教育王國

標題: 黃埔軍校 [打印本頁]

作者: pmlai 時間: 15-5-14 12:42 標題: 黃埔軍校

有冇家長比小朋友參加過黃埔軍校，阿仔今年話想同同學仔去，但我怕仔捱吾住，有冇人可以比意見我

作者: dobbybabie 時間: 15-5-14 16:10 標題: 引用：有冇家長比小朋友參加過黃埔軍校，阿仔今年

原帖由 pmlai 於 15-05-14 發表
有冇家長比小朋友參加過黃埔軍校，阿仔今年話想同同學仔去，但我怕仔捱吾住，有冇人可以比意見我

...

香港都有，早排個麼香港青年團，唔計政治色彩，好過大陸黃埔軍校多多聲，又放心，好似是每年三四月就開始申請。

作者: pmlai 時間: 15-5-14 16:14 標題: 回覆：dobbybabie 的帖子

有冇咩細資料可以給我參考？

作者: bestwish 時間: 15-5-14 17:28

本帖最後由 bestwish 於 15-5-14 17:32 編輯

黃埔軍校真係超辛苦, 呀女學校果年5年班一定要參加, 跑步跑到幾個暈左, 回到家楂筷子都冇力。如果你個team人唔生性就更慘, 因為係一齊成team罰。之後學校改了地方, 因為實在慘不人道。

不過都係一個唔錯體驗。一世難忘。

作者: 王家爸爸 時間: 15-5-14 17:42

參加童軍算啦

作者: 黃巴士 時間: 15-5-14 17:52

本帖最後由黃巴士於 15-5-14 17:54 編輯

bestwish 發表於 15-5-14 17:28
黃埔軍校真係超辛苦, 呀女學校果年5年班一定要參加, 跑步跑到幾個暈左, 回到家楂筷子都冇力。如果你個team ...

同意!! 慘不忍睹. 暈倒加中暑仲大件事!!
好多家長以為參加黃埔軍校是訓練小朋友意志, 其實是按咁細過參軍入伍無異, 小朋友就算是高中生, 這個年紀, 心志與體力都未可應付, 何況在國內參加, 訓練等同與國內人的HARD. 不單沒好處, 反而對咁小年紀的心理發展不好.
要參加可參加一些有質素的暑期香港歷奇班.

作者: pmlai 時間: 15-5-15 06:18 標題: 回覆：黃巴士的帖子

謝謝各位的意見，我真係要認真同仔傾下叫佢吾好去

作者: Yanamami 時間: 15-5-15 07:47

玩outward bound好过啦！
http://www.outwardbound.org.hk/courses/youth/

作者: pmlai 時間: 15-5-15 07:48 標題: 回覆：Yanamami 的帖子

謝謝

作者: ngwong2 時間: 15-5-15 11:26

初中時我自斬後X幫仔報了工聯會去.O.K.喎.我揀EASTER去就係貪天氣冇咁熱.
都多蚊,有人點蚊香.WC環境預她差.

作者: 黃巴士 時間: 15-5-15 19:32

九龍京士柏YMCA都有14歲SPORT或謍地/攀石等歷奇班, 超了此年紀再大D就沒這些SUMMER PROGRAMME了. OUTWARD BOUND都好, 不過價錢貴, 但勝在安全.

作者: Ceci333 時間: 15-5-16 10:22

當年亞仔高小有同學去了黃埔軍校，是學校其中一個課外活動，自由參加。同學媽媽說有教官用膝頭踢動作不達標的參加者，他們都不敢反抗。這是真是假我不能證實，我不在現場，但訓練意志要非去不可嗎？關在裏面真是叫天不應，叫地不聞。（是多年前的事，現在亞仔已中學畢業了）

作者: 黃巴士 時間: 15-5-16 11:12

本帖最後由黃巴士於 15-5-16 11:15 編輯

Ceci333 發表於 15-5-16 10:22
當年亞仔高小有同學去了黃埔軍校，是學校其中一個課外活動，自由參加。同學媽媽說有教官用膝頭踢動作不達標 ...

AGREED!! 唔覺得這些是什麼正統訓練, 類同虐待. 身體傷害是其一, 精神傷害是最大.

作者: silvia_ng 時間: 15-5-16 12:26 標題: 回覆：黃埔軍校

我幫女女報了(p4) ，自己參加，冇人陪，佢地真係身在福中不知福，要受下呢啲先得。

作者: mermaid2002 時間: 15-5-17 02:25 標題: 引用：玩outward+bound好过啦！+http://www.outwa

原帖由 Yanamami 於 15-05-15 發表
玩outward bound好过啦！
http://www.outwardbound.org.hk/courses/youth/

你小朋友幾歲？玩過嗎？俾多D資料參考下好？因想知安全嗎？唔好意思，咁多問題。謝謝

作者: Yanamami 時間: 15-5-17 08:16

本帖最後由 Yanamami 於 15-5-17 08:18 編輯

mermaid2002 發表於 15-5-17 02:25
你小朋友幾歲？玩過嗎？俾多D資料參考下好？因想知安全嗎？唔好意思，咁多問題。謝謝

...

我女無玩过，但朋友女玩过，好安全。我女玩过小学版“乘风航”，係学校報既｡中学版要係船上过夜｡

作者: 黃巴士 時間: 15-5-17 10:33

本帖最後由黃巴士於 15-5-17 10:34 編輯

mermaid2002 發表於 15-5-17 02:25
你小朋友幾歲？玩過嗎？俾多D資料參考下好？因想知安全嗎？唔好意思，咁多問題。謝謝

...

朋友仔女都有玩過. 安全的. 上山下海, 攀山涉水, 露營生活. 預計會流很多汗水及蚊叮. 絕對是溫室外的磨練鬥志及TEAM WORK組織. 雖是這樣, 朋友孩子仍十分鍾意參加.

作者: wyl 時間: 15-5-17 12:44

我囡去年都有去護協辦的七日軍校，護協有護士同team leader跟團，我囡返嚟話好玩，係個廁所差啲，其他都okay喎，啲教官都唔係好惡，仲同佢哋有講有笑，太曬同落雨都會叫佢哋去有瓦遮頭嘅操場操，唔算好辛苦。

作者: sum-yan 時間: 15-5-17 13:08 標題: 引用：+本帖最後由+bestwish+於+15-5-14+17:32+編

原帖由 bestwish 於 15-05-14 發表
本帖最後由 bestwish 於 15-5-14 17:32 編輯

黃埔軍校真係超辛苦, 呀女學校果年5年班一定要參加, 跑步跑 ...

其實是香港家庭太溺愛下一代，多個國際調查指出香港學童體能是低於水平

作者: pmlai 時間: 15-5-17 13:12 標題: 回覆：wyl 的帖子

護協有軍校？是否要會員才可報？

作者: sum-yan 時間: 15-5-17 13:16 標題: 引用：我幫女女報了(p4)+，自己參加，冇人陪，佢

原帖由 silvia_ng 於 15-05-16 發表
我幫女女報了(p4) ，自己參加，冇人陪，佢地真係身在福中不知福，要受下呢啲先得。

...

真的，香港溫室成長的兒童太嬌生慣養了，連自立能力都無，最可怕是連家長都不知正在加害自己兒女，還口口聲聲批評他人虐待

作者: dobbybabie 時間: 15-5-17 15:52 標題: 回覆：黃埔軍校

outward bound 同香港青少年軍事夏令營兩個我仔都有參加過，兩個唔同性質和內容，阿仔兩個都鐘意，但最鐘意當然是outward bound 因為是歷奇和野外訓練，軍事夏令營刻苦同單調少少，因要步操和打軍體拳，紀律和服從性要高好多，同埋在軍營與外面世界隔絕，但我覚得好值得去(唔好帶政治色彩去睇)，上綱打香港青少年軍事夏令營字眼就睇到，好似是十五至十八歲，每個同學祗有—次咁既機會，而且要面試。

作者: wyl 時間: 15-5-17 20:59

pmlai 發表於 15-5-17 13:12
護協有軍校？是否要會員才可報？

不是護協有軍校，是他們有辦軍校團。詳情你可以在護協網址睇，打護協軍校就搜尋到。

作者: pmlai 時間: 15-5-18 07:17 標題: 回覆：wyl 的帖子

謝謝你

作者: skkeung 時間: 15-5-18 17:58 標題: 引用：有冇家長比小朋友參加過黃埔軍校，阿仔今年

原帖由 pmlai 於 15-05-14 發表
有冇家長比小朋友參加過黃埔軍校，阿仔今年話想同同學仔去，但我怕仔捱吾住，有冇人可以比意見我

...

去咪去，有什麽好怕?

作者: pmlai 時間: 15-5-18 18:58 標題: 回覆：skkeung 的帖子

怕佢涯吾住

作者: Kittymummy 時間: 15-5-30 20:00 標題: 回覆：黃埔軍校

舊年去過，係學校每年開學第一個星期全級去。係辛苦，晒到隻狗，要做體能，準時6點起身，起身黎摺被，床鋪. 做得吾好就要比人罰. 要早睡早起，冲涼地方好細，衛生差，連放衫既地方都冇咩. 每日要做步操，下午5點幾就食晚飯.

聽完你可能覺得肉赤，但我係極支持中學生去呢d訓練營. 咩野叫紀律，冇人會服侍佢地. 吾係個個都好似生活係香港咁幸福. 訓練完軍校會出張証書比每個人.

作者: CrabPincers 時間: 15-5-31 09:41 標題: 引用：舊年去過，係學校每年開學第一個星期全級去

原帖由 Kittymummy 於 15-05-30 發表
舊年去過，係學校每年開學第一個星期全級去。係辛苦，晒到隻狗，要做體能，準時6點起身，起身黎摺被，床鋪. ...

我仔黎緊的中學都講左所有中一生都要去，我自己好期待，依家d小朋友太幸福，未捱過，我仔去完畢業營返黎同我講，原來舖床單好幸苦

作者: pmlai 時間: 15-5-31 11:57 標題: 回覆：CrabPincers 的帖子

報了護協旅遊，因為有護士一齊跟團，話會照顧小朋友心理生理同受傷，希望仔涯得住，會學到嘢回來

作者: caa 時間: 15-5-31 13:53

大陸安全等可靠嗎？如在過程中，小孩生病，在大陸會如何處理？有可靠醫療嗎？會及時通知家長嗎？記憶中好似有一年一個男孩去黃埔出事。同意其他網友說，何不參加香港的outward bound？起碼安全D

作者: Kittymummy 時間: 15-6-1 11:14

CrabPincers 發表於 15-5-31 09:41
我仔黎緊的中學都講左所有中一生都要去，我自己好期待，依家d小朋友太幸福，未捱過，我仔去完畢業營返黎同 ...

E..... 唔知你個仔係咪同我女一間學校呢 ? 嘻嘻嘻.

係架.... 佢地係香港太幸福了.
係營既訓練只係訓練好基本日常生活野 & 體能.
舖床單, 摺被唔好打算是是旦旦, 係有要求的.
做得唔好既, 就會比人罰.
講真, 我一D 都唔會肉赤 (何況我果個仲要係女仔 ).

作者: joyjoyparent 時間: 15-6-8 19:18

回覆 CrabPincers 的帖子

其實黃埔軍校是為國內城市升中學生安排的課程. 他們也有幾間. 我想, 參與有信譽的主辦團體較有保障.

作者: 芝麻街 時間: 15-6-9 17:49

我個仔8歲, 個女10歲時一齊玩過, 佢地都話好玩~~

作者: pmlai 時間: 15-6-9 21:57 標題: 回覆：芝麻街的帖子

芝麻街，你小朋友參加那個圑？

作者: 芝麻街 時間: 15-6-10 16:12

pmlai 發表於 15-6-9 21:57
芝麻街，你小朋友參加那個圑？

當時係參加小童群益會攪的~~

作者: pmlai 時間: 15-6-10 16:20 標題: 回覆：芝麻街的帖子

謝謝您，我同仔報左護協，希望同你小朋友一樣，覺得開心

作者: 芝麻街 時間: 15-6-10 16:40

pmlai 發表於 15-6-10 16:20
謝謝您，我同仔報左護協，希望同你小朋友一樣，覺得開心

一定要帶電話同足夠嘅零用錢

最後一日, 我去睇佢地PASSING OUT , 好好笑又好正,

不過, 當你第一眼見佢嘅時候, 可能好心痛...

因為, 又黑又污糟,

當然有人話好玩, 有人喊, 亦大人發誓以後唔去架.....

作者: pmlai 時間: 15-6-10 17:43 標題: 回覆：芝麻街的帖子

芝麻街睇到你咁寫，我有小小希望吾成團，最怕而家個新沙士，如果軍校個度衛生差，真係好擔心呢，睇佢地passing out我怕我一見到仔就忍不住喊，因為我好眼淺

作者: 芝麻街 時間: 15-6-10 18:29

pmlai 發表於 15-6-10 17:43
芝麻街睇到你咁寫，我有小小希望吾成團，最怕而家個新沙士，如果軍校個度衛生差，真係好擔心呢，睇佢地pass ...

放心啦, 無事架

作者: awah112 時間: 15-6-10 21:24

提示: 作者被禁止或刪除內容自動屏蔽

作者: CYPK 時間: 15-6-12 09:10

如識到紅(軍)二代

在香港童子軍...玩泥沙囉

作者: Zywx 時間: 15-6-26 16:38

香港帶隊D阿SIR會睇住佢地，比小朋友多嘗試係好事。

作者: moon.ng 時間: 16-4-21 22:53 標題: 引用：有冇家長比小朋友參加過黃埔軍校，阿仔今年

原帖由 pmlai 於 15-05-14 發表
有冇家長比小朋友參加過黃埔軍校，阿仔今年話想同同學仔去，但我怕仔捱吾住，有冇人可以比意見我

...

你先要他瞭解清楚自己判斷可否堅持，如果可以，他自己想去就應該給他去，能夠有勇氣主動提出來要去，說明你的孩子非常堅強勇敢，做父母的心也要強大一點，我小孩四年級就去深圳邊防部隊訓練了半個月，不管是對心理還是身體都是很好的鍛鍊！越是堅強的孩子越有人情味心地越好！

作者: 701003 時間: 16-4-22 08:04 標題: 回覆：黃埔軍校

我個仔，小四小五都有去軍校，好辛苦，但好玩，可惜同校金菠蘿家長太多，學校無再去，到我個嬌嬌女妹妹，想去都無得去

要等到中一，終於可以去啦！

作者: 123WING 時間: 16-4-22 15:25

Yanamami 發表於 15-5-15 07:47
玩outward bound好过啦！
http://www.outwardbound.org.hk/courses/youth/

outward bound是否適合14歲青少年? 經什麼團體報名?有沒有其它團體舉辦類似形式活動?

作者: e12340 時間: 16-4-22 18:59 標題: 引用：我個仔，小四小五都有去軍校，好辛苦，但好

原帖由 701003 於 16-04-22 發表
我個仔，小四小五都有去軍校，好辛苦，但好玩，可惜同校金菠蘿家長太多，學校無再去，到我個嬌嬌女妹妹，想 ...

我大女都話想去軍校暑期夏令營5日嗰個喎,請問点報名？Th！

作者: yinyuemao 時間: 16-4-23 00:12 標題: 回覆：黃埔軍校

香港有那麼好的童軍組織，竟然無人參加，反而要山長水遠到內地具有商業色彩的所謂黃埔軍校，真係想唔通。我每次在童軍總部都可以遇到內地的參觀團，佢地都唔知幾羨慕香港的小朋友有童軍玩。

作者: metrochung 時間: 16-4-23 13:51 標題: 引用：Quote:原帖由+701003+於+16-04-22+發表我個

原帖由 e12340 於 16-04-22 發表
我大女都話想去軍校暑期夏令營5日嗰個喎,請問点報名？Th！

我都想知邊度報名，我仔已經參加有兩種制服團體，好少去4.5日個D活動，所以都想比佢試下，佢又不怕辛苦

作者: minmin 時間: 16-4-23 13:56 標題: 引用：香港有那麼好的童軍組織，竟然無人參加，反

原帖由 yinyuemao 於 16-04-23 發表
香港有那麼好的童軍組織，竟然無人參加，反而要山長水遠到內地具有商業色彩的所謂黃埔軍校，真係想唔通。我 ...

童軍有無只參加暑期班？

作者: yinyuemao 時間: 16-4-23 20:37 標題: 引用：Quote:原帖由+yinyuemao+於+16-04-23+發表

原帖由 minmin 於 16-04-23 發表
童軍有無只參加暑期班？

http://www.scout.org.hk/chi/香港童軍總會網站。除左平時活動，假期都有各類短期活動。而且童軍本身就是一個世界性組織，好多國家都有分部。平時活動豐富多采，阿仔今年除左平日步操，急救，繩結，還有慣例3日露營，3日宿營，還有wargame，釣魚，保齡，燒烤，攀岩，各類參觀，次次唔同，豐富多樣。這些香港以前的核心傳統，現在已經被家長慢慢淡忘了。

作者: akys 時間: 16-4-23 22:34

回覆 yinyuemao 的帖子

一個係持續，一個係速成。冇玩開玩吓都好過完全唔玩。童軍攞章好有成就感，手臂上鑲晒啲章好有型。

作者: twu_hk 時間: 16-5-12 15:52

本帖最後由 twu_hk 於 16-5-12 15:54 編輯

我仔小四去(5年前) 家長可以上半日去參觀他們訓練. 地方舊, 小小污穢, 多蚊, 老師惡, 有D小朋友會頑皮D都預左.

但回港後仔話有一個小朋友係宿舍偷他的錢. 個負責人竟然叫我個仔唔好話比我知, 話如果媽咪要追究偷錢個小朋友會好慘, 比個機會佢改過. 教我仔講大話????? 呢樣我接受唔到.

不過都係一個捱苦經驗, 接受到辛苦可以比小朋友試下. 如果係跟學校或香港組織一同協辦, 有香港人監督一下應該會好D. 　

作者: b3410 時間: 16-5-19 00:17

我以为係黄埔军校参观

歡迎光臨教育王國 (/)