教育王國

標題: 睇報紙同溫書 [打印本頁]

作者: kkeefamily 時間: 15-4-25 23:53 標題: 睇報紙同溫書

阿仔今年小一，經過兩測一考後，常識分數每況愈下。C6就成日話佢唔睇報紙，中文又唔好，更係越來越差啦。但諗深一層，自己中學時都唔想睇報紙啦，點叫小一仔睇呀？！😓

C6仲成日串個仔＂乜溫書都要人幫的咩＂，唔肯幫佢溫習！我越諗越㷫⋯係咪d爸爸都係咁樣的？

作者: Yanamami 時間: 15-4-26 07:45

本帖最後由 Yanamami 於 15-4-26 07:47 編輯

叫爸爸幫手讀報俾仔听，家長指引睇六点半新闻。係ek都有好心家長列出每个月時事……
http://www.edu-kingdom.com/forum.php?mod=viewthread&tid=3006954&extra=page%3D1

作者: kkeefamily 時間: 15-4-26 08:21 標題: 回覆：Yanamami 的帖子

唉！我個C6一定唔會咁做，因為佢話咁樣係二手新聞喎！叫佢做多樣野都牙痛咁聲呀！

作者: MrBeast 時間: 15-4-26 09:09

你係佢面前kid kid 下佢就會走來問你睇緊乜⋯

作者: 洋蔥頭媽咪 時間: 15-4-26 09:29 標題: 引用：阿仔今年小一，經過兩測一考後，常識分數每

本帖最後由洋蔥頭媽咪於 15-4-26 12:22 編輯

原帖由 kkeefamily 於 15-04-25 發表
阿仔今年小一，經過兩測一考後，常識分數每況愈下。C6就成日話佢唔睇報紙，中文又唔好，更係越來越差啦。但 ...

恕直言，一個6歲大剛升小學嘅小朋友，連考試溫習可能都未學懂如何掌握，家長又唔去教，佢點識自己溫？至於睇報紙，睇新聞呢d，叫個小朋友自發去做，家長又唔懂得教佢方法，談何容易？我覺得樓主你地應該先檢討自己，學習如何去教育/如何去引導孩子先。
小一常識考課文為多，只要熟讀課文，應該唔會太難。你提到小朋友中文成績亦弱，要知道孩子懂嘅中文詞彙越小，對佢理解同表達就越困難，家長要多鼓勵孩子養成閱讀習慣，坊間其實有頗多有趣書藉，兒童報章，都能引發孩子興趣，父母應多鼓勵，讚賞，或與孩子一起去做，孩子才能夠學會，並唔係單打孩子，鬧，取笑佢，一句叫佢自己睇新聞就能改善。

作者: brother4 時間: 15-4-26 09:46 標題: 回覆：睇報紙同溫書

以前有溫習吓都高分，現不能只看課文，可去圖書館看十慢個為什麼

作者: Yanamami 時間: 15-4-26 11:56

洋蔥頭媽咪發表於 15-4-26 09:29
恕直言，一個6歲大剛升小學嘅小朋友，連考試溫習可能都未學懂如何掌握，家長唔又去教，佢點識自己溫？至於 ...

GS真係最易攞分既—科｡

作者: MASAYA 時間: 15-4-26 14:02

Yanamami 發表於 15-4-26 11:56
GS真係最易攞分既—科｡

同意, 因為output冇乜技巧, 主要靠input

作者: HaYi 時間: 15-4-27 10:10

我個P3啦, 對中文報紙的興趣都不大, 除非有好怪的新聞,

佢爸爸就叫佢一齊睇多D TV新聞, 哩個係唯一正式俾佢睇TV 的時間. 雖冇報紙好, 都好過不睇.

作者: wan_sosin 時間: 15-4-27 10:53 標題: 回覆：睇報紙同溫書

報紙字咁細，叫小一咁細個睇，都幾難睇下！讀比佢聽好D,我會開電視新聞，或在網上見到啱佢睇嘅新聞(文字報導) ，陪佢一齊睇，解釋佢聽，咁會有興趣D!
學習方面，小一真係唔識如何溫習，係要教小朋友溫書方法，慢慢等小朋友明白要記邊D課文內容，注意什麼地方！
我老公都會幫手教個仔，同個仔傾新聞，功課有唔明都會教佢！

作者: little_yolky 時間: 15-4-27 11:02

kkeefamily 發表於 15-4-25 23:53
阿仔今年小一，經過兩測一考後，常識分數每況愈下。C6就成日話佢唔睇報紙，中文又唔好，更係越來越差啦。但 ...

如果係中文小學, 其實我個人意見, 小一根本只係考緊小朋友中文！

中文科就緊係考中文, 數學同常識都係考中文, 數學只要識解題, 必掂！常識識字多, 又掂。講真, 常識科小一考得你幾多課外嘢, 如果識字真係好難唔高分, 除非你既滿意指標係100分咁就另計。

所以, 首先要做既嘢係搞好中文。

作者: MASAYA 時間: 15-4-27 11:11

大家畀小朋友睇報紙係一般大人睇既報紙？唔係學生版？

作者: mimi1102 時間: 15-4-27 11:48

想請教大家依家會比邊份報紙比小朋友睇?

作者: 洋蔥頭媽咪 時間: 15-4-27 12:28 標題: 引用：想請教大家依家會比邊份報紙比小朋友睇?+

原帖由 mimi1102 於 15-04-27 發表
想請教大家依家會比邊份報紙比小朋友睇?

星島兒童報，陽光校園都OK

作者: 洋蔥頭媽咪 時間: 15-4-27 12:31 標題: 引用：Quote:kkeefamily+發表於+15-4-25+23:53+阿

原帖由 little_yolky 於 15-04-27 發表
如果係中文小學, 其實我個人意見, 小一根本只係考緊小朋友中文！

中文科就緊係考中文, 數學同常識都係考中 ...

同意，字都識得唔多，點理解點表達

作者: HaYi 時間: 15-4-27 14:38

本帖最後由 HaYi 於 15-4-28 14:10 編輯

中文免費報咋，英文訂左scmp (其中有少年版)

作者: wan_sosin 時間: 15-4-27 16:37 標題: 回覆：睇報紙同溫書

小二會考慮下訂兒童報，小一真係無信心小朋友會睇！

作者: obedienceliu 時間: 15-4-27 16:42

回覆 wan_sosin 的帖子

請問訂兒童報, 要在那訂?

作者: obedienceliu 時間: 15-4-27 17:04

回覆 obedienceliu 的帖子

是嗎? 下年我留意一下, 謝謝!

作者: wan_sosin 時間: 15-4-27 17:06 標題: 引用：回覆+wan_sosin+的帖子請問訂兒童報,+要

原帖由 obedienceliu 於 15-04-27 發表
回覆 wan_sosin 的帖子

請問訂兒童報, 要在那訂?

無錯，開學無幾耐，學校會有得訂！

作者: MC1128 時間: 15-4-27 17:21

其實,小一未識睇報紙,講都得

同孩子去買嘢,傾吓點解而家要自備購物袋,幾錢一個,點解有店舖可以收貴啲,點解街市又唔收

同孩子去圖書館,傾吓圖書證可以借幾多本書,可預約書籍,可網上續借

同孩子去郵局,原來買郵票之外,可以繳費

港鐡西綫通車,有邊幾個站呀?原來會滲地下水喎

五月一日勞動節,爸爸放假,因為係法定假期,個日仲會增加最低工資, 幾錢呀?孩子吃個麥當勞餐,只有最低工資的打工仔要做一個鐘喎

仲有, 政府仲未決定立法定最長工時,樓下保安員叔叔由早上六時工作到下午六時,你覺得好唔好呢?

作者: 王家爸爸 時間: 15-4-27 17:59

obedienceliu 發表於 15-4-27 17:04
回覆 obedienceliu 的帖子

是嗎? 下年我留意一下, 謝謝!

唔係學校定，要五蚊份。
http://www.student.thestandard.com.hk/banner/HDF_Goodies.pdf

作者: momama 時間: 15-4-27 19:01 標題: 回覆：睇報紙同溫書

時事題佔幾多分？

作者: 洋蔥頭媽咪 時間: 15-4-27 19:39 標題: 引用：時事題佔幾多分？ +

原帖由 momama 於 15-04-27 發表
時事題佔幾多分？

通常好少，只佔幾分

作者: momama 時間: 15-4-27 20:24 標題: 引用：Quote:原帖由+momama+於+15-04-27+發表時事

原帖由 洋蔥頭媽咪 於 15-04-27 發表
通常好少，只佔幾分

朋友入咗開心活動私小，時事佔五分，我勸佢豪俾佢啦，啲時間用嚟讀書，話唔定攞足95分仲好

作者: kkeefamily 時間: 15-4-27 22:25 標題: 回覆：MC1128 的帖子

多謝MC1128及各位咁constructive的意見！

小兒學校時事佔十分，時事不太大問題。只係覺得我家C6個態度有問題啫。阿仔常識死係長題目，學校出到好似physics咁。不過佢依然有d同學九十幾，所以只可以話技不如人囉。

作者: 王家爸爸 時間: 15-4-28 09:30

momama 發表於 15-4-27 19:01
時事題佔幾多分？

佔幾分其實唔重要，最重要係訓練小朋友睇報紙既習慣。

作者: little_yolky 時間: 15-4-28 09:45

王家爸爸發表於 15-4-28 09:30
佔幾分其實唔重要，最重要係訓練小朋友睇報紙既習慣。

我自己都無睇報紙既習慣, 以前係有的, 但後來, 報紙寫既評論越來越偏頗, 記者既文字越來越口語化, 最後就無再睇了, 只睇六點半新聞

作者: MASAYA 時間: 15-4-28 09:48

little_yolky 發表於 15-4-28 09:45
我自己都無睇報紙既習慣, 以前係有的, 但後來, 報紙寫既評論越來越偏頗, 記者既文字越來越口語化, 最後就無 ...

我都係同一原因, 所以冇睇TVB新聞

作者: tutik 時間: 15-4-28 10:56

樓主帶出兩個問題，第一是否父母雙方都願意去教。第二是否懂得去教。

我自己算是有計劃，有準備去教個仔啲功課，但低EQ，如果爸爸可以分擔一部分，事情就會變得順昌多。小朋友唔會覺得媽媽只係讀書、同讀書，緊張關係可以舒緩一些。講真教到好耐咩，到高小亦唔會坐定定聽我教。

但可惜……，次次都攪到個仔喊晒同憎咗果科。好似教奧數，我同c6講，如果你攞到呀仔attendion都講佢唔明，係未用啱方法，每人思考方式有別，唔係佢蠢！佢一定比你同我這年紀時聰明，唔好打沈佢自信心。最後科数又係我自己啃埋！

無奈男孩子同爸親既關係好微妙，仔越大越走去老豆果邊。所以有耐心既老豆，男孩教養成功機會大好多。要讚下EK一眾爸爸們。

作者: MASAYA 時間: 15-4-28 10:59

王家爸爸咁睇嘜新聞？發表於 24 分鐘前

======================

google新聞，乜報都有d，明報商台新浪蘋果信報成報東方大公文匯都有，以前用google reader，而家用feedly，其實來源一樣

報紙我只訂左明報，不過其實我唔鍾意聽新聞，用眼睇可以睇返轉頭知佢有冇老吹，用耳聽我聽過就算

作者: momama 時間: 15-4-28 18:53 標題: 引用：Quote:little_yolky+發表於+15-4-28+09:45+

原帖由 MASAYA 於 15-04-28 發表
我都係同一原因, 所以冇睇TVB新聞

我只俾細路睇有線新聞！睇報紙唔係問題，重點係考時事係要你背報紙！

作者: kkeefamily 時間: 15-4-28 19:17 標題: 回覆：tutik 的帖子

Tutik, 你道出我心聲啦。

我屋企個C6係百彈斎主，寧可睇波都唔教兩隻怪獸。仲話乜讀書要人幫的咩，佢自己讀書時完全自動波⋯從來唔使阿媽麻⋯激死！

結果我自己要咩都食晒，包埋奧數！唔係貪心，但呢個年代要＂一生一體藝＂呀嘛！不過鋼琴又唔計，阿仔又整鬼玩percussion...C6又要住到無雷公咁遠，小朋友要八-九點瞓覺，所以放工冇得OT，一屋企就要變身哥C9！人都癲！

會上EK的所有爸爸都算無得頂!👍👍👍

作者: MASAYA 時間: 15-4-28 19:23

momama 發表於 15-4-28 18:53
我只俾細路睇有線新聞！睇報紙唔係問題，重點係考時事係要你背報紙！

...

要背報紙即係未掌握到閱讀重點，咁唔好開始睇報紙住

作者: momama 時間: 15-4-28 23:59 標題: 回覆：睇報紙同溫書

問你土瓜灣塌樓係乜街？咁係咪要背？個颱風名係乜動物？有幾多間學校識問重點而學生又答到？好慶幸阿女四年級啦，學校從來冇考時事。

作者: MASAYA 時間: 15-4-29 00:25

咁你背既定義同我唔同，對我黎講，呢d叫記，我理解背係好似背課文咁，唔可以用自己文字寫個point出黎，要一式一樣

所以我見到話背報紙個下呆左，睇唔同報紙咪有唔同答案？

作者: momama 時間: 15-4-29 07:28 標題: 回覆：睇報紙同溫書

自問自己從小一開始睇報紙，唔會睇完後去記住呢啲無謂「資料」，而事實上好多學校就係考呢啲，苦了家長，伴讀/睇新聞時，要不停諗考試會點問，本末倒置。完。

作者: HMmummy 時間: 15-4-29 07:59 標題: 回覆：睇報紙同溫書

同意多關心時事，培育公民意識好重要，以免人地話：有知識，無常識！

作者: MASAYA 時間: 15-4-29 09:23

本帖最後由 MASAYA 於 15-4-29 09:27 編輯

momama 發表於 15-4-29 07:28
自問自己從小一開始睇報紙，唔會睇完後去記住呢啲無謂「資料」，而事實上好多學校就係考呢啲，苦了家長，伴 ...

為考試睇新聞當然本末倒置

你講得啱, 睇新聞覺得係無聊資料咁真係唔好睇喇, 免得浪費時間

順帶一提, 我女學校常識冇考時事, 訂報紙只係畀個途徑佢知呢個世界發生咩事, 亦冇伴讀, 睇唔睇視乎佢時間點分配

作者: momama 時間: 15-4-29 17:37 標題: 回覆：睇報紙同溫書

土瓜灣塌樓係反映舊樓維修及監管問題，呢一方面完全唔無聊；但若果考試係問條街名，我絶對唔會俾阿女去浪費時間。

作者: charchar2001 時間: 15-4-30 10:08 標題: 引用：其實,小一未識睇報紙,講都得同孩子去買嘢,

原帖由 MC1128 於 15-04-27 發表
其實,小一未識睇報紙,講都得

同孩子去買嘢,傾吓點解而家要自備購物袋,幾錢一個,點解有店舖可以收貴啲,點解 ...

作者: nekoneko79 時間: 15-4-30 10:15

其實呢, 大家可以用出卷時間嚟重點溫習時事...........
例如六月的期終試, 份卷大約五月頭就要出卷, 咁老師就會出多少少四月左右的新聞, 總唔會出到五月尾的新聞

作者: mianyang_99 時間: 15-4-30 10:25

nekoneko79 發表於 15-4-30 10:15
其實呢, 大家可以用出卷時間嚟重點溫習時事...........
例如六月的期終試, 份卷大約五月頭就要出卷, 咁老師 ...

YES...very true.

作者: 魚兒小寶貝 時間: 15-4-30 10:58

雖然我都認為溫書唔應該父母幫，但要引導、教識佢才能慢慢放手。

作者: MASAYA 時間: 15-4-30 11:08

nekoneko79 發表於 15-4-30 10:15
不如睇now

冇裝now，其實好少開電視，之前好長時間屋企冇電視添，順帶一提，我屋企連冷氣機都冇，好原始

作者: nekoneko79 時間: 15-4-30 11:24

MASAYA 發表於 15-4-30 11:08
冇裝now，其實好少開電視，之前好長時間屋企冇電視添，順帶一提，我屋企連冷氣機都冇，好原始 ...

唔洗呀, 上網有得睇
連冷氣機都冇? 好環保!
我就唔得, 冇冷氣一定死.................
最多屋企做分類回收

作者: MASAYA 時間: 15-4-30 11:38

nekoneko79 發表於 15-4-30 11:24
唔洗呀, 上網有得睇
連冷氣機都冇? 好環保!
我就唔得, 冇冷氣一定死.................

大女初小，暫時盡量唔畀咁多用電腦時間，不過我以前都覺得應該習慣六點半睇新聞，而家就覺得唔睇好過睇
[off topic] 冇冷氣一來環保，二來我自己開冷氣睏易病，老婆有鼻敏感，兩個細路由細到大都冇嘆開冷氣，唔會覺得冷氣好重要

我自己夏天沖完凍水涼先睏，其實又唔會太熱 [/off topic]

作者: alyk 時間: 15-4-30 12:17

momama 發表於 15-4-29 17:37
土瓜灣塌樓係反映舊樓維修及監管問題，呢一方面完全唔無聊；但若果考試係問條街名，我絶對唔會俾阿女去浪費 ...

對! 學習為本, 不是考試為本呀

作者: wan_sosin 時間: 15-4-30 12:19 標題: 引用：自問自己從小一開始睇報紙，唔會睇完後去記

原帖由 momama 於 15-04-29 發表
自問自己從小一開始睇報紙，唔會睇完後去記住呢啲無謂「資料」，而事實上好多學校就係考呢啲，苦了家長，伴 ...

小朋友對新聞留意嘅地方，同大人睇嘅角度唔同，好多時亦唔會是學校出嘅題目，我仔睇新聞鍾意留意誰是元首領導，呢個人行出嚟講嘢嘅係邊個，學校就完全唔會問！
如果因為學校考時事而讓小朋友多睇新聞，都未尚唔好，但如果平時唔睇新聞，父母只係讀嗰D重點新聞要小朋友硬記去考試！咁記嚟都多餘！

作者: IloveJJ 時間: 15-5-1 11:39 標題: 引用：Quote:nekoneko79+發表於+15-4-30+11:24+唔

提示: 作者被禁止或刪除內容自動屏蔽

作者: wan_sosin 時間: 15-5-1 12:03 標題: 引用：Quote:原帖由+MASAYA+於+15-04-30+發表大女

原帖由 IloveJJ 於 15-05-01 發表
咦？我地幾似噃，我地又係鼻敏感唔開冷氣架!不過，每晚6:30會一齊睇新聞同天氣報告，所以個仔對好多新聞都 ...

唔考未好囉，睇新聞都唔代表識答嗰D時事題，我仔都日日有睇新聞，但學校問嗰D都唔一定識答，每日咁多新聞，唔會樣樣記得，學校唔一定會出個個人都知好熱門嘅新聞！

作者: MASAYA 時間: 15-5-2 00:59

IloveJJ 發表於 15-5-1 11:39
咦？我地幾似噃，我地又係鼻敏感唔開冷氣架!不過，每晚6:30會一齊睇新聞同天氣報告，所以個仔對好多新聞都 ...

學校係學習既地方，如果變成重要既只係考試，咁咪變晒質？我唔會為左考試而校外學習都揀同學校有關既野，所以學校唔考時事又唔會覺得可惜，呢個世界知識太多，如果死讀爛讀都係校內知識，咁就真係可惜

作者: tinaleung 時間: 15-5-5 11:59

有同感, 我c6就覺得我緊張,邊駛同佢溫書, 小一生, 我就覺得如有時間係暑假睇下小二書, 預溫下仲好,
只係一句, 大家成長背景唔同, 非常欣賞上ek 的爸爸,
借位一問, 用咩口吻改變男人既思維好呢?

作者: MASAYA 時間: 15-5-5 12:17

tinaleung 發表於 15-5-5 11:59
有同感, 我c6就覺得我緊張,邊駛同佢溫書, 小一生, 我就覺得如有時間係暑假睇下小二書, 預溫下仲好,
只係 ...

如果係基督徒就容易，因為「孩子是神所賜的產業」
如果唔係，爸爸重唔重視子女？重視既話，畀佢知，唔係眼前成績好唔好既問題，係希望子女成長後有能力自己得到幸福，幸福包含好多因素，成績只係好少既一部份

如果唔重視，其實講乜都冇用

作者: CrabPincers 時間: 15-5-5 12:44 標題: 引用：Quote:洋蔥頭媽咪+發表於+15-4-26+09:29+恕

原帖由 Yanamami 於 15-04-26 發表
GS真係最易攞分既—科｡

agree, 我仔每次都係最高分常識

作者: JJDBB 時間: 15-5-5 12:57 標題: 引用：有同感,+我c6就覺得我緊張,邊駛同佢溫書,+

原帖由 tinaleung 於 15-05-05 發表
有同感, 我c6就覺得我緊張,邊駛同佢溫書, 小一生, 我就覺得如有時間係暑假睇下小二書, 預溫下仲好,
只係 ...

其實又唔系緊張，只是教下小朋友咩時候開始温習，點樣温習，之後，就開始自己温習，然後，大人又可觀察住放手。如果媽媽安排到暑假預習來年嘅課程，當然好。我自己就打好個底(溫習以前)，另外，去玩下，食下。不然暑假太長，心散好難捉回來。

作者: Yanamami 時間: 15-5-5 14:34

tinaleung 發表於 15-5-5 11:59
有同感, 我c6就覺得我緊張,邊駛同佢溫書, 小一生, 我就覺得如有時間係暑假睇下小二書, 預溫下仲好,
只係 ...

EK都有句説話：“唔好嘗試去改变人地既睇法”嘛~

作者: grandmalolo 時間: 15-5-5 15:57

本帖最後由 grandmalolo 於 15-5-5 16:03 編輯

每天看15分鐘一

報纸

作者: tinaleung 時間: 15-5-5 20:31 標題: 引用：Quote:tinaleung+發表於+15-5-5+11:59+有同

原帖由 Yanamami 於 15-05-05 發表
EK都有句説話：“唔好嘗試去改变人地既睇法”嘛~

所以我盡自所能就算

作者: IloveJJ 時間: 15-5-7 09:01 標題: 引用：Quote:IloveJJ+發表於+15-5-1+11:39+咦？我

提示: 作者被禁止或刪除內容自動屏蔽

歡迎光臨教育王國 (/)