教育王國

標題: 九龍灣栢德學校 vs 聖若望英文書院 [打印本頁]

作者: toutou1024 時間: 15-6-7 07:44 標題: 九龍灣栢德學校 vs 聖若望英文書院

原本一心一意讀聖若望，諗住好像哥哥咁，抽到一間唔知咩學校，同埋之前都無諗過讀津校的。點知抽到第一志願，仲要口碑好像不錯，仲考慮緊，一津一私，老公想栢德，因為配套同學校大，同埋我老公覺得哥哥曾讀聖若望而讀唔上又辛苦，擔心弟弟步其後塵。我偏向聖若望，因為英小，同埋哥哥讀國際，細佬就讀區內津校，好像很唔公平，怕第時際遇有差異，弟弟大啲會識而感覺父母偏心。聖若望課程一定深過栢德很多，又怕像哥哥讀不上同辛苦。栢德都谷，但課程淺啲，應該會讀得無聖若望辛苦。唉。。。救命。。。好煩。。。大家可否俾啲意見我！唔該。。

作者: karen55407 時間: 15-6-7 07:52 標題: 回覆：toutou1024 的帖子

我㨂柏德。我對聖若望無乜好感，行政混亂，課程深卻表現差。只個人意見。

作者: toutou1024 時間: 15-6-7 07:58 標題: 回覆：karen55407 的帖子

多謝你意見先，唔好意思，我想問下栢德嘅英文程度，因我擔心弟弟讀津校，英文會唔好呢！呢點先係我最擔心。。。

作者: karen55407 時間: 15-6-7 08:01 標題: 回覆：toutou1024 的帖子

一般地區中文小學水平，當然不及英小。

作者: adios 時間: 15-6-7 08:02 標題: 回覆：toutou1024 的帖子

同哥哥一齊讀國際囉

作者: toutou1024 時間: 15-6-7 08:10 標題: 回覆：adios 的帖子

我想弟弟試下讀傳統學校先。我覺弟弟讀書比哥哥讀得好。哥哥因性格不適合傳統學校，我先轉國際。過一，兩年，如果弟弟都係讀唔到傳統學校，我先會再諗轉國際呢！

作者: toutou1024 時間: 15-6-7 08:15 標題: 回覆：karen55407 的帖子

唉。。明白。thx。弟弟好抗拒中文的。。無得揀還好，有得揀仲煩。

我好飯賤呵！

作者: adios 時間: 15-6-7 08:27 標題: 回覆：toutou1024 的帖子

真人真事，我個friend有3個哥哥，3個都讀國際，而佢就被安排入local學校（某出名勁學校），但佢到而家都唔開心，覺得父母偏心3個哥哥

作者: toutou1024 時間: 15-6-7 09:09 標題: 回覆：adios 的帖子

係，呢點我都有諗。。我明白的。。多謝你的分享

作者: 奥脫福 時間: 15-6-7 11:22

本帖最後由奥脫福於 15-6-7 11:22 編輯

聖若望，對我黎講連去（手羅）份表的吸引力都無。。。

作者: hkpapa852 時間: 15-6-7 11:32

toutou1024 發表於 15-6-7 08:15
唉。。明白。thx。弟弟好抗拒中文的。。無得揀還好，有得揀仲煩。我好飯賤呵！

...

係香港讀書, 除非遲D諗住入國際學校, 如果唔係一就定要學好中文.

中文唔理你有冇興趣, 都係必修科, 成績唔得唔好話入唔到大學, 隨時升中前變B3學生

歡迎光臨教育王國 (/)