教育王國

標題: 讀唔讀N班好 [打印本頁]

作者: Glory88 時間: 15-6-12 06:52 標題: 讀唔讀N班好

我仔上月評估為自閉譜系障礙，整體發展遲緩約1歲左右，依家21個月仍未識講嘢，叫佢會望人，唔鍾意識擰頭，容易發脾氣，好固執，明白大人講野，例如叫佢掉垃圾都肯掉，話瞓覺識走上床等等，依家响Step上緊一星期一堂個別訓練，每堂上完都有d進步。
屋企附近間私校收了他下午班，都唔知讀唔讀好，始終各方面都比慢。

作者: legolas625 時間: 15-6-12 07:39

梗係讀啦，慢就更加要試下，n班小朋友發脾氣，老師會包容d，唔得再諗辦法

作者: doraemon298 時間: 15-6-12 14:11

更係要讀啦, 比去多點社交和小朋友相處, 群體生活, 自然小朋友會開心和進步

作者: cat1028 時間: 15-6-12 17:20

讀，下午班，人少d, 咪當學自理同相處。有學習對象，可能進步會快d.

作者: Glory88 時間: 15-6-12 18:17 標題: 回覆：讀唔讀N班好

多謝大家意見，下星期去交註冊費。
打算開學後，上午繼續返個別訓練及職業治療，下午返N

作者: lambk 時間: 15-6-12 18:56 標題: 回覆：Glory88 的帖子

👍

作者: daibolam 時間: 15-6-13 22:27 標題: 引用：我仔上月評估為自閉譜系障礙，整體發展遲緩

原帖由 Glory88 於 15-06-12 發表
我仔上月評估為自閉譜系障礙，整體發展遲緩約1歲左右，依家21個月仍未識講嘢，叫佢會望人，唔鍾意識擰頭， ...

我同你一樣。 21 個月大。不過醫生同姑娘都建議唔番n 班。而家苦惱k1 報唔報

作者: Glory88 時間: 15-6-13 22:54 標題: 回覆：讀唔讀N班好

我都考慮咗陣，試下返N，唔試過又唔知佢能力得唔得呢？
自從上咗個別訓練後，同平時放工後多同佢做練習，呢幾個星期有明顯進步。雖則我都擔心佢跟唔到，但都想比佢一試，加強社交及群体學習，返學後睇情況再作打算。

作者: ct926 時間: 15-6-14 16:10 標題: 回覆：Glory88 的帖子

我仔2歲多是懷疑自閉，主要是言語遲緩。當時返n班希望有改善。但返了一年言語仍大遲緩，回想起來應該當時先返密集班，到進步了一定程度，才返n或直接上k1。反正n班可插班。一班20多個小孩老師很難注意每個小孩。如果固執或不合群，老師都可能會俾說話家長聽。但有家長就上午n班，下午密集。小孩就較辛苦。你不如問下srep的導師意見啦

作者: fishinlove 時間: 15-6-14 18:02

Ot都叫比小朋友試下返n,因為同正常小朋友一齊學習，其實佢都會帶來好多新刺激幫助成長的，佢話一試無防，我現在為開學做準備，一星期上五日playgroup和兩日單對單訓練，希望佢開學狀態會好些，不過老實講，上得咁密我真係累到爆燈，因為訓練地點都較遠，但見小朋友呢幾個月能力突飛猛進左好多，辛苦得來都覺得值得

作者: ponpons 時間: 15-6-15 00:59

提示: 作者被禁止或刪除內容自動屏蔽

作者: hamburgeer 時間: 15-6-15 15:20 標題: 引用：我仔2歲多是懷疑自閉，主要是言語遲緩。當

原帖由 ct926 於 15-06-14 發表
我仔2歲多是懷疑自閉，主要是言語遲緩。當時返n班希望有改善。但返了一年言語仍大遲緩，回想起來應該當時先 ...

Agreed!

作者: Lingyau1221 時間: 15-6-30 21:37 標題: 引用：我仔上月評估為自閉譜系障礙，整體發展遲緩

原帖由 Glory88 於 15-06-12 發表
我仔上月評估為自閉譜系障礙，整體發展遲緩約1歲左右，依家21個月仍未識講嘢，叫佢會望人，唔鍾意識擰頭， ...

請問step邊位幼兒導師？

作者: Glory88 時間: 15-6-30 22:53 標題: 回覆：Lingyau1221 的帖子

油麻地周姑娘

作者: DENNIS201 時間: 15-6-30 23:13

小朋友未識講嘢
開左聲未?例如會唔會對住個「波」會講「波」?

作者: Glory88 時間: 15-6-30 23:22 標題: 回覆：DENNIS201 的帖子

仲未識講，淨係想食星星餅時望住D餅講“餅餅”，成日發脾氣，又唔願自己行路，好難搞，真係要放好多心機教返佢

作者: DENNIS201 時間: 15-6-30 23:34

回覆 Glory88 的帖子

我個仔20個月時又係唔識講
宜家2歲好多單字
不過亦好多BB話同脾氣其差

歡迎光臨教育王國 (/)