教育王國
標題: 歡迎大埔家長一同分享。 [打印本頁]
作者: mandyfung 時間: 15-6-10 15:15 標題: 歡迎大埔家長一同分享。
首先請各位不要在此邀請、宣傳任何親子王國以外之通訊群組，以免被關閉，多謝合作！
歡迎大家一同分享在照顧上、學習上、訓練上、選學上的各種問題，好讓大家能夠有多一點資訊，也可以互相支持。
作者: mandyfung 時間: 15-6-10 15:19 標題: 回覆：mandyfung 的帖子
請問有無小朋友讀緊主流幼稚園，而選擇讀多一年才升小學？想問下覺得這個安排對小朋友有多少幫助？幫助在於那一方面？有無什麼不好問題出現？謝謝分享？
作者: CATsMOM 時間: 15-6-11 20:08 標題: 回覆：歡迎大埔家長一同分享。
你好，我的兒子剛確定是ASD，他今年9月才讀k1，希望可以有同路人互相支持交流。
作者: mandyfung 時間: 15-6-11 20:42
CATsMOM 你好，我讀緊k2，想比他在K3時重讀一年，等他大個D，希望社交能力會好D。
作者: EEFF 時間: 15-6-11 22:50 標題: 引用：你好，我的兒子剛確定是ASD，他今年9月才讀
原帖由 CATsMOM 於 15-06-11 發表
你好，我的兒子剛確定是ASD，他今年9月才讀k1，希望可以有同路人互相支持交流。
...
作者: catfarm 時間: 15-6-11 23:22
我那間不包容,表面包容!
作者: CATsMOM 時間: 15-6-12 00:13 標題: 回覆：EEFF 的帖子
我仔未讀所以唔知，不過面試時個老師好識同我仔溝通，所以面試得最好，但結果無收，係後來註冊日打去問仲有無位先收咗下午班。我仔將會讀禮賢會，遲d就快開學時會同老師交代一下阿仔情況。
作者: EEFF 時間: 15-6-15 16:47 標題: 引用：我那間不包容,表面包容!+
原帖由 catfarm 於 15-06-11 發表
我那間不包容,表面包容!
作者: HINandCHING 時間: 15-6-17 07:49
大家好，我小朋友有ASD，將會9月返K1，我都考慮過會否讀多一年K3，但佢係大仔，若選讀多一年再報小學就超齡，好頭痛😞
作者: EEFF 時間: 15-6-17 13:52 標題: 引用：大家好，我小朋友有ASD，將會9月返K1，我都
原帖由 HINandCHING 於 15-06-17 發表
大家好，我小朋友有ASD，將會9月返K1，我都考慮過會否讀多一年K3，但佢係大仔，若選讀多一年再報小學就超齡 ...
作者: PEmama 時間: 15-6-17 15:12 標題: 回覆：歡迎大埔家長一同分享。
我個小朋友9月返k1,i位，之前返n班，間幼稚園好支援。
作者: PEmama 時間: 15-6-17 15:13 標題: 引用：CATsMOM+你好，我讀緊k2，想比他在K3時重讀
原帖由 mandyfung 於 15-06-11 發表
CATsMOM 你好，我讀緊k2，想比他在K3時重讀一年，等他大個D，希望社交能力會好D。 ...
1. 如果5歲去CAC評估，建議重讀K3,學券可以增加多一年。
2. 小一派位大抽獎，滿5歲8個月至7歲有適齡分10分，原先教育局代表係咁講。協康代表話好似7歲11個月都計7歲，咁教育局代表就話好似係得，叫家長打電話去教育局特殊教育小組問清楚。
作者: mandyfung 時間: 15-6-18 00:14 標題: 回覆：HINandCHING 的帖子
HINandCHING
我見其他家長分享話，如果小朋友真係未準備好上小學，重讀一年好過上到小學後悔，幼稚園老師同小學老師相比，幼稚園老師比較有耐性同包容。另外又提到，適齡10分只是在首輪自選時才有用，第二輪大抽獎是不計分的，要在首輪入到機會好細，而抽獎又不計分，所以不用太過介懷適齡果10分。
如果重讀，我個人覺得K1，K2時重讀，小朋友好似易接受D，到K3才重讀，見住不一同學升小學可能會唔開心。但亞仔學校K2無位留，而我又唔想轉校，所以要在k3重讀。
作者: fandd 時間: 15-6-18 00:31
回覆 mandyfung 的帖子
咁你想小朋友因不能升小一唔開心，定係比佢升上小學後每年都因學習問題而唔開心呢？其實，決定留唔留K3，最緊要係考慮小朋友既整體表現能否ready上小一，作為父母應該好清楚......小一既程度比K3真係深好多，如果呢年(小一)既基礎打唔好，影響會好深遠，各位爸爸媽媽真係要諗清楚呀！
作者: HINandCHING 時間: 15-6-18 14:29
回覆 PEmama 的帖子
睇黎我都要問下特殊教育組
作者: HINandCHING 時間: 15-6-18 15:00
回覆 EEFF 的帖子
我細仔有言語遲緩，而家只返言語治療
作者: Letter_lalaland 時間: 15-6-18 15:16
HINandCHING 發表於 15-6-17 07:49 
大家好，我小朋友有ASD，將會9月返K1，我都考慮過會否讀多一年K3，但佢係大仔，若選讀多一年再報小學就超齡 ...
如果要重讀，
K2 比 K3 好，
K3 課程急趕，又花時間去採排畢業典禮，壓力大過K2 好多
相反 K2 課程有效多時間 比小朋友去做訓練，
又可以先練好啲基本能力, 有自信啲之後再升上K3
作者: mandyfung 時間: 15-6-18 18:39 標題: 回覆：fandd 的帖子
我當然知道這一點問題才會打算讀多年，但我仔情緒都幾差，我擔心到時人人升小學佢無就會大發皮氣，重要唔係發完就無事果隻，之後一段時間，一諗起又會嚟情緒，至怕令到老師由有耐性激到無耐性，你點講都唔聽，我日日比佢激到死死下。不過為左將來好，辛苦下老師。
作者: fandd 時間: 15-6-18 22:43
回覆 mandyfung 的帖子
聽你講到囝囝既情緒咁容易波動，咁無論是否重讀K2或K3，我諗你都要揾D訓練幫吓佢，否則上到主流小學必定衍生好多問題......到時唔單係「辛苦下老師」咁簡單，而係小朋友成日俾老師話，俾同學指指點點......實會好唔開心。
作者: mandyfung 時間: 15-6-18 23:42 標題: 回覆：fandd 的帖子
這個原因就是我們要幫他重讀的最大原因。希望今年他能夠有大D進步。
作者: kitty971185 時間: 15-6-21 11:25
本帖最後由 貓大姐 於 15-8-16 12:33 編輯
我囡歲半去健康院醫生懷疑有自閉症去排緊，而家兩歲仲未排到，要兩歲半先到，我係咪去私家做評估好d?阿囡唔識講野，有時叫佢都唔理人，我都唔知點好！
作者: EEFF 時間: 15-6-21 15:43 標題: 引用：大埔媽媽你地會開個群组分享嗎？可否加入我
本帖最後由 貓大姐 於 15-8-16 12:34 編輯
原帖由 kitty971185 於 15-06-21 發表
我囡歲半去健康院醫生懷疑有自閉症去排緊，而家兩歲仲未 ...
請問當時有什麼症狀令健康院醫生有懷疑 ? 私家評估都要等兩至三個月, 不過唔好理啦, 政府私家一齊排, 睇下邊度快d就去邊度先, 因為所以服務都要醫生證明信架, 有信先可以排協康,耀能等等這些機構, 不要白白浪費這些時間, 早早訓練吧
作者: kitty971185 時間: 15-6-22 00:03
歲半時健康院醫生叫我囡，囡冇理佢，自己係到玩玩具，醫生問佢波波車車係邊佢又唔以答，醫生問佢手手係邊佢又唔理又自己玩，又唔望醫生，好似係自己世界到，而家兩歲了叫佢識望人，識聽少少指令，但唔識講野，只講單字同bb话，我係咪排左私家先？到時係咪兩邊都評估埋？
作者: Kimjj 時間: 15-6-26 16:41
我兒子有自閉症~明年升小一~想問有無家長知道大埔區有咩小學適合自閉症小朋朋友~thx
作者: ttso 時間: 15-6-26 20:23
提示: 該帖被管理員或版主屏蔽
作者: mandyfung 時間: 15-6-27 09:46 標題: 回覆：Kimjj 的帖子
我都想知邊間小學包容D。
作者: Kimjj 時間: 15-6-27 20:59
其實我覺得如果重讀~重讀k3會好d~我仔重讀咗
k1~老實講幾后悔~好似浪費咗一年咁~佢不但無進步反而仲退步咗學埋细佢一年ga小朋友行為動作~覺得好得意咁~所以比我揀多次~我一定揀重讀k3~始終大d~多一年準備入小學
作者: JoJo 時間: 15-6-27 22:02
鑑於近期不斷有用戶開立親子王國及教育王國以外之通訊群組，並在版面邀請其他國民加入，過往管理團隊只會在版面作出溫馨提示，但情況一直未有改善，更有不法份子通過站外群組進行宣傳活動及滋擾國民。為保障國民安全及個人資料免被外洩，由即日起，全面禁止開立/邀請/宣傳任何親子王國以外之通訊群組，一經發現，有關帖子將會移除或屏蔽，屢次或嚴重違規者，將可被警告或禁言。
再次提醒各位國民，在參與討論時，請勿隨便透露自己的個人或通訊資料，更應避免在版面公開自己的真實姓名、電郵地址或聯絡電話，以免受到不必要的滋擾。謝謝！
http://www.edu-kingdom.com/forum ... &extra=page%3D1
作者: CATsMOM 時間: 15-6-28 17:27 標題: 回覆：歡迎大埔家長一同分享。
請問大家都在哪裡參加小組或訓練？
作者: mandyfung 時間: 15-7-1 21:32 標題: 回覆：JoJo 的帖子
多謝JoJ提醒。
作者: HINandCHING 時間: 15-7-5 23:13
係太和返個別訓練
作者: HINandCHING 時間: 15-7-5 23:17
想向大家請教，我要什麼時候告知校方小朋友有asd呢？
作者: babecat1 時間: 15-7-5 23:51 標題: 引用：想向大家請教，我要什麼時候告知校方小朋友
原帖由 HINandCHING 於 15-07-05 發表
想向大家請教，我要什麼時候告知校方小朋友有asd呢？
作者: Kimjj 時間: 15-7-6 10:06
回覆 HINandCHING 的帖子
我個仔都係係太和返喎
作者: CATsMOM 時間: 15-7-6 21:40 標題: 回覆：歡迎大埔家長一同分享。
太和，是協康嗎？
作者: Kimjj 時間: 15-7-6 21:55
回覆 CATsMOM 的帖子
協康返緊e位,另外塭左太和小童群益會嘅獨立訓練比佢
作者: CATsMOM 時間: 15-7-10 10:46 標題: 回覆：歡迎大埔家長一同分享。
學校7月中有家長會，會跟老師見面，本來諗住適應班開始，等老師見過小朋友先同老師講小朋友情況，依家諗緊係咪早d同老師講等佢有個心理準備先呢？
作者: HINandCHING 時間: 15-7-10 21:21
前日收到社工打黎話派到s位俾細仔
作者: Antheatai 時間: 15-7-14 17:07 標題: 回覆：歡迎大埔家長一同分享。
我女也是ASD, 我在大埔住，可以加我在你們的群組嗎？
作者: mandyfung 時間: 15-8-14 00:21 標題: 回覆：mandyfung 的帖子
暑假已經過左大半，小朋友都參與左不同活動，有開心、有辛苦，但係唔洗返學，又無可能成日有活動，好多時間無嘢做，小朋友成日掛住玩電腦。依家又係時間要好辛苦咁，把他在電腦世界拉返出來。
作者: CATsMOM 時間: 15-8-14 06:04 標題: 回覆：歡迎大埔家長一同分享。
我最後都無係家長會同老師講，還是希望老師自己見下小朋友先，我會睇下阿仔適應班嘅表現再同老師溝通。而且，呢兩個月我勁帶阿仔去同不同嘅小朋友，大朋友玩，去智樂，去學前適應班，發覺佢社交好咗好多，多咗肯接受陌生人嘅搭訕，開始係公園同唔識嘅小朋友玩，雖然仍然抗拒比較「熱情」嘅人，說話語氣仍要執，但佢無咁怕小朋友已經令我對佢適應返學充滿盼望，加上佢自己都話好想返學，希望佢真係可以享受到校園嘅群體生活。
作者: Chester0925 時間: 15-8-15 17:01 標題: 回覆：歡迎大埔家長一同分享。
大家好，我仔剛CAC確診自閉另言語delay, 現排s位今年9月入主流K1. 另剛開始一星期一堂語言冶療，我好迷茫，睇左好多資料都唔知再需要安排什麼training給他，想問問各位媽媽有什麼見議？
作者: 07mama 時間: 15-8-17 13:18
Kimjj 發表於 15-6-26 16:41
我兒子有自閉症~明年升小一~想問有無家長知道大埔區有咩小學適合自閉症小朋朋友~thx ...
老實講, 一般傳統學校, 課程緊密, 以分數分等級.
老師有跟進課程的負擔, 如果對個別小朋友的不當行為, 能不太記在心, 溫和的對他說話, 已經算好包容.
但犯了錯, 一樣是要罰的, 罰得多, 家長一樣覺得不包容的.
作者: CATsMOM 時間: 15-8-27 15:04 標題: 回覆：歡迎大埔家長一同分享。
今天開學了，一開始在禮堂簡介，囝囝仍在觀察及warm up中，唔肯講早晨，唔肯唱歌做動作，其實都係意料之中，之後入課室坐，我只能在旁邊看著，因為坐係囝囝旁邊的兩位同學都好文靜，所以囝囝也顯得比較安樂。今日只是玩玩玩具，收下文件手册，算是順利過了第一天了。感恩。
作者: kitty971185 時間: 15-9-14 01:05
太和有協康訓谏咩？
作者: yiyi0401 時間: 15-10-3 00:20 標題: 引用：回覆+CATsMOM+的帖子
協康返緊e位,另外塭
原帖由 Kimjj 於 15-07-06 發表
回覆 CATsMOM 的帖子
協康返緊e位,另外塭左太和小童群益會嘅獨立訓練比佢
作者: yiyi0401 時間: 15-10-3 00:22 標題: 引用：歲半時健康院醫生叫我囡，囡冇理佢，自己係
原帖由 kitty971185 於 15-06-22 發表
歲半時健康院醫生叫我囡，囡冇理佢，自己係到玩玩具，醫生問佢波波車車係邊佢又唔以答，醫生問佢手手係邊佢 ...
點解我仔返健康院無咁check佢既。。。
但我仔都係咁，點算？可以點做？
| 歡迎光臨 教育王國 (/) |
Powered by Discuz! X1.5 |