教育王國

標題: 讀開英普幼稚園既小朋友，升小一會否在語言方面跟得好d? [打印本頁]

作者: littleantant 時間: 15-5-1 10:02 標題: 讀開英普幼稚園既小朋友，升小一會否在語言方面跟得好d?

本人女兒現正準備升k1,而家讀在英普學校緊幼兒班（pn）,原本諗住下年轉讀學卷幼稚園，但呢學期發現女兒說多了很多英文生字及句子，不過佢日間都係由菲慵姐姐湊.，佢既英文係黎自學校定姐姐我唔係好肯定，所以我豫疑緊俾唔俾佢讀返而家間英普幼稚園。
當然，考慮原因包括學費及校園特色，我地唔算富有，但因為我地只有一位小朋友，要支付4千多元學費唔算太吃力，只是考慮會否將呢4千元用作女兒學其他技能的費用，如跳舞，樂器，游泳等等。而我地報左嗰間有學卷既特色係校園夠大，有空間俾小朋友探索學習，而家讀緊嗰間幼稚園空間真係好細，同以前年代既幼稚園一樣咁細，班房加多幾個家長已經迫爆左課室。
所以想大家已有升上小學的家長，有無什麼意見可提供，謝謝？

作者: MrBeast 時間: 15-5-1 10:24

為興趣學Eca 無可厚非，只要明白對考小一作用不大

作者: kayi0556 時間: 15-5-1 10:27

我覺得各方都要並重，唔可以單單只睇英文，我的經驗係中英都要睇重，我細囡同學仔因為太重視英文，上到小一只得英文科可以拎9字頭，中文，數學同常識就死晒，始終小學大部分科係用中文教，唔識中文好多科都唔掂
重有你有冇諗住小朋友讀乜小學？有d幼稚園同小學有聯系，入學比率高好多，當然活動空間，老師有冇愛心，德育都好重要

作者: IloveJJ 時間: 15-5-1 11:29 標題: 引用：本人女兒現正準備升k1,而家讀在英普學校緊

提示: 作者被禁止或刪除內容自動屏蔽

作者: littleantant 時間: 15-5-1 11:38 標題: 回覆：讀開英普幼稚園既小朋友，升小一會否在語言方面跟得好d

其實我諗佢將來讀普通既津貼小學咋，只是諗緊駛唔駛同佢打好英文個底先，因為我日常都係同佢講中文，中文是佢既母語，應該唔難跟掛。

作者: MrBeast 時間: 15-5-1 12:27

咁都要睇kg 和target 小學課程，eg, 如kg 有教phonics, 都以慳返一筆，or 小學是普教中，咁會易適應d

作者: IloveJJ 時間: 15-5-1 14:30 標題: 引用：其實我諗佢將來讀普通既津貼小學咋，只是諗

提示: 作者被禁止或刪除內容自動屏蔽

作者: IloveJJ 時間: 15-5-1 14:31 標題: 引用：咁都要睇kg+和target+小學課程，eg,+如kg+

提示: 作者被禁止或刪除內容自動屏蔽

作者: mansum92 時間: 15-5-1 15:29 標題: 回覆：讀開英普幼稚園既小朋友，升小一會否在語言方面跟得好d

我仔讀果間都唔算英普，只是英文教得好，有phonics. 升津小後，英文完全唔係問題，中文真係追到甩褲。

作者: kayi0556 時間: 15-5-1 15:36

回覆 mansum92 的帖子

中文真係難搞過英文，小一常識要短答，冇得揀，要識睇題目之餘，又要識理解，重要識寫字，唔好睇少中文， 3篇中文閱讀理解，識少d字都唔識做，有d題目重要思考，中文學起上黎真係難英文好多

作者: MrBeast 時間: 15-5-1 16:15

IloveJJ 發表於 15-5-1 14:31
幼稚園教既phonics好皮毛，加上大班教，無乜用。

其實語言是要浸的，每日少少是較一星期一堂好些，不過我也同意大班能力較弱的小朋友可能會被neglected，這情況出外小組上或許較好

作者: 魚兒小寶貝 時間: 15-5-1 21:55

littleantant 發表於 15-5-1 11:38
其實我諗佢將來讀普通既津貼小學咋，只是諗緊駛唔駛同佢打好英文個底先，因為我日常都係同佢講中文，中文是 ...

除左以上家長所提及既野，另外要注意既係，讀英普幼既小朋友，自己本身好自然會側重英語，對中文既興趣相對低好多，如目標是中文小學，我覺得小朋友小一會吃力d，始終只得一科係英語。日常講廣東話同要佢睇中文書相差甚遠呢，除非你確保能幫佢平衡到。

作者: IloveJJ 時間: 15-5-1 23:12 標題: 引用：Quote:IloveJJ+發表於+15-5-1+14:31+幼稚園

提示: 作者被禁止或刪除內容自動屏蔽

作者: MASAYA 時間: 15-5-2 01:08

本帖最後由 MASAYA 於 15-5-2 01:09 編輯

首先搞清一件事，母語係自出娘胎接觸最多既語言，唔係母親用既語言

咁點會由細到大接觸最多英文，但中文係母語？

承上，除非你師資好，如果唔係，隨時將小朋友既母語 (英文) 係由人地既第二語言學返黎，咁就算佢既溝通主要用英文，又係咪真係流暢？係香港大部份人英文係第二語言眼中黎講可以算流暢，但放大到全世界睇，答案你自己諗

作者: MrBeast 時間: 15-5-2 05:57

IloveJJ 發表於 15-5-1 23:12
我唔係話幼稚園既英文唔好，相反，讀英普幼稚園既英文好好，至少聽講、理解都好好!我係話phonics幼稚園唔好 ...

好與唔好是好主觀，kg 可能在k1 只cover 一些3 letter high frequency words, increase vocab 打好基礎，又或到到K3都未教哂整套phonics 因為它明白未必所有學生都能明白，不想拔苖助長。可以話kg教得冇出面小組咁快，單靠Kg就一定唔會k3看到harry potter, 但以ham 接傳統小一其實都是足夠。

作者: momama 時間: 15-5-2 07:44 標題: 回覆：讀開英普幼稚園既小朋友，升小一會否在語言方面跟得好d?

我個人比較重中文，所以冇諗過英普班，讀hea幼稚園，兩個女都係兩至六歲每星期一堂hea英文playgroup，我只同佢地講廣東話，佢地係跟菲僱學講英文嘅，如我在場就會糾正佢哋啲錯處。大女語文天份比較好啲，小一開始時要追英文，下學期已可睇Rainbow Magic。細女差啲，但津校小一英文唔太深，功課考試佢都應付到。當然，兩個都唔使追中文。

作者: littleantant 時間: 15-5-2 10:25 標題: 回覆：讀開英普幼稚園既小朋友，升小一會否在語言方面跟得好d

大家各位既意見，我開始有d頭緒

作者: 小曳人 時間: 15-5-2 11:39

兩個都係讀主流班，無考慮過英普班
大仔係耳仔靈，記性好嘅人，自通phonics，所以我從未擔心過pth有問題，KG只有一星期1-2堂嘅PTH，佢入咗間普教中私小，同學仔話阿仔嘅pth好聽過中文老師 (香港人)，英文亦被選為英語大使
基本上無適應問題
但細仔响同一間KG讀，效果好唔同，我問佢知唔知pth老師講乜，佢好似唔多明白！但我無打算加料，順其自然就得，細佬將入讀廣東話教中文嘅津校
有外補phonics，因為KG嘅phonics係唔多夠用嘅，要上到小學跟得好d，phonics不可少！

作者: momama 時間: 15-5-2 12:46 標題: 回覆：讀開英普幼稚園既小朋友，升小一會否在語言方面跟得好d?

我大女同小曳人大仔係類似情況。順帶一提，朋友個仔目標入國際學校，所以K1開始係英普班，家中父母廣東話。一年後轉去英廣，因評估佢語言能力不太強，應先搞好兩樣。

作者: HaYi 時間: 15-5-3 19:46

看之前樓上好多評論都是英普的幼稚園小朋友英文會強, 中文會弱.  但英普并不是純英, 不會少了中文的, 只是用PTH 教而已.  我當初選幼稚園都不考慮全英, 因中文可能會學不了.

我大細仔都是英普的.  現大的在英小讀P3, 小的只K1, 大的的碓他英文比中文強好多.  但此是他本人對英文的喜好較強, 另當他細時我們沒刻意要他看相同比例的中文書 (他P1前基本只看英文書, chapter books, tool books). 可以說他K3時英文有普通P2以上程度,  中文是普通Kinder 的K3程度.  此同他是讀"學卷的英廣"定"私立的英普班"沒有關係.  現在小的我們會加強中文, 相信入小學時, 中文會比哥哥較好, 比一般的準小一生好一些. 而英文會和哥哥一樣強較多.

私立的英普班我覺得相比學卷的學校會較深一些, 對小學的小一準備會好一些, 尤其在英語及PTH 方面, 如果是普教中的小學更然.  當然, 學卷的家長如在一早另谷, 都可以有相同的效果, 只是精力使費亦不少.

作者: marcuscyrus 時間: 15-5-3 19:59 標題: 引用：看之前樓上好多評論都是英普的幼稚園小朋友

原帖由 HaYi 於 15-05-03 發表
看之前樓上好多評論都是英普的幼稚園小朋友英文會強, 中文會弱. 但英普并不是純英, 不會少了中文的, 只是 ...

我仔讀英普，但沒有出現英強中弱問題

作者: Jane1983 時間: 15-5-3 22:23

小朋友的學習容量好大，可以英、普、廣東話都兼顧到。有無偏埋一邊，其實好睇父母取向。

作者: iamadc 時間: 15-5-4 00:58 標題: 引用：兩個都係讀主流班，無考慮過英普班大仔係耳

原帖由 小曳人 於 15-05-02 發表
兩個都係讀主流班，無考慮過英普班
大仔係耳仔靈，記性好嘅人，自通phonics，所以我從未擔心過pth有問題，K ...

那麼大仔要在外上phonics 嗎？

作者: IloveJJ 時間: 15-5-4 08:54 標題: 回覆：讀開英普幼稚園既小朋友，升小一會否在語言方面跟得好d

提示: 作者被禁止或刪除內容自動屏蔽

作者: marcuscyrus 時間: 15-5-4 10:12 標題: 引用：Quote:原帖由+HaYi+於+15-05-03+發表看之前

原帖由 marcuscyrus 於 15-05-03 發表
我仔讀英普，但沒有出現英強中弱問題

補充下，那時返學是英普，但在家全粵語，自小都沒有在外進寶，現在中英文成績我覺得ok

作者: IloveJJ 時間: 15-5-4 10:16 標題: 引用：Quote:原帖由+marcuscyrus+於+15-05-03+發

提示: 作者被禁止或刪除內容自動屏蔽

作者: little_yolky 時間: 15-5-4 10:53

kayi0556 發表於 15-5-1 15:36
回覆 mansum92 的帖子

中文真係難搞過英文，小一常識要短答，冇得揀，要識睇題目之餘，又要識理解， ...

我親戚因為浸咸水, 英文好D, 所以小朋友基本母語係英文, 佢由細到大同小朋友講英文, 其他親人包括爸爸同佢講中文。幼稚園又係英普, 咁佢英文緊係好D。今年小一, 入咗油天, 見到媽咪, 話佢中文差到...........各位JM, 報幼稚園要考慮埋讀咩小學, 各位好自為之。

作者: MASAYA 時間: 15-5-4 11:00

little_yolky 發表於 15-5-4 10:53
我親戚因為浸咸水, 英文好D, 所以小朋友基本母語係英文, 佢由細到大同小朋友講英文, 其他親人包括爸爸同佢 ...

即係咁，畀隻獅子妳當貓養，幾年後畀佢同隻野狗打都未必贏
唔係華人就一定華語好，邊種語言好，應該DNA冇寫低

作者: marcuscyrus 時間: 15-5-4 11:06 標題: 引用：Quote:原帖由+marcuscyrus+於+15-05-04+發

原帖由 IloveJJ 於 15-05-04 發表
沒有進補的意思，是包括沒有跟他認讀額外的字，又沒有看書嗎？

嘩咁又唔得，閱讀好重要，我指沒有另外出外學中英文

作者: little_yolky 時間: 15-5-4 11:22

MASAYA 發表於 15-5-4 11:00
即係咁，畀隻獅子妳當貓養，幾年後畀佢同隻野狗打都未必贏
唔係華人就一定華語好，邊種語言好，應該DNA冇寫 ...

DNA一定冇寫底。不過, 如果單打獨鬥, 我會買隻獅子嬴, 如果野狗班馬, 咁就另計。

語言呢樣嘢, 好多JM都好似樓主咁諗, "中國人中文無理由唔好啫", 就係咁, 恨錯難返。我身邊已經有兩個例子。所以, 揀幼稚園要諗埋讀咩小學, 揀小學要諗埋讀咩中學。中學以後條路點行, 就要小朋友自己諗了。

作者: wan_sosin 時間: 15-5-4 11:48 標題: 引用：Quote:MASAYA+發表於+15-5-4+11:00+即係咁

原帖由 little_yolky 於 15-05-04 發表
DNA一定冇寫底。不過, 如果單打獨鬥, 我會買隻獅子嬴, 如果野狗班馬, 咁就另計。

香港人對於英文說得好，會有種優越感，呢種優越感好易去到小朋友身上，有些小朋友明明識講廣東話，但仍只講英文，且會小看那些英文無佢咁流利的其他小朋友！小朋友輕視中文之後，要學好中文就比較難！
做父母是否教導到小朋友學好英文，又重視中文，真是父母的考驗！
另外要教好佢哋唔好英文叻小小，就唔去同講開中文嘅小朋友玩，呢個態度都好有問題！

作者: MrBeast 時間: 15-5-4 12:06

little_yolky 發表於 15-5-4 10:53
我親戚因為浸咸水, 英文好D, 所以小朋友基本母語係英文, 佢由細到大同小朋友講英文, 其他親人包括爸爸同佢 ...

讀書和做野一樣，不可淨得把口

作者: mianyang_99 時間: 15-5-4 12:13

wan_sosin 發表於 15-5-4 11:48
香港人對於英文說得好，會有種優越感，呢種優越感好易去到小朋友身上，有些小朋友明明識講廣東話，但仍只講 ...

WAHAHAHA........very agree

作者: MASAYA 時間: 15-5-4 12:19

wan_sosin 發表於 15-5-4 11:48
香港人對於英文說得好，會有種優越感，呢種優越感好易去到小朋友身上，有些小朋友明明識講廣東話，但仍只講 ...

同唔同人講唔同話先叻，市井話題傾得埋，講文學又得，學問高深得黎又唔離地先係高人

作者: IloveJJ 時間: 15-5-4 12:21 標題: 引用：Quote:原帖由+IloveJJ+於+15-05-04+發表沒

提示: 作者被禁止或刪除內容自動屏蔽

作者: marcuscyrus 時間: 15-5-4 13:36 標題: 引用：Quote:原帖由+marcuscyrus+於+15-05-04+發

原帖由 IloveJJ 於 15-05-04 發表
就係囉！我認為幼稚園既中文，係唔足以銜接小學，一定要加上閱讀。反而英文，真係唔深，不用因為擔心英文而 ...

其實，我當初比佢地讀英普班，只為提供家中比唔到佢地的語言環境，那時幼稚園的主流班同英普班課程是一樣的，的只希望佢地每天有機會接觸，起碼見到講普通話和英文的人士都搭到下咀。至於語文成績和語文能力，我覺得是2碼子事。語文成績聽寫讀講都包括，其中寫方面，除了語言本身仲要包括自身想像力，讀又要有豐富詞彙基礎，講到底，我覺得語文能力可能是天生的

歡迎光臨教育王國 (/)