教育王國

標題: 怎麼辦? [打印本頁]

作者: 已刪除用戶 時間: 15-4-25 09:45 標題: 怎麼辦?

我小朋友7月3歲，在二月才去尤德夫人排期評估，剛剛上幼稚園舉辦的k1班預備學前班。上了四堂，老師及校長發現佢同其他小朋友有分別。就叫我上佢地學校的課程加強訓練。針對指令，大小肌肉訓練。每星期上兩堂（45）分鐘/400一堂。要不斷上中間不可以停，除非小朋友有進步才減堂數。
老實說我只是全職主婦，先生返工賺錢有限。又要供樓家有三名子女！對上兩個上中學，開支好大。現在細仔又有問題，叫我如何做好呢?

作者: april12 時間: 15-4-25 10:31 標題: 引用：我小朋友7月3歲，在二月才去尤德夫人排期評

原帖由 Shirleychansl 於 15-04-25 發表
我小朋友7月3歲，在二月才去尤德夫人排期評估，剛剛上幼稚園舉辦的k1班預備學前班。上了四堂，老師及校長發 ...

咁尤德評估點講？如訓練大小肌，聽指令，可上出面非牟利機構的課程（cpda/幼潛（基督教服務處）），會平d,或可自己做一些家居訓練，協康會有本書教訓練小肌肉，如有發展遲緩，要把握黃金時間，快d訓練，加油！

作者: legolas625 時間: 15-4-25 13:46

外面的特殊幼兒導師堂每小時約500，職業治療(小肌肉和感統)每小時約700-800元。

作者: legolas625 時間: 15-4-25 13:49

其實醫院評估了有需要就要開始做訓練，小朋友已近3歲，愈早做愈做，排咩位? 排緊位的小朋友可申請關愛基金，亦有D機構如保良局的服務會平D，問下醫院社工。

作者: 營養多多 時間: 15-4-25 14:17 標題: 回覆：怎麼辦

你自己覺得佢同其他小朋友嘅差別在係邊？
或著去其他機構做初步甄別，若真係有需要再做訓練，而且幼稚園開係針對指令、大小肌，或者佢需要嘅係其他訓練，不如確定佢需要邊種訓練先。

作者: 已刪除用戶 時間: 15-4-25 15:58 標題: 回覆：怎麼辦?

就只有尤德夫人初次見面，只有媽媽並没有其他知詢，填寫一大堆問券就叫我回家等電話。我再打電話去詢問佢話（除非突然變差才打電話去）並没有再什麼學位及訓練也沒有什麼社工）我應該第一步要怎麼做？可否敎我，因為我大仔也有阿氏保加症，我真是很疲累。

作者: bbymc11 時間: 15-4-25 20:55 標題: 回覆：Shirleychansl 的帖子

尤德夫人個度係咪等於健康院姑娘普通檢查嘅意思?我小朋友當年都係健康院個度由姑娘轉介去cac評估中心見醫生評估，不過等嘅時間就真係好耐，大約要9個月，之後先比醫生評估再睇下安排排咩學校適合小朋友，當然呢段時間又係要等，所以媽媽你問清楚尤德夫人個邊以家係咪等去評估中心做評估?至於呢段黃金時間都要盡量幫小朋友做下訓練，你可以打去協康個d機構問下有咩服務幫到小朋友?佢地好樂意幫你，媽媽加油，呢度好多同路人會幫你。

作者: 營養多多 時間: 15-4-25 21:48 標題: 引用：就只有尤德夫人初次見面，只有媽媽並没有其

原帖由 Shirleychansl 於 15-04-25 發表
就只有尤德夫人初次見面，只有媽媽並没有其他知詢，填寫一大堆問券就叫我回家等電話。我再打電話去詢問佢話 ...

程度係見家長了解小朋友日常情況先，跟住真係等電話通知評估時間，有期就會通知。個時尤德夫人話大約等6-9個月，我等咗5個月就收到通知話有期。
其實幼兒園個邊嘅訓練係咪一定要做？唔做住先得唔得？

作者: 已刪除用戶 時間: 15-4-25 21:52 標題: 回覆：怎麼辦?

尤德夫人嗰度就只有姑娘同我做問卷，然後自己填反D小孩子的日常生活情況。然後姑娘話比專業人士睇，去介定他由什麼醫生評估。

作者: 已刪除用戶 時間: 15-4-25 21:55 標題: 回覆：怎麼辦?

最甚的事，他的大哥都有阿士加症。我真是好驚細仔都有，我自己年紀唔細，細仔是意外有的。我擔心無能力照顧佢

作者: bbymc11 時間: 15-4-25 22:17 標題: 回覆：Shirleychansl 的帖子

當時見姑娘有冇同姑娘講大仔有阿士症?唔知會唔會特別處理?

作者: 已刪除用戶 時間: 15-4-25 22:20 標題: 回覆：怎麼辦?

有丫！

作者: bbymc11 時間: 15-4-25 22:56 標題: 回覆：Shirleychansl 的帖子

唯有去外面機構做下初步評估，睇下小朋友邊方面弱就搵相關訓練比佢，唔係真係有排等。

作者: hv245 時間: 15-4-26 06:56 標題: 引用：我小朋友7月3歲，在二月才去尤德夫人排期評

提示: 作者被禁止或刪除內容自動屏蔽

作者: 已刪除用戶 時間: 15-4-26 13:37 標題: 回覆：怎麼辦?

我想問點解你地有社工跟進？在哪裹可以找到呢？

作者: bbymc11 時間: 15-4-26 14:55 標題: 回覆：Shirleychansl 的帖子

當你去完cac評估中心做完評估後，如需要安排入讀e位，i位，s位，一定會安排醫院社工跟進你個case。

作者: 營養多多 時間: 15-4-26 15:03 標題: 引用：我想問點解你地有社工跟進？在哪裹可以找到

原帖由 Shirleychansl 於 15-04-26 發表
我想問點解你地有社工跟進？在哪裹可以找到呢？

或者去協康、耀能、香港保護兒童會評估都會有社工

作者: 已刪除用戶 時間: 15-4-26 15:07 標題: 引用：Quote:原帖由+Shirleychansl+於+15-04-26+

原帖由 營養多多 於 15-04-26 發表
或者去協康、耀能、香港保護兒童會評估都會有社工

唔該你

歡迎光臨教育王國 (/)