教育王國

標題: 原來有間主流都收中度 [打印本頁]

作者: 我係女仔 時間: 15-5-3 16:25 標題: 原來有間主流都收中度

岩岩朋友同我講起耀山，佢話校長都會收中度學生既，連無語言都收。
係咪真呢？

作者: 濼晴 時間: 15-5-4 01:04 標題: 回覆：我係女仔的帖子

打去學校問下最清楚

作者: legolas625 時間: 15-5-4 09:35

學校黎緊有參觀日，我仔在S位，有通告話參觀耀山

作者: taviatsui 時間: 15-5-4 14:49 標題: 回覆：原來有間主流都收中度

無錯，佢地咩sen 都收，成間學校超過8成sen 學生

作者: pocoyo123 時間: 15-5-4 16:38

以前亞仔在S位時去參觀過, 校長比我感覺是, 唔理乜野學生, 你肯來佢就收, 至於佢地學校有無能力去教到咁多SEN學生, 呢層就要問一D讀緊的家長.
佢地班數不多, 每級只有一班, 而且收生情況不太理想, 聽說每年多數是勉強收夠人, 但見佢全校人數又好似不小, 應該有好多人是插班入讀.但見老師只有10個左右, 唔知可否應付到.

作者: Olympian 時間: 15-5-4 17:50 標題: 回覆：我係女仔的帖子

間間官津都收，因為唔可以唔收。

作者: momomo0303 時間: 15-5-5 18:28

提示: 作者被禁止或刪除內容自動屏蔽

作者: taviatsui 時間: 15-5-6 08:04 標題: 回覆：原來有間主流都收中度

基本上大部分s 位小朋友而父母又接受唔到入特殊學校嘅都會去耀山或者李炳

作者: 我係女仔 時間: 15-5-6 14:24 標題: 回覆：原來有間主流都收中度

校長話最緊要交到抄寫，其他無所謂

作者: muimui5 時間: 15-5-6 14:58

中度的小朋友連食飯去厠所也要有人提點，入主流學校真會得到妥善的照顧嗎？

作者: 我係女仔 時間: 15-5-6 15:42 標題: 引用：中度的小朋友連食飯去厠所也要有人提點，入

原帖由 muimui5 於 15-05-06 發表
中度的小朋友連食飯去厠所也要有人提點，入主流學校真會得到妥善的照顧嗎？ ...

我個仔食飯仲食到周圍都係

洗手超求其

作者: taviatsui 時間: 15-5-7 16:35 標題: 引用：中度的小朋友連食飯去厠所也要有人提點，入

原帖由 muimui5 於 15-05-06 發表
中度的小朋友連食飯去厠所也要有人提點，入主流學校真會得到妥善的照顧嗎？ ...

無錯，但總有家長唔願接受現實，而又有主流肯收

作者: Olympian 時間: 15-5-7 17:38 標題: 回覆：pocoyo123 的帖子

我兩年前聽佢講，都有要求的。大概話自理唔好的唔收，因為不能難為老師，老師不是工人。佢話收錯過一個學生，瀨屎，結果校長自己清理，佢話因為係佢自己的錯，唔連累老師，校工。佢又話攝衫都唔識都好難幫，因男性老師唔知自己應否幫。怕話非禮。我諗近年收生不足壓力不大。多左好多人。朋友仔有限智能，讀緊話好好。

作者: pocoyo123 時間: 15-5-7 22:57

回覆 Olympian 的帖子

聽你咁講,`耀山校長起碼有自己一套原則, 知道主流老師唔係個識教特殊學生, 有時收左老師和學生都無益處

作者: yicbc 時間: 15-5-8 17:01

taviatsui 發表於 15-5-6 08:04
基本上大部分s 位小朋友而父母又接受唔到入特殊學校嘅都會去耀山或者李炳

...

父母自我感覺良好. 中度, 跟本唔明上堂做緊咩野? 齋坐等食飯,放學? 浪費時間, 比人欺凌, 性騷擾都唔識講

作者: taviatsui 時間: 15-5-9 10:40 標題: 引用：Quote:taviatsui+發表於+15-5-6+08:04+基本

原帖由 yicbc 於 15-05-08 發表
父母自我感覺良好. 中度, 跟本唔明上堂做緊咩野? 齋坐等食飯,放學? 浪費時間, 比人欺凌, 性騷擾都唔識講:th ...

總有家長唔肯面對現實…其實咁樣仲反而錯過小朋友黃金學習期

作者: crystal媽咪 時間: 15-5-10 13:21

如果只係自理唔好，入都無問題，
但上堂呢?
肯安坐但能否專注?學到野嗎?
呢樣都好緊要

作者: methy 時間: 15-5-10 20:11 標題: 引用：如果只係自理唔好，入都無問題，但上堂呢?

原帖由 crystal媽咪 於 15-05-10 發表
如果只係自理唔好，入都無問題，
但上堂呢?
肯安坐但能否專注?學到野嗎?

自理唔好，中度大小便應該未係好得，入主流引發好多問題。唔識去廁所，整到周圍都係，衛生好大問題；小學老師嬸嬸唔同幼稚園階段，會幫小朋友換片，而且好難有同學仔肯同佢玩，高年級更會欺凌呢類小朋友。

有主流收，父母感覺良好，但害了小朋友。
主流小學收中度學生，我唔會讚間校長有愛心，有教無類，相信都係唔想被殺校先咁做。

作者: Olympian 時間: 15-5-10 21:18 標題: 引用：Quote:原帖由+crystal媽咪+於+15-05-10+發

原帖由 methy 於 15-05-10 發表
自理唔好，中度大小便應該未係好得，入主流引發好多問題。唔識去廁所，整到周圍都係，衛生好大問題；小學老 ...

咁中度又未必大小便自理唔得。朋友個仔中度，但好早已大小便食飯換衫都冇問題，仲會自己沖涼。陳x鴻個仔都係中度，在主流小學，一年班仲考第一。

作者: pocoyo123 時間: 15-5-11 00:16

不過, 好多時到中學都係要轉返去特殊, 因為如在中學一定會比人欺凌, 課程又跟唔上, 所以, 勉強讀完個主流小學又如何?

我有個朋友的朋友, 佢有個A仔+智力不高, 但是否智障就不清楚, 聽朋友說, 家長2人不接受有個特殊兒, 所以, 兩公婆從來不帶小朋友出街或同親戚食飯, 只請個工人貼身照顧佢生活, 從來無做乜野訓練, 求其搵一間小學和中學比佢讀到畢業就算, 現在應該OVER20歲, 當然也沒有工作, 每天在家同個工人一起, 家長態度是只是唔餓死佢, 有工人照顧, 有三餐一宿, 病左同佢睇醫生, 佢已盡了父母的責任, 真是可悲

作者: methy 時間: 15-5-11 10:58 標題: 引用：Quote:原帖由+methy+於+15-05-10+發表自理

原帖由 Olympian 於 15-05-10 發表
咁中度又未必大小便自理唔得。朋友個仔中度，但好早已大小便食飯換衫都冇問題，仲會自己沖涼。陳x鴻個仔都 ...

咁真係好叻，我諗中度都好多種，我仔有個大一年同學，今年升小一，中度，大小便未完全得，媽媽想試主流，佢係全職媽媽，打算日日回學校做「影子老師」陪伴，唔得就轉回特殊小學。

作者: methy 時間: 15-5-11 11:22 標題: 引用：不過,+好多時到中學都係要轉返去特殊,+因為

原帖由 pocoyo123 於 15-05-11 發表
不過, 好多時到中學都係要轉返去特殊, 因為如在中學一定會比人欺凌, 課程又跟唔上, 所以, 勉強讀完個主流小 ...

如果請到工人照顧+剩落大把既+安排到人照顧個仔一世，都係方法之一黎，雖然呢個方法唔係人人接受到。

阿仔隔離班，今年升小一既都做哂評估，嚴重既最多，佢地最明白自己小朋友情況，一定係入嚴重類別，先得到適當資源同照顧。

反而評估左輕度中度既，都唔願入相關既學校，覺得醫生只用幾小時就判小朋友入輕度或中度，係誤人子弟。
舊年有個中度既入了主流，個媽媽回校分享，佢仔默書考試分數係單位數字，但呢樣唔緊要，因為預計到，佢覺得最重要係佢仔可以同正常小朋友相處，而佢仔社交有良好刺激，係最大得著。
我都因為呢位媽媽分享，有點腦震盪，想阿仔試主流小學，但長遠計，阿仔對手腳都唔及同齡，行路&寫字與同齡相差遠，而佢又介意，主流條路我無把握，亦無足夠正能量與他同行，寧願佢讀體障小學，反正入面都有主流課程比佢。

作者: Olympian 時間: 15-5-11 11:57 標題: 回覆：methy 的帖子

係呀，我想媽媽你一定好難決定。我有跟你小朋友情況相似的家長朋友。一個選主流，一個選肢體障。好睇家長自已點諗。

至於智能稍遜或更弱的小朋友就讀主流，家長心態都係諗捱得一年得一年，及盼望小朋友有突破。家長都有返特殊的心理準備。其實呢班小朋友唔係完全學唔到野架。若一開始就入特殊嘥左。

其實有一些嚴重自閉小朋友，後來都被發現是奇才。如日本的東田直樹及台灣的游高晏，都有超強的書寫能力。

博客來試讀本 - 我和地球人相處的日子 - http://digital.books.com.tw/sample/epub_reader/panel/item/0010574953

作者: methy 時間: 15-5-11 12:18 標題: 引用：係呀，我想媽媽你一定好難決定。我有跟你小

原帖由 Olympian 於 15-05-11 發表
係呀，我想媽媽你一定好難決定。我有跟你小朋友情況相似的家長朋友。一個選主流，一個選肢體障。好睇家長自 ...

自閉既能力又係好兩極，阿仔學校舊年所有自閉既都一齊去主流讀，有讀得好好，智力正常，但社交真係唔得，上堂會怪叫，但可接受範圍，長遠又係擔心個仔同人相處唔到，被人蝦，另外一個就上堂完全遊雲，智力尚可，媽媽心態捱到幾耐得幾耐。

參觀多間特殊小學，小二至小四都有人由主流轉回特殊，但d媽媽覺得總算叫做試過主流，但我唔敢同個仔試，一開始比主流佢，跟唔到轉回特殊，極度傷害佢自專心，佢會放棄自己。寧願一直讀特殊，開心關懷環境令佢有自信，開心學野；充足資源人手幫佢繼續訓練大小肌，達到同齡自如水平先返出主流。

作者: taviatsui 時間: 15-5-11 15:17 標題: 引用：Quote:原帖由+Olympian+於+15-05-10+發表咁

原帖由 methy 於 15-05-11 發表
咁真係好叻，我諗中度都好多種，我仔有個大一年同學，今年升小一，中度，大小便未完全得，媽媽想試主流，佢 ...

勉強無幸福

作者: taviatsui 時間: 15-5-11 15:20 標題: 引用：Quote:原帖由+methy+於+15-05-10+發表自理

原帖由 Olympian 於 15-05-10 發表
咁中度又未必大小便自理唔得。朋友個仔中度，但好早已大小便食飯換衫都冇問題，仲會自己沖涼。陳x鴻個仔都 ...

陳x鴻個仔一年級考試第一唔岀奇，因為自閉症小朋友死記硬背實無問題，但上到小三通常都唔掂，因為好多嘢都唔係死背就得

作者: methy 時間: 15-5-11 15:22 標題: 引用：Quote:原帖由+methy+於+15-05-11+發表咁真

原帖由 taviatsui 於 15-05-11 發表
勉強無幸福

亦有人覺得唔試（主流）就放棄左個機會，唔心惜。

作者: methy 時間: 15-5-11 15:29 標題: 引用：Quote:原帖由+Olympian+於+15-05-10+發表咁

原帖由 taviatsui 於 15-05-11 發表
陳x鴻個仔一年級考試第一唔岀奇，因為自閉症小朋友死記硬背實無問題，但上到小三通常都唔掂，因為好多嘢都 ...

有時好難講，識人教中學，有個自閉証學生上上下堂要去洗波鞋，一洗幾粒鐘，完全唔理同伴（兩個一pair做實驗),實驗操作分無哂，最後仍然能夠完成份功課，拎到成績，同佢做拍檔既唔好受，但讀書最緊要拎到成績。

作者: aw285 時間: 15-5-13 19:37 標題: 回覆：原來有間主流都收中度

這間係津校，抽中派入黎唔可以唔收，有D學生勸退又唔走，學校都沒有辦法，惟有盡力去教。

歡迎光臨教育王國 (/)