教育王國

標題: 請幫忙提供語言治療資料 [打印本頁]

作者: sandyma2011 時間: 15-6-2 14:22 標題: 請幫忙提供語言治療資料

小兒兩歲上星期剛於協康評為自閉症傾向、語言遲緩，找星期六的語言治療，協康要排一年，我住青衣，如各位媽媽有推介、請PM我！萬分感謝！

作者: Lingyau1221 時間: 15-6-2 15:06 標題: 回覆：sandyma2011 的帖子

U work so select sat? Will u consider 上門？not sure have sat or not , around $1.5k社區言語治療中心

作者: sandyma2011 時間: 15-6-2 16:09 標題: 回覆：請幫忙提供語言治療資料

上門有推介嗎？

作者: mythicbird 時間: 15-6-9 17:14

Hello Sandy,
我住荃灣區，係青衣附近所以分享一下~

如果有自傾，剩係做語言治療可能唔夠全面，同時做埋行為訓練同試下小組活動可能更好。我個仔大約半年前 (當時2歲9個月)評估為自閉，程度唔算嚴重，由於排政府同協康既Training都要等好耐，我唔想錯過3歲前黃金治療期，所以搵左好耐，搵左間近我地屋企既(係荃灣南豐，名字上面既POST有人貼了)既私人CENTER訓練。

因為地點都係一個主要考慮因素，由2歲9個月做到宜家3歲3個月，進步左好多，由連爸爸媽媽都唔識講，單字沒有10個，進步到我估單字有200個 (同佢睇字咭估出黎)，識講短句同會主動表達需要 (例如去wee wee, poo poo, 要食飯, 飲水等)。一開始係密集式一星期五日, 過左2個月因為頂唔順同時早上要返PN班，就改了一星期三日，到現在只上星期六。由於有小組活動 (大約4個小朋友) 所以佢都算習慣到同其他人一齊活動 (當然仍然未進步到識主動同其他人一齊玩, 但起碼可以相處到)。

作者: mythicbird 時間: 15-6-9 17:18

你可以考慮一下。但我個CASE既小朋友比你大，我唔肯定2歲適唔適合上佢地既Course，你可以問下佢地。

另外協康有個活動叫First Step，我覺得唔錯，我個仔上返一個Course (10堂)，班上都係2至3歲，逄星期六既，6組小朋友。

既親子活動，又可以訓練大小肌肉，亦可以學識同人相處。同埋唔算貴...XD

作者: sandyma2011 時間: 15-6-9 20:59 標題: 回覆：mythicbird 的帖子

謝謝您這麼詳盡的分享！剛剛於上星期打電話去香港社區言語治療中心comfirm咗言語治療，7月頭可以上第一次，每星期一堂。耀能協康都入咗紙排，但唔知幾時才排到（因為我要星期六才可上堂）

囝囝於八月初要入讀全日制PN，思前想後真係唔想放棄這個機會，但好多密集課程其實都是星期一至五，我想知道有沒有一些適合的課程，是在星期六上的？

Thanks for your valuable opinions!

作者: wypooh 時間: 15-6-9 23:48 標題: 回覆：mythicbird 的帖子

想問你找centre的那位老師及幾錢一堂?我仔2歲9個月，評左有自閉，又係冇咩言語，thx.

作者: mythicbird 時間: 15-6-10 09:55

我原先上既係一星期五堂，上左一個月改為一星期三堂 (2,4,5)，都是下午班 (因為我的兒子上午要返N班)。他們的課程內容主要有3樣，第1樣是佔時間最多亦最為主要的是小組活動，訓練社交技巧，大小肌肉訓練之類 (3~5人因為3天跟5天是同一個Class所以如果你上5天班，有時候會人多啲，有時候人少啲，但聽他們說最多一班6人)，我果班係由梁老師教既。
第2係一星期一次既音樂治療，由另一位老師負責，係星期四上堂既 (因此我才選2,4,5 否則我想上1,3,5的)，第3亦係一星期一次 (其中一天由他們安排)上大約30分鐘既一對一言語治療，係由言語治療師上，我果時係劉姑娘同謝姑娘。

作者: mythicbird 時間: 15-6-10 10:04

我覺得佢地既負責老師都好有愛心 (只係做Admins 啲人唔係幾醒....你問咩佢地都唔清楚要問返負責人~ 好多時溝通唔到~ 唉)，我特別感激主要負責既梁老師，佢真係有心想小朋友好，好有HEART，我睇佢應該做左好長時間係特殊教育方面，佢真係令到我個仔講到好多野同守到規矩。但係佢有時說話比較粗魯....同埋聲亮比較大 (係真好講野超大聲...)，呢方面真係唔係好接受到。
不過可能只有咁我個仔先變得主動~ 無可否認，無佢既話我個仔唔可能識講咁多野~ 我有時覺得，雖然佢唔係語言治療師，但佢係呢個Course最重要幫到小朋友既人。
另外2位語言治療師都好NICE同埋對小朋友好有耐性 (不過其他職員講真麻麻地....)
我唔想幫人賣廣告，但係我自已都係苦主之一，呢個香港對我地自閉小孩能提供服務既機構真係好少，我分享多少少我上個既Course主要係想俾大家認識多啲，雖然自閉好難完全醫好，但係真係可以透過訓練改善好多問題，大家都唔好灰心同輕易放棄。

作者: mythicbird 時間: 15-6-10 10:12

Sandy,
係有只上星期六既，其實你報緊既Center就有。我原先上呢個Center係weekday, 但係最近阿仔穩定進步同埋想上多啲唔同機構既Course (包括協康同家長資源中心)，所以我都改左只上星期六。佢地有一個Course叫: 二師教室，只上週六，有分初班及高班，以能力分，如果你小朋友只有2歲同啱啱開始治療，我估計佢會叫你上初班，好似係12:30PM到2:00PM，返1.5小時中頭一個小時係小組活動 (我記得係梁老師教)，跟箸既半小時係由語言治療師教，但係唔係1對1，係一位語言治療師對3~4位小朋友。
我小朋友由於之前已經上了幾個月密集式，所以佢地安排左佢上高班，由2:30至4:00PM，由另一位老師教，我都係剛開始返左一堂，佢果位老師傾左一陣計，佢都好有耐心﹐落堂後同我傾左半小時。

作者: mythicbird 時間: 15-6-10 10:22

我上星期先第一堂週六Course，同一班有4個小朋友包括我個仔...另外3位小朋友我估計都比我仔大...4~5歲左右，好明顯比我個仔叻，落堂會自已係水機倒水飲同埋識主動走去同老師講: 鐘老師, BYE BYE，我個仔要我提佢先識同老師講，希望有一日我個仔都去到佢地既能力。

我見妳提到有學校收佢PN，呢個機會真係一定唔好放棄，除非真係上左一段時間發現嚴重唔適合先再算。

上正式班始終好處多過壞處，點都可以一定程度學識同人相處同學習守規則，但係如果你之後有收到半日班既話其實可以考慮下半日班，邊上半日邊搵一間密集式訓練，呢樣野真係好有幫助。

作者: mythicbird 時間: 15-6-10 10:36

上面你有提到排協康....我由上年10月排協康既密集式訓練排到上星期先俾到位我，但係由於我已經係果間私人中心上左幾個月，有左基本能力，同埋佢地剩返藍田同何文田可以有上午班 (9月份開始我仔要返下午K1班)，我無辦法又返K班又一至五帶到阿仔去佢地既中心，所以我最後都放棄左。

作者: sandyma2011 時間: 15-6-12 11:26 標題: 回覆：mythicbird 的帖子

謝謝您嘅詳細分享！5月尾評估自傾是中度至嚴重，我到現在仍然唔係好接受到，甚至質疑過評估的準確性，因為當中有些task，小兒不是不懂，而是不肯做出來。小兒interview PN差不多是全軍覆沒，而現在收他的全日PN是依靠親友的人士關係才可以入到，我好想俾佢試一試，希望讀書後可以有好的轉變。

耀能及協康的speech therapy輪候時間都好長，現在荃灣南丰中心呢間7月已經有位，所以即刻報名留位。由於我囝囝只有兩歳，所以中心職員話一堂上半個鐘先，聽到妳話中心的services好好，我都放心d。

另外妳推薦的星期六課程都好適合我囝囝，我會check下有無位。

感謝妳無私的分享！

作者: mythicbird 時間: 15-6-12 16:26

其實你既小朋友只係2歲，目前既評估可能唔準確，所以都唔洗太灰心，目前先唔好理佢到底界定係咩程度，先針對佢比較遲緩既部份黎訓練一下，睇下能夠進步到幾多先算~

加油.

作者: 誠媽 時間: 15-6-12 21:57 標題: 引用：其實你既小朋友只係2歲，目前既評估可能唔

原帖由 mythicbird 於 15-06-12 發表
其實你既小朋友只係2歲，目前既評估可能唔準確，所以都唔洗太灰心，目前先唔好理佢到底界定係咩程度，先針 ...

呢間中心真的是好好，係我人生感到最無助最痛心的時候幫左我，我仔仔兩歲九個月評估自閉，語言一歲，認知歲半，係呢間中心上左年幾密集，現在差不多追到同年小朋友，我非常感激她們每一位，我個時係上早上，是任姑娘教

作者: pollyRICKY 時間: 15-7-1 03:16

提示: 作者被禁止或刪除內容自動屏蔽

歡迎光臨教育王國 (/)