教育王國

標題: 請教各位家長，聖彼得 VS 蘇浙小學 [打印本頁]

作者: wonghau 時間: 15-6-10 15:30 標題: 請教各位家長，聖彼得 VS 蘇浙小學

大家好，我個仔將升K2，現讀蘇浙小學幼稚園。雖然仲有一段長時間先需要揀小學，但係睇到剛過去嘅派位實在好緊張，所以想做吓research，至少了解吓而家嘅學校。

本人係聖彼得舊生，但無信教，即只有20分。據了解，20分只係入場卷，唔一定可以係自行收生被取錄。而仔仔係蘇浙小學幼稚園讀，所以我哋都會報蘇小。

請問各位家長對聖彼得同蘇小有咩睇法，好彩的話聖彼得於自行收生中咗，我係咪應該揀聖彼得呢? 以前我讀嘅時候聖彼得已經係一間好好嘅學校，而家我通常只係聽到人哋話佢派中學派得好。另一方面，我聽其他同學媽咪講，蘇小都好好，所以真係需要深思熟慮比較兩間學校嘅優點/缺點。

希望大家對呢兩間學校有咩意見可以傾吓，謝謝!

歡迎光臨教育王國 (/)