教育王國

標題: 大家好！我想問現讀緊農小的家長！ [打印本頁]

作者: 盧BB 時間: 15-5-6 21:56 標題: 大家好！我想問現讀緊農小的家長！

我小朋友今年升k3,想選農圃道官立小學111，但我好想問下大家，這間小學品德及教學如何？我主要想找一間品德好的學校！希望大家有時間回覆我！

作者: HappyKookaburra 時間: 15-5-11 10:22

農圃道官立小學是一間校風純樸及比較低調的好學校，家長們比較含蓄，不太熱衷於網上發言。

作者: 盧BB 時間: 15-5-11 10:48 標題: 回覆：HappyKookaburra 的帖子

多謝你回覆～

作者: jjaniceho 時間: 15-6-12 01:23 標題: 回覆：HappyKookaburra 的帖子

想問學校升中成績如何？

作者: JObb 時間: 15-6-12 09:25 標題: 回覆：大家好！我想問現讀緊農小的家長！

我都想了解多d, 老師有愛心嗎？

作者: HappyKookaburra 時間: 15-6-12 11:18

我覺得校長和大部份老師都很關心和緊張學生們，但不是幼稚園般的愛心，而是有耐心，傳統學校的老師對一些頑皮的學生會比較嚴厲些！

過往升中成績，請參考以下舊文：
http://www.edu-kingdom.com/forum ... &extra=page%3D2

作者: 盧BB 時間: 15-6-12 11:47 標題: 回覆：HappyKookaburra 的帖子

謝謝回覆

作者: JObb 時間: 15-6-12 14:12 標題: 回覆：大家好！我想問現讀緊農小的家長！

Thanks

作者: ceciwong2008 時間: 15-6-14 08:53 標題: 引用：我小朋友今年升k3,想選農圃道官立小學111，

原帖由 盧BB 於 15-05-06 發表
我小朋友今年升k3,想選農圃道官立小學111，但我好想問下大家，這間小學品德及教學如何？我主要想找一間品德 ...

我覺得麻麻，家教會好多時鐘意攪好多校外活動在星期一至五，但學校一定要家長帶仔女，因要做有關功課及加入考試分，但其他學校唔會咁迫家長，佢哋嘅課外活動亦比其他學校貴，而且多人，如在校外自己報亦可知一個老師對幾多個學生，但好多時學校內參加的活動我哋睇唔到。

作者: ceciwong2008 時間: 15-6-14 08:55 標題: 引用：我覺得校長和大部份老師都很關心和緊張學生

原帖由 HappyKookaburra 於 15-06-12 發表
我覺得校長和大部份老師都很關心和緊張學生們，但不是幼稚園般的愛心，而是有耐心，傳統學校的老師對一些頑 ...

呢樣真係感受唔到，有時問老師問題，佢哋只係想盡快答完你就算，唔想多講，可能官校就係咁，因接觸幾個老師都係咁。

作者: HappyKookaburra 時間: 15-6-15 11:28

本帖最後由 HappyKookaburra 於 15-6-15 11:30 編輯

ceciwong2008 發表於 15-6-14 08:53
我覺得麻麻，家教會好多時鐘意攪好多校外活動在星期一至五，但學校一定要家長帶仔女，因要做有關功課及加入 ...

學校於星期一至五安排課外活動，是件平常不過的事，學校亦沒有限制學生一定要參加或要由家長接送，家長也有義務安排子女的接送。

課外活動是安排給學生參與，而不是安排給家長們看的。學校也舉行過音樂會給予學生們表演機會，學習出席音樂會的基本禮儀。關於活動後要做功課並計分這事件，講來講來也只是針對這場音樂會，家長們應該欣賞學校和學生努力的成果。

我沒有比較過課外活動的價格，師資和師生比例也會影響學習的進度，導師不竟是外判的，有時可能因為導師要處理某些學生而拖慢其他學生的進度，我也關心這點，家長應多與學生了解上課情況。

老師們工務繁重，電話上未必可詳盡解答家長們的問題，因此家長們應多留意學校通告和網站，並出席家長日等，亦可透過家課冊或以書面查詢，這好比只在網絡媒體上高談闊論更直接和有效。

總而言之，小學不像托兒所，凡事不應假手於人。經歷過統一派位的家長，都應知道一個理想的學位得來不易。小朋友成長得很快，要珍惜與他們相處的每一刻。家長們只要肯付出多些時間，去了解及參與學校的活動，透過身教，必定會令學生們更投入和享受學校生活。

作者: dldtee 時間: 15-6-24 22:40

其實小朋友讀小學，家長有得參與，我覺得求之不得！
教導一個小朋友，唔係交晒個波比學校老師就等於你係好爸爸或者媽媽

如果用時間去陪小朋友參與課外活動都覺得好困身，小朋友會點諗？原來爸爸媽媽覺得我好浪費佢地時間？！

入左去小學A又不斷比較人地小學係點點點，咁辛苦點解唔轉校？

利申:第二間小學家長

作者: Ekko 時間: 15-6-26 15:24

其實星期一至五既活動，都係咁岩今年有兩個，一二年班時我又唔覺有D咁既活動喎~ 對於在職媽媽要請假可能係麻煩D既，但我反而覺得個音樂會比我想像中好睇好多！不過安排上可以改善下就好D，例如安排大車送番學校啦，果晚我等小巴，等左40分鐘，前面都仲有成30人.......
至於老師，我情願唔好冇啦啦打黎，因為打親黎都唔方好野發生啦~

始終小學唔係幼稚園，要比小朋友學習獨立。有咩事我都叫個仔問完覆我，我係極小打番學校問野

作者: mrgeeba 時間: 15-6-26 16:55

Ekko 發表於 15-6-26 15:24
其實星期一至五既活動，都係咁岩今年有兩個，一二年班時我又唔覺有D咁既活動喎~ 對於在職媽媽要請假可能係 ...

其實你覺得這小學如何呢？我睇番舊 post, 07年時有人話校長那時新來時，好多老師走掉。現在老師們穩定嗎？他們都是年紀偏大的嗎？

作者: Ekko 時間: 15-6-28 12:06

mrgeeba 發表於 15-6-26 16:55
其實你覺得這小學如何呢？我睇番舊 post, 07年時有人話校長那時新來時，好多老師走掉。現在老師們穩定嗎？ ...

我只係覺得每間學校都有好同唔好既地方，老師亦有家長覺得好同唔好。07年我小朋友未黎讀，唔知當時情況，但到我仔入去讀，都分別有做左多年既老師同新老師做班主任，我覺得各有各既好處。我小朋友唔係文靜果類，仲間唔中都收到老師電話果隻，但係我眼中，老師都好肯去教導我仔，而我仔亦越黎越進步，老師真係放左心機係小朋友身上！
所有事情都唔應該淨係睇表面同一面倒負面，將事件既好處放大d (除左犯法既事啦)，人都開心d~~

作者: 盧BB 時間: 15-6-29 12:34 標題: 回覆：Ekko 的帖子

好多謝大家意見，統一派位派到好學校，是一件得來不易的事，我雖然沒有進入過校園，但我聽了很多朋友説學校品德很好，無論成績有幾好，沒有品行我覺得都冇用。
我覺得能參與到家長會話動或做義工，是一件很好的事，我有三個小朋友，幼稚園需要義工，我也會參與，因為從另一個角度可以知多啲小朋友學校情況是一件好事～
多謝大家給我回覆～感謝！

歡迎光臨教育王國 (/)