教育王國

標題: 哥哥妹妹同校會否被比較? [打印本頁]

作者: @[email protected] 時間: 15-6-11 14:02 標題: 哥哥妹妹同校會否被比較?

兩者性格不同哥哥學校排中上唔知妹妹好唔好同哥哥同一間學校好
雖然哥哥幼稚園時都好豬但聰明, 細仔
唔知阿妹係咪仲細, 好似仲豬個以前哥哥咁, 大女 ,亦好依賴,唔願温書..
分定唔分小學好?

作者: Jane1983 時間: 15-6-11 14:25

如果係津校，細妹有直入。直私亦有少少加分。

分開學校，其實在接送照顧、假期、考試等安排，是幾麻煩的。同埋讀同一間學校，亦可以互相照應，吾一定係壞事。不過，如果差好遠，未讀已覺得會出問題，屋企有資源，就分開讀為上。

作者: 仔仔錫錫你 時間: 15-6-11 15:02

如果覺得妹妹豬就更加應該同校，有哥哥睇住，無論校內適應 or 功課都會幫到好多。

作者: marcuscyrus 時間: 15-6-11 15:09 標題: 引用：如果覺得妹妹豬就更加應該同校，有哥哥睇住

原帖由 仔仔錫錫你 於 15-06-11 發表
如果覺得妹妹豬就更加應該同校，有哥哥睇住，無論校內適應 or 功課都會幫到好多。 ...

同意，我個細的都懞，同一間細佬自己都安心啲

作者: 小曳人 時間: 15-6-11 15:22

比較呢樣嘢，去到邊都有，無得避，只有要對
試下發掘孩子唔同嘅長處，建立自信心

(我努力緊~)

作者: little_yolky 時間: 15-6-11 17:25

@[email protected] 發表於 15-6-11 14:02
兩者性格不同哥哥學校排中上唔知妹妹好唔好同哥哥同一間學校好
雖然哥哥幼稚園時都好豬但聰明, 細仔
唔 ...

情況完完全全一樣, 只係家姐豬阿妹醒。不過我已成功將阿妹塞入同校。有家姐睇住, 大個仲有共同回憶, 同埋預旅行時間都方便好多, 考試早放又一齊, 如果唔係, 一個早一個遲, 有工人都接唔到架。另外, 除非你假期多, 唔係家長日又要請兩次, 仲有乜乜日同物物日, 一年大假咁就無晒

再加上, 如果阿哥間學校OK, 咁直入唔好咩, 又玩多次升小一? 你唔通好enjoy咩? 咪玩啦。

作者: stepyau 時間: 15-6-11 22:24 標題: 回覆：哥哥妹妹同校會否被比較?

小學無所謂，最緊要有照應，但中學就看他們的意願了。我家姐高我五年班，我中一佢中六兼係學生會會長，之後入了大學，可是直到我中七離開學校，每年總有老師問：「家姐點啊？」、「佢咪邊邊個的妹妹囉」。。。當時我其實有少少介意架。

作者: Isaacmommy 時間: 15-6-12 00:27 標題: 引用：兩者性格不同+哥哥學校排中上+唔知妹妹好唔

原帖由 @[email protected] 於 15-06-11 發表
兩者性格不同哥哥學校排中上唔知妹妹好唔好同哥哥同一間學校好
雖然哥哥幼稚園時都好豬但聰明, 細仔
唔 ...

唔同級無咩好比，如要比去到邊都可以比。哥哥醒妹妹豬就更加要同校。哥哥的測驗卷可比妹妹，什麼 project 点做可有得參考。媽媽亦已了解學校課程，阿哥做過的練習再 dup 一套就得。比我都想有個勁的哥哥同校可比 notes 同舊卷我啦！樓主唔好自找麻煩，除非覺得妹妹会讀唔上哥哥的學校。

作者: aptcan 時間: 15-6-12 10:43

回覆 @[email protected] 的帖子

我兩個都係同校, 哥哥精英班, 妹妹唔係, 但起碼我對學校熟識, 知道課程如何, 測考形式如何, 對妹妹係有幫助, 只是妹妹悟性低啲, 所以尚在努力中, 同校好處時間一樣, 安排補習, 活動都方便, 至於比較問題, 他們一般同自己班同學比較多, 當然有時哥哥都會用自己成績同個妹比較, 但我們大人要糾正, 另同校也可有共同話題, 有時佢兩個都會講吓老師壞話, 他們也會各自向我報告(互篤)對方係學校的情況, 可讓你了解他們多啲!

作者: alhy.love 時間: 15-6-12 15:47 標題: 回覆：哥哥妹妹同校會否被比較?

我當初都煩依個問題，但最後考慮到如果倆兄妹分開讀，怕時間安排亂哂龍，同埋妹妹又好想跟哥哥，依家佢地倆兄妹返學放學一齊後，佢地經常講學校所發生事情，有共同話題，感情更勝從前

作者: littlelamlam 時間: 15-6-13 13:04 標題: 回覆：哥哥妹妹同校會否被比較

我就係哥哥猪妹妹醒讀同一間小學, 因為學校好好同埋我接送方便, 佢地有共同話題(好似咩老師教過佢地), 亞哥D卷又可以比妹做, 不過亞哥明顯無亞妹叻同乖, 希望老師吾好比較就ok

作者: YuYuMother 時間: 15-6-13 13:50 標題: 回覆：哥哥妹妹同校會否被比較

你覺得比較係邊方面? 老師? 家長? 定小朋友自己?

我對仔女係同一間小學讀，其實兩姊弟不論性格讀書能力都唔同，我地兩公婆無去比較，知道老師都盡量無。因為老師好熟悉家姐，所以有時會提起家姐，但都會提醒細佬唔駛同家姐比。

不過我知道細佬本身好大壓力，因為家姐讀書成績好，成日攞獎，樣樣有份人人識嗰種。最初入讀有老師或師兄姐會話，哦…你係xx個細佬。其實人地無意，但聽得多佢就有壓力。佢覺得點做都無家姐咁好，我地要由細到大提佢每人能力唔同，佢亦有自己叻既地方。慢慢大左明白左就無野囉，要一路tune住。

到家姐畢左業又好好多既……細佬今年5年級，家長日老師傾開揀學校都順口問下家姐讀成點，跟手又提細佬唔好同家姐比較。哈~~

我個case就特殊少少，正常同校問題不大既，同一間學校又方便照顧，整體好處多過壞處。

作者: Yanamami 時間: 15-6-13 14:57

本帖最後由 Yanamami 於 15-6-13 15:02 編輯

兄弟姊妺同校唔係好普遍嗎？尤是津校更甚~家長好多為帶挈弟妺，都極希望兄姊抽到好津小，怎么而家又担心兄弟姊妺同校会有比較呢？其实两个性格能力嗜好完全唔同既例子多的是，十隻手指有長短，每个孩子都有長处，多發掘佢既亮点，佢有自信心亦明白每人都係独特既，就唔怕比較~

作者: hinhei 時間: 15-6-14 01:48 標題: 回覆：哥哥妹妹同校會否被比較

我兩兄弟同小學，我覺得學校有比較，有影響。

最後妹妹硬住頭皮再抽過。妹妹好開心，係學校建立咗自己的東西！

分開只見一樣唔好嘢，就係成日鬥自己間學校好啲！

大叻曳
二普通
妹叻

作者: kenwong888 時間: 15-6-14 23:16

little_yolky 發表於 15-6-11 17:25
情況完完全全一樣, 只係家姐豬阿妹醒。不過我已成功將阿妹塞入同校。有家姐睇住, 大個仲有共同回憶, 同埋預 ...

Exactly true!

作者: anixon 時間: 15-6-15 17:49

同一間好d, 父母熟習了學校的教學模式, 較容易協助妹妹~

作者: wister 時間: 15-6-17 00:15 標題: 回覆：@[email protected] 的帖子

很難不被人比較，但在同一學校唸書相對較易照顧

作者: Gabrielma 時間: 15-6-18 13:59

我大仔細女同一間小學, 初小發現有老師無意中比較佢地成績 (因為係同一個老師做班主任), 可能女仔敏感d, 阿女開始介意.

但係天份係阿哥讀書易上手同較主動, 而妹妹係慢熱同心散d, 但我也發現妹妹的體育. 視藝都好過哥哥, 所以我鼓勵妹妹參加校隊比賽, 建立妹妹的自信心, 強調各人有不同的強項, 所以妹妹可以係小學有自己的定位 (不會長期在哥哥的光環下成長). 雖然成績一直都冇哥哥咁好, 但都KEEP 住BAND ONE, 而家佢都好有自信話我同哥哥係各有千秋, 唔駛比較!

我覺得小朋友如果對自己無信心會有深遠影響, 雖然同校不能避免(也不需要避開), 但家長也要多留意仔女心態, 及早作出引導!

作者: @[email protected] 時間: 15-6-19 07:48

回覆 Gabrielma 的帖子

3q阿女情況一樣體藝好
其實兩個經歷幼稚園情況一樣信心大受打激因為o的小朋友真係好o力佢又係細仔
阿仔係上咗小學情況好啲可能大細仔上到小學差距小o左
其實都好開心小學比佢有番自信有地方比佢發揮
好矛盾又怕阿妹入去變相變咗同阿哥比

歡迎光臨教育王國 (/)