教育王國
標題: 6年級期終試 [打印本頁]
作者: laumaymay 時間: 15-6-11 22:14 標題: 6年級期終試
已呈哂分,6年班期終試還重要嗎? 考試其間,亞囡發燒,冇考其中一科,巳沒有補考及名次,對用作叩門是否有影響?
作者: Marians 時間: 15-6-11 22:34
你最清楚, 如果小朋友已經3次呈分都有好成績, 最後大考有咩所謂, 但係如果你好似我諗住要叩門就慘d, 我個仔今次中英文分都俾3次呈分高, 我心諗好呀,發奮, 叩門有望, 起馬都好睇d, 點知佢數學失手, 是最低的一次, 唉, 什麼都玩完
作者: miriam 時間: 15-6-12 00:17
laumaymay 發表於 15-6-11 22:14 
已呈哂分,6年班期終試還重要嗎? 考試其間,亞囡發燒,冇考其中一科,巳沒有補考及名次,對用作叩門是否有 ...
之前呈分試 ok 我覺得問題應該不大.
雖然無考其中一科, 另外三科主科成績都 keep 到同三次呈分試差唔多, 相信中學都會估計到無考個科應該無太大起跌.
最好就係問下學校可唔可以出證明係因為病左而缺考一科, 到叩門時有證明點解會少左科成績.
作者: pcy307 時間: 15-6-13 07:47 標題: 回覆:6年級期終試
基本上真係唔重要,用來幫助叩門的實際用處遠比家長想像中低。叩門學位極少,中學選學生係要成績穩定地優異,而唔係靠一兩次突出,再者,一做叩門卷,係龍係蛇即現形。
我阿仔今次考試,連手機都無收,打機多過温習,不過他説除視藝外考得不錯喎。

作者: sako 時間: 15-6-14 04:15
我女相反對期終試好有把握,日日溫書做練習,話要爭取好成績去叩協恩
我5理解點解又轉左軑,少女心事有誰明?
不過我今次冇潑冷水,只係話,如果你考到全級頭3名,我一定同你去叩
作者: ydoris 時間: 15-6-15 08:46
就算對升中有無用,我都教阿囡全力以付.要有持續性,在壓力少左時應該考得更容易.=,不可因為呈分好而吾俾心機去考.
佢有個同學,直資名校已收,真係好HEA..
作者: 王家爸爸 時間: 15-6-15 15:16
雖然唔係呈分試,對升中無嘜太大影響,但係對小朋友既學習態度可以有影響,所以都要做到最好。
作者: ydoris 時間: 15-6-15 15:39
回覆 王家爸爸 的帖子
考試真係好神奇...我覺對應付壓力有幫助..例子:阿囡今次數學考試,佢話比呈三少左一半,有6版紙.咁我阿囡話有時間可以覆卷,仲無聊到抄晒D答案落堂同人對..但同班有個男同學,欠1題未做完,咸住咁吾交俾老師,做埋佢,老師一味話做左都吾計分...另一班有人吾合格要補考...點解會有咁既情況出現???我吾係好明,個個都話畢業試無補考...有人話吾合格吾畢到業....
作者: miriam 時間: 15-6-15 23:24
ydoris 發表於 15-6-15 15:39 
回覆 王家爸爸 的帖子
考試真係好神奇...我覺對應付壓力有幫助..例子:阿囡今次數學考試,佢話比呈三少左一 ...
我囡畢業試數學科好快手做完, 仲 check 多次卷, 之前三次呈分試都只係岩岩好夠時間做, 可能今次壓力細左無咁緊張掛.
作者: SIYip 時間: 15-6-16 18:29
回覆 ydoris 的帖子
每間學校唔同。我仔學校除了呈分,所有考試主科fail 都要補考,係考同一份卷。我想,目的是希望學生掌握所學的知識。補考成績是不會在成績表顯示。
作者: ydoris 時間: 15-6-17 08:25
阿囡好吾開心,佢話考完試就即刻考TSA,無左個PE堂...返學好悶..
歡迎光臨 教育王國 (/) |
Powered by Discuz! X1.5 |