教育王國

標題: Kids playhouse鍾sir課程感失望(長篇) [打印本頁]

作者: YAN.BABY 時間: 15-6-8 00:40 標題: Kids playhouse鍾sir課程感失望(長篇)

我囡囡現兩歲，在她6個月時已讀過由鍾sir教的pg直止一歲，但囡囡一直都比較驚阿sir,  所以見她懂得做哂course裏面的動作及指令，我就同佢轉咗同一間但唔同班(Eng pg),  一轉我囡囡已好enjoy及鍾意 Miss &上課。

事實上鍾sir的課程係比較train紀律，規則多些，而我亦知道鍾sir係好清楚香港學校需要的要求，希望囡囡可以做到課程裏的指令及要求我相信年底interview都應該唔會有問題。

上咗4堂，我囡囡差唔多堂堂扭計，喊，莫講話學野，連最基本enjoy 返學都feel 唔到佢有！到第四堂鍾sir話我囡發緊小姐脾氣，話都未罰佢，要chok下佢銳氣。我覺得因為佢就係驚阿sir本人同一開始要與父母分離(課程嘅設計) 先令我囡咁緊張，兩歲啫，點解要對小朋友咁嚴呢？！而且係咪要咁冇彈性嘅教學去對待每個性格都唔一樣嘅小朋友！

之後嘅星期裏我與其中一位Miss(之前曾經教過我囡囡) 提及我的憂慮，可能佢亦都轉告給鍾sir聽吧(我覺得),  就今日去上鍾sir堂,  佢對我完全冇笑容，上課做的動作我個囡永遠排最尾先有得做，當我囡扭計唔做，佢就好快話"咁算啦",  完全冇鼓勵過我囡去完成，亦好少叫我囡名字，大部份用"妳"去代替，好像完全當我地透明一樣！完全不被尊重！

好憤怒！家長向學校反應憂慮及意見，原來係唔得嘅！換來係咁不被尊重！我相信就算老師再有多師資再有勁的學歷也不及一個open-mind接受各方意見,  有愛心，懂得以學生感受為首要嘅老師吧！

其實我寫咁大篇文章都係好想講千其唔好只睇名校名師師資，最重要係揾用"心"教學的導師！

作者: hedhed 時間: 15-6-8 17:07

而我不知道他是誰.... THE END

作者: 964000 時間: 15-6-9 14:17 標題: 引用：我囡囡現兩歲，在她6個月時已讀過由鍾sir教

原帖由 YAN.BABY 於 15-06-08 發表
我囡囡現兩歲，在她6個月時已讀過由鍾sir教的pg直止一歲，但囡囡一直都比較驚阿sir, 所以見她懂得做哂cou ...

不嬲知，所以我吾會找太出名多人的，因為太受歡迎大忙好多愈來愈冇心做，又會揀人教

作者: Taka12 時間: 15-6-9 14:56 標題: 回覆：Kids playhouse鍾sir課程感失望(長篇)

Who is 鍾sir?

作者: chilungmail 時間: 15-6-9 16:34

BK 嘅論壇讚到佢天上有地下無.
我都係因為咁join咗, 完全唔掂, 無愛心.
不過呢度太多人吹捧, 所以都係

作者: chkwok 時間: 15-6-9 17:10 標題: 引用：BK+嘅論壇讚到佢天上有地下無.我都係因為咁

原帖由 chilungmail 於 15-06-09 發表
BK 嘅論壇讚到佢天上有地下無.
我都係因為咁join咗, 完全唔掂, 無愛心.
不過呢度太多人吹捧, 所以都係 :qu ...

Same, paied 4 lessons, attended 2 lessons, give up, no missing even not go

作者: YAN.BABY 時間: 15-6-9 17:16 標題: 回覆：964000 的帖子

而且可能越教越商業

作者: YAN.BABY 時間: 15-6-9 17:17 標題: 引用：BK+嘅論壇讚到佢天上有地下無.我都係因為咁

原帖由 chilungmail 於 15-06-09 發表
BK 嘅論壇讚到佢天上有地下無.
我都係因為咁join咗, 完全唔掂, 無愛心.
不過呢度太多人吹捧, 所以都係 :qu ...

請問妳小朋友會唔會驚佢呀？上課時enjoy嗎？

作者: chkwok 時間: 15-6-9 18:05 標題: 引用：Quote:原帖由+chilungmail+於+15-06-09+發

原帖由 YAN.BABY 於 15-06-09 發表
請問妳小朋友會唔會驚佢呀？上課時enjoy嗎？

My girl not scare but, mr chung not so caring, like a robot to talk and act

作者: YAN.BABY 時間: 15-6-9 18:39 標題: 引用：Quote:原帖由+YAN.BABY+於+15-06-09+發表請

原帖由 chkwok 於 15-06-09 發表
My girl not scare but, mr chung not so caring, like a robot to talk and act

I feel he likes smart students only. He would give them a lot of attentions and opportunities. It's very unfair for other students!!

作者: lexbb 時間: 15-7-9 21:39

我那時有排鍾SIR, 不過大多人, 我仔又好似巳經2.5歲, 最後無上到, 好彩啫. 不過, 我仔都係KIDS PLAYHOUSE上PLAYGROUP, 都唔錯的, 老師OK的

作者: rabbittea 時間: 15-7-9 21:51

提示: 作者被禁止或刪除內容自動屏蔽

作者: babaA 時間: 15-7-10 11:51

提示: 作者被禁止或刪除內容自動屏蔽

作者: YAN.BABY 時間: 15-7-12 01:09 標題: 回覆：rabbittea 的帖子

係呀！我都好鍾意小班教學，除了學到嘢之餘，最重要可睇到小朋友不足之處而作出調教，而且小朋友又感受到老師嘅關懷

作者: mimi222shi 時間: 15-7-13 00:03

本帖最後由 mimi222shi 於 15-7-13 00:04 編輯

口碑一般

作者: maggiemomC 時間: 15-7-13 14:54

提示: 作者被禁止或刪除內容自動屏蔽

作者: uglyghost 時間: 15-7-14 18:06

我都JOIN過鍾SIR 既COURSE一個月, 果時我囡囡1歲。唔覺得鍾SIR有咩0野特別之處, 課程亦都好一般, 名過其實。

作者: anixon 時間: 15-7-15 10:10

chilungmail 發表於 15-6-9 16:34
BK 嘅論壇讚到佢天上有地下無.
我都係因為咁join咗, 完全唔掂, 無愛心.
不過呢度太多人吹捧, 所以都係 ...

幫手宣傳...

作者: supermom1 時間: 15-7-15 12:21

我都覺得好一般

作者: sakbbjaijai 時間: 15-7-16 01:00 標題: 回覆：Kids playhouse鍾sir課程感失望(長篇)

有咁差嗎？

可能我囡係被讚果個，所以我又覺得ok...

作者: queenie1985 時間: 15-7-17 09:47

咁細個, 搵個好叻而無心教既人係無用架. 其實佢要學既野, 個個都識教, 不過有無愛心就好大分別!

作者: chkwok 時間: 15-7-17 12:37 標題: 引用：咁細個,+搵個好叻而無心教既人係無用架.+其

原帖由 queenie1985 於 15-07-17 發表
咁細個, 搵個好叻而無心教既人係無用架. 其實佢要學既野, 個個都識教, 不過有無愛心就好大分別! ...

1個鐘, 10個小朋友, 照顧又唔好, 房係大, 不過都好多人, 果時到做運動果個環節, 我同女都係新黎, 行得慢啲啲, 鍾生已經ignore 左我個女, 仲話唔想做就唔好做, 唔係帶住個女我真係想問候佢

參加playgroup 係想個小朋友有啲野玩, 唔係貼錢買難受, 呢個post 大家要 keep 住 up, 希望唔好再有家長受害

我真係想知呢個鍾生咁搵錢, 佢會唔會過意唔去

作者: vpo0615 時間: 15-7-17 14:21

呢間嘢响邊度? Sorry, 懶得上網搵.

作者: gorlie 時間: 15-7-18 17:52 標題: 回覆：Kids playhouse鍾sir課程感失望(長篇)

我仔由8個月上到2歲幾。鍾sir其實好細心，我仔係怕羞表現唔好的，佢冇迫佢做野，亦迫唔來，但放學後都好肯私下提點我地點處理。

我上過其他PG,覺得呢個貴得黎有不同元素，理境乾淨舒服，一個價錢教小朋友教埋父母，我在家同仔玩咩都係由PG學到演變出來，discipline都係。

後來上英文班，佢太鍾意miss Sally,就唔肯上鍾sir，不過撞到佢，佢都會問候下，又教下我地咁喎。

我仔由一開始爆喊唔玩swing,鍾sir有解釋點解迫佢試，因為發展前庭，但如果你唔鍾意，佢都冇問題,不過試左幾個月，佢後尾最鍾意

作者: cocokan2004 時間: 15-7-18 21:48

本帖最後由 cocokan2004 於 15-7-18 21:49 編輯

我見過佢請個D MISS. 個個都化行妝, 指甲長又尖. 仲有D放工即刻SMOKE. 間野連軟地墊都唔捨得舖, 用D超平膠隻. 我個仔善低幾次, 仲話我做咩唔幫佢穿防滑SOCKS. 又貴又垃圾!!!!!!! 上堂更差, 又悶又無FUN.

我地上過8間PLAYHOUSE, 佢係最差.

作者: YAN.BABY 時間: 15-7-19 12:42 標題: 引用：咁細個,+搵個好叻而無心教既人係無用架.+其

原帖由 queenie1985 於 15-07-17 發表
咁細個, 搵個好叻而無心教既人係無用架. 其實佢要學既野, 個個都識教, 不過有無愛心就好大分別! ...

係呀，好認同妳！所以現在開始幫囡囡揾幼稚園時最重要嘅comment係老師有冇愛心

作者: YAN.BABY 時間: 15-7-19 14:45 標題: 引用：我仔由8個月上到2歲幾。鍾sir其實好細心，

原帖由 gorlie 於 15-07-18 發表
我仔由8個月上到2歲幾。鍾sir其實好細心，我仔係怕羞表現唔好的，佢冇迫佢做野，亦迫唔來，但放學後都好肯 ...

我囡囡同妳仔仔有d似。我囡一到swing會爆喊，差唔多次次都喊，之後我老公swing住排隊玩，佢先唔再喊。完全係我倆幫佢克服呢個item. 而我囡又係好鍾意Miss Sally堂，上課好自如，開心！

作者: Smallraindrop 時間: 15-7-22 12:25 標題: 引用：有咁差嗎？+可能我囡係被讚果個，所以我又

原帖由 sakbbjaijai 於 15-07-16 發表
有咁差嗎？可能我囡係被讚果個，所以我又覺得ok...

X 2

不過已經係三，四年前的事
我又幾 ok鐘sir, 學你咁講，可能個女係被讚的那個…………

作者: vielle 時間: 15-7-22 17:51 標題: 回覆：Kids playhouse鍾sir課程感失望(長篇)

佢個人好假，得個名，勿浪費金錢時間報名啦

作者: andyan324 時間: 15-7-23 14:25 標題: 回覆：Kids playhouse鍾sir課程感失望(長篇)

呢間野唔覺得值咁貴，我一睇個價錢即刻冇興趣（怕物冇所值）

作者: facialma 時間: 15-7-24 12:06

回覆 andyan324 的帖子

佢係親自教既唔係請人，會教家長方法點教小朋友，我又覺得幾好，個個要求唔同，我覺得自己試多d比較就知適唔適合

作者: 嫣爸爸 時間: 15-11-8 21:29

本帖最後由嫣爸爸於 15-11-9 03:00 編輯

sakbbjaijai 發表於 15-7-16 01:00
有咁差嗎？可能我囡係被讚果個，所以我又覺得ok...

X3
大囡囡一歲便跟鍾sir學習。直至大囡入讀n班。最初，囡囡哭了一個月。但哭的時間越來越短。她學會接受陌生的環境和陌生的鍾sir。這些日子，我們在家仿效鍾sir活動，碰杯cheers，swing，手放後，run-and-stop 等等。有時，大囡囡不跟指令，我也模仿鍾sir握着囡囡手，另一隻手示意stop。讓小朋友也知道大人的心意。若小朋友養成公主病便麻煩了。
坦白而言，讓囡囡在大班小朋友圈活動，是家裡做不到的。雖說鍾sir偶然說說名校收生面試的情況，但也只是分享其他家長的經驗，他活動的方針仍是協助小朋友去思考，同時指導家長在課後延伸。

細仔也在1歲跟鍾sir學習。不兩個月，已被鍾sir留意。不是因為囝囝叻。相反，囝囝專注力不足。課後，鍾sir時而提示指導我們。還建議到協康會找專業意見。鬧和強，是幫不了囝囝的。他需要‘多’提示。跟了大半年，囝囝也能手放背後，也會cheers, swing。等待和排隊則差少少，但等的能力也見進步。

現在大囡囡在kids playhouse旁的畫室學畫，囝在協康會跟進中。大囡偶爾偷看鍾sir門口，她仍記得以前愉快的回憶。細囝經過門口，也會手指指，以片語示意要入內。

鍾sir的活動和指導下，小朋友要學習大伙兒活動，互相接觸。學習團體生活有先有後要忍耐，等待和守規。困難（如筋斗）要面對，失誤中學習。在可控制的環境下，讓小朋友經歷。那未必是甜味。

作者: pasucheung 時間: 15-11-9 14:18 標題: 回覆：Kids playhouse鍾sir課程感失望(長篇)

2年前報過, 鐘sir 冇愛心,
冇耐性, 上左2堂, 冇再去

作者: luvgaga 時間: 15-11-14 11:15 標題: 回覆：pasucheung 的帖子

鐘sir 是否冇乜頭髮生左個仔冇耐果個？瘦高高的

作者: Evachau 時間: 15-11-14 18:24 標題: 引用：鐘sir+是否冇乜頭髮生左個仔冇耐果個？瘦高

原帖由 luvgaga 於 15-11-14 發表
鐘sir 是否冇乜頭髮生左個仔冇耐果個？瘦高高的

佢有肚腩吖！

歡迎光臨教育王國 (/)