教育王國
標題: 好苦惱, 可否比些意見 ? [打印本頁]
作者: HOT123 時間: 15-4-22 18:12 標題: 好苦惱, 可否比些意見 ?
細女7歲 (二年班), 由幼稚園開始, 成日個書包都有的唔係佢既文具, 小玩具, 我知有時佢問同學攞, 有時同學主動送比佢.
我已同佢講,
唔可以貪心,
佢話明白又應承唔再攞,
但依然係咁.
而且,
佢重要講大話, 問佢點解有呢個文具,
佢話老師送,
我問多兩問,
佢知騙唔到我,
先講話係同學送.
我地唔係特別有錢,
但佢要既野,
絕對足夠有餘.
佢而家咁細,
已覺得講大話可以騙到人,
咁唔誠實,
我真係好擔心,
有什麼辦法.
作者: 已刪除用戶 時間: 15-4-22 18:34 標題: 引用：細女7歲+(二年班),+++由幼稚園開始,++成日
原帖由 HOT123 於 15-04-22 發表
細女7歲 (二年班), 由幼稚園開始, 成日個書包都有的唔係佢既文具, 小玩具, 我知有時佢問同學攞, 有時 ...
好令小朋友覺得係懲罰，而係原則上靚文具都係家長買，家長同意送出了嗎？如未經家同意，小朋友唔應該隨便送俾人，父母賺錢好辛苦小朋友要懂珍惜。每個人都應該學識保護自己財物，特別係父母送的禮物係一種祝福。教女女都一樣要珍惜父母送的一切
慢慢黎啦，小朋友係無呢d概念，要解釋架
作者: happy_lavender 時間: 15-4-22 20:15 標題: 引用：細女7歲+(二年班),+++由幼稚園開始,++成日
原帖由 HOT123 於 15-04-22 發表
細女7歲 (二年班), 由幼稚園開始, 成日個書包都有的唔係佢既文具, 小玩具, 我知有時佢問同學攞, 有時 ...
人類是群居的，總有幫助人和需要被幫助的時間，若想孩子將來遇事懂得適時找人/接受別人幫助，從接受同學的小禮物開始學習也不錯呢。
關於孩子說慌，明顯因為你和他的意願不同，但他未懂表達，而又不想被責備，便以慌話瞞騙，這也是正常反應。你不宜過度責備，和他談談他的意願，並表示諒解和接納(接納孩子但不接受講大話的行為。將人和行為分開才容易幫孩子戒除壞行為！)，再慢慢糾正其行為吧！越責備，他越逃避，只會以更多大話來逃避罪責。只有諒解和接納才能令孩子回頭。
作者: HOT123 時間: 15-4-22 20:54 標題: 回覆：happy_lavender 的帖子
你咁講， 都好有道理， 我試下用呢個方法再同佢傾下， 但我怕我接受佢攞人地的禮物， 佢會越來越貪心， 第時遇到壞人， 因貪心比人理用……
作者: HMmummy 時間: 15-4-22 20:59 標題: 回覆：好苦惱, 可否比些意見 ?
建議：問佢原因，只係俾個機會佢講大話，索性同佢講不接受同學送禮，退回給同學，你同佢講會向同學媽媽道謝，等佢知不能講大話。
作者: happy_lavender 時間: 15-4-22 21:35 標題: 回覆：HOT123 的帖子
其實不同的方法也會有效，亦會無效，視乎對象是什麼樣的孩子。但戒除偏差行為的不二法門是將人和行為分開，簡單講就是孩子是乖的，但行為可以是壞的，只要不作壞行為便可，這令孩子知道有改過的機會。
作者: wan_sosin 時間: 15-4-22 23:13
我個仔有類似情況,成日有同學送嘢比佢,我知佢係因為受同學歡迎,所以一般會比佢收,但我會提醒佢唔好問人攞.
我會叫個仔送返嘢比同學,或小息請同學食嘢,最初我仔都有點不想回禮,但可能我同佢講得多,又叫佢留意返同學鍾意什麼,有機會送回同學喜歡的東西,加上同學付出比佢,都慢慢感染了佢,佢開始會送返比同學,其實都係學社交的一種機會.
你怕佢貪心,第日會受騙,呢樣嘢可以再教,只要佢見到你們父母都是大方付出的人,相信佢總會受你們影響.
作者: Yanamami 時間: 15-4-23 08:00
本帖最後由 Yanamami 於 15-4-23 08:02 編輯
其实我好明白楼主既憂慮｡成日見書包筆袋內唔係自己買既文具，好难分得出係同学送吖，个女攞人地吖定佢叫人送俾佢。偏偏呢d事係低小經常出現｡我分得出老師送既都係教協買果d, 同学既通常較精美｡有时佢地甚至話互借文具一个星期
我有同女講版主果番話，話人地父母好錫佢地仔女先買禁精美文具俾佢地，如佢地隨便送俾人唔珍惜，佢父母会唔开心｡我遇过唔少較複雜情况，如同学貪玩，乱禁將其他同学文具調乱，或暗擺入其他同学書包，有時送左俾人又後悔，或mami问到怕鬧就話边个边个要佢送俾佢，如果互借時有乜損坏又要賠俾人……為免瓜田李下，都係唔好再借黎借去，送黎送去，又要回礼禁煩｡受欢迎，好朋友唔需要用物質表達｡佢明白就以後少好多呢d野｡间唔中同学去旅行会買个小小手信俾佢，我就覚得OK.
作者: little_yolky 時間: 15-4-23 08:26
happy_lavender 發表於 15-4-22 20:15 
其實有無想過為何不讓他接受別人禮物呢？正面來看，他收到那麼多同學的禮物，代表他在班內受歡迎，又或社交 ...
他收到那麼多同學的禮物，代表他在班內受歡迎 <==== 真係乜嘢唔好嘢你都可以有正面既諗法, 真係服咗你。
雖然受歡迎係好, 就如其他JM話齋, 驚佢哋自己攞人、問人攞就唔太好。因為始終只有佢哋响學校。我囡囡雖然乖, 但都有呢個問題, 而且, 佢有一個大缺點, 係好鐘意禮物！覺得自己做得好, 就想要禮物, 就算貼紙、簿仔都好, 就係好想收禮物。我第一個反應係：港女！！！！！
我經常告訴她不要常常想著要禮物, 媽媽賺錢好辛苦的, 小朋友未學識賺錢又常常要禮拜, 不應該, 因為那不是自己的錢。不過, 似乎作用不太大。我現在只擔心生產了一個港女出來, 為她以後的男友老公擔心。
作者: wan_sosin 時間: 15-4-23 10:02 標題: 回覆：好苦惱, 可否比些意見
其實咁多咁嘅情況，即是現在初小有咁嘅文化，互送或交換文具！雖然我叫我仔唔好問同學攞，但我唔介意佢嘅同學問佢攞，比唔比佢自己決定，佢從中都可以學點去決定，付出比人還是拒絕人，試過有同學話要同佢交互智能學生証個套，佢無答應，佢返屋企問我，我問返佢，你知唔知同學個媽肯唔肯先，佢當然唔知，我無好肯定咁同佢講好唔好，佢最後無交換到！佢自己都覺得好似未必咁好。
到目前為止，我自己係我仔間學校，未聽過或試過因為呢類文化，而有問題。
作者: wan_sosin 時間: 15-4-23 10:20 標題: 引用：Quote:happy_lavender+發表於+15-4-22+20:1
原帖由 little_yolky 於 15-04-23 發表
越責備，他越逃避，只會以更多大話來逃避罪責
我亦會同個仔開個玩笑，例如，你已經識換衫沖涼，唔通仲要沖完涼要獎勵你呀，你話獎你D乜好呀？獎你沖多次呀？類似又係生活例子，講完佢會同我一齊笑，一齊再講，佢自己都講埋一份，唔通做到乜嘢乜嘢就要獎呀！不過呢D傾偈早在幼稚園時講嘅，初小唔知！
作者: Jane1983 時間: 15-4-23 10:24
我小朋友K2、K3時，成日書包有小禮物，都係公主鉛筆、假寶石、公主貼紙。因為我女吾鍾意公主，吾想浪費想退番都吾知邊個，所以估計同學仔友善送俾一大班人人，吾至佢一個。
教好小朋友吾好問人攞野，吾好貪心就得。其實吾係好大件事，未去到覺得小朋友的character有問題。
作者: 已刪除用戶 時間: 15-4-23 10:29
本帖最後由 Charlotte_mom 於 15-4-23 10:40 編輯
little_yolky 發表於 15-4-23 08:26
我囡囡雖然乖, 但都有呢個問題, 而且, 佢有一個大缺點, 係好鐘意禮物！覺得自己做得好, 就想要禮物, 就算貼紙、簿仔都好, 就係好想收禮物。我第一個反應係：港女！！！！！
介紹你睇一套書
http://www.5lovelanguages.com/
之前上過一個溝通課程, 社工主要圍繞住DR GARY CHAPMAN嘅FIVE LOVE LANGUAGES, 佢話, 原來唔同人有唔同愛語, 點解有人溝通唔到, 就係原來大家愛語唔同 (佢原先係做婚姻輔導, 之後將個THEORY運用到其他人)
而其中一種愛語, 係禮品
原來某D人心目中, 收禮物/送禮物就係愛的表現, 禮物唔一定係金錢物質, 可能你行行下公園見到塊樹葉執黎送俾佢, 佢都會當係寶咁收一世
但在某D人心目中, 服務(ACT OF SERVICE)或PHYSICAL TOUCH比禮物更重要
所以大家溝通唔到就係咁解
幾有趣架, 睇完會對身邊人都認識多左; 鐘意收禮物未必關港女唔港女事呢
作者: Jane1983 時間: 15-4-23 10:36
回覆 Charlotte_mom 的帖子
我估係咁樣，我小朋友從無扭禮物，連生日、過年都無，話獎勵佢，都吾係特別熱衷。
我吾覺得係佢特別吾貪心，佢都「爲食」的，只係吾覺得禮物係big deal。
作者: 已刪除用戶 時間: 15-4-23 10:40
wan_sosin 發表於 15-4-23 10:02
其實咁多咁嘅情況，即是現在初小有咁嘅文化，互送或交換文具！雖然我叫我仔唔好問同學攞，但我唔介意佢嘅同 ...
我個女, 天生樂觀合群, 個個都係朋友, 果時入到間心儀直資, 開心C我啦, 買左好多好靚嘅文具俾佢準備上小一
幼稚園果時, 唔駛帶文具架嘛, 個個書包又一樣, 一上小一, 嘩 ! 幾多姿多彩得架!
開學無耐, 我發現我女D靚靚文具唔見晒, 變左D好核突嘅返黎......原來我女話: 我同同學交換左
心痛啊! 成SET SANRIO靚靚文具咁就無晒, 我無嬲人地個小朋友, 見到人地靚, 想擁有好正常, 問題係點解個女咁隨便就送晒D野出去 (拿, 我亦唔排除有家長會遷怒於同學, 覺得有無攪錯有無家教架, 問人LOR野!)
所以在收人禮物時, 亦要考慮對方家長感受 (可能我唸多左, 但我好怕會令對方留下唔好印象)
作者: wan_sosin 時間: 15-4-23 11:06 標題: 引用：Quote:wan_sosin+發表於+15-4-23+10:02+其
原帖由 Charlotte_mom 於 15-04-23 發表
點解我會話小朋友唔識呢D呢....
我個女, 天生樂觀合群, 個個都係朋友, 果時入到間心儀直資, 開心C我啦, 買 ...
作者: Yanamami 時間: 15-4-23 12:35
Charlotte_mom 發表於 15-4-23 10:40
點解我會話小朋友唔識呢D呢....
我個女, 天生樂觀合群, 個個都係朋友, 果時入到間心儀直資, 開心C我啦, 買 ...
作者: little_yolky 時間: 15-4-23 12:49
Charlotte_mom 發表於 15-4-23 10:40
點解我會話小朋友唔識呢D呢....
我個女, 天生樂觀合群, 個個都係朋友, 果時入到間心儀直資, 開心C我啦, 買 ...
有一次, 我晨咁早5:30起身整小食俾囡囡返學食, 放工我問佢好唔好食, 點知囡囡話無食過, 但食物盒D小食無晒喎。原來佢一攞出嚟, 四方八面既小蜜蜂飛晒過嚟, 連高年級唔識既小朋友都問佢攞嘢食。
我心諗, 阿囡, 媽媽好眼瞓的, 小食唔係整俾同學仔食的, 但唯有欣賞阿囡既人緣, 同自己既手藝啦, 阿Q精神。
作者: little_yolky 時間: 15-4-23 12:54
wan_sosin 發表於 15-4-23 10:20
小朋友想獎勵都好平常，我試過同個仔講，做得到是應該的，唔一定要獎勵，証明你已經有能力做好嗰件事，我同 ...
然後再另加一雙柔情似水既眼神望住你, 
你見佢咁乖, 又識諗, 又咁可愛+可憐, 又唔係貴.......下加十個理由, 咁你就會中佢圈套, 買咗俾佢了。呢個人, 10次有8次係爸爸, 我大概中2次招咁啦。
作者: 小時了了 時間: 15-4-23 13:12
本帖最後由 小時了了 於 15-4-23 13:15 編輯
little_yolky 發表於 15-4-23 12:49
唔一定係攞文具。
有一次, 我晨咁早5:30起身整小食俾囡囡返學食, 放工我問佢好唔好食, 點知囡囡話無食過, ...
見您講開自己捱眼瞓整小食俾女, 竟然係俾同學仔食晒, 我都身同感受.
話說呢兩個禮拜阿女帶住家"老火靚湯"返學校食晏飲, 點知同組同學一個話想飲, 另一個又話想飲...阿女又好好心地同同學分享, 試過一日阿女好鍾意飲唔記得係咩野湯, 分晒俾同學後佢自己無得飲, 嗰晚對住我係咁投訴同學飲晒佢啲湯, 佢好唔開心,(我都有"吓"咗,因為成"擔"心機煲嘅湯, 竟然俾同學飲晒而阿女無得飲!!!) 之後我教佢以後倒一碗俾自己先, 其他才分俾同學. 依家阿女午餐時有幾個飲湯粉絲架!
作者: Jane1983 時間: 15-4-23 13:24
回覆 little_yolky 的帖子
你個女好似二年級，有咁既社交手腕，真係好厲害
。
想問吓佢點樣學番來？
作者: Yanamami 時間: 15-4-23 13:41
little_yolky 發表於 15-4-23 12:49
唔一定係攞文具。
有一次, 我晨咁早5:30起身整小食俾囡囡返學食, 放工我問佢好唔好食, 點知囡囡話無食過, ...
作者: wan_sosin 時間: 15-4-23 13:45 標題: 引用：Quote:原帖由+Charlotte_mom+於+15-04-23+
原帖由 wan_sosin 於 15-04-23 發表
可能我無特別買文具比我仔開學，我仔幼稚園老師送嘅，朋友送嘅，用都用唔晒，筆袋都老師送埋！不過我仔換返 ...
一個願打，一個願捱！
咁呢個唔係你個女嘅問題！
作者: 魚兒小寶貝 時間: 15-4-23 21:36
Charlotte_mom 發表於 15-4-23 10:40
點解我會話小朋友唔識呢D呢....
我個女, 天生樂觀合群, 個個都係朋友, 果時入到間心儀直資, 開心C我啦, 買 ...
作者: gigayan 時間: 15-4-24 00:19 標題: 回覆：好苦惱, 可否比些意見
交換文具真係好常見，但我只俾阿囡在校交換，不准帶回家，亦同阿囡講明係怕人地家長誤會，到時你水洗都唔清！
最近，佢又交換文具，唔見咗人地嘅，支筆係無印出品，夜一夜我都要佢同我搭車去買返俾人，佢試過咁煩之後，就唔敢再交換文具了！
作者: scyauchris 時間: 15-4-24 11:14
我有比獨立包裝糖果比女女分享給同學，因為佢學校無乜朋友同佢小息。送少少禮物是希望幫到佢容易d識朋友，今年找了班主任幫手再加糖果，今年有好大改進。
作者: wan_sosin 時間: 15-4-24 11:48 標題: 引用：我有比獨立包裝糖果比女女分享給同學，因為
原帖由 scyauchris 於 15-04-24 發表
我有比獨立包裝糖果比女女分享給同學，因為佢學校無乜朋友同佢小息。送少少禮物是希望幫到佢容易d識朋友， ...
我仔剛剛先同我講，話有同學想送生日禮物比佢，同學話會去問爸爸媽媽，我有叫個仔同佢講多謝啦，唔洗啦！但如果對方父母唔反對，幫佢買，咁都係同學一番心意，第日我都會叫個仔送返禮物比個同學，不過現在未知個同學會唔會送！
我有時都會襯節日，準備D簡單小食叫個仔請同學，友情何價？只要有限度和適度的禮物，未必不可！
作者: scyauchris 時間: 15-4-24 14:23
回覆 wan_sosin 的帖子
節日我都有預備糖果，沒辦法見到阿女又唔主動約人，小息一個人，做阿媽知道左一定唔開心。友誼雖然不是建立在物質上，但請吓小朋友吃糖會有d幫助。
作者: wan_sosin 時間: 15-4-24 14:42 標題: 引用：回覆+wan_sosin+的帖子
節日我都有預備糖
原帖由 scyauchris 於 15-04-24 發表
回覆 wan_sosin 的帖子
節日我都有預備糖果，沒辦法見到阿女又唔主動約人，小息一個人，做阿媽知道左一定 ...
作者: little_yolky 時間: 15-4-24 15:04
Jane1983 發表於 15-4-23 13:24
回覆 little_yolky 的帖子
你個女好似二年級，有咁既社交手腕，真係好厲害。
作者: happy_lavender 時間: 15-4-24 20:07
本帖最後由 happy_lavender 於 15-4-24 20:11 編輯
wan_sosin 發表於 15-4-23 10:20
小朋友想獎勵都好平常，我試過同個仔講，做得到是應該的，唔一定要獎勵，証明你已經有能力做好嗰件事，我同 ...
"我試過同個仔講，做得到是應該的，唔一定要獎勵"..................你竟然咁同個仔講？咁咪好似老細同下屬講："做得好是應份，唔會有人工加架！"差唔多！感覺好差喎...讚吓都有啩..............
但凡要motivate人，唔係威迫就係利誘，無須握殺利誘這方法吧！始終方法是越多越好啊。
作者: wan_sosin 時間: 15-4-24 22:22 標題: 引用：+本帖最後由+happy_lavender+於+15-4-24+20
本帖最後由 wan_sosin 於 15-4-24 22:43 編輯
原帖由 happy_lavender 於 15-04-24 發表
本帖最後由 happy_lavender 於 15-4-24 20:11 編輯
當然我唔係樣樣事情都咁講，而係指已經好掌握嘅事，例如已經小一，可以自行去洗手間，唔通仲要讚佢，好叻喎，識去洗手間！？
同埋我只係話唔會因此有物質嘅獎勵,但無話唔需要欣賞,我有用本身做例子,話我煮完飯,只需要講唔該/多謝,唔需要有獎品.
同埋我係回應小朋友要求過多物質獎勵,而唔係話唔應該比口頭獎勵.
作者: happy_lavender 時間: 15-4-25 14:29 標題: 回覆：wan_sosin 的帖子
本帖最後由 happy_lavender 於 15-4-25 14:33 編輯
我以前也跟你有相同想法，但做了制服團隊導師及上過不同課程後，我改變了想法。
為了已學懂了的事情去讚，好像沒有意義。但若然將著眼點放於進步，就有位可讚。要知道學懂了不等同做得好，學做任何事都有一條learning curve，即初段會有顯著進步，但到一定程度，就會停滯，甚至下滑。若能把握時機，在孩子有進步時適當讚賞，著實可教曉孩子正確地評估自己的程度及只與自己比較。同時亦可以鼓勵幫助孩子在進度停滯時以微小的進步支持其突破。所以我會刻意讚賞孩子微小的進步，受讚賞會開心和滿足，這其實就是我們做好的動力。
至於你做了家務不望別人道謝，心態是OK的。但作為接受服務的家人，倒應該要學懂感恩，即應教孩子向人道謝。現時很多關係破裂的原因源於不懂感恩，以為別人，尤其家人為自己付出是奉旨的。所以無論別人為你付出的是如何微不足道，我也教兒子道謝。只有常常練習，才會慢慢懂得感恩。
作者: HaYi 時間: 15-4-25 16:38
其實心理學上是對的, 有讚賞(己是超越左物質獎勵, 迎合左高D層次的需求) 係會進步得快D, 冇人不想人地讚的, 只是要讚得有技巧都不易, 不要俾被讚者覺得"行貨" 才有效,
只是我自己都覺好難做得好, 尤其對住隻monkey, 通常急於改善其行為時是採取"即時罵"多過"有耐性地讚"...唉
作者: skkeung 時間: 15-4-26 08:58 標題: 引用：細女7歲+(二年班),+++由幼稚園開始,++成日
原帖由 HOT123 於 15-04-22 發表
細女7歲 (二年班), 由幼稚園開始, 成日個書包都有的唔係佢既文具, 小玩具, 我知有時佢問同學攞, 有時 ...
| 歡迎光臨 教育王國 (/) |
Powered by Discuz! X1.5 |