教育王國

標題: 見左醫生。懷疑中度至嚴重 [打印本頁]

作者: daibolam 時間: 15-6-12 07:44 標題: 見左醫生。懷疑中度至嚴重

見左醫生。中度至嚴重。醫生強烈因年紀輕才俾機會落住“ 懷疑”。

我用左一個月去消化囡囡同其他小朋友不一樣不是單純惡教,而係自閉。雖然中度至嚴重係預期之內, 但望住醫生份報告都好難接受,醫生係咁叫我樂觀啲,話我個樣好愁。
我同身邊嘅人講,啲人唔係話評估之嘛, 或者將來有得醫,有冇藥食。阿媽阿妹隔日問我情況係咪好左。某某人識人自閉,而家好正常/某方面好叻。
而家講緊要讀s 位。點樣欣然接受?
然後唔知好定唔好,醫生話情況要讀s 位但建議排i 位,因為好難排,同埋大小肌肉同同齡相差不大,一兩年後未必收s 位。

剛見左社工,佢循例問我有咩困難。我可以有咩困難,而佢幫到我?唔通花連幾個鐘車程排隊搵個社工心理
輔導我咩? 有時間精神都留番俾個囡。唔通同佢講想請工人問社署資助請工人? 就算有機構肯托兒,咪等於精神“弱”待囡囡?
我都唔知發帖為乜,不過真係想呻下。
背景:
20個月去健康院打歲半針,姑娘不停強調問我囡囡識唔識指野,聽唔聽指令,識唔唔識眼耳口鼻,識唔識望大人手指方向,望唔望人。最後佢問我佢望唔望人,我反問佢入左來咁耐,囡囡有冇望過你? 佢就end 左所有問題,安排下個月完健康院醫生。

作者: daibolam 時間: 15-6-12 08:05 標題: 回覆：見左醫生。懷疑中度至嚴重

我+老公同親囡囡玩都可以笑得好開心。好似普通小朋友咁追逐。一路玩不停笑。問醫生似唔似智障佢只係避左答我地。阿媽好早已經不停鬧我餵人奶餵到囡囡蠢。。。我阿媽阿哥好耐之前都話我細個醒過囡囡。我都覺得係比人蠢啲。但囡囡智障點接受?智障加自閉講緊大個連庇護工場都未必有能力。我地而家又無可能為慳錢齋等政府排隊治療。到我地老左無能力又唔知點算。我都係睇完rthk 節目先諗到咁長遠。

作者: llam1210 時間: 15-6-12 09:29 標題: 回覆：daibolam 的帖子

樓主，能來這一版的家長都曾有你相似的經驗。如醫生叫你排i位唔會因為排快些而係你女女能力唔係咁差。我也曾有你傷心失望。但有一個家長講得很對：評估那日就是你仔女最差的時間，他會越來越進步越來越好。我証實了這句話。不要要求她入名校，把自己的「線」變得實在，唔好同人比較，看到每一日的進步，一樣也有做母親的快樂。至於智能，就看你給他的input有多少。20個月不能看得出智力的差異。先唔好向差的方向想。等自己收拾心情後，就努力幫她吧！

作者: 聽雨聲 時間: 15-6-12 11:03

其實仲細仲有好多時間教好啲,我仔當時在尤德評估,醫生都話我仔係中度至嚴重之間呀,我都灰過,但用心訓練佢會一直有進步嘅。雖然未追到同齡,但佢見我哭識得講媽咪唔開心,xx(講佢名)都唔開心呀,個一刻更加喊到收唔到聲。佢會慢慢叻咖,加油呀!!

作者: Vichang 時間: 15-6-12 13:18 標題: 引用：見左醫生。+中度至嚴重。醫生強烈因年紀輕

原帖由 daibolam 於 15-06-12 發表
見左醫生。中度至嚴重。醫生強烈因年紀輕才俾機會落住“ 懷疑”。

我用左一個月去消化囡囡同其他小朋友 ...

而家最緊要排位，睇完覺得排S位好啲。我個仔讀緊s位，好多支援㗎！小朋友都會進步快d

作者: doraemon298 時間: 15-6-12 14:06

這位媽媽不必那樣灰, 一年前我仔評估要入s位, 各方面都是遲歲半, 那時才3歲, 去上了10月私人訓練言語, 感統, 現在差不多追到同齡, 只是理解能力稍弱, 當時也無助, 又要照顧剛出世bb, 真係人都傻, 屋企人也罵我, 仲細大下會無事, 無人傾訴, 到現在小兒4歲, 只是在正常幼稚園上學, 只是坐不定, 認知仲醒過同班同學, 多些不同地方, 坐巴士, 講下街景, 她會慢慢有成績, 不可望太好, 有進步已覺得開心, 現在我也不用排S位了, 精神醫院叫我排E位, 希望這位媽媽努力!!!!!

作者: lok1029 時間: 15-6-12 14:07

提示: 作者被禁止或刪除內容自動屏蔽

作者: daibolam 時間: 15-6-13 08:04 標題: 引用：樓主，能來這一版的家長都曾有你相似的經驗

原帖由 llam1210 於 15-06-12 發表
樓主，能來這一版的家長都曾有你相似的經驗。如醫生叫你排i位唔會因為排快些而係你女女能力唔係咁差。我也 ...

醫生無答係咪智障。我咪問佢可唔可以申請殘疾津貼。佢答擇界。。。要政府醫生批。雖然知道咁早無人可以肯定。但醫生經驗擇界即係智障擇界。。醫生同你一樣叫我唔好諗名校。 bb 出世我已經好開心佢正正常常,美醜智慧無要求過。。

作者: daibolam 時間: 15-6-13 08:08 標題: 引用：其實仲細仲有好多時間教好啲,我仔當時在尤

原帖由 聽雨聲 於 15-06-12 發表
其實仲細仲有好多時間教好啲,我仔當時在尤德評估,醫生都話我仔係中度至嚴重之間呀,我都灰過,但用心訓練佢會 ...

我好明你感受。我囡無同理心。完全無。佢餵我食野為左佢開心。有次佢餵我食到成口都係。我又飽又吞唔切。不停表情手勢身體語言說話扮喊拒絕。囡囡嗰種收起笑容,冷冷咁將所有碗內生果強迫塞入我個口。我個心實晒。老公都試過喊緊,囡囡迫佢玩。。
希望囡囡可以好似你個仔咁識明白人感受。

作者: daibolam 時間: 15-6-13 08:10 標題: 引用：Quote:原帖由+daibolam+於+15-06-12+發表見

原帖由 Vichang 於 15-06-12 發表
而家最緊要排位，睇完覺得排S位好啲。我個仔讀緊s位，好多支援㗎！小朋友都會進步快d

...

半年後再睇私家醫生。到時睇佢會唔會轉bb 去番s 位。而家煩i 位點選。最後選左屋企嗰區。。唔知好唔好好似普通人咁報幼稚園。。。

作者: daibolam 時間: 15-6-13 08:14 標題: 引用：這位媽媽不必那樣灰,+一年前我仔評估要入s

原帖由 doraemon298 於 15-06-12 發表
這位媽媽不必那樣灰, 一年前我仔評估要入s位, 各方面都是遲歲半, 那時才3歲, 去上了10月私人訓練言語, 感統 ...

而家真係希望囡囡可以好似你仔咁咋。當年你囝要派s 位嘅需要性應該因為連大小肌肉都慢。我囡要s 位應該係自閉程度加智障。。佢大小肌都合付年齡。

作者: babiyeung 時間: 15-6-13 09:34 標題: 回覆：daibolam 的帖子

我仔係整體發展遲緩，自閉，嚴重感統失調！
醫生話自閉雖然冇得醫，但唔會越嚟越嚴重，只會越嚟越好！家長嘅角色好重要，s位又好，早訓位或i位又好，最重要係家居訓練！
唔影響日常生活嘅唔好攪佢，影響嘅就搵方法幫佢！
嘅然唔可以改變，何不快快接受，搵方法去幫小朋友！三姑六婆家人講乜都唔洗理，放開啲，原諒佢哋嘅不理解！

作者: legolas625 時間: 15-6-13 10:01

其實20個月好細，唔識講，真係睇唔到佢識D咩。

如果真係智障，當然無辦法，但其實可能只係小朋友未發展到，潛能未出。樓主成日提住智障、智障、智障，唔好咁快自己標籤小朋友是智障，仗未打就先投降，如果家長投降，囡囡都會輸。所謂6歲先CHECK到智能是事實，人地判斷唔到咪咁講，真係唔駛放在心。

你而家可以做，就係搵專業人士、上訓練盡力去幫佢，你要有心理準備，唔係1、2個月就得，可能要以年計，一般小朋友可以在日常生活就吸收到認知，但佢地要用D特別的訓練方法先學到。我就捱左1年半，到而家我知仔不是智障。我回頭望，可能是因為我當初無咩教到佢，而佢又有發展障礙，所以搞到咩到唔識。

我仔一歲幾時被評懷疑中度自閉，評估時無望醫生一眼，咩都唔識，我擔心過是智障，到2歲多D再評是輕度自閉，因為評估不合作，俾人話過認知近乎BB，上堂教埋D BB野，而近2歲9個月，識望人打招呼，數字、英文字母、形狀、顏色都認到，講3詞句，雖然言語慢半年，但認知被評為不俗，小朋友的社交、溝通障礙，會影響能力表現，評估結果不同，會變化的，同埋你一直陪佢訓練，你會好知道佢識D咩、唔識咩，評估結果準唔準心理有數。

作者: DENNIS201 時間: 15-6-13 10:59

本帖最後由 DENNIS201 於 15-6-15 16:13 編輯

同意20個月仲係好細
我仔20個月時連咩係波都唔知佢識唔識
宜家train左4個月已經識講好多有意思既單字同做好多野
只係唔識溝通同多d古怪野
比多d時間小朋友一定有幫助

作者: pocoyo123 時間: 15-6-13 13:50

咁細係CHECK唔到智能, 最細都要有5歲以上先可確診, 之前, 醫生係睇小朋友和同歲的差距而評估跟住列為懷疑個案.

20個月好細, 仲有得追, 只要努力面對問題, 總有辨法

作者: daibolam 時間: 15-6-13 23:17 標題: 引用：我仔係整體發展遲緩，自閉，嚴重感統失調！

原帖由 babiyeung 於 15-06-13 發表
我仔係整體發展遲緩，自閉，嚴重感統失調！
醫生話自閉雖然冇得醫，但唔會越嚟越嚴重，只會越嚟越好！家長 ...

家居訓練如何開始?

作者: daibolam 時間: 15-6-13 23:23 標題: 引用：其實20個月好細，唔識講，真係睇唔到佢識D

原帖由 legolas625 於 15-06-13 發表
其實20個月好細，唔識講，真係睇唔到佢識D咩。

如果真係智障，當然無辦法，但其實可能只係小朋友未發展到 ...

我同先生一直花好多時間陪bb 。出世到而家未試過爸媽同時離開超過4個鐘。。
睇住佢由正常講野學野手指指。到退步到阿爸都唔識講。大人手指方向都睇唔到,只見到大人隻手。開口差dd 講“爸”但發唔到個音。個心好“up”。。。

作者: DearBabie 時間: 15-6-13 23:27

樓主，睇返你既情況，令我諗起我仔18至24個月時果段不知喊左幾多個夜晚既經歷，喺我囝歲半時，都因為唔望人，未能手指指，唔聽指令，唔望人指既方向等等自閉特徵，被健康院轉介左去cac,喺我仔20個月大既時候，去私人機構評左做輕度自閉，排i位。呢半年內帶仔去做訓練見過一d導師，都俾佢地話仔認知差理解差語言差又乜又剩，23個月大時竟被評各方面得一歲至歲三能力，仲被人暗示仔係智障。但我唔相信個結果，最了解個仔既始終係家長自己。有d導師經驗不足或不負責任既導師會武斷咁對小朋友作出評價，標簽甚至戴有色眼鏡去睇佢地。到左25個月大我帶仔去cac做評估，除語言外，各方面發展正常，醫生仲肯定我仔唔係自閉，話佢智力正常，i位e位都唔需要排，果刻我真係想喊出嚟。而家我小朋友除左講野差，望落同普通小朋友差別不大。你小朋友仲好細，好多野會有變數。

作者: legolas625 時間: 15-6-14 09:37

樓主，你囡太細，報下D個別PST堂，即特殊幼兒導師，約500元一堂，跟住一齊上，學下老師點教仔，問下意見，返屋企自己努力教。

仲有，自閉的通常係仔，如果囡有自閉問題，通常會比仔嚴重D，你真係要花心理準備要用多D時間教阿囡。

作者: daibolam 時間: 15-6-14 15:21 標題: 引用：樓主，睇返你既情況，令我諗起我仔18至24個

原帖由 DearBabie 於 15-06-13 發表
樓主，睇返你既情況，令我諗起我仔18至24個月時果段不知喊左幾多個夜晚既經歷，喺我囝歲半時，都因為唔望人 ...

而家嘅我就係以前嘅你。番番下工都會突然喊。雖然唔係專業人士。但長時間對住bb , 情況點真係幾清楚。就正因為明白情況,先更傷心

作者: daibolam 時間: 15-6-14 15:24 標題: 引用：樓主，你囡太細，報下D個別PST堂，即特殊幼

原帖由 legolas625 於 15-06-14 發表
樓主，你囡太細，報下D個別PST堂，即特殊幼兒導師，約500元一堂，跟住一齊上，學下老師點教仔，問下意見， ...

下星期約左幼兒導師。囡囡一般比較少。情況也較嚴重。而我肚入面嗰個都係囡。而家唔敢想像2 個都係自閉可以點照顧。單單點樣湊住個大再加個細已經好難頂。

作者: hamburgeer 時間: 15-6-15 15:35 標題: 引用：我+老公同親囡囡玩都可以笑得好開心。+好似

原帖由 daibolam 於 15-06-12 發表
我+老公同親囡囡玩都可以笑得好開心。好似普通小朋友咁追逐。一路玩不停笑。問醫生似唔似智障佢只係避左 ...

自閉不等同智障，唔好因個姑娘/醫生講既說話而影響你對小朋友既判斷，每個自閉症小朋友都有自己talent, 好多經過訓練長大後都同普通人無分別，好多成功個案，喺度留言都係同道中人，加油！
P.S. 建議你多參加講座，很有幫助的！

作者: hamburgeer 時間: 15-6-15 15:39 標題: 引用：Quote:原帖由+doraemon298+於+15-06-12+發

原帖由 daibolam 於 15-06-13 發表
而家真係希望囡囡可以好似你仔咁咋。當年你囝要派s 位嘅需要性應該因為連大小肌肉都慢。我囡要s 位應該係 ...

入S位唔等同智障，只是各方面需較多支援

作者: legolas625 時間: 15-6-15 16:44

入s位的小朋友各有原因，只係通常能力比較弱，我仔唔係智障，係語言弱，專注差，歲幾評了入s位，讀了半年就評可出主流。

你去上下講座，了解咩係自閉，再問下導師意見，你有身孕壓力真係好大，記住搵人幫手。

作者: daibolam 時間: 15-6-15 17:59 標題: 引用：Quote:原帖由+daibolam+於+15-06-12+發表我

原帖由 hamburgeer 於 15-06-15 發表
自閉不等同智障，唔好因個姑娘/醫生講既說話而影響你對小朋友既判斷，每個自閉症小朋友都有自己talent, 好 ...

我明自閉/s位不等於智障。但好難唔咁諗。我囡囡活動方面好正常, 只係醫生都話要s 位。。雖然呢度大部份分享媽媽都話自己仔囡智力正常。但數據指大部份係智障,而女仔一般比較嚴重。。我都安排緊治療俾囡囡。只係醫生姑娘都覺得唔可能入n 班, 而家又唔知報唔報k1,睇住佢又笑又玩又開朗咁。突然又轉又腳尖行反轉架車玩轆。。

作者: daibolam 時間: 15-6-15 18:01 標題: 引用：入s位的小朋友各有原因，只係通常能力比較

原帖由 legolas625 於 15-06-15 發表
入s位的小朋友各有原因，只係通常能力比較弱，我仔唔係智障，係語言弱，專注差，歲幾評了入s位，讀了半年就 ...

邊度搵講座聽呢? 協康好似最近都無。

作者: hamburgeer 時間: 15-6-15 18:07 標題: 引用：Quote:原帖由+hamburgeer+於+15-06-15+發表

原帖由 daibolam 於 15-06-15 發表
我明自閉/s位不等於智障。但好難唔咁諗。我囡囡活動方面好正常, 只係醫生都話要s 位。。雖然呢度大部份 ...

我身邊有活生生例子，小朋友被評估為嚴重自閉加智障入左s位，個媽媽無放棄，每日家居訓練，小朋友6歲時入左主流，成績中上，你要喊要怨呢個星期做晒佢，努力振作，聽你講，你囡並非你想像咁嚴重，只要你堅持努力，你囡會進步很快

作者: hamburgeer 時間: 15-6-15 18:08 標題: 引用：Quote:原帖由+legolas625+於+15-06-15+發表

原帖由 daibolam 於 15-06-15 發表
邊度搵講座聽呢? 協康好似最近都無。

上網search

作者: legolas625 時間: 15-6-15 19:47

見社工未? 問佢拿資料, 協康、耀能、心橋、楊震、Step、LINKS、努力試、建基、明愛.... 自己要努力搵下，好多機構都有。

就算統計上比例好似好多智障，我覺得現實中唔係，諗黎真係無用，人地還人地，自己還自己。

幾手準備啦，而家先6月，絕大部分都未開始報K班，係咪

作者: daibolam 時間: 15-6-15 23:23 標題: 引用：Quote:原帖由+daibolam+於+15-06-15+發表我

原帖由 hamburgeer 於 15-06-15 發表
我身邊有活生生例子，小朋友被評估為嚴重自閉加智障入左s位，個媽媽無放棄，每日家居訓練，小朋友6歲時入左 ...

由最初健康院姑娘話要覆診開始發現越來越差。之後開始自己訓練眼神 (呢度媽媽教)。加成日帶佢公園。而家一個月已經有改善。呢兩日自己玩玩下會望下我添。開始正式上左一堂職業治療。雖然感覺都唔知做緊乜,但明白如果單靠上堂就死得。時間太短!

作者: leungsiufan 時間: 15-6-16 07:37 標題: 回覆：見左醫生。懷疑中度至嚴重

放心啦，情況會愈來愈好架，我囝都系排 s位，而家28個月，呢個月開始跟人講野，佢上午上training下午返n班，如果有主流學校收就比佢讀下，可以同啲普通小朋友挽下

作者: daibolam 時間: 15-6-18 03:48 標題: 引用：見社工未?+問佢拿資料,+協康、耀能、心橋、

原帖由 legolas625 於 15-06-15 發表
見社工未? 問佢拿資料, 協康、耀能、心橋、楊震、Step、LINKS、努力試、建基、明愛.... 自己要努力搵下，好 ...

我都唔敢面對interview。。

作者: daibolam 時間: 15-6-18 03:52 標題: 引用：放心啦，情況會愈來愈好架，我囝都系排+s位

原帖由 leungsiufan 於 15-06-16 發表
放心啦，情況會愈來愈好架，我囝都系排 s位，而家28個月，呢個月開始跟人講野，佢上午上training下午返n班 ...

上午training 下午n 班咁點去公園玩?
我囡好討厭唔識嘅人靠近。特別係小朋友。如果公園無人會玩得開心好多。多幾個小朋友來,佢就要走。
我地為左囡囡玩得開心啲,表情動作聲線都好浮誇,囡囡都好開心,但同時成日吸引其他小朋友想同我地玩。。小朋友一同我囡有接觸,囡囡情緒立即轉壞。。

作者: daibolam 時間: 15-6-18 05:09 標題: 回覆：見左醫生。懷疑中度至嚴重

今日囡囡有講野。講左一兩個字。雖然發音比半年前差,但好開心。開始跟少少指令。。叫佢俾野爸爸佢會俾爸爸,而唔係塞俾我。又開始有眼神接觸。都唔知係因為公園玩定係戒口定係上左兩堂訓練定咩原因。
做左biotek份報告,乜都敏感,痴晒線, 豬牛羊雞魚都中至高度。小麥蛋奶又有。橙檸檬西柚。薑蕃茄都中度。 4000幾蚊份報告咁。問左個相熟兒科專科,我同佢講份報告係驗igA 同igG。醫生答佢一般驗igE。再睇報告細字。。未通過美國fda 認証。。。相熟兒科再講,你好快會被介紹重金屬排毒之類,但佢唔buy 呢套。。
其實真係好矛盾。有啲野量度唔到,成效成疑。普通媽媽都食supplements during pregnancy 希望bb 出世聰明啲。我地呢班咁無助的媽媽都唔知係被昆定買希望。明知自己好白痴,但真係幫bb 戒口中。

作者: DENNIS201 時間: 15-6-18 06:57

回覆 daibolam 的帖子

好少見咁多食物敏感...有咩係無敏感的?

作者: daibolam 時間: 15-6-18 08:38 標題: 引用：回覆+daibolam+的帖子好少見咁多食物敏感

原帖由 DENNIS201 於 15-06-18 發表
回覆 daibolam 的帖子

好少見咁多食物敏感...有咩係無敏感的?

4級或以上34種。 3級有14種。我無見過其他人的報告。無從比較。你有幾多種?

作者: DENNIS201 時間: 15-6-18 09:28 標題: 回覆：daibolam 的帖子

我個post有報告，第6頁

作者: daibolam 時間: 15-6-18 15:04 標題: 引用：我個post有報告，第6頁 +

原帖由 DENNIS201 於 15-06-18 發表
我個post有報告，第6頁

對蛋+奶咋? 我妹因為暗瘡問題都驗過。比囡囡輕微。蛋奶小麥都過敏。

作者: DENNIS201 時間: 15-6-18 18:48

回覆 daibolam 的帖子

其實你女對咁多野敏感
可能戒足晒就會有巨大進步呢！

作者: free_style 時間: 15-6-21 00:56

回覆 DENNIS201 的帖子

同意同意.....

作者: free_style 時間: 15-6-21 01:04

為了令你女可以生活到又有進步，我建議保留豬，以方便開菜單，其他雞牛等可免則免。蛋奶小麥就唔駛諗，必戒。其他生果菜蔬類，你每種挑一至兩樣唔係最高的，作保留。要擬定一份清單，易記易做的。

我地唔係要絕對完美，最重要係有成效，只要戒三寶，再加其他致敏的種類銳減，基本上應該會見成效。不過，未必啱聽都要講的是，不可忽略食 supplement 的效用，試過你會感受到那種分別。

至於你相熟的兒科勁唔BUY呢套，好正常，唔識咪唔BUY囉。若果佢有個仔係自傾，感覺前路茫茫，而有個方法唔少人試過都 WORK，你試唔試丫。針唔拮到肉就唔知痛，若果三十年後，呢個方法真係被證實有用，咁你點算？點追？　今日話唔ＢＵＹ的人會否賠償你損失的時間、機會及仔女的情況？人地講一句「唔掂」，幾咁易，無成本的。我地錯失了治療的黃金機會，仔女影響是一世的。總體來說，只要機會成本諗得掂，值搏率夠高，我一定會試囉。咁當然，利益申報的是，我兩個仔女都戒口的..........

作者: lulumelody 時間: 15-6-21 05:19 標題: 回覆：見左醫生。懷疑中度至嚴重

等於有絕症，西醫話無得醫，但有另類治療，有人試過可以醫到，咁人試唔試？？

其實上綱話，如果你驗食物敏感和重金屬有事，返而你要開心，因為你已知問題所在，你已找到方向如何幫助你小朋友。努力!

作者: EEFF 時間: 15-6-21 16:10 標題: 引用：今日囡囡有講野。+講左一兩個字。+雖然發音

原帖由 daibolam 於 15-06-18 發表
今日囡囡有講野。講左一兩個字。雖然發音比半年前差,但好開心。開始跟少少指令。。叫佢俾野爸爸佢會俾 ...

咁多野要介, 基於營養問題, 我諗揾個生物療法嘅醫生跟會比較好, 起碼知道有乜維他命要補充返

作者: leungsiufan 時間: 15-6-25 13:55 標題: 引用：Quote:原帖由+leungsiufan+於+15-06-16+發

原帖由 daibolam 於 15-06-18 發表
上午training 下午n 班咁點去公園玩?
我囡好討厭唔識嘅人靠近。特別係小朋友。如果公園無人會玩得開心好 ...

我囝日日放學都系公園挽一個鐘，而且星期六日全日都會帶佢去挽，佢挽嘅時間好足夠

作者: babiyeung 時間: 15-7-5 14:55 標題: 回覆：daibolam 的帖子

其實都係同小朋友一齊去做治療，從中學習技巧，返屋企做，唔好睇少呢一樣，真係好重要！

作者: daibolam 時間: 15-7-5 22:54 標題: 回覆：見左醫生。懷疑中度至嚴重

自從開始用刷刷身。突然“醒目”左。而家努力帶囡囡去公園玩。一日一兩次。上緊幼兒導師同職業治療,感覺係不停玩玩具。囡囡好抗拒

作者: taidou 時間: 15-7-22 23:59

daibolam 發表於 15-7-5 22:54
自從開始用刷刷身。突然“醒目”左。而家努力帶囡囡去公園玩。一日一兩次。上緊幼兒導師同職業治療,感覺 ...

Hi, 我又分享下，我個女3歲5個月大，啱啱完左PN,八月開學返K1。今日我地啱啱去完CAC覆診，第一次見醫生係9個月前，今日係第二次見面。
個女二歲半時，情緒不穩最嚴重，我到臨床心理學家處做評估，結論係有自閉特徵。然後轉介去CAC, 今日第二次見醫生，佢寫信轉介到兒童精神科作進一步評估，因為佢覺得我個女情況較含糊，佢未能非常確定這究竟屬於自閉、社交焦慮還是社交障礙。但佢認為中自閉機會較大。

基本上佢對住d令佢覺得舒服的人，我個女好開朗，玩的時候個個都覺得佢好friendly。但佢有著好多執著到離奇的情況。例如出世到而家都冇咩試過水果，果汁唔飲，二歲半前連雪糕、糖、朱古力都唔肯試。經過我不停咁引導，近半年開始試，最近還愛上了雪糕。爸爸唔可以除眼鏡，除左就會不安咁喊晒。
對人的形態都好敏感，肥d大份d佢就好抗拒，有段時間好抗拒男人，祇要係十五六歲以上的男人，佢通通都唔想接觸。

到而家佢都只係飲四種飲品，水、奶、朱古力奶及忌廉。

對陌生人反應過大，非常不安。d interview當然非常差，佢真情唔望人，淨係要我抱實。

記性非常好，理解能力高但語言發展遲，近三歲先開始叫做表達到。最近兩三個月特飛猛進，三歲前都唔係好講野，最近好好多。二歲先叫我媽咪，之前一直叫我daddy，係固意的，對第三者講，佢叫我媽咪的。
[color=rgba(0, 0, 0, 0.701961)]

[color=rgba(0, 0, 0, 0.701961)]樓主，我今日聽到醫生咁講的時候，並無意外，事實上我心𥚃有數。我最沮喪就係個女二歲半時去做第一次評估時，因為當時佢語言唔出，加上其他情緒不穩，非常固執的行為，我真係非常擔心。臨床心理學家的評估報告亦有俾我排S位，不過我無排，我排緊E位，因為想快d排到。
[color=rgba(0, 0, 0, 0.701961)]

[color=rgba(0, 0, 0, 0.701961)]這一年來，佢上PN, 返左學之後，改變左好多。當然我亦死左唔少細胞流過唔少眼淚去教佢，最無助的時候我決定生多一個去陪佢成長，因為真係諗唔到有咩更好的辦法，細佬下個月出世啦。

[color=rgba(0, 0, 0, 0.701961)]雖然今日CAC仍然懷疑佢係自閉，但我對亞女有信心，衹要有愛同耐心，佢一定會進步。佢而家講野雖然未係好叻，但已經好左好多。佢三歲前唔係咁肯講野，但今日語言評估結果佢只係delay左5個月。

[color=rgba(0, 0, 0, 0.701961)]加油呀，你係對佢最有影響力的人。共勉之！

[color=rgba(0, 0, 0, 0.701961)]

[color=rgba(0, 0, 0, 0.701961)]

[color=rgba(0, 0, 0, 0.701961)]

[color=rgba(0, 0, 0, 0.701961)]

作者: Taimei 時間: 15-7-23 20:27 標題: 回覆：見左醫生。懷疑中度至嚴重

我仔仔都响協康做咗評估，中度....
醫生建議排特殊教育，是否你們講的S位？現一星期針灸2次，語言認知約歲半，將開始言語治療，報了伴我童行。
佢言語只能有限單及雙字，其他全部BB話，重覆開關門，上落床。希望佢做訓練會好.....

作者: daibolam 時間: 15-7-25 17:48 標題: 引用：Quote:daibolam+發表於+15-7-5+22:54+自從

原帖由 taidou 於 15-07-22 發表
Hi, 我又分享下，我個女3歲5個月大，啱啱完左PN,八月開學返K1。今日我地啱啱去完CAC覆診，第一次見醫生係9 ...

我同你預產期差唔多。醫生下應該下個月尾生得。阿囡22 個都無乜單字。僅有幾個又會唔記得。而家都好苦惱。唔知未來幾十年點過。只希望下一個寶寶無事

作者: daibolam 時間: 15-7-25 19:42 標題: 引用：我仔仔都响協康做咗評估，中度.... 醫生建

原帖由 Taimei 於 15-07-23 發表
我仔仔都响協康做咗評估，中度....
醫生建議排特殊教育，是否你們講的S位？現一星期針灸2次，語言認知約歲 ...

你囝幾大呀? 我而家都擔心。醫生叫我排i 位。但又評估為中度室嚴重。職業治療師都覺得s位較合適。幼兒導師如非派位都入唔到普通幼稚園。。

歡迎光臨教育王國 (/)