教育王國

標題: 小二生的社交 [打印本頁]

作者: BabyCTY 時間: 15-4-22 14:01 標題: 小二生的社交

小兒小二，聰明早熟，冇做lQ test，從成績學習，能力唔低，溝通眼神冇問題，唯獨在校唔中意同同學埋堆，我問佢，佢話中意自己睇書，多過埋堆玩，我話如果你自己覺得開心即可。細個時好D，隨時可撈埋一堆人玩，反而，上左小學，佢較enjoy自己做自己中意的野。
最近，佢都覺得同同學玩唔埋，佢冇乜bad feeling暫時，都會首選揀小息睇書。

佢仲有秩序感，擔C唔偷食，我不停教導佢要包容別人，始終得小二。
我想問下，聰明早熟孩子呢個必經階段？該如何誘導？老土講句，我想佢多朋友多社交會開心D，但叫佢改變自己迎合群體又好似唔多啱，我想請教如何教導才合適

作者: 小曳人 時間: 15-4-22 14:54

我地大人都有d外向d，有d人獨家村d
我覺得呢d人性格問題，負面情緒，我會隨得佢，何況想幫都好難

至於點教，我以前聽過個"方法"，我覺得好有道理
就係如果爸媽係好social嘅人，成日帶埋小朋友見人，小朋友自然由爸媽身上學到社交
呢個方法對我唔適用，我兩公婆都係鍾意coffee shop睇書嘅人

作者: longlokma 時間: 15-4-22 15:53 標題: 引用：小兒小二，聰明早熟，冇做lQ+test，從成績

原帖由 BabyCTY 於 15-04-22 發表
小兒小二，聰明早熟，冇做lQ test，從成績學習，能力唔低，溝通眼神冇問題，唯獨在校唔中意同同學埋堆，我 ...

我覺得順其自然吧。孩子找到志同道合的人自然會交為朋友，不需太担心，只要你肯定他没其他情緒问題便可。

作者: sophie1997 時間: 15-4-22 21:40

BabyCTY 發表於 15-4-22 14:01
小兒小二，聰明早熟，冇做lQ test，從成績學習，能力唔低，溝通眼神冇問題，唯獨在校唔中意同同學埋堆，我 ...

這是資優小朋友經常遭遇到的，不是不合群，也不是早熟，而是覺得其他同學太幼稚或太無聊，因為他們的知識和思唯已超越同齢的同學。要擴闊社交圈子，可從課外活動入手，讓孩子接觸不同的事物，在學習過程中，跟比自己強的小孩或成人學習，不要勉強他跟同班或同年紀的同學交往，這會令他表現得socially awkward，強求要其他同學接納自己，他可能會刻意遷就，在同輩前扮䘄，這對孩子的心智發展沒益處啊。

作者: Jane1983 時間: 15-4-22 22:20

回覆小曳人的帖子

我女係吾係好熱衷和同學玩，佢吾係十分在乎。佢在學校有朋友，但就吾係好似一般女仔咁固定和好幾個朋友玩。我有時都有d擔心她會吾會做loner。
你講既方法，其實係最好的，如果父母做得到改變的話。

作者: kansha 時間: 15-4-23 10:43

我們遇到同樣問題：
小朋友覺得課堂沉悶，學內没有啱傾的朋友。
嘴巴常提不想返學，不享受學校生活。
校外话動表現良好，愛跟人溝通。
不知如何輔導協助他享受學校生活，因每天有数小時在那裏。
請予意見，謝謝。

作者: BabyCTY 時間: 15-4-23 13:03 標題: 回覆：longlokma 的帖子

坦白講，順其自然我都覺得是應該的，但是為娘的看見他校內孤單一人，心裡不是味兒

作者: BabyCTY 時間: 15-4-23 13:06 標題: 回覆：Jane1983 的帖子

其實，我們一家已是頗吹到水的，隨隨便便也可同街外傾一餐

作者: Jane1983 時間: 15-4-23 13:31

回覆 BabyCTY 的帖子

有無參加學校的課外活動班和體育活動？小朋友識朋友，有時吾係搵智能和學術能力旗鼓相當的，最緊要係啱key，有共同興趣和語言。

作者: BabyCTY 時間: 15-4-28 15:34 標題: 回覆：Jane1983 的帖子

已是學校的數組及樂隊，這些花挺多時間，沒有其他活動，其餘時間，佢做自己喜歡的事情。

他比起同齡的堅持，固執，真的不太好相處，有時對做獨行俠滿不在乎，但有時又想人地邀請佢一齊玩。

我都認同冇可能可變佢，除左鼓勵佢，學習包容別人，就順其自然吧

作者: dearmm 時間: 15-5-4 01:22 標題: 回覆：小二生的社交

阿囝時時話唔識約同學去玩。同學叫佢呢，佢又時時玩自己當時當刻想玩嘅又唔睬人。
點搞！？又話自己好怕醜！

作者: blackgarlic 時間: 15-5-20 10:58

我個仔都好似樓主既小朋友既性格，佢7歲。

我都認同改變唔到小朋友性格，但又唔可以諗住順其自然就由得佢一世做獨行俠。點解改變自己去迎合社會係唔o岩? 就算我地大人都係咁做架...
佢地既心態思維可能真係改唔到，但待人接物既技巧點唔多唔少都改到少少，當然冇可能由獨行俠變萬人迷，但至少都要識基本社交技巧。

我個仔之前係獨人俠，得罪人多，經遊戲治療訓練後，而家識得約人玩，亦識同人分享，其他同學開始接受番佢。以往我擔心係個仔會遇到校園欺凌多過佢冇朋友，而家知d同學仔開始肯同佢玩番，個心都定番d。思想方面的而且確係難改變，我個仔而家仲係句句說話都好負面，不過都讚多左人，佢未必係出自真心去讚美人，但至少唔係又得罪人。

作者: chiumama 時間: 15-5-30 19:42 標題: 回覆：blackgarlic 的帖子

我仔仔也是7歲，在學校也有社交問題，和同學相處得不太好。可以介紹你小朋友參加的遊戲治療嗎？謝謝

作者: chiumama 時間: 15-5-30 19:43 標題: 引用：我個仔都好似樓主既小朋友既性格，佢7歲。

原帖由 blackgarlic 於 15-05-20 發表
我個仔都好似樓主既小朋友既性格，佢7歲。

我都認同改變唔到小朋友性格，但又唔可以諗住順其自然就由得佢 ...

我仔仔也是7歲，在學校也有社交問題，和同學相處得不太好。可以介紹你小朋友參加的遊戲治療嗎？謝謝

作者: blackgarlic 時間: 15-6-5 09:54

本帖最後由 blackgarlic 於 15-6-5 10:14 編輯

chiumama 發表於 15-5-30 19:43
我仔仔也是7歲，在學校也有社交問題，和同學相處得不太好。可以介紹你小朋友參加的遊戲治療嗎？謝謝

...

Sorry, 介紹唔到，我地住外國，係由學校提供遊戲治療。

我回覆開一個pm，順便響度分享少少。

舉例:

學校鼓勵佢去約同學玩，教佢點樣邀請人一齊玩 (要企響人地面前，叫人地個名，人地有回應後後開始問人等等)。小朋友做完成個step 可以有貼紙。現實中我地都會俾個仔放學去人地屋企玩，或者請小朋友黎玩。

學講野要有眼神接觸:一人(或一組) 一個玩具咪，邊個講野可以用個咪講。玩多d 咪用粒骰仔，擲到邊個講野咪由佢去講。曾經睇過有網站教用2個廁紙筒，要小朋友好似用望遠鏡咁望住人地對眼咁講野。

教唔呼喝人地做野，練習用乜野語氣同埋字句去請別人幫忙。

教唔打斷別人說話/唔好太沉默: 一組有一支神仙棒，邊個拎住支神仙棒就可以講野，由大人去決定邊個小朋友有神仙棒同埋講話時間長短。

作者: ABC-DAD 時間: 15-6-9 15:24

本帖最後由 ABC-DAD 於 15-6-9 15:25 編輯

過左初少階段，參加一下團體活動，先學習自處再進步到獨立，當中係有一個過程，多觀察耹聽，保持愉快嘅家庭氣氛，俾小朋友發展自我個性，到接近青春期，社交能力自然會一步步發展，未宜過早將問題放大，可以的話順其自然。Happy Parent Smart Kid

作者: BabyCTY 時間: 15-6-27 07:56 標題: 回覆：ABC-DAD 的帖子

謝謝你的意見，我明白首要他身心健康，到佢再大個領晤到相處之道

可能我們比較幸運，在學校只係唔合羣，上堂紀律方面冇問題。反而，他校外的真性情，家人也未必接受不了。
揍住佢有時感到無力frustrated

歡迎光臨教育王國 (/)