教育王國

標題: 呈分試試卷程度深, 搞到好多人唔合格, 為咩? [打印本頁]

作者: yolayoha 時間: 15-6-16 23:40 標題: 呈分試試卷程度深, 搞到好多人唔合格, 為咩?

呢間學校個校長應該係讀數出身, 係學校教埋數學, 所以呢間學校的數學卷一向都偏深, 深到有點過火. 搞到次次考試唔合格/低分的人多, 唔少家長都有反映過情況, 但校長一句:"我特登出得深d, 要挑戰下學生."

我心諗:真係挑你老x咩!!一份好的試卷, 應該有大約七成合格率, 而可以成功將高材生，中高，普通，較差，最差的學生明顯分開出黎架嘛. 家陣試卷出得深, 其它年級都仲算, 小五呈分試你都係咁? 結果八十分以上的全級無十個, 精英班都普遍得六十分, 唔合格都一堆, 其它唔係精英班要合格都少之又少, 二三十分就一大籮. 為咩呀????

最大問題係搞到普遍學生對學習數學產生恐懼, 連基本的都唔敢做, 因為點做都錯o既. 咁學生學到野架咩? 搞到有中學老師講過:"呢間小學學生d數學好差架咋."

真係救命......

作者: 1209yoyo 時間: 15-6-17 08:27

出題好刁轉定係超年級?我哋學校D數出題唔深但數量好多，一樣死

作者: anixon 時間: 15-6-17 22:20

吖...你咁講, 我又掉反轉頭諗, d學校會唔會故意出淺d考卷,
等自己d學生呈分試成績好d呢?

作者: sunshine0613 時間: 15-6-17 22:25 標題: 引用：呢間學校個校長應該係讀數出身,+係學校教埋

原帖由 yolayoha 於 15-06-16 發表
呢間學校個校長應該係讀數出身, 係學校教埋數學, 所以呢間學校的數學卷一向都偏深, 深到有點過火. 搞到次次 ...

沙田?

作者: sunshine0613 時間: 15-6-17 22:28 標題: 回覆：呈分試試卷程度深, 搞到好多人唔合格, 為咩?

我囡呈一，前天對卷，數學全級39及格，最高分98，第二高分90；80分以上共4人；全級最低分6分，答對3題。

作者: 大件仔 時間: 15-6-17 22:33

最低6分

作者: jiajia2009 時間: 15-6-17 22:38

作者: pakqiu_mama 時間: 15-6-18 00:34 標題: 回覆：anixon 的帖子

應該唔得，據我所知啲卷要呈上教局批左先

作者: conniecheung 時間: 15-6-18 01:00 標題: 回覆：呈分試試卷程度深, 搞到好多人唔合格, 為咩

作者: Snoopy211 時間: 15-6-18 01:04

sunshine0613 發表於 15-6-17 22:28
我囡呈一，前天對卷，數學全級39及格，最高分98，第二高分90；80分以上共4人；全級最低分6分，答對3題。

...

最低分6分

作者: Yanamami 時間: 15-6-18 08:25

6分

作者: sunshine0613 時間: 15-6-18 08:29 標題: 回覆：呈分試試卷程度深, 搞到好多人唔合格, 為咩?

係！

作者: sunshine0613 時間: 15-6-18 08:41 標題: 回覆：呈分試試卷程度深, 搞到好多人唔合格, 為咩?

囡學校數學會按數學科成績再分班上堂，數最叻個批校長教。
我囡數第二班

作者: kayi0556 時間: 15-6-18 08:49

回覆 sunshine0613 的帖子

你囡囡同樓主小朋友同一間學校？
小朋友真慘，考完返去一定俾父母鬧

作者: yolayoha 時間: 15-6-18 08:52

1209yoyo 發表於 15-6-17 08:27
出題好刁轉定係超年級?我哋學校D數出題唔深但數量好多，一樣死

本身呢間學校會教快半個學期, 即呈分試會考左大部份學校六年級先教的小數除法. 我覺得無咩問題, 問題係成份卷有九成以上題目都屬於"思考題", 缺乏一些考核學生是否有基本知識的題目, 結果出黎個成績"貧富懸殊". 本身數學叻個幾個咪八九十分, 但得幾個囉. 然後就已經係合格與唔合格邊緣的一群. 最重要係, 大部份普通的一群學生, 做其它學校的試卷都合格到個d, 都只係得二三十分左右, 同完全唔識個班無分別. 搞到大部份學生對數學產生恐懼, 因為點做都唔合格. 真係死得

作者: yolayoha 時間: 15-6-18 08:56

sunshine0613 發表於 15-6-18 08:41
囡學校數學會按數學科成績再分班上堂，數最叻個批校長教。
我囡數第二班

...

我講緊呢間都係咁情況, 可能係同一間喎. 俾校長教個班好很慘, 日日最少都四樣數學功課, 五六樣都試過, 仲要係學校自己出的工作紙, 又或較深程度的練習, 做到小朋友死死下, 日日做兩三個鐘先做得完數學.

作者: Yanamami 時間: 15-6-18 09:01

係咪想操d精英去考林護曾記 LS呢？

作者: conniecheung 時間: 15-6-18 09:05 標題: 回覆：呈分試試卷程度深, 搞到好多人唔合格, 為咩

如果係講沙田呢間小學，我朋友兩個女女都頂唔順最後轉左校。

作者: xxyyxx 時間: 15-6-18 15:56

其它科目都有同樣情況嗎?

作者: rainrain613 時間: 15-6-18 18:42 標題: 引用：囡學校+數學會按數學科成績再分班上堂，數

原帖由 sunshine0613 於 15-06-18 發表
囡學校數學會按數學科成績再分班上堂，數最叻個批校長教。
我囡數第二班

...

想問是哪間學校?

作者: sunshine0613 時間: 15-6-18 19:56 標題: 回覆：yolayoha 的帖子

看完你#5資料，如是沙田，應該是同一間

作者: sunshine0613 時間: 15-6-18 19:58 標題: 引用：回覆+sunshine0613+的帖子你囡囡同樓主小

原帖由 kayi0556 於 15-06-18 發表
回覆 sunshine0613 的帖子

你囡囡同樓主小朋友同一間學校？

父母不會鬧小朋友，因父母應該知。但確實好擔心

作者: kayi0556 時間: 15-6-18 20:31

回覆 sunshine0613 的帖子

咁你地學校派位派得好唔好？

作者: sweethoho 時間: 15-6-18 23:06 標題: 引用：我囡呈一，前天對卷，數學全級39及格，最高

原帖由 sunshine0613 於 15-06-17 發表
我囡呈一，前天對卷，數學全級39及格，最高分98，第二高分90；80分以上共4人；全級最低分6分，答對3題。

...

咁全級有幾多人，39個合格

作者: sunshine0613 時間: 15-6-19 00:38 標題: 回覆：sweethoho 的帖子

12x

作者: sunshine0613 時間: 15-6-19 00:40 標題: 回覆：kayi0556 的帖子

B1 B2 為主

作者: sweethoho 時間: 15-6-19 06:56 標題: 引用：12x +

原帖由 sunshine0613 於 15-06-19 發表
12x

12x人，39哈格，份卷駛唔駛深

作者: 洋蔥頭媽咪 時間: 15-6-19 08:01 標題: 回覆：呈分試試卷程度深, 搞到好多人唔合格, 為咩

有部份學校會響呈分試出深少少以分辨學生能力，但出得太深對學生及學校也沒有好處，真不明學校用意？不過樓主引述此校一向作風都是如此，並非只是呈分試才深，所以家長如對該種教學方法有異議，應該避選這類超前教學學校為佳，以免害了孩子。

作者: sunshine0613 時間: 15-6-19 08:51 標題: 回覆：呈分試試卷程度深, 搞到好多人唔合格, 為咩?

之前沒有咁嚴重，今年五年級，我才有感受。

作者: sunshine0613 時間: 15-6-19 08:56 標題: 回覆：呈分試試卷程度深, 搞到好多人唔合格, 為咩?

我囡平日做數功課是0K的(明)，但這一兩年考試都做唔哂，上次考試未能完成的題目頗多，結果不合格(5x分)。
好彩未呈分試，我立即求救，搵人介紹私補；今次呈一幸保不失，能合格。

作者: esmehouse 時間: 15-6-19 10:29

回覆 conniecheung 的帖子

是否呂XX呀

作者: conniecheung 時間: 15-6-19 10:42 標題: 引用：回覆+conniecheung+的帖子是否呂XX呀+

原帖由 esmehouse 於 15-06-19 發表
回覆 conniecheung 的帖子

是否呂XX呀

唔係...應該講緊朱xx...

作者: NTNY 時間: 15-6-19 13:40

回覆 conniecheung 的帖子

朱XX校長好似讀中文嗰喎!

作者: yolayoha 時間: 15-6-20 10:12

Yanamami 發表於 15-6-18 09:01
係咪想操d精英去考林護曾記 LS呢？

精條命咩, 情況係有中學教師同d學生講, 呢間學校學生d數學好差, 因為拎張成績表出黎睇十個有八九個見紅, 仲要係三四十分, 弄巧反拙就真

作者: yolayoha 時間: 15-6-20 10:13

conniecheung 發表於 15-6-18 09:05
如果係講沙田呢間小學，我朋友兩個女女都頂唔順最後轉左校。

轉到就好, 最慘係好多"一入豪門深似海呢", 要轉返間好的不容易, 轉間差d的家長又唔甘心

作者: yolayoha 時間: 15-6-20 10:19

xxyyxx 發表於 15-6-18 15:56
其它科目都有同樣情況嗎?

其它科無呀, 反而英文科的安排我要讚一讚, 因為大部份用同一本書的學校都跟次序教, 教完5A1,2,3...6, 就教5B1,2,3....結果排到呈分試時係兩本書中較難的課題, 但呢間學校英文科呢就唔跟次序教, 唔知係科主任有心定無意, 將較難的係第一二學段先教, 留返較容易的係呈分試, 結果有一向英文唔合格的學生都拎到六七十分, 本來得五六十的拎到七八十. 好睇幾多呀! 仲要個d學生的動力返晒黎, 之前一直怕英文唔合格, 家陣有番晒信心.

可惜數學唔係咁........好彩個校長唔係教英文.

作者: yolayoha 時間: 15-6-20 10:23

sunshine0613 發表於 15-6-18 19:58
父母不會鬧小朋友，因父母應該知。但確實好擔心

唉, "通情達理"的咪唔會鬧, 但總有d家長只睇"分數", 就唔係咁講法.

作者: yolayoha 時間: 15-6-20 10:26

NTNY 發表於 15-6-19 13:40
回覆 conniecheung 的帖子

朱XX校長好似讀中文嗰喎!

讀中文?? 佢自己教精英班數學架喎, 連出卷都係佢. 如果佢讀中文.....真係"不該"囉.

作者: yolayoha 時間: 15-6-20 10:30

本帖最後由 yolayoha 於 15-6-20 10:30 編輯

sunshine0613 發表於 15-6-19 08:56
我囡平日做數功課是0K的(明)，但這一兩年考試都做唔哂，上次考試未能完成的題目頗多，結果不合格(5x分)。
...

咁你囡囡算叻囉, 我有小朋友試前d咩咩校內評估, 咩咩小測, 八九十分, 一百分都拎過, 連試前我出份mock卷都八字頭, 結果呈分試都係做唔晒, 五十幾....飲恨.

作者: anixon 時間: 15-6-21 08:35

pakqiu_mama 發表於 15-6-18 00:34
應該唔得，據我所知啲卷要呈上教局批左先

咁教局批左之後, 會唔會有comment...話比學校知D卷太淺 or 太深?

作者: sunshine0613 時間: 15-6-21 12:02 標題: 回覆：yolayoha 的帖子

不對！
成績表不出分數，只出Grading (ABCDE), 拉curve的。

作者: sunshine0613 時間: 15-6-21 13:39 標題: 回覆：NTNY 的帖子

應該不是，我理解她是理科班出身的。

作者: sunshine0613 時間: 15-6-21 13:42 標題: 引用：+本帖最後由+yolayoha+於+15-6-20+10:30+編

原帖由 yolayoha 於 15-06-20 發表
本帖最後由 yolayoha 於 15-6-20 10:30 編輯

你囡幾年班？數學乜寳?

作者: Bettyblue 時間: 15-6-21 22:51

其實試卷深淺對呈分試沒有太大影響，反正大家同挍做同一份卷。同校成績次弟/排名才重要嘛！

作者: yolayoha 時間: 15-6-21 23:16

sunshine0613 發表於 15-6-21 12:02
不對！
成績表不出分數，只出Grading (ABCDE), 拉curve的。

咁即係, 就算全級學生分數上都唔合格, 只要係最高分, 那怕是三十分都可以拎A?

作者: yolayoha 時間: 15-6-21 23:17

本帖最後由 yolayoha 於 15-6-21 23:30 編輯

sunshine0613 發表於 15-6-21 13:42
你囡幾年班？數學乜寳?

不是我囡. 幾年班? 就係今年小五呈分, 咩寶就唔知, 係校長教個一"寶". 就係咁, 連校長教個最叻個一寶, 都有唔少學生低分/唔合格, 莫講話其它"寶"了, 個d小朋友死讀難讀, 做盡各出版社數學練習, 補習咩都齊, 係做好左呀, 基本功係見到有進步, 都讚下佢地"叻左', 鼓勵佢地, 叫佢地"俾心機, 有機", 小朋友都由"放棄數學"到有番少少心機去做, 結果一出, 唔合格, 四十分, 三十分...一野KO打沉晒, 有小朋友真係會講:"好怕數學, 唔想學." 死未?!

作者: yolayoha 時間: 15-6-21 23:22

Bettyblue 發表於 15-6-21 22:51
其實試卷深淺對呈分試沒有太大影響，反正大家同挍做同一份卷。同校成績次弟/排名才重要嘛！ ...

但係小朋友/家長心目中唔係咁諗. 尤其小朋友, 本身唔係數學叻, 都好努力去學去做, 但往往出黎效果就係"唔合格", 對小朋友心理幾有影響. 佢地會覺得自己數學好唔得, 而唔係試卷過深, 漸漸對數學產生恐懼/厭倦, 無心機再學再做, 結果愈做愈差, 愈差愈無心機, 變左惡性循環. 呢個唔係個別例子, 係有一定部分小朋友如是. 何苦?

作者: 洋蔥頭媽咪 時間: 15-6-22 00:10 標題: 引用：其實試卷深淺對呈分試沒有太大影響，反正大

原帖由 Bettyblue 於 15-06-21 發表
其實試卷深淺對呈分試沒有太大影響，反正大家同挍做同一份卷。同校成績次弟/排名才重要嘛！ ...

都唔係冇影響，只可以話大抽獎冇，自行/叩門都有影響，好多B1中學見學生成績表主科冇B以上連表格都未必比你，所以點會冇影響

作者: sunshine0613 時間: 15-6-22 07:02 標題: 引用：Quote:sunshine0613+發表於+15-6-21+12:02+

原帖由 yolayoha 於 15-06-21 發表
咁即係, 就算全級學生分數上都唔合格, 只要係最高分, 那怕是三十分都可以拎A?
...

係。最高分的25％ A，跟住的30％ B。

圖片附件: myphoto.jpg (15-6-22 07:02, 63.83 KB) / 下載次數 86
/forum.php?mod=attachment&aid=NDc0Nzd8YTY2Y2QwZDJ8MTc3MDg3OTg5Nnww

作者: sunshine0613 時間: 15-6-22 07:05 標題: 引用：Quote:原帖由+Bettyblue+於+15-06-21+發表

原帖由 洋蔥頭媽咪 於 15-06-22 發表
都唔係冇影響，只可以話大抽獎冇，自行/叩門都有影響，好多B1中學見學生成績表主科冇B以上連表格都未必比你 ...

無影響，拉curve，不見分數。

小朋友心理影響確實會有

作者: 洋蔥頭媽咪 時間: 15-6-22 07:45 標題: 引用：Quote:原帖由+yolayoha+於+15-06-21+發表咁

本帖最後由洋蔥頭媽咪於 15-6-22 07:57 編輯

原帖由 sunshine0613 於 15-06-22 發表
係。最高分的25％ A，跟住的30％ B。

呢個只係貴校嘅顯示方式，並非每間學校都一樣
你地專題研習唔計分，我地計落呈分己經有分別啦！

作者: 洋蔥頭媽咪 時間: 15-6-22 07:52 標題: 引用：Quote:原帖由+洋蔥頭媽咪+於+15-06-22+發表

原帖由 sunshine0613 於 15-06-22 發表
無影響，拉curve，不見分數。

小朋友心理影響確實會有

並非間間學校都拉curve架，可能你學校係啫，我兒學校成績表係唔顯示分數，但如果主科唔合格一樣會出現D or E, 並非幾多%就係A .... , 成績表見紅叩門都未必得，所以肯定有影響。

作者: sunshine0613 時間: 15-6-22 07:57 標題: 回覆：洋蔥頭媽咪的帖子

我係講緊我囡學校

作者: 洋蔥頭媽咪 時間: 15-6-22 08:07 標題: 引用：我係講緊我囡學校 +

原帖由 sunshine0613 於 15-06-22 發表
我係講緊我囡學校

Oic , 有好有唔好，不過呢種方式同學間競爭頗大。

作者: yolayoha 時間: 15-6-22 19:15

sunshine0613 發表於 15-6-22 07:05
無影響，拉curve，不見分數。

小朋友心理影響確實會有

對呈分試無影響還好, 可惜搞到小朋友怕左數學, 就真係俾個A佢都無用. 因為係佢心目中, 只會記得"我數學考極都唔合格."

作者: Wonderlady 時間: 15-6-22 20:02 標題: 引用：呢間學校個校長應該係讀數出身,+係學校教埋

原帖由 yolayoha 於 15-06-16 發表
呢間學校個校長應該係讀數出身, 係學校教埋數學, 所以呢間學校的數學卷一向都偏深, 深到有點過火. 搞到次次 ...

其實D卷係任老師點出都得咩?

咁點樣同全港小學比較成績㗎，唔明！

作者: AgapePa 時間: 15-6-22 23:01

Wonderlady 發表於 15-6-22 20:02
其實D卷係任老師點出都得咩?

咁點樣同全港小學比較成績㗎，唔明！

呈分試只是校内排位比拼, 不會與其他小學比較成績.
例如卷太淺, 全部人都90分以上, 攞90分一様考第尾, 做硬B3生.
如卷太深, 全部人唔合格, 最高分個位是40分, 攞40分一様可以考第一, 做B1生.

卷淺, 大部分人分数差異小, B1, B2 和B3 可能只差幾分.
所以卷深, 對高水平的同學較公平, B1, B2 和B3生分數差異會較大. 唔會因一時大意, 跌幾分就跌Band.

作者: yolayoha 時間: 15-6-23 15:03

Wonderlady 發表於 15-6-22 20:02
其實D卷係任老師點出都得咩?

咁點樣同全港小學比較成績㗎，唔明！

呈分試以排名為主要, 亦會同上屆升中分班試同校師兄師姐的成績有關.

作者: little_yolky 時間: 15-6-23 16:11

yolayoha 發表於 15-6-22 19:15
對呈分試無影響還好, 可惜搞到小朋友怕左數學, 就真係俾個A佢都無用. 因為係佢心目中, 只會記得"我數學考 ...

咁其實老師點解唔做D嘢?

我阿女學校D中文老師唔知點解中作俾分鬼咁手緊, 小一作文無錯都係85分, 小二一般得7X分, 但原來7X分係已經唔錯既分數。阿女開頭好氣餒, 因為佢好鐘意中文, 但又唔知點解次次咁低分。經我家長日「靜靜雞」同老師反映過後, 老師上堂時同同學仔講：作文有77分以上已經係好叻好高分喇。老師仲會間唔中讚阿女中文好叻, 睇好多書, 好好之類既話。咁阿女明白原來自己係「好叻好高分」, 咁又開心番, 就算作文得78分, 都會同我講：媽咪, 你睇我幾叻, 有78分

所以小朋友心理有無影響, 都要大人做D嘢至得。

作者: sunshine0613 時間: 15-6-23 19:53 標題: 引用：Quote:Wonderlady+發表於+15-6-22+20:02+其

原帖由 AgapePa 於 15-06-22 發表
呈分試只是校内排位比拼, 不會與其他小學比較成績.
例如卷太淺, 全部人都90分以上, 攞90分一様考第尾, 做 ...

我估是這原因，所以校長出深D份卷

作者: HaYi 時間: 15-6-23 20:15

呈分個方式真係好怪, 只靠學校自己.

我識一些龍校 (band 1BC-2AB 中學尾) 都會刻意出深, 令出來成績BBCC不太好睇, 自己band 1尾band2頭, 中生難走出去.

作者: jojobbmum 時間: 15-6-24 09:28 標題: 回覆：yolayoha 的帖子

唉!你講出我的心聲,雖然不是同校,情況差不多! 小朋友和我都努力做盡大部分街外exe,常錯的,tricky的都有特别diy練習,但都敵唔過份轉好多彎,要即時想得通計得啱的考試卷...唉！點好!

作者: anniechan616 時間: 15-6-24 14:15

提示: 作者被禁止或刪除內容自動屏蔽

作者: yolayoha 時間: 15-6-25 00:25

little_yolky 發表於 15-6-23 16:11
咁其實老師點解唔做D嘢?

我阿女學校D中文老師唔知點解中作俾分鬼咁手緊, 小一作文無錯都係85分, 小二一般 ...

唔通老師同小朋友講:"你雖然唔合格, 但已經好叻架喇!!"?!?!?!

作者: little_yolky 時間: 15-6-25 11:42

yolayoha 發表於 15-6-25 00:25
唔通老師同小朋友講:"你雖然唔合格, 但已經好叻架喇!!"?!?!?!

我朋友中學時物理科又係超深, 老師同同學仔講：你哋係咪覺得自己物理好差? 其實你哋出到去成績會好好的, 要有信心, 努力！

結果公開試成績真係唔錯。

作者: little_yolky 時間: 15-6-25 11:45

yolayoha 發表於 15-6-25 00:25
唔通老師同小朋友講:"你雖然唔合格, 但已經好叻架喇!!"?!?!?!

又講多個例子。

學校前家教會會長分享過, 阿仔成績差, 默書次次單位數, 叫佢讀書佢話讀咗, 放學就睇電視。父母苦口婆心叫佢勤力D。有一次, 默書有27分, 阿仔諗住又要俾人鬧, 爸爸見到無鬧, 仲讚佢：今次進步咗好多喎。

其實小朋友有無自信心, 大人有好多空間可以做嘢, 共勉之。

歡迎光臨教育王國 (/)