教育王國

標題: 大家可以俾啲意見我嗎?(唔好意思,有點長) [打印本頁]

作者: dudu19812002 時間: 15-5-7 11:12 標題: 大家可以俾啲意見我嗎?(唔好意思,有點長)

我仔仔今年小一,跟住兩個姐姐入左同一所大班小學,但我發現仔仔係認中英文字方面較弱,中文方面如果要佢抽出文章中詞語去讀,佢多數都讀唔到,如果中默要求默文章中間嗰段,佢就要每次由第一段讀起先有機會讀得返要默嗰段,所以係教佢寫方面就算學校提供左喜閱寫意都暫時幫助唔大,因為咁我每次同佢溫默書都係抽啲高頻詞語去溫,而英文方面佢就更加認讀串都比起中文嚴重,好多時見佢抄一啲生字,佢會將b 及d , w及m,y及g,h及n等等混亂左黎寫,功課方面學校就轉左過去姐姐既輕鬆學習模式,所以仔仔都做得較為辛苦.
我見佢自從上左小學之後都冇再咁多笑容,情緒好多時係做功課,溫書時都好大,係佢小一第3次英默,佢向我喊: 好驚自己再繼續唔合格,所以當時我搵左學校輔導員幫忙,佢都幫緊仔仔輪候做評估,不過佢話起碼要等到小二下學期尾先排到,之後係等待既時期,班主任曾經係堂上面教學生功課時叫過仔仔出左老師位教佢做下啲中文功課,但仔仔返黎講我知佢好唔喜歡,因為佢唔識既時間,老師就好大聲鬧佢,而且又冇得坐,好似俾老師訓企一堂咁,唔知係咪呢啲因素,仔仔面對老師時就面色大變,老師就放學同我講佢黎返工,想教書啫,仔仔俾氣佢受,佢唔做就由佢唔做囉!!我都係想幫下佢減輕功課,有得早訓.佢變得越來越大睥氣,好似嬲左成班同學咁等等。我聽完都好傷心!我不斷同老師講對唔住!但我問返個仔,佢又話係有訓覺唔想做,但冇好似老師咁講既睥氣,,而其他識既家長,怎至常識老師都話仔仔唔係咁嚴重,有一日我同仔仔傾學校既野,我仲係仔仔哭訴中聽到呢位班主任話佢係學校蝦蝦霸霸,所以佢點做老師都覺得佢係曳唔乖,所以佢係學校俾同學整或俾隔離班同學打,老師都唔會信佢講野!我聽完真係攬住個仔......

我因為呢啲事,反覆諗左好耐應唔應該幫仔仔轉間小班學校呢?但都15 16,因為接送方學只有我一個做,如果分開學校我怕我應付唔到,而轉校我又怕仔仔更失落,怕佢覺得自己真係讀唔到,所以要轉走~

作者: 濼晴 時間: 15-5-7 16:07 標題: 回覆：dudu19812002 的帖子

不如先平估會唔會有學習障礙

如冇再轉學校

作者: taviatsui 時間: 15-5-7 16:33 標題: 回覆：大家可以俾啲意見我嗎

先要知仔仔有無學習困難，如果有問題，轉校根本解決唔到問題

作者: dudu19812002 時間: 15-5-7 17:06

咁我就等埋學校既評估先再決定去向如何啦！因為我都驚轉左校之後要重排過。
咁請問呢段時間，我仲可以點做好呀？

作者: IloveJJ 時間: 15-5-8 08:45 標題: 引用：咁我就等埋學校既評估先再決定去向如何啦！

提示: 作者被禁止或刪除內容自動屏蔽

作者: dudu19812002 時間: 15-5-8 12:13

我都好想早啲知道仔仔情況，但私人既太貴，我負擔唔到。我上網搵過有呢類評估既機構，都係收費幾千，時間亦排得耐。

作者: cecilau 時間: 15-5-8 13:29

試試問呢間:-
http://www.tungwahepsc.org/page.aspx?corpname=epsc&i=369

作者: Tifftiff0115 時間: 15-5-8 23:35 標題: 引用：咁我就等埋學校既評估先再決定去向如何啦！

原帖由 dudu19812002 於 15-05-07 發表
咁我就等埋學校既評估先再決定去向如何啦！因為我都驚轉左校之後要重排過。
咁請問呢段時間，我仲可以點做 ...

應該揾職業治療幫手操讀寫能力，再拖拖到囝囝失咗學習信心就難攪喇⋯

歡迎光臨教育王國 (/)