkawah 時間: 15-6-22 07:16 標題: 回覆：分班試一定要考的嗎

繼代做暑期作業後，好快有代考出現。

作者: bb560 時間: 15-6-22 07:48 標題: 引用：Quote:原帖由+Yanamami+於+15-06-21+發表遺

原帖由 fatman69 於 15-06-21 發表
不要認真，我只是諷刺那些開「旅行post」的家長。
我相信把旅行看得咁重要的家長，對子女成績的要求未必高 ...

我反而識一個以洗錢精明自居嘅媽咪，成日話自己洗錢有幾叻，依一類嘅慳錢行為，佢一定年年都做，(佢老公其實超揾到錢，不過佢喜歡炫耀自己嘅醒目)，但係佢囡係直資名校考包尾，舊年依個時候，佢老公話:如果升唔到班(中四)，就會去英國讀、、、、

真係慳字得個貧。依個媽咪点會唔想自己嘅囡讀到書呀！佢自持自己醒目架媽！自己咁醒目，個囡蠢得去邊！個班朋友嘅仔女，只有佢個囡讀得咁差。

作者: fatman69 時間: 15-6-22 07:59 標題: 回覆：分班試一定要考的嗎

我地講得多，嚇到樓主都吾敢出番來😪

作者: bb560 時間: 15-6-22 08:21 標題: 引用：我地講得多，嚇到樓主都吾敢出番來😪

原帖由 fatman69 於 15-06-22 發表
我地講得多，嚇到樓主都吾敢出番來😪

下，我已經無諗住寫俾佢睇架！我諗住俾D小五媽咪睇架咋！、、、、佢唔係已經決定左啦咩，出post嘅時候已經決定左啦！、、、唔係咩！

作者: ydoris 時間: 15-6-22 09:00

旅行只是附加既一樣野..可有可無.只是要用咩心去處理.但呢個試..吾止影響到自己小朋友,影響堆學弟學妹...要有些責任心好D..

作者: austism 時間: 15-6-22 09:15 標題: 回覆：分班試一定要考的嗎?

點樣都一定要考，係責任問題，身教問題，除非病左，冇計！

作者: aleung922 時間: 15-6-22 11:11

樓主真係好似驚咗大家咁. 都幾慘情! 如果樓主都仲想小朋友考Pre-S1, 不如諗諗有冇補救方法? 如果自由行, 可以改機票, 酒店, 跟團就試吓可否轉團咁啦…. 當然損失就必然, 衡量是否值得! 其實我都有安排暑假去旅行, 不過就打聽晒間直資學校既重要日子, 然後才定旅行日期. 最好同小朋友一起商量, 共同參與, 令佢明白, 唔係佢話要去就去, 凡事要有安排同預算咁咯. 今次你咪當係一次不幸既“甩轆”事件啦!

作者: sum-yan 時間: 15-6-22 12:58 標題: 引用：點樣都一定要考，係責任問題，身教問題，除

原帖由 austism 於 15-06-22 發表
點樣都一定要考，係責任問題，身教問題，除非病左，冇計！

我囡去年發燒食藥都有考完全3卷，最終因狀態影響而失手，被編到弱組，不過在這一年的考試和多次測驗都證明其實是位在前列。

最重要是有考pre S1幫到小學和未來兩叁年學弟妹攞分，雖然強差人意，總比唔考的得0 0 0分好很多！

作者: Emilyeee 時間: 15-6-22 15:14 標題: 回覆：分班試一定要考的嗎?

為旅行唔考分班試，老師一定記得你，未返學已出名

作者: austism 時間: 15-6-22 15:19 標題: 引用：Quote:原帖由+austism+於+15-06-22+發表點

原帖由 sum-yan 於 15-06-22 發表
我囡去年發燒食藥都有考完全3卷，最終因狀態影響而失手，被編到弱組，不過在這一年的考試和多次測驗都證明 ...

我認我老土，我現在都有自己操個女 PreS1, 除了為自己外，也要為師妹師弟出一分力，小學老師栽培了小六生六個年頭，應該要為學校做少少嘢，所以我一定要個女盡力去考好嚟個試。

歡迎光臨教育王國 (/)