教育王國

標題: 有無在職媽媽分享吓點分配時間比家中兩位小學雞？ [打印本頁]

作者: X'mas2002 時間: 15-5-13 09:31 標題: 有無在職媽媽分享吓點分配時間比家中兩位小學雞？

我係在職媽媽，大女今年小四，細女Ｋ３。黎緊９月大女升小五，阿妹升小一，一個要呈分，一個剛升小學，兩個都要時間理既，但我又要返工，雖然唔至於要成日ＯＴ，但正常放工時間返到屋企都７點，仲要返去跟兩個溫書，我已經有點擔心。

家姐叫定Ｄ，原先我都想放手比佢自己黎，但黎緊呈分我又唔敢冒呢個險；阿妹同家姐相反，所以佢就一定要跟架啦，第日兩個一齊默書，測驗，考試。。。我唔敢想像。

有無同我一樣都係要返工，又有兩個小學雞既媽咪可以分享吓？

作者: little_yolky 時間: 15-5-13 10:28

X'mas2002 發表於 15-5-13 09:31
我係在職媽媽，大女今年小四，細女Ｋ３。黎緊９月大女升小五，阿妹升小一，一個要呈分，一個剛升小學，兩個 ...

我都係在職媽媽, 不過大女升小三, 好D, 細女都係K3。唔知係唔係所有細女都係咁呢? 我大果個唔駛點跟, 所以我無論如何都唔會跳入火坑度, 但細果個呢...........唉

不敢想像。

我都係約7點回家, 然後吃晚飯。小朋友8點要刷牙準備, 8:30準時瞓著, 所以時間好唔見洗。我諗住暑假做下特訓咋。最緊要係同阿妹講實, 晚飯前要做好所有功課同溫書, 咁你都多D時間睇家姐丫, 呈分緊要D。

作者: 1010mum 時間: 15-5-13 10:33

我同您情況一樣，大的小五，小的小一。

首先，溫書呢樣野，為甚麼會變成家長的責任?
在我來說，我回家前，功課一定要做完，不懂可等我回來教。

一般情況下，吃完飯，就是檢查功課的時間。我只負責檢查有無完成，不對答案。錯了，等老師改; 改回來，要小朋友講一次錯甚麼，講不對，自己再教。

8:30-9:30，是小寶時間。默書測驗，應該是自己溫了，這段時間就由我幫著預默一次。有錯的，抄數次，明天再默。做完這部份，是親子時間，伴讀玩遊戲，直至9;30小寶上床睡覺。

這段時間，大寶做功課，溫書。

9;30-10;30，大寶時間。同小寶一樣，大寶還要加一段閱讀英文報紙，練口語。

10:30後，是我自己的時間。

星期六上午，把整個星期所教的重溫一次，出錯/有困難的，抄起在筆記上。這樣每個星期溫過了，記憶深了，考試時溫起來就輕鬆了。

作者: karen55407 時間: 15-5-13 11:02 標題: 回覆：X'mas2002 的帖子

我自從小鬼上小一時，已經唔再跟大鬼嘅功課，佢當時小四，但默書、測考仍有跟。的確是很忙，星期六、日都用埋，連累小鬼也少了郊遊的機會了。

作者: X'mas2002 時間: 15-5-13 12:52

回覆 little_yolky 的帖子

家姐已經叫好好, 佢係我返屋企前做哂功課, 我只返來簽手冊, 但測驗考試我仲有跟佢溫書. 而家阿妹仲係幼稚園, 好多野都唔使理佢, 我又真係理家姐多過理佢.

一來以前得一個時, 比左好多時間家姐, 佢同阿妹同齡時學野 / PICK UP都好過阿妹而家, 所以家姐上小一時, 我都係輕鬆架. 相反, 而家阿妹乜都好落後咁, D野又記唔入腦...所以我先咁擔心, 來年咁跟兩個.

作者: little_yolky 時間: 15-5-13 12:55

X'mas2002 發表於 15-5-13 12:52
回覆 little_yolky 的帖子

家姐已經叫好好, 佢係我返屋企前做哂功課, 我只返來簽手冊, 但測驗考試我仲有跟 ...

哇, 簡直一模一樣。我依家都好愁阿妹, 盲字都唔識多個, 點去讀小一。當年家姐仲要係11月底細B, 上小一前已經可以自己睇(估)書了, 佢????仲响度睇公仔, 間學校中文又深, 又無樂器要重頭學, 佢又懶, 真係死定了。

不過, 好彩我個係升小三而已。

作者: X'mas2002 時間: 15-5-13 13:04

1010mum 發表於 15-5-13 10:33
我同您情況一樣，大的小五，小的小一。

首先，溫書呢樣野，為甚麼會變成家長的責任?

1010mum,
你講得岩呀! 我有幾次鬧女時, 都同佢講, 返學讀書責任係佢地, 唔係我.

我平時返到屋企, 而家連檢查都唔會, 只會問佢一句, "你做哂啦嗎? 唔好欠嘢呀!" 就算. 跟住就係簽手冊通告. 往年我想佢地瞓多D, 所以9點就要上床瞓覺, 自家姐升小四之後, 有時真係唔夠時間, 而家都一定10點要瞓. 所以佢默書果D, 有時趕唔切都係佢自己溫完返去默, 默到咩成績就係佢自己功夫. 但呢個只可適用於家姐上....

係因為家姐呈分, 我唔夠GUTS放手比佢自己黎....

如果唔係, 我就可以比哂D時間阿妹啦..

作者: X'mas2002 時間: 15-5-13 13:11

little_yolky 發表於 15-5-13 12:55
哇, 簡直一模一樣。我依家都好愁阿妹, 盲字都唔識多個, 點去讀小一。當年家姐仲要係11月底細B, 上小一前已 ...

你真係同我好似, 我大女都係細女, 11月出世. 但佢上小學時我都唔擔心佢, 因佢能力係好過阿妹而家. 家姐K3時D英文都有DD底子, 因佢以前得佢一個, 睇好多英文DVD打發時間; 相反阿妹時, 家姐已經大左, 識睇吓卡通片, 所以阿妹就成鬼日跟家姐睇卡通片多過益智節目....

你有句講得好似, "盲字都唔識多個", 阿妹成日行街見到D街招/廣告/告示貼住, 成日問"佢寫咩呀?" 我成日笑佢成個文盲阿婆咁...

作者: karenpsleung 時間: 15-5-13 15:51

本帖最後由 karenpsleung 於 15-5-13 15:53 編輯

回覆 1010mum 的帖子

你的方法好好，可惜我試過，唔係好 apply 到

，因為佢話唔聽

作者: 好導師會 時間: 15-5-13 16:12

提示: 作者被禁止或刪除內容自動屏蔽

作者: fc926 時間: 15-5-14 07:10 標題: 回覆：有無在職媽媽分享吓點分配時間比家中兩位小學雞？

默書在weekend溫左，默之前一日只問小朋友有冇翻搵一次。高小應該多靠自己溫習，父母參與應越來越少

作者: Bingb 時間: 15-5-14 10:06 標題: 回覆：有無在職媽媽分享吓點分配時間比家中兩位小學雞？

提示: 作者被禁止或刪除內容自動屏蔽

歡迎光臨教育王國 (/)