教育王國

標題: 妳地小朋友校巴pracice 是否一樣？ [打印本頁]

作者: MMVV 時間: 15-5-11 13:34 標題: 妳地小朋友校巴pracice 是否一樣？

我朋友訴苦佢校巴以往佢小朋遲到數分鐘，校巴司機會等數分鐘，宜家校巴准時走亦不打電話通知。妳地小朋友校巴practice是否也一樣？

作者: yubaba 時間: 15-5-11 14:11

等係人情，.......

作者: H小B媽 時間: 15-5-11 14:27 標題: 回覆：MMVV 的帖子

我會早到5-10分鐘去上落車點度等,如果個個站都有人遲到要校車等,加加埋埋咁成車小朋友咪會遲好多先返到學校/屋企囉

作者: Jane1983 時間: 15-5-11 15:24

家長有責任早d到等校車，等人搞到全車返學遲到就吾好。

同埋吾係校車想等就等，返學時候好繁忙，我地果邊差不多時間有好幾架接學生。上晒吾走，影响埋其他學校學生，好煩ga

作者: gv2009 時間: 15-5-11 15:49

你朋友以往都有遲到紀錄，司機初時有等已經好好人，你朋友一d都唔改善，仲覺得點解而家唔等，係司機問題？！

作者: crispin 時間: 15-5-11 15:59

本帖最後由 crispin 於 15-5-11 15:59 編輯

其實司機打嚟無乜意思，佢打俾你即係要等
既然你日日都要人等，就按本子辦事，自食其果！
無乜理由例遲！

如果平常準時嘅話，偶然一日遲，我會打電話俾校車姨姨，話佢知我今日遲咗，麻煩等我三兩分鐘
自己遲唔遲，一定知架，點會仲要求人地次次打俾你，仲要唔知衰？！

作者: chungayu2 時間: 15-5-11 15:59

如果校車比左一個限定時間內, 個小朋友仲未出現,校車走是正常的!
指定時間到左先打電話比家長又遲多幾多分鐘呢???
校車有責任在指定時間去指定地方, 大家遲一分鐘骨牌效應下,情況會如何???
15個人就15分鐘架啦!!

作者: Yellowsir 時間: 15-5-11 20:21

提示: 作者被禁止或刪除內容自動屏蔽

作者: isobelkaka 時間: 15-5-11 21:43

接送都會早到，因為上落點都有好多校車，萬一校車和家長不能順利交接，校車唔知要兜幾遠先番到黎，大家都唔方便。

作者: idkuromi 時間: 15-5-12 10:34

作為一位家長，教育小朋友守時係好緊要既
搭飛機遲到，會唔會等埋妳呢？
相信妳朋友會明白的

作者: NICOLE123 時間: 15-5-12 11:04

站站都遲幾分鐘. 尾站未遲好多? 頭站既小朋友未要坐多好多時間?

唔等係對大家公平.

作者: twk005 時間: 15-5-12 13:16 標題: 引用：我朋友訴苦佢校巴以往佢小朋遲到數分鐘，校

原帖由 MMVV 於 15-05-11 發表
我朋友訴苦佢校巴以往佢小朋遲到數分鐘，校巴司機會等數分鐘，宜家校巴准時走亦不打電話通知。妳地小朋友校 ...

尾站小朋友同家長會等好耐，頸都長架，希望你朋友明白

歡迎光臨教育王國 (/)