教育王國

標題: 小學生用電腦問題 [打印本頁]

作者: 囡囡豬媽媽 時間: 15-6-16 12:35 標題: 小學生用電腦問題

越來越多網上功課，有d電腦問題：

1. 你地會小朋友放學，自己開電腦做功課，定等你放工返去，先比小朋友自己開電腦做？

2. 會分開一部電腦比小朋友做網上或電腦功課嗎？

3. 如沒有電腦 / 上唔到網，學校會點幫手？印番d練習？小息去電腦室做？

作者: 王家爸爸 時間: 15-6-16 12:40

囡囡豬媽媽發表於 15-6-16 12:35
越來越多網上功課，有d電腦問題：

1. 你地會小朋友放學，自己開電腦做功課，定等你放工返去，先比小朋友 ...

1. 小朋友自己開電腦做功課。
2. 小朋友用自己既電腦，千多元的那種。

作者: momama 時間: 15-6-16 21:04 標題: 回覆：小學生用電腦問題

阿女小一，十月開始自己每日開電做中文百達通。間中有啲功課要上網對答案。

作者: wister 時間: 15-6-17 00:10 標題: 回覆：囡囡豬媽媽的帖子

同佢一齊做

作者: simonwan 時間: 15-6-17 00:21

我十分反對小學生學電腦或有電腦功課，我認爲應完全禁止小學生接觸電腦（但我贊成中學生學電腦）。學校有電腦功課的話，會由我控制電腦，孩子坐在我旁邊，衹用口說答案，由我輸入。做完跟電腦bye bye.
即使如此，阿仔仍常常想玩電腦，年齡越大，越難控制，唯有拖得幾耐得幾耐。
曾經想找一家沒有電腦課的小學，原來比找一個唔買包包的老婆更難！

作者: 囡囡豬媽媽 時間: 15-6-17 01:15 標題: 回覆：simonwan 的帖子

科技越來越進步，好難避免網上功課。

我地似前沒有網上練習，一樣會學到。

除非是外語或 demonstration，網上一定會比較清晰。

其實，網上練習只方便了老師，不用對答案，不用收功課，數下幾人冇做。而且亦清楚知道，咩題目同學已經掌握到，咩題目最多人錯 ...

作者: 已刪除用戶 時間: 15-6-17 08:10

囡囡豬媽媽發表於 15-6-16 12:35
越來越多網上功課，有d電腦問題：

1. 你地會小朋友放學，自己開電腦做功課，定等你放工返去，先比小朋友 ...

我囡 P.1 時自己有一部電腦 (舊機, 足夠上網做功課), 做網上功課要通知左我先可以開電腦做.

到 P.3 已經由得佢自己分配時間做, 做完我再 login 睇返做齊未, 到 P.4 已經唔再 check.

我都有問過我囡如果屋企無電腦又無 printer 咁點算? 我囡話可以家長係手冊每日通訊欄度寫要求到電腦室做功課, 或者要求 TA 幫手 print out 資料, 叫做不存在有學生因為無電腦而做唔到網上功課.

好似做 project 要幾個一齊做, 我囡會係小息時幾個一齊去電腦室做, 當然係已經通知科任老師 ok 左先去.

作者: 已刪除用戶 時間: 15-6-17 08:32 標題: 回覆：小學生用電腦問題

如果學校主張自學，就會要求學生上網搵資料。可能因為活動教學對自學方面要求高d（上到中學係要靈活運用，唔係學了）。我仔學校仲有電子平台，俾學生一齊完成一個project同分享學習資料，老師亦會指導同事後post答案，無電腦基本上做唔到，只能在小息去電腦室補做

作者: mimi1102 時間: 15-6-17 10:04

本帖最後由 mimi1102 於 15-6-17 10:10 編輯

1. 你地會小朋友放學，自己開電腦做功課，定等你放工返去，先比小朋友自己開電腦做？
通常要用電腦的功課, 都唔洗第二日馬上交, 所以都會等我地返到屋企先開比佢, 佢係唔知道Password 的. 除非緊急情況, 先會叫佢自己開, 印象中只有一兩次.

2. 會分開一部電腦比小朋友做網上或電腦功課嗎？
小一至小三, 同爸爸SHARE, 但後來佢地需要用電腦的情況越來越多, 而爸爸亦要經常用電腦, 所以小四時買了一部notebook 比佢, 但仍然要等我地返到屋企先可以開.

3. 如沒有電腦 / 上唔到網，學校會點幫手？印番d練習？小息去電腦室做？
不清楚....

作者: birdbird 時間: 15-6-17 10:22 標題: 回覆：小學生用電腦問題

小學生用電腦做功课，家長還可控制開機時間及知道會用什麼網站，叫做有個泡；

小學生用智能手機，尤其可自己帶機出入果d小朋友，打机、上網、whatsapp/line, 隨時隨地可做，呢樣先至致命…………慢性堕落！

作者: chanwendy 時間: 15-6-17 10:31

我女除了暑假外, 唔會有電腦科的功課. 但平日會做每日一篇, 英文百寶箱等等, 以前就夜晚返屋企才做, 今年改咗, 朝早出門口前做埋.

作者: lok1211 時間: 15-6-25 13:31

因小一有网上功课，已准备一台给仔上小学用了，幼稚园的时候家里不买电脑

作者: ydoris 時間: 15-6-25 14:49

自己開電腦用.每人一部電腦...齊晒OFFICE同PHOTOSHOP等軟件.細囡有繪圖筆.WIFI 彩色雷射打印機.新買既...費事突然又話要印野交....全部人用機要打開門,我會久吾久行過去睇.每人有幾隻USB手指交功課..我自己反而無電腦,用就問佢地借..有隻外置HARDDISK BACKUP晒佢地D野...

作者: dlee_ca 時間: 15-6-25 15:46 標題: 回覆：小學生用電腦問題

佢自己有部機，自己做。

現在小二，自小一下學期開始。

歡迎光臨教育王國 (/)