教育王國

標題: 教局政助出席「名校攻略講座」　主辦：只講入學程序 [打印本頁]

作者: elbar 時間: 15-5-25 17:32 標題: 教局政助出席「名校攻略講座」　主辦：只講入學程序

【明報專訊】新民黨前執委、教育局政治助理施俊輝噚日就以政助身分，再度應邀去自由黨舉辦嘅小一入學攻略講座，同場另一嘉賓係拔萃小學前校長張蔡詠鈿。由於講座傳單上印有「校長不想你知道的升學秘密大曝光」、「成功入名校的秘訣」等宣傳語句，Emily以為施俊輝會分享入名校秘笈，並問過有份籌備講座嘅自由黨東區區務主任曾卓兒，佢話施俊輝冇收車馬費或酬勞，上個禮拜亦到過九龍區出席該黨另一場升小一講座，只係講解吓基本入學程序，「比如攪珠係咩」，唔會分享竅門。

教局﹕促進交流

Emily問過教育局施俊輝出席自由黨講座會唔會涉身分衝突，局方就話政治助理時不時出席相關團體舉辦嘅各樣活動，與各界保持良好溝通，出席講座目的係向一眾爸媽講解現行小一入學途徑，聽吓家長意見，促進交流咁話。

歡迎光臨教育王國 (/)