教育王國
標題: 真心求救，8歳仔中文科學習困難！！！ [打印本頁]
作者: karenpsleung 時間: 15-5-13 15:16 標題: 真心求救，8歳仔中文科學習困難！！！
本帖最後由 karenpsleung 於 15-5-13 15:43 編輯
真心求救，想個仔小學中文科合格！！！我個仔來年升小三了。過去兩年，中文科不論默書、測驗和考試都無一次試過合格，試卷得三十幾分，默書就幾乎次次都十分之下。他讀的是英文小學，數學和常識也是用英文教的。我直覺話比我知我不能再單憑學校一方去使我個仔的中文科成績可以突飛猛進，而且我唔想睇住個仔的中文一直咁差落去。現在我一至五放工回家至訓覺前大多只夠時間陪佢做晒些功課，因為他做得很散慢。而每逢測試考試前三、四個星期我己經主攻陪他溫習中文科而放棄溫習其他科目了，可是成績依然唔合格，加上我的中文和普通話水平都唔係好得。懇求教育王國的家長們，分享一些補習社/教材/學習中文的方法/其他方法，因為再咁落去，我都唔知佢點考一條龍中學了！先謝謝你們各位的寶貴意見！
作者: little_yolky 時間: 15-5-13 15:19
karenpsleung 發表於 15-5-13 15:16 
我個仔來年升小三。過去兩年，中文科不論默書、測驗和考試都無一次試過合格，試卷得三十幾分，默書就幾乎次 ...
作者: wan_sosin 時間: 15-5-13 15:20
karenpsleung 發表於 15-5-13 15:16
我個仔來年升小三。過去兩年，中文科不論默書、測驗和考試都無一次試過合格，試卷得三十幾分，默書就幾乎次 ...
恕我直言,有無想過是否有讀寫障礙?
作者: karenpsleung 時間: 15-5-13 15:41
回覆 little_yolky 的帖子
他是讀英文小學的，常識科也是英文！所以，他對中文字的時間真的很少！
作者: karenpsleung 時間: 15-5-13 15:42
回覆 wan_sosin 的帖子
老師搵社工做左評估，話無喎
作者: 好導師會 時間: 15-5-13 16:21
提示: 作者被禁止或刪除 內容自動屏蔽
作者: MrBeast 時間: 15-5-13 16:29
認字有冇問題？
作者: little_yolky 時間: 15-5-13 16:38
MrBeast 發表於 15-5-13 16:29
認字有冇問題？
作者: kayi0556 時間: 15-5-13 17:22
回覆 little_yolky 的帖子
我都係咁諗， 識字太少， 唔識字會影響興趣， 之後就唔想學中文
作者: MrBeast 時間: 15-5-13 17:27
little_yolky 發表於 15-5-13 16:38
樓主話默書次次10分以下, 跟本係無興趣, 認唔到字, 無心機學。
作者: kayi0556 時間: 15-5-13 17:30
回覆 MrBeast 的帖子
係， 語文係要浸
作者: simonwan 時間: 15-5-13 17:34
要由頭開始令佢喜歡閲讀課外書。
首先，唔好補中文，唔好做課外練習，唔好逼佢默書寫字，衹會令佢越憎中文，功課求其完成，滿足老師最低要求就算。未來兩年唔好理中文科學校成績。
要做的，是開始陪佢睇中文故事書，唔知你仔程度，由他程度開始看起，逐步加深，要培養他看中文書的興趣。
如是者幾個月，希望培養他看中文書的習慣。
之後可開始寫字練習，如果學校每天有的，就繼續。如果他不太抗拒的話，可每天少量給他寫字練習，由一頁開始，慢慢逐步加多，但每天都是以閲讀爲主。
有了閲讀習慣，中文程度會快速增長，一兩年后，學校考試不會是問題，再過兩年，可能名列前茅。
學語文是長跑，唔好睇呢兩年成績，就算而家比你操到合格，以後十年，年年仲金，遲早完。
越大越難學中文，八歲仲可以培養他看中文書的習慣，要而家開始。
記著，唔好做練習、閲讀理解等等，無用！
中文故事書單可參考EK其他帖，很多網友有好建議。
作者: IloveJJ 時間: 15-5-13 17:35 標題: 回覆：真心求救，8歳仔中文科學習困難！！！
提示: 作者被禁止或刪除 內容自動屏蔽
作者: simonwan 時間: 15-5-13 17:39
唔駛理識字幾多，由佢程度開始看故事書。逐步加深。
作者: little_yolky 時間: 15-5-13 17:47
karenpsleung 發表於 15-5-13 15:16
真心求救，想個仔小學中文科合格！！！我個仔來年升小三了。過去兩年，中文科不論默書、測驗和考試都無一次 ...
3. 小朋友做功課散漫係第二死症
好多功課嗎? 有無可能有人可以督住佢响你放工前做晒所有功課? 等你放工後可以陪佢講故仔, 讀書仔?
暑假唔好咁多其他額外興趣學習班, 搞番掂個中文先, 一個暑假, 應該可以搞到合格的。但小朋友唔志在就最麻煩了。
作者: mimics218 時間: 15-5-13 17:49
提示: 作者被禁止或刪除 內容自動屏蔽
作者: mimics218 時間: 15-5-13 18:17
提示: 作者被禁止或刪除 內容自動屏蔽
作者: rean_chau 時間: 15-5-13 18:29 標題: 回覆：真心求救，8歳仔中文科學習困難！！！
中文係難學架！你真係要睇下佢有無學習困難先。我仔小一時中文都好差，我落左好多心機。我除左閱讀都放好多時間去認字，因為唔識字好難有興趣。我會將佢課文既所有生字做成咭仔，日日認寫。買啲五分鐘小故事，叫佢分詞類，自己出填充做。二年級未試過唔合格。
作者: MrBeast 時間: 15-5-14 06:15
MrBeast 發表於 15-5-13 17:27
哦，我之以問是因為正常來講都是聽說讀寫lei 個order. 咁如果confirmed不是讀障問題（倒想知社工點知）， ...
作者: Yanamami 時間: 15-5-14 07:50
本帖最後由 Yanamami 於 15-5-14 07:58 編輯
就算英小，都無理由差到唔及格，最多因唔鈡意中文而低分啫｡唔通个个讀英小既中文都肥？去正式地方做評估穏妥d.
我大女已F4, 英文全級头果滲但中文係尾尾果渗｡唉~~~~~~~~但佢小学時再唔鈡意中文，默書都90分，測考都80左右喎~如果小時家長偏向—个語言教小朋友，佢大大下会自選果个令佢舒服既語言，抗拒另—个｡但我女从k1/2都顯示唔鈡意中文，人仔細細，借堆中/英書俾佢，揀咗中文書擺埋—边唔睇｡越大就越每況越下｡
作者: ac917 時間: 15-5-14 08:27 標題: 回覆：真心求救，8歳仔中文科學習困難！！！
樓主，基本問題好大機會係識字少，我女讀英文私小，中文比一般津校深，小一已經見到唔掂，默書每次2課範圍，只有50-60幾分，學校只有2考，每次範圍閒閒地9-10課，讀到喊！
小女對中文嘅觸覺比英文差好多，呢2年英默佢預早一晚自己溫完已搞掂，但中默來來回回溫完又溫，2課書起碼要早2星期溫，溫完都冇乜把握，幾咁淒涼.....之後見到佢嘅弱點，加上呢d咁痛苦嘅經驗，而家平日老師一教完的課文，我就盡早同佢溫習默書，每日cut開少少積少成多，家陣中默起碼80-90分以上，重拾信心！
另外小一下學期開始搵單對單私補，試左2個老師先啱，針對性地不停操練左一年多，雖然暫時未談得上喜愛中文，但叫做應付到學校課程，冇咁怕....
樓上有幾位前輩教過我拆開d字來加強記憶，亦分享過唔同方法讀書，我參考佢地方法獲益良多，持之以恆對我女有效，你喺度搵下有幾個posts講教小學中文，加油！
作者: kayi0556 時間: 15-5-14 08:47
我諗最好係每日都同佢一齊睇書， 雖然話2年級，可以由講故事開始， 令佢對中文有返興趣， 令佢冇咁抗拒之後就伴讀， 之後再嘗試放手自己睇書
作者: skkeung 時間: 15-5-14 08:54 標題: 回覆：真心求救，8歳仔中文科學習困難！！！
情況很普遍!英文重要，以為中文容易!學中文難過英文很多!提出時，無人會信!
作者: S-Kwok 時間: 15-5-14 08:58 標題: 回覆：真心求救，8歳仔中文科學習困難！！！
是否其他科嘅成績都冇問題?
我覺得睇中文書方面可以投其所好先，最好係較短嘅故事，容易完成、明白，較易有滿足感，從而培養興趣及成功感。佢鍾意搞笑嘅就睇搞笑嘅故事，佢鍾意科學故事可睇晨讀系列（十分短，幾分鐘讀完），最緊要肯睇，家長要陪讀、陪睇，教佢讀同理解，隨咗等佢覺得有人陪，唔會孤身作戰，仲可以睇佢進度。
作者: Olympian 時間: 15-5-14 09:27 標題: 引用：+本帖最後由+karenpsleung+於+15-5-13+15:4
原帖由 karenpsleung 於 15-05-13 發表
本帖最後由 karenpsleung 於 15-5-13 15:43 編輯
真心求救，想個仔小學中文科合格！！！我個仔來年升小 ...
我最近義工教一個南亞裔小朋友，佢要上中文加輔班(即全級最弱的8個同學，抽離上加強輔導堂)。佢都唔會咁嚴重。
找不到原因，用錯方法會浪費時間。伴讀係好，但我諗對你小朋友未必最有效。快d搵專業人士評估下，睇下有咩問題先。
作者: wan_sosin 時間: 15-5-14 09:59 標題: 引用：情況很普遍!英文重要，以為中文容易!學中文
原帖由 skkeung 於 15-05-14 發表
情況很普遍!英文重要，以為中文容易!學中文難過英文很多!提出時，無人會信!
...
不過樓主真係再試下出去做評估啦！確實一下有無其他問題，同時努力同囝囝睇書！出街指多D中文字佢睇，超市，餐牌，路牌，從生活中學習！
作者: kipapa 時間: 15-5-14 10:19
嘗試讓小朋友多看中文卡通及簡單書籍, 先令小朋友對中文感到興趣, 才能真正得到進步。 家長中文不太好, 其實並唔重要, 與小朋友一起學習, 成語動畫廊是個不錯選擇, 片段短而又可學到成語, 每天10分鐘左右就可以。 先不要寄望小朋友能吸收到多少, 能陪小朋友嘻嘻哈哈睇成語故事, 已是一件樂事, 即使小朋友如何抗拒中文, 相信亦不致於太反感此活動, 習慣了可能會變成喜歡添。
中文是難學的, 但遲起步總比原地踏步為佳, 加油呀!
作者: glory32 時間: 15-5-14 10:27
好多男仔學中文有困難, 怕寫字。
作者: skkeung 時間: 15-5-14 10:34 標題: 回覆：真心求救，8歳仔中文科學習困難！！！
中文真的很難學!
作者: little_yolky 時間: 15-5-14 10:36
kipapa 發表於 15-5-14 10:19
嘗試讓小朋友多看中文卡通及簡單書籍, 先令小朋友對中文感到興趣, 才能真正得到進步。 家長中文不太好, 其 ...
作者: bobbob 時間: 15-5-14 10:39
Olympian 發表於 15-5-14 09:27
真係有d問題。點差都唔會默書得10分。小二就算唔點睇書，都會係學校學到一定字量。
我最近義工教一個南亞 ...
作者: little_yolky 時間: 15-5-14 10:40
MrBeast 我中文都唔好not n excuse 發表於 4 小時前
雖然係話not an excuse, 但如果家長自己中文唔好, 教起來都幾吃力架, 因為老鼠拉龜無訂埋手, 好似我自己英文唔好, 阿女細個時只記得教中文, 咁依家先追番英文又唔知應該點做, 咩書啱睇, 最初都幾傍徨架。
不過, 好彩仲識上EK 
作者: bobbob 時間: 15-5-14 10:44
little_yolky 發表於 15-5-14 10:36
我見樓主話佢自己普通話都唔好, 咁可能小朋友係普教中? 咁如果小朋友普通話聽唔明, 會更無心機, 補補普通話 ...
作者: little_yolky 時間: 15-5-14 10:53
bobbob 發表於 15-5-14 10:44
我仔讀小學前都唔識普通話，學校又係普教中，初初聽唔明所以上堂唔集中，但讀讀下越聽越明就無問題，默書亦 ...
作者: MrBeast 時間: 15-5-14 12:19
little_yolky 發表於 15-5-14 10:40
MrBeast 我中文都唔好not n excuse 發表於 4 小時前
之前有人話唔信中文難，其實唔係唔信，只是不知會咁難，我在小一下學期見勢色不對，已立刻轉呔，急追中文，當時有d重組句子我自己都做錯，咪邊學邊教law, 仲可以話：嗱爸媽都會錯ga, 佢地好受ga.
作者: JE0608 時間: 15-5-14 12:30
識人真的評估出是中文讀寫障礙, 無耐地都要同小朋友轉國際學校
如果小朋友在有溫習情況下, 測考默都遠低合格水平, 其實真係要做下專門評估。
作者: Gary_family 時間: 15-5-14 14:40 標題: 引用：要由頭開始令佢喜歡閲讀課外書。首先，唔好
提示: 作者被禁止或刪除 內容自動屏蔽
作者: little_yolky 時間: 15-5-14 14:57
Gary_family 發表於 15-5-14 14:40
完全唔做練習？我真懷疑
我成日諗, 如果我谷下佢, 俾佢做下練習, 或去補一補專科, 唔知會唔會名列前茅呢 
(發緊白日夢)
作者: HaYi 時間: 15-5-14 18:00
我個仔都是英校, 中文P1開始一直要追, 不要以為英校人人中文差, 中文好的同學都不少, 所以一定要在初小追上去.
佢之前開始睇多左老夫子之類的書, 對中文有興趣多了, 加上中文寫下寫下識多左, 所以會快D, 早些開始溫, 成績會好快有改善.
如普教中而家人普一般, 默書可以用番中文書的網站, 聽多些會熟, 如熟到識背, 默書都冇太辛苦.
作者: simonwan 時間: 15-5-15 03:25
Gary_family 發表於 15-5-14 14:40
完全唔做練習？我真懷疑
作者: MrBeast 時間: 15-5-15 06:04
本帖最後由 MrBeast 於 15-5-15 06:43 編輯
Gary_family 發表於 15-5-14 14:40
完全唔做練習？我真懷疑
若父母不太看重分數，ok 的。但若是在合格邊緣，就要正視問題。
作者: HaYi 時間: 15-5-15 07:16
我覺得"補充"如抗生素, 用來阻截問題, 冇大問題的是不用食, 但如果在不合格之類的情況就要考慮. 只跳選有問題的來加強做會減低副作用 (做到怕), 如果要做補充, 初小來說相信仍要家長的參與去選用.
"閱讀"如中藥調理, 要慢來, 更要對症才能有效, 如何讀, 讀甚麼, 興趣, 能力及需要間如何做取捨因人而異 并不是一廂情願以海讀(量多, 自由發揮)為上. 而太過份注重"質" (如只選散文類或文學類), 又可能扼殺了自主, 減低了興趣, 如何去閱讀真是一門學問.
作者: IloveJJ 時間: 15-5-15 09:16 標題: 引用：Quote:原帖由+simonwan+於+15-05-13+發表要
提示: 作者被禁止或刪除 內容自動屏蔽
作者: Gary_family 時間: 15-5-15 11:20 標題: 引用：Quote:原帖由+Gary_family+於+15-05-14+發
提示: 作者被禁止或刪除 內容自動屏蔽
作者: vincat 時間: 15-5-15 11:40
本帖最後由 vincat 於 15-5-15 11:42 編輯
回覆 karenpsleung 的帖子
我個女都係英小, 都係超級唔鍾意中文, 中文測試, 考試都好低分, 但因為默書有範圍, 只要肯努力一定至少合格, 佢中文咁差, 你唔可以放晒手由佢自己溫, 要幫佢, 起碼要佢知道只要努力, 佢會得, 仲有小四開始中文會深好多, 快D開始每日抽時間睇書啦, 我都努力緊
作者: angelafung100 時間: 15-5-15 11:46
中文係難學過英文好多, 小朋友小時接觸英語多, 自然喜歡以英語學習. 我有個親戚個女又是, 小時佢父母偏愛以英語為主要教學,上小學也是英文小學. 佢好怕中文科,冇自信, 其它科佢都成績好好. 后來佢媽媽察覺到有問題便開始加强中文課外補習, 但因為佢間英文小學D中文課程都是深, 佢開始恐懼比較,自己又會跟不上其他同學. 最后佢小三時佢媽咪決定叫個女考了一間中文小學, 相對中文接觸多左,程度又適中, 現在佢中文進步了不少. 重考入了協恩中學. 我想問題是有得解決, 常常中文不合格係會令人有挫敗感, 或者環境既轉變對他們是好的. 若佢對中文係完全抗拒何不考慮一間適合佢既學校.
作者: IloveJJ 時間: 15-5-15 11:46 標題: 引用：Quote:原帖由+IloveJJ+於+15-05-15+發表我
提示: 作者被禁止或刪除 內容自動屏蔽
作者: Isaacmommy 時間: 15-5-15 13:37 標題: 引用：Quote:原帖由+simonwan+於+15-05-13+發表要
原帖由 Gary_family 於 15-05-14 發表
完全唔做練習？我真懷疑
作者: 已刪除用戶 時間: 15-5-15 15:27
本帖最後由 Charlotte_mom 於 15-5-15 17:22 編輯
我仔都係中文差的, 之前每次中默都好似打仗, 睇下呢個帖幫唔幫到你
http://www.edu-kingdom.com/forum.php?mod=viewthread&tid=2295911
老實講, 對呢類小朋友, 除非你咁好彩搵到個萬中無一咁好心機的補習老師人釘人去教, 否則我懷疑成效有幾大, 我個仔由細已經有delay有問題, 我湊大佢用左成擔心機, 呢d時間精神唔慳得, 好攰, 但付出心血唔會白廢; 佢第一次樂團表演, 為左要佢容易d記隻歌, 我可以廿四孝到填埋詞同佢日唱夜唱
呢d唔止係學習, 仲係寶貴回憶, 我老公到而家都唔明點解買魷魚一定要東京的魷魚, 我話佢: 哼! 你識咩丫, 東京的大尤魚就係最好食, 你都唔明
平時溫中默咩情況? 用幾耐去預備? 我仔初小時, 我地每次幾乎要溫一個月至敢上戰場, 佢咁大個仔無幾可默書100分, 唔緊要, 佢努力左做到ok我已經好開心, 天生我才, 人地可以輕鬆做到的, 自己天份唔夠, 咪擺多D時間lor
普通話, 係學習教得唔好定點? 你有陪溫拼音嗎? 我仔有speech delay, 我去到k3呢個時候至敢俾佢接觸, 搵老師1:1學拼音, 自己再整flash card同佢溫, 學好拼音至上小一, 之後都無問題 (我仔學校普通話學得快, 我未讀已經有晒準備), 口肌唔夠人黎, 發音係有d唔標準, 我接受, 起碼佢應付到使用到, 我要求就係咁
我仔而家中文都唔係叻, 自閉仔, 想像力唔好, 要佢作文難過咩! 佢會寫完自己覺得"夠用"嘅野就停, 低分lor! 不過學校中文教緊咩, 自己都要理解, 例如動態描寫? 人物描寫? 步移法? 知道果期學左咩, 至有得溫習, 起碼合格先
書要睇架, 佢抗拒中文書, 伴讀lor, 除非plan左出國, 否則入大學3322, 中文要有3, 攪唔掂, 英文點叻都無用, 好多莘莘學子都係衰在中文卷手上
仲有時間, 再努力!
作者: angelafung100 時間: 15-5-15 21:21
回覆 Charlotte_mom 的帖子
係呀,英文幾叻都好,衰左中文想在香港直升大學都好微,. 聽朋友講有D小朋友讀名英小, 升到間名中學,但中文肥佬要惡補架
作者: Isaacmommy 時間: 15-5-16 01:03 標題: 引用：+本帖最後由+karenpsleung+於+15-5-13+15:4
原帖由 karenpsleung 於 15-05-13 發表
本帖最後由 karenpsleung 於 15-5-13 15:43 編輯
真心求救，想個仔小學中文科合格！！！我個仔來年升小 ...
作者: karenpsleung 時間: 15-8-31 15:54 標題: 回覆：Isaacmommy 的帖子
謝謝你的回覆，之前駐學校教育心理學家P1學期尾幫小朋友做左智力評估，否定了資優和讀障的可能性。雖然如此，我想問那裏有中文讀障的評估做？我個仔今年升P3了
作者: karenpsleung 時間: 15-8-31 15:56 標題: 回覆：little_yolky 的帖子
我校常識是用英文教授的
作者: karenpsleung 時間: 15-8-31 16:00 標題: 回覆：wan_sosin 的帖子
學校做過但否定了，請問讀障評估有無分以中文或英文做？如分兩個語言做，結果會否有別？我個仔上次用中文做的
作者: karenpsleung 時間: 15-8-31 16:02 標題: 回覆：little_yolky 的帖子
really? 
作者: karenpsleung 時間: 15-8-31 16:05 標題: 回覆：simonwan 的帖子
肺腑之言，謝謝你
作者: karenpsleung 時間: 15-8-31 16:06 標題: 回覆：little_yolky 的帖子
謝謝你的提議
作者: karenpsleung 時間: 15-8-31 16:07 標題: 回覆：rean_chau 的帖子
你小朋友今年升小幾？
作者: karenpsleung 時間: 15-8-31 16:08 標題: 回覆：MrBeast 的帖子
作者: karenpsleung 時間: 15-8-31 16:10 標題: 回覆：Yanamami 的帖子
咁應該你個女的中文都唔係好差喎
作者: karenpsleung 時間: 15-8-31 16:12 標題: 回覆：ac917 的帖子
依家的教學制度，小朋友辛苦，家長放工返去都辛苦
作者: karenpsleung 時間: 15-8-31 16:13 標題: 回覆：S-Kwok 的帖子
作者: karenpsleung 時間: 15-8-31 16:14 標題: 回覆：kayi0556 的帖子
得自己一個，爸爸又唔多理
作者: karenpsleung 時間: 15-8-31 16:16 標題: 回覆：kipapa 的帖子
作者: karenpsleung 時間: 15-8-31 16:18 標題: 回覆：little_yolky 的帖子
P2補緊拼音, 已由唔識聽變到識聽識講了，會繼續補，但中文科就……亞仔唔肯去補習
作者: little_yolky 時間: 15-8-31 16:19
Gary_family 發表於 15-5-15 11:20
又或許你兒唔閱讀也89分， or , 做埋補充攞100！
其實中文額外多做練習我真係好懷疑個成效, 份份卷40-60巴仙係閱讀理解, 咁, 閱讀理解唔駛溫, 唔駛做練習的(阿女自己話)。至於, 你話唔閱讀可能都89分, 我諗係無乜可能, 因為全靠佢自己閱讀, 所以閱讀理解先可以穩操勝券, 先可以有9X分。唔閱讀靠做練習去考中文, 真係想高分都難。至於你話會唔會做埋補充攞100...........呢個問題, 我覺得只要佢改善咗大意既性格, 已經可以攞100分了。
有時考試都要講運氣, 佢真係試過英文考試100分的, 不過, 真係响考試前做咗一份練習就是了。
咦！BTW, 阿女中文好過英文咁多, 但次次英文考試都高分過中文, 唔通係次次考試前果份英文練習作怪???? 太吊詭了。
作者: karenpsleung 時間: 15-8-31 16:21 標題: 回覆：JE0608 的帖子
可惜我無咁多錢比佢讀國際學校呢
作者: little_yolky 時間: 15-8-31 16:25
karenpsleung 發表於 15-8-31 16:18
P2補緊拼音, 已由唔識聽變到識聽識講了，會繼續補，但中文科就……亞仔唔肯去補習
...
作者: karenpsleung 時間: 15-8-31 16:27 標題: 回覆：Charlotte_mom 的帖子
辛苦媽媽你了
作者: karenpsleung 時間: 15-8-31 16:33 標題: 回覆：真心求救，8歳仔中文科學習困難！！！
明天開學了，今天login ek, 竟然有咁多ek家長回覆我，我真係感動到眼濕濕，我會多次細緻翻看你們的留言，希望綜合你地的意見，可以搵到一個適合我亞仔的讀中文方法呢！不過，有時不論我或個仔都感到很疲倦，有時甚至因為讀書問題影響到親子關係，自己個心都幾難受，真希望能夠和你們保持聯絡，繼續分享育兒心得
作者: MASAYA 時間: 15-8-31 16:46
little_yolky 發表於 15-8-31 16:19
老實講, 都唔可以話完全無做練習的, 因為學校有網上閱讀練習, 咁, 都應該有做吧。
其實中文額外多做練習我 ...
閱讀為考試分數，我覺得錯左重點，閱讀課外書目的係自我增潤，話閱讀幫到考試，可能性係大，不過將重點放呢度，宣傳作用大過實際作用
考試分數，應該係建基於上堂聽書同做家課，其他都係輔助性質，唔信不如試下全部時間都閱讀同做補習，但上堂唔聽書同做家課，睇下分數會唔會屢創新低？
理論上係咁，但實際上每一樣都有其作用，所以家長應該要諗點安排子女平衡發展
作者: little_yolky 時間: 15-8-31 16:53
MASAYA 發表於 15-8-31 16:46
唔閱讀，只靠補習同練習考100分我都相信有，不過學習動機完全係為考試，我唔知可以有幾長遠
閱讀為考試分數 ...
作者: fefemom 時間: 15-8-31 18:15
其實如果及早發現小朋友喜歡閱讀英文書時，加入大量中文閱讀，儘快把距離縮窄才是上策。當英文書可以看200以上的橋段精彩、引人入勝的故事時，中文還停留在20頁的繪本，我也會選擇英文書；而且中文字有時未必可以估計到意思，而很多詞語更是一個一個儲回來的。其實有些台灣類似閱讀理解的書，短短一篇文章，教導高效閱讀，對作文也有用，可以參考。8歲還少，應該可以補救的，樓主和小朋友一起努力。
作者: rean_chau 時間: 15-8-31 23:01 標題: 回覆：真心求救，8歳仔中文科學習困難！！！
我覺得你小朋友係有中文讀寫障。你應該同佢揾兒童心理學家做一份評估。因為份評估會話你知佢邊度出問題，讀障唔止係寫鏡字咁少特徵，聽讀認默圖像次序關聯等都會測試，以佢宜家呢個成績一定會講你知邊度出左問題。
至於興趣問題，講真你無時間去等架啦，一年比一年深，作文字數越來越多，要求越來越高。我自己就一邊閱讀一邊操習作，另一邊操寫字認字。
作者: tinaleung 時間: 15-9-2 16:26
rean_chau 發表於 15-8-31 23:01
我覺得你小朋友係有中文讀寫障。你應該同佢揾兒童心理學家做一份評估。因為份評估會話你知佢邊度出問題，讀 ...
請教, 樓主說學校的ep 在小一學期尾已評估唔係學障。
但同兒童心理學家做的有咩唔同, 謝謝
作者: tinaleung 時間: 15-9-2 16:28
little_yolky 發表於 15-5-13 16:38
樓主話默書次次10分以下, 跟本係無興趣, 認唔到字, 無心機學。
默書錯一個字扣5分, 好快扣完, 得番十分八分
作者: rean_chau 時間: 15-9-2 22:10 標題: 引用：Quote:rean_chau+發表於+15-8-31+23:01+我
原帖由 tinaleung 於 15-09-02 發表
請教, 樓主說學校的ep 在小一學期尾已評估唔係學障。但同兒童心理學家做的有咩唔同, 謝謝 ...
作者: lilysu2002 時間: 15-9-2 23:51 標題: 回覆：karenpsleung 的帖子
係咪平日中文書都好少睇呀？多睇中文書，對佢中文有幫助！不過唔會短期有效
作者: simonwan 時間: 15-9-3 00:45
little_yolky 發表於 15-8-31 16:25
咁其實, 雖然唔係好啱, 都要走下後門。(simonwan唔好鬧我, 我都係想幫人咋)男仔一般都會鐘意西遊記、三國演 ...
你的方法我贊成呀！先引起閲讀興趣，再引導孩子多看中文書！不論中英文，我都比我仔睇漫畫啊！
閲讀分泛讀同精讀，要小孩泛讀，要先引起他的興趣才可。
我提倡讀古文、讀經典，是精讀，要在一定基礎上提高語文能力，就要精讀。
泛讀同精讀同樣重要。
我細個就系因爲鍾意睇兒童樂園，所以喜歡看書。
作者: MASAYA 時間: 15-9-3 08:02
本帖最後由 MASAYA 於 15-9-3 09:05 編輯
simonwan 發表於 15-9-3 00:45
我點解要鬧你？
你的方法我贊成呀！先引起閲讀興趣，再引導孩子多看中文書！不論中英文，我都比 ...
佢應該係搞錯左另一位只准細路睇聖賢書，甚至四大名著都不屑一看個位仁兄 
作者: moondream3003 時間: 15-9-3 09:37 標題: 引用：Quote:karenpsleung+發表於+15-8-31+16:18+
原帖由 little_yolky 於 15-08-31 發表
咁其實, 雖然唔係好啱, 都要走下後門。(simonwan唔好鬧我, 我都係想幫人咋)男仔一般都會鐘意西遊記、三國演 ...
作者: venus321 時間: 15-9-3 12:02
:dadday::dadday:
作者: venus321 時間: 15-9-3 12:07
:dadday:
作者: venus321 時間: 15-9-3 12:10
:dadday:
作者: venus321 時間: 15-9-3 12:12
sorry呀, 我女亂按制.
作者: Kathy_bo 時間: 15-9-3 15:57 標題: 回覆：karenpsleung 的帖子
也有可能只係懶
作者: tinaleung 時間: 15-9-4 18:00
rean_chau 發表於 15-9-2 22:10
專門測讀寫障係需要成三四個鐘完成，要做埋智力評估。唔知你係咪讀直資或私校。我讀津校，做法有少少唔同。 ...
我女問題係記憶力知暫, 中文讀句子luckluck 咳咳, 見佢幾吃力先讀到一段。
英文串字入唔到腦, 呢掛用拆字都唔係好work,我再試緊另一d 方法。
想問下點分係中文讀障, 英文讀障, 數學讀障, 係咪心理學家評估就知,….
我排緊期,
同埋你點教小朋友中文, 交流下pls
作者: tinaleung 時間: 15-9-4 18:02
rean_chau 發表於 15-9-2 22:10
專門測讀寫障係需要成三四個鐘完成，要做埋智力評估。唔知你係咪讀直資或私校。我讀津校，做法有少少唔同。 ...
仲有, 專注力不足的徵狀又係點, 我上網睇完, 我女中左無記性, 發夢呢幾點….
又係排期中
作者: fefemom 時間: 15-9-6 05:35
點評
c1234 請問可否分享書名及在那裡可以買到? “台灣類似閱讀理解的書，短短一篇文章，教導高效閱讀，對作文也有用” 發表於 昨天 11:55
「閱讀滿天星」-------在灣仔誠邦買的
作者: rean_chau 時間: 15-9-6 13:35 標題: 引用：Quote:rean_chau+發表於+15-9-2+22:10+專門
原帖由 tinaleung 於 15-09-04 發表
仲有, 專注力不足的徵狀又係點, 我上網睇完, 我女中左無記性, 發夢呢幾點….又係排期中 ...
作者: tinaleung 時間: 15-9-7 14:53
rean_chau 發表於 15-9-6 13:35
其實你所講既都似係專注力不足，因為我仔都有類似問題。讀障好多時伴随專注力不足。我仔小二開始食藥，學習 ...
專注力都可以食藥? 點樣分中文, 英文讀障? 用同一個學校cac的評估方法就知
? 謝謝
作者: karenpsleung 時間: 15-9-12 00:47 標題: 回覆：rean_chau 的帖子
我未接受到小朋友靠藥物控制病情，唔知應該點做先對小朋友最好
作者: karenpsleung 時間: 15-9-12 00:47 標題: 回覆：karenpsleung 的帖子
作者: bbforever 時間: 15-9-12 01:24
karenpsleung 發表於 15-9-12 00:47
我未接受到小朋友靠藥物控制病情，唔知應該點做先對小朋友最好
作者: bbforever 時間: 15-9-12 01:29
中文既讀寫障礙，我通常見認字默字有困難，或識睇識讀d字，做閱讀理解時成篇可以唔理解…
作者: gogokobaby 時間: 15-9-16 21:20
提示: 作者被禁止或刪除 內容自動屏蔽
作者: karenpsleung 時間: 15-9-18 22:14 標題: 回覆：bbforever 的帖子
我個仔都識睇啲讀啲學校課文，但寫和默就真係超級弱
作者: MrBeast 時間: 15-9-19 06:22
tinaleung 發表於 15-9-4 18:02
仲有, 專注力不足的徵狀又係點, 我上網睇完, 我女中左無記性, 發夢呢幾點….又係排期中 ...
http://www.asld.org.hk
另外有一印度關於讀障的movie: Taare Zameen Par，值得一看，google 一下
作者: noel2010 時間: 15-9-19 07:37
樓主，我仔以前讀英文小學，和你情況一樣，不過默書會高些分，測驗和考試就不肯寫中文字，所以只做標點符號或mc ，平日大部份時間都溫中文...... ，依然很差，都不合格，直至6年級，同輩突然興起看金鏞小説，於是晚晚自已看小説，以前一見中文就死，就是這自發追完一本又一本....., 中文好了起來。
經歷多年這樣迫個仔學好中文...，升上中一，他喜歡中史科....,回想我當日太緊張，雖然最後送了出國，他都送上會考中文A星給我，自己放開些，他就自然去做的效果反而更好。
作者: MrBeast 時間: 15-9-19 07:49
noel2010 發表於 15-9-19 07:37
樓主，我仔以前讀英文小學，和你情況一樣，不過默書會高些分，測驗和考試就不肯寫中文字，所以只做標點符號 ...
| 歡迎光臨 教育王國 (/) |
Powered by Discuz! X1.5 |