教育王國
標題: 校車姨姨 [打印本頁]
作者: tobbie 時間: 15-6-4 09:45 標題: 校車姨姨
我仔星期五去學校旅行，去完由我接左放學之後就無任何撞傷!
星期六朝早一起身，隻右眼腫左，到左夜晚腫到遮住半隻眼。。。
星期一搭校車問姨姨，姨姨話無呢件事發生。。。
咁就打去學校問班主任，班主任話星期五去旅行，無小朋友講話我仔整親，而我小朋友都無講!
到11點幾，校車姨姨先話有呢件事發生。。
件事係我仔講左比我聽，話司機叔叔煞車，響按，講粗口!
我知係意外，我唔介意司機講粗口，我介意係校車姨姨當時無問全車小朋友有無事，。。。仲賴我仔坐得唔好所以先會撞到!
仲話佢個人認為當時衝力唔大，所以無問全車小朋友有無事。。。
我仔，我唔敢講話好乖，都係百厭，又試過比校車姨姨炆耳仔，炆頭髮，因為咁，驚左坐校車。。。
試過上校車都衝返落車攬住我喊，話唔想坐校車。。。
幼稚園都一直坐校車都無事。。。
同學校副校講，佢話你接送仔仔，仔仔會開心，你應該為左仔仔開心，你繼續自己接送。。。
又話校車係外判，學校理唔到咁多，又話好難招標校車公司。。
我由頭到尾話係校車姨姨有問題，唔係間校車公司有問題!
但副校講到要我砍腳指避沙蟲。。。但一直無人去跟進呢件事。。。
大家可唔可以比啲意見我，我可以點做?
作者: kp_sin2001 時間: 15-6-4 12:30
站在學校行政上, 招標已好困難, 所以唔想搞咁多, 恐無人做重慘, 站在校巴公司立場上, 揾媬姆EE又係好困難既事, 所以有人肯做已好開心, 否則有車無人跟又係唔使做, 站在家長立場上, 小朋友整親固然重要, 當無人理會事, 唯有選擇唔坐, 自行坐公巴, 否則, 都係要接受現實既安排
作者: Jane1983 時間: 15-6-4 12:43
急煞車，如果無其他小朋友整亲親，可能真係甘橋你仔撞到甘傷，以後提佢要扣安全帶。
作者: little_yolky 時間: 15-6-4 12:46
tobbie 發表於 15-6-4 09:45 
我仔星期五去學校旅行，去完由我接左放學之後就無任何撞傷!
星期六朝早一起身，隻右眼腫左，到左夜晚腫到遮 ...
作者: Jane1983 時間: 15-6-4 12:48
扯小朋友頭髮和耳朵，係吾應該。但學校管吾到，校巴公司亦吾會多理。你可以自己接送就吾坐，要繼續坐，就好聲好氣和bus mom搞好關係。 Bus mom多数都係人地亞媽，你好我好，吾難搞的。
作者: little_yolky 時間: 15-6-4 12:55
Jane1983 發表於 15-6-4 12:48
扯小朋友頭髮和耳朵，係吾應該。但學校管吾到，校巴公司亦吾會多理。你可以自己接送就吾坐，要繼續坐，就好 ...
作者: aeiou_drm 時間: 15-6-4 13:31 標題: 回覆：校車姨姨
用手郁小朋友我就接受唔到了。你校除了校車之外，有媬姆車嗎? 如果没有而你又是 ftm, 可以自己接送嗎?
作者: AgapePa 時間: 15-6-4 13:46
我都唔明點解政府唔發多些校巴牌, 現在校巴服務差又收費貴,
作者: Anniemun 時間: 15-6-4 13:57
本帖最後由 Anniemun 於 15-6-4 13:58 編輯
little_yolky 發表於 15-6-4 12:46
咁其實你覺得學校可以點做呢? 依家校車好難做, 因為賺唔多, 所以搵到校車位已經好好彩了。成架校車咁多人, ...
大家都係人地家長，不用開口埋口講人地小朋友(死仔)吧?
作者: karen55407 時間: 15-6-4 14:16 標題: 回覆：tobbie 的帖子
其實這是一宗交通意外有人受傷事件，根據香港法例，司機必須即場報警，所以司機已經違法。你可以向校車公司或學校反映事件，甚至報警
作者: little_yolky 時間: 15-6-4 17:06
Anniemun 發表於 15-6-4 13:57
大家都係人地家長，不用開口埋口講人地小朋友(死仔)吧?
作者: little_yolky 時間: 15-6-4 17:09
karen55407 發表於 15-6-4 14:16
其實這是一宗交通意外有人受傷事件，根據香港法例，司機必須即場報警，所以司機已經違法。你可以向校車公司 ...
作者: karen55407 時間: 15-6-4 17:56
本帖最後由 karen55407 於 15-6-4 18:51 編輯
回覆 little_yolky 的帖子
作為司機，除了要留心路面安全外，還要顧及乘客安全，更何況是校車司機呢？學童乘客配帶安全帶與否，司機有責任。肇事後，司機有責任了解乘客有否受傷，有人受傷就要當場報警，這次事件明顯是司機疏忽，哪怕是小朋友有心隱瞞，當事後知道了也應該報警。我小朋友校車也試過類似情況，受傷的是一名低年級學生，雖然只輕傷，但我也向校車公司嚴正指出其司機的不專業行為。
交通意外，看似輕微碰撞，其實可大可小，如果事後才發現有生命危險，就是因為處理失妥，責任誰屬？
作者: Jane1983 時間: 15-6-4 18:29
樓主話吾係不滿校車司機，係不滿姨姨。報警解決吾到呢個問題。
如果警方搵校車公司、司機、姨姨和學校查問，各方反應如何可想而知，樓主和小朋友是否有心理準備？如果樓主覺得小朋友因校巴意外受傷，要追究到底，係一件事。但為啖氣，就要三思了。始終有小朋友夾係中間...
作者: little_yolky 時間: 15-6-4 18:37
karen55407 發表於 15-6-4 17:56
回覆 little_yolky 的帖子
作為司機，除了要留心路面安全外，還要顧及乘客安全，更何況是校車司機呢？學童 ...
作者: karen55407 時間: 15-6-4 18:49
回覆 little_yolky 的帖子
那個只是同站上車的低年班同學。法例係容許矮過指示高度的小朋友可以三個當兩個乘容看待，的確沒有違反超載，可是法例亦定明一個乘客要配帶一條安全帶，所以係違反無配帶安全帶規例。另外乘客歲數不足某個歲數，配帶安全帶係司機責任。
作者: karen55407 時間: 15-6-4 20:03 標題: 回覆：Anniemun 的帖子
呢啲叫針唔針到肉唔知痛，如果係好似樓主個仔咁，撞到隻眼豬頭咁，何止咁鬧法
作者: Anniemun 時間: 15-6-4 21:00
本帖最後由 Anniemun 於 15-6-5 00:03 編輯
karen55407 發表於 15-6-4 20:03
呢啲叫針唔針到肉唔知痛，如果係好似樓主個仔咁，撞到隻眼豬頭咁，何止咁鬧法
...
語言暴力都係一種暴力，你可贊同，但我不會認同。發生問題，應該去解決才對，負面情緒沒有幫助的。
作者: karen55407 時間: 15-6-4 21:19
回覆 Anniemun 的帖子
同意！
作者: NCSC9 時間: 15-6-4 21:37
既然已去到副校，下一步可以做嘅不外乎校長，傳媒，教育局，法庭...
司機講得粗口，即代表係有其他車或行人有錯在先，如果司機唔係急煞車，可能已經撞咗車，後果可能更不陷設想。
如果小朋友第二日至開始有腫，咁好可能連個姨姨都唔可以即時察覺到小朋友撞到，再過兩三日連件事都唔太記得，唔係出奇。
我地細個時都跌跌撞撞，正所謂唔跌邊得大？ 我自己個仔都係自己面前跌過幾次，豬頭咁，流晒血，入埋院，心很痛，是否要一死以謝天下？
我覺得係唔係怪獸家長都好，都應該放開d去睇...
作者: jumbojet 時間: 15-6-5 07:44
回覆 little_yolky 的帖子
Did you report police ? If they hit your daughter's chest , that can account to molest. If the Schoolbus auntie can't stop them get help elsewhere. Seems to me she is a victim of bullying.
作者: Jane1983 時間: 15-6-5 07:55
回覆 jumbojet 的帖子
Little Yolky個女四両撥千斤，將幾個曵仔收服，仲friend埋添。
作者: jumbojet 時間: 15-6-5 08:32
回覆 Jane1983 的帖子
厲害厲害👍🏼👍🏼
作者: tobbie 時間: 15-6-5 08:35
我仔百厭，就應該遭受到比校車姨姨炆耳仔，炆頭髮?
我仔當時只係靠著窗看街景，並不是攀來攀去，不是在車上走來走去!
我明白意外既野好難講，但無論煞車的衝力大唔大，校車姨姨是否有責任問車上小朋友有無事呢？
但佢完全無問，一直話衝力唔大。。。
唔大又會撞到眼豬頭咁?點都有一定既衝力!
唔可以話校車有位比我搭已經偷笑。。
如果有位，就要比呢位校車姨姨炆耳仔，炆頭髮，有位比小朋友搭校車就要比人咁對待，就應該要繼續承受，唔出聲?
我之前已經一直都同校車姨姨溝通，如果我小朋友係曳，你同我講，我會返屋企同小朋友傾，而唔係佢用「私刑」囉!
但校車姨姨一直都無同我講個仔係車上係點曳。。。
我仔架車上，一至六年級都有，我仔只係1年級。。。
原來依家做家長要對學校對校車對校車姨姨要那麼忍氣吞聲。。
就是怕得罪，怕無校車坐。。。
我只係覺得發生事，無論學校或校車，都沒人跟進，溝通，交代!
我去餐廳食野，食物有問題，都是向老闆，經理，去反映，而唔係我自己去供應商到反映，副校一句話外判，學校就無須理會!!!
作者: karen55407 時間: 15-6-5 08:46 標題: 回覆：tobbie 的帖子
我應為你大可以據理力爭
作者: little_yolky 時間: 15-6-5 10:37
tobbie 發表於 15-6-5 08:35
我仔百厭，就應該遭受到比校車姨姨炆耳仔，炆頭髮?
我仔當時只係靠著窗看街景，並不是攀來攀去，不是在車 ...
你要問下小朋友, 佢無再曳及你已反映關注後有無再俾人私刑, 如果無, 咁就算, 但如果仍然有, 你就要嚴肅D同EE講你好關注同唔希望再發生同類事件。但係, 可以同你講, 响小學任何事情, 據理力爭只有死路一條, 因為人質响佢哋手上, 只可以溝通, 勸喻, EK其他JM試得多了。
作者: little_yolky 時間: 15-6-5 10:40
jumbojet 發表於 15-6-5 07:44
回覆 little_yolky 的帖子
Did you report police ? If they hit your daughter's chest , that can accou ...
作者: Jane1983 時間: 15-6-5 11:29
都投訴到副校長，下一步在據理力爭，就係報警，告EE毆打？告佢急煞後無問有無人受傷？告司機急煞？
真係咁樣做，有什麼upside呢？EE扯小朋友頭髮和耳朵，有無人証呢？又無去驗傷，告吾告得入呢。
作者: Jane1983 時間: 15-6-5 11:32
吾係話忍氣吞聲，但有所為有所不為，除非你覺得呢間學校讀吾讀都無所謂，有定以後吾搭校車或轉校決定。否則，吾好貿然開條戰線。
作者: karen55407 時間: 15-6-5 11:42 標題: 回覆：Jane1983 的帖子
我並唔係鼓勵事主報警，我只係話比事主知「佢甚至可以報警」。至於報唔報警，係當事人嘅決定；有無証人或告唔告得入，就係執法部門嘅事。另一方面，校車姨姨體罰學生，我覺得於理不合，係我就早早投訴，如果沒有改善，我會唔坐佢㗎車。
作者: Jane1983 時間: 15-6-5 11:54
回覆 karen55407 的帖子
係呀，大人動手係吾應該。
作者: bb67890 時間: 15-6-5 12:59
個仔隻眼搞成咁，喺啊媽都心痛，好正常，唔通個仔番黎傷曬都冇反應咩？
作者: jumbojet 時間: 15-6-5 15:45
回覆 karen55407 的帖子
Yes, it's unbearable for someone to lay their hands on our kids. We don't wanna be monster parents and complain about everything but you don't respect my kids, I can't respect you. It's gotta be mutual. We can always discuss and solve problems, no touching please !
作者: jumbojet 時間: 15-6-5 15:47
本帖最後由 jumbojet 於 15-6-5 16:55 編輯
Try Against Child Abuse ,
http://www.aca.org.hk/index-en.php#.VXFTt1LXenM
See if there is counsellor that can provide some help or guidance in your situation.
作者: karen55407 時間: 15-6-5 16:38 標題: 回覆：jumbojet 的帖子
保護兒童並非只老師、社工、執法者或家長的責任，社會大眾也應該兼負着。
作者: kenwong888 時間: 15-6-5 18:20
little_yolky 發表於 15-6-4 12:46
咁其實你覺得學校可以點做呢? 依家校車好難做, 因為賺唔多, 所以搵到校車位已經好好彩了。成架校車咁多人, ...
作者: kenwong888 時間: 15-6-5 19:15
little_yolky 發表於 15-6-5 10:37
唔應該抆耳仔, 抆頭髮。你做得啱, 同校車EE反映如果小朋友响車曳你會關心及管教, 同埋要校車EE知道, 你係知 ...
Same for adult world!
作者: homeuser 時間: 15-6-6 12:24
回覆 little_yolky 的帖子
介意分享下令千金如何四兩撥千斤嗎?
作者: HaYi 時間: 15-6-6 14:20
我2個 (4同8歲) 2歲開始去番不同學校(幼稚園, 小學) 都是坐校車, 有不同的校車, 安排帶包括個人5點式安全帶, 3個人用一條, 個人用一條等, 車款亦包括大巴士(50多人)同小巴(十幾人). 幸好EE同司機都友善.
我都非常明白現在學校難找校車做, 校車公司又不夠人手. 做為要番工的人, 小朋友又要跨區, 冇得選只好靠校車, 不是大事都冇得轉.
樓主的仔受傷了, 我覺得如果投訴副校沒用, 學校都是看校車公司的面色. 反而應直接 "知會"一下校車EE及校車公司, 以示你對此事件的關注.
當然樓主小朋友可能冇扣安全帶而出意外, 責任除了跟車EE外, 有一半在小朋友自己身上, 我的細仔3歲亦已自行識說要扣帶, 如果當時校車EE尤得佢地不扣, 校車EE有責任改善此點. 如果是校車冇裝安全帶, 可能要同校車公司反映加設.
作者: wister 時間: 15-6-7 08:21 標題: 回覆：tobbie 的帖子
咁惟有自己接送返仔仔先，等佢無咁驚先啦
作者: stitch小丸子 時間: 15-6-7 21:08 標題: 回覆：wister 的帖子
學校最大个個係校長唔係副校，直接去搵校長傾，亦都要同校長、校車司機同EE講你仔受傷情況，又要俾校長、EE同司機知道，EE炆你仔耳仔同頭髮，我仔曳我自已會教唔駛你出手，老師都唔可以出手la何況係校車EE，我係要俾錢坐你車架並唔係免費架，而且樓主個仔又撞傷又俾EE蝦都唔出聲，仲要忍氣吞聲，呢個咩世界，個仔係要靠樓主保護架，千期唔好怕，絶對唔怪獸law，唔通貼錢買難受，無事呀
樓主我撐你💪🏼💪🏼💪🏼💪🏼💪🏼
作者: little_yolky 時間: 15-6-8 09:59
本帖最後由 little_yolky 於 15-6-8 10:00 編輯
homeuser 發表於 15-6-6 12:24
回覆 little_yolky 的帖子
介意分享下令千金如何四兩撥千斤嗎?
什麼四兩撥千斤, 分明就係怕事而已, 最初我係幾生氣的, 覺得無乜骨氣。
其實就係一句：忍耐囉。
即係你同人打招呼, 人哋好寸咁話要你講英文, 佢第二日居然真係走去同人用英文講早晨(佢明明知道對方識講中文的)。仲有, 人哋曳整佢, 佢就當時運高睇唔到, 佢哋local學校既講嘢大聲, 班國際學校話佢哋, 佢哋就講細聲D, 但係國際學校講嘢大聲, 佢就繼續忍耐咁囉。最初我仲好嬲咁, 問佢做乜要用英文同人哋打招呼。
仲有, 佢成日都係笑笑口微微笑的。响學校都係咁, 只要係可以接受程度, 同學曳佢都唔會告俾老師知, 行轉頭當睇唔到就算。同學整下整下, 無癮就會停止了。(其實, 我叫佢告俾老師聽的)
作者: tobbie 時間: 15-6-8 11:59
我依家準備將我仔腫眼相曬出嚟先。。。比校長同校車組長睇。。
我當初比個仔讀呢間學校，係認為間學校好，但我暫時接觸班主任同副校都咁，我真係灰心。。。
琴日終於睇左“5個小孩的校長“，套戲入面楊千嬅既對話講中晒我!
一間學校既教育同做老師一樣，要有個心去教好啲小朋友，我自己都覺得呢件事上，每個人既責任都有啲，但唔係咁樣去卸責，我已經同姨姨講過，佢曳可以話我知，我自己返去再同小朋友傾，但我唔係車上，好多時我都唔在場，我都希望可以有個溝通，溝通真係好緊要，一直以嚟，姨姨都無話我仔曳，所以我都以為無野，直到家長日前1星期先知道我仔平時係點，無論點，我都希望可以清清楚楚溝通一次，我亦搵左後路轉校!呢個係真係溝通唔到先會轉。。。
多謝各位爸爸媽媽比既意見
作者: homeuser 時間: 15-6-10 16:16
little_yolky 發表於 15-6-8 09:59
什麼四兩撥千斤, 分明就係怕事而已, 最初我係幾生氣的, 覺得無乜骨氣。
其實就係一句：忍耐囉。 ...
作者: little_yolky 時間: 15-6-11 10:55
homeuser 發表於 15-6-10 16:16
謝謝分享, 你個女EQ好高, 能時時保持微微笑同冇火, 真係好難, 佩服
佢都有話班國際學校學生人哋講嘢大聲就話人, 不過佢哋有時講嘢都好大聲。我就叫佢話番佢哋, 佢話：唔好話人咁多啦 
作者: Jane1983 時間: 15-6-11 13:54
回覆 little_yolky 的帖子
聽你講你大女咁耐，佢心地善良、識關心人，對人溫柔友善，經常笑容滿面又有耐心，社交智能A+呢。
佢讚爸爸日文叻果件事，見到佢睇野的角度吾同，難怪咁得人鍾意。
怕事縮埋一邊，可能可以令佢唔比人蝦，但friend埋一齊玩，就唔係咁簡單啦。
作者: little_yolky 時間: 15-6-11 17:09
Jane1983 發表於 15-6-11 13:54
回覆 little_yolky 的帖子
聽你講你大女咁耐，佢心地善良、識關心人，對人溫柔友善，經常笑容滿面又有耐心 ...
作者: little_yolky 時間: 15-6-11 17:13
Jane1983 發表於 15-6-11 13:54
回覆 little_yolky 的帖子
聽你講你大女咁耐，佢心地善良、識關心人，對人溫柔友善，經常笑容滿面又有耐心 ...
作者: karen55407 時間: 15-6-11 17:18 標題: 回覆：tobbie 的帖子
結果點呀？
作者: Jane1983 時間: 15-6-11 17:31
回覆 little_yolky 的帖子
有Hi bye打招呼、無蝦佢，仲分享小食，坐車時間吾長，又吾係一間學校，算好吾錯。
作者: Apple_Orange_T 時間: 15-6-12 08:50 標題: 引用：Quote:tobbie+發表於+15-6-4+09:45+我仔星
原帖由 little_yolky 於 15-06-04 發表
咁其實你覺得學校可以點做呢? 依家校車好難做, 因為賺唔多, 所以搵到校車位已經好好彩了。成架校車咁多人, ...
作者: little_yolky 時間: 15-6-16 16:35
Apple_Orange_T 發表於 15-6-12 08:50
咁曳啲小朋友㗎 ， 可以調位嗎？
作者: little_yolky 時間: 15-6-16 16:38
homeuser 小小年紀可以做到咁, 大人都未必得, 真心佩服 發表於 4 天前
真係世界變咗了！原來咁係好的！
阿女幼稚園時, 老師都觀察到佢呢樣嘢, 叫我哋注意下, 話怕佢唔出聲, 大個俾人蝦, 要識得出聲為自己爭取。
作者: Apple_Orange_T 時間: 15-6-16 18:57 標題: 引用：Quote:Apple_Orange_T+發表於+15-6-12+08:5
原帖由 little_yolky 於 15-06-16 發表
調咗我阿女坐車尾, 櫈到甩肺, 班國際學校就遲上車, 坐車頭。
作者: tobbie 時間: 15-10-3 14:17
寫返個總結先~SORRY ,咁耐先交代!
我先係同班主任講,跟住到校車姨姨,再到主任,然後就係副校長,最後到校長!!
最接受唔到係校長同我講:可能個校車姨姨只係試過一次半次啫!(抆頭髮,抆耳仔)
我即刻回佢一句:呢D野半次都唔應該發生啦!!啊校長!
之後既對話已經唔重要!
副校叫我自己搵保姆車
主任叫我自己聯絡校車組長
校車組長話會同公司講
唔可以話校車公司難招標就要家長同小朋友去承受!!!!!
校長之後仲要同其他講,係我呢個家長過份緊張......
我仔搭校車搭到眼腫晒,我唔應該問?唔應該去了解??
我仔搭校車比姨姨抆頭髮抆耳仔都唔應該去了解?唔應該去投訴?
我仔上校車時,上上下樓梯,突然衝落車攬住我喊話唔坐校車,我又唔應該理?
我自己送啊仔返學,啊仔由7點40分企學校門口唔肯入學校,企到8點鐘,路企路喊話唔返學,仲要老師拉佢入去!!
一個小朋友唔發生左D事,無啦啦唔會係咁!!!
最後,我已經完全唔坐校車,自己接送,仔仔個情緒好返好多!!
而同仔仔商量左,仔話今年入呢班讀書呢,想試下D新嚐試,因為今年同上年既教法會有唔同!
咁只要小朋友讀得開心,就OK啦!
大人既事,唔應該要影響到小朋友學習,既然啊仔話想試,我都由佢試!!
長篇左~唔好意思!!
作者: readymama 時間: 15-10-3 14:33
回覆 tobbie 的帖子
其實家長有無諗過轉校?只有父母先會肯為自己仔女幸福去努力. 無論怎樣其他人的意見都是不重要, 企出來的只有你自己,但好多謝你的分享!
作者: licpd 時間: 15-10-3 14:51
我地學校好SUPPORT家长，家长一投诉校车的事，學校绝对不会怕事，会跟校车公司交涉。如果说学校怕招标不到校车服务而不替家长出头，我觉得这个原因不成立。
| 歡迎光臨 教育王國 (/) |
Powered by Discuz! X1.5 |