教育王國

標題: 教唔惦兩個小孩，灰~ [打印本頁]

作者: little_kid 時間: 15-4-22 06:58 標題: 教唔惦兩個小孩，灰~

其實在另一邊發過怗，好像這邊啱啲。

大女快小一，細仔快n班。但近年大女越來越反叛，行為大倒退，學業也似乎跟不上。
不知道是細佬出世了才這樣，還是她有什麼障礙。

行為方面，例如我正叫細的不要做那些，細的叫停了，大的立刻又做；還有已學懂用筷子，竟用手攞餸食；經常不合作，我經常佢比激爆，像故意做的。學業方面，英文尤其差。雖然學校英文不強，但k1開始已經在外學英文。而且每星期也在圖書館借大量中英圖書回家與她伴讀，她連he,she ,it , this , there 不記不到，不能自己讀簡單英文。另外，做功課應該寫漏寫錯字。

我教大女做功課時細仔又要我陪玩，到我陪細的玩時，大的又唔專心做功課。

我真的不知怎樣教，想請教有經驗家長。

作者: naughtybj 時間: 15-4-22 07:25 標題: 引用：其實在另一邊發過怗，好像這邊啱啲。大

提示: 作者被禁止或刪除內容自動屏蔽

作者: annie40 時間: 15-4-22 07:48

放鬆點。十歲前的孩子，一般不會反叛的。孩子不是在跟妳作對，而是很想得到媽媽的attention ，和關注。

嘗試一星期內只跟孩子風花雪月，即系玩和親子閱讀，親子做手工，記得說溫柔話，孩子的態度會轉變的。說穿了，妳是點樣佢地就點樣。

大家關係好，孩子會極度重視媽媽的感覺，到時慢慢教功課也不遅。

親子閱讀第一課是提起孩子的興趣和好奇，如果孩子看來沒興趣，那就是閱讀時方法不對了。應重新思考，如何改進。

作者: HMmummy 時間: 15-4-22 08:08 標題: 回覆：教唔惦兩個小孩，灰~

K3有此行為好正常，可能間英文centre唔好，加上學校英文唔強有關；另外姐弟爭寵好常見，父母要分時間表，要試吓邊様work .

作者: NO.1YUET 時間: 15-4-22 08:17 標題: 回覆：little_kid 的帖子

很正常，她還小仍希望你的關注和呵護！每星期分一段時間只有你和她，陪伴她談談她自己的事和學校生活，當見到效果再解釋有弟弟,媽媽不會偏袒而且她是小家姐，做個傍樣又幫輕媽媽。她會乖乖學習。她只有6、7歲間中不懂事是正常的。我囡囡當年三年級也會做出類似事。而家幫我管細路，細路從不反抗。

作者: IloveJJ 時間: 15-4-22 08:50 標題: 回覆：教唔惦兩個小孩，灰~

提示: 作者被禁止或刪除內容自動屏蔽

作者: sososu 時間: 15-4-22 09:39

Me too

作者: brother4 時間: 15-4-22 09:54 標題: 回覆：教唔惦兩個小孩，灰~

先要排除問題，如學習障礙/專注力不足，去見醫生，証明冇事，就容易攪

作者: wan_sosin 時間: 15-4-22 10:01 標題: 引用：其實在另一邊發過怗，好像這邊啱啲。大

原帖由 little_kid 於 15-04-22 發表
其實在另一邊發過怗，好像這邊啱啲。

K1已經在外學英文，似乎你是有一定期望對大女，你話佢讀唔出，似乎你已要求佢要識讀，到底唔識讀定唔想讀？定根本無興趣？咁細個小朋友，佢哋多數會去學覺得有興趣的事情，多於去學需要學的事情，你同佢閱讀的目的，似乎多D要佢學識，小朋友是培養閱讀興趣，但佢哋唔多會同你一樣，希望學識入面內容！輕鬆D去睇書，唔需要下下考佢！
你大女唔專心自己做功課，都可能因為你走咗去陪細佬，佢要你返去陪佢！如果佢做得好你就唔會陪佢！

作者: Olympian 時間: 15-4-22 10:44

"她連he,she ,it , this , there 不記不到，不能自己讀簡單英文。 " 要細心再觀察一下，如K1已有出去學英文，就算教得幾唔好，都唔會讀唔到簡單英文。而且現在已經是一年班學期尾了，簡單句子應該讀得到。

作者: wan_sosin 時間: 15-4-22 10:55 標題: 引用："她連he,she+,it+,+this+,+there+不記不到

原帖由 Olympian 於 15-04-22 發表
"她連he,she ,it , this , there 不記不到，不能自己讀簡單英文。 " 要細心再觀察一下，如K1已有出去學英文 ...

佢個女只仲讀緊幼稚園，只係快小一。

作者: little_kid 時間: 15-4-22 14:04 標題: 回覆：教唔惦兩個小孩，灰~

謝謝大家回覆。是正常嗎？多謝大家安慰！我會嘗試處理她情緒先，多謝大家俾了很多有用意見。

另外，英文方面，因為學校較重中文，所以在外學英文。說真的，我不要女兒英文特別強，只希望中英文閱讀能力相約，那便不會偏重閱讀中／英文圖書。若中文較強到已經可以閱讀有故事性的閱讀，那麼對簡單句子的英文書一定提不起興趣，英文不可能進步。我當初是這樣想，所以在外學英文。當然我應看看她的英文進度，但沒有做，到k3才發現英文沒進步。

作者: little_yolky 時間: 15-4-22 14:19

little_kid 發表於 15-4-22 14:04
謝謝大家回覆。是正常嗎？多謝大家安慰！我會嘗試處理她情緒先，多謝大家俾了很多有用意見。

另外，英文方 ...

不用想得太多的, 我囡囡就係你講既「中文強到已經可以閱讀故事書, 英文書看簡單句子」的典型例子。

除非你係想入英文小學, 否則, 還是中文較強有著數。我比較好彩, 小朋友小時爸爸負責一個, 我負責一個, 所以無人需要引大人注意。加上, 我陪女女讀書時, 佢就會好開心, 所以唔存在提不起興趣問題 (當然係睇佢有興趣既書)。

作者: little_kid 時間: 15-4-22 16:08 標題: 引用：Quote:little_kid+發表於+15-4-22+14:04+謝

原帖由 little_yolky 於 15-04-22 發表
不用想得太多的, 我囡囡就係你講既「中文強到已經可以閱讀故事書, 英文書看簡單句子」的典型例子。:badfeel ...

你小朋友幾大？有在外學英文？

如果爸爸幫到手，我就輕鬆好多。

作者: little_yolky 時間: 15-4-22 16:16

little_kid 發表於 15-4-22 16:08
你小朋友幾大？有在外學英文？

如果爸爸幫到手，我就輕鬆好多。

一個6歲一個7歲。因為大果個6個月時已有咗, 所以大寶一直係爸爸照顧, 兩個好似糖痴豆咁。爸爸差唔多幫咗一半, 真係幫大忙。

佢哋沒有在外面學英文, 只學樂器/唱歌, 術科自己教而已。

作者: MrBeast 時間: 15-4-22 17:56

本帖最後由 MrBeast 於 15-4-22 17:58 編輯

little_kid 發表於 15-4-22 06:58
其實在另一邊發過怗，好像這邊啱啲。

我覺得是attention seeking 多d，可試下make a deal, eg, 5次用筷子吃飯就和她單獨去街街或她喜歡的事。至於英文方面，你沒說明e加上什麼班，但既然個班冇用，第一時間quit , 無謂浪費＄和時間。其實佢是乜字都記唔到定只是你mentioned 個d

作者: little_kid 時間: 15-4-23 06:42 標題: 引用：Quote:little_kid+發表於+15-4-22+16:08+你

原帖由 little_yolky 於 15-04-22 發表
一個6歲一個7歲。因為大果個6個月時已有咗, 所以大寶一直係爸爸照顧, 兩個好似糖痴豆咁。爸爸差唔多幫咗一 ...

嘩！兩個年紀咁近幼兒階段父母湊得一定好辛苦，但年紀近又會好好感情。

作者: little_kid 時間: 15-4-23 07:29 標題: 引用：+本帖最後由+MrBeast+於+15-4-22+17:58+編

原帖由 MrBeast 於 15-04-22 發表
本帖最後由 MrBeast 於 15-4-22 17:58 編輯

昨日試響細佬面前讚家姐食飯食得哂（平日佢係慢世mor王，食飯走來走去），家姐昨日餐飯真係表現幾好。希望keep到喇。

我平日要返工，週末去玩我通常帶哂兩個一齊，有時家姐學嘢接送會帶細一齊。想細那個接觸下學習地方，同其他小朋友玩下。

英文方面，英文班上完有書有練習派回家，大女是讀到果本書果一頁，但同一生字在圖書館借來的書出現，佢不認得。而且細心看英文班的教材，真的無乜用he，she,it. 另外，若叫佢串個英文生字，佢會讀了併音而唔係讀英文字母。這就是那英文班的「成果」。英文班已quit了，但未找到適合的。因在家附近的英文班教學模式是差不多。

現在只在圖書館借英文書，由level1的書開始叫佢讀（而不是只是我讀佢聽）

作者: IloveJJ 時間: 15-4-23 08:46 標題: 引用：Quote:原帖由+MrBeast+於+15-04-22+發表本

提示: 作者被禁止或刪除內容自動屏蔽

作者: yfchoy 時間: 15-4-23 10:58

我想起曾經看過有人解釋過姐姐的行為突然因弟妹的出現而倒退，這是因為姐姐以為變回BB行為便能得回以前父母對佢的痛錫(attention seeking)。我不是說樓主唔錫姐姐，而係小朋友實在太敏感，有啲大人不以為意的舉止，看在小孩眼中可能很大件事。首先樓主觀察清楚到底姐姐是真的不懂還是只想父母多點陪伴，然後再諗辦法應對。大部份的小朋友都會覺得弟妹的出現會搶走父母對佢既愛(我囡囡有時發脾氣話我哋錫家中兔子多過佢，但隻兔子是當初佢話要買，會照顧，最後咪只有我和老公，阿囡間中得閒都會理吓佢)。

作者: chiliwu 時間: 15-4-23 11:06

回覆 little_kid 的帖子

我同你有D相似, 我個女又係咁, 佢學校表現好好, 返到屋企就要扮BB我都好無耐, 細O既又黐身...
晚晚同佢搏斗, 瞓覺又要喊一輪, 唉!
我都係同佢講道理, 佢明, 但唔肯聽。
有時真係要放低個細, 同大o既玩
我都覺得, 我若果唔理細, 同佢玩, 佢係會開心同正常番D...

作者: MrBeast 時間: 15-4-23 12:15

little_kid 發表於 15-4-23 07:29
昨日試響細佬面前讚家姐食飯食得哂（平日佢係慢世mor王，食飯走來走去），家姐昨日餐飯真係表現幾好。希望k ...

我有fd 花多左時間心機係個細，我旁觀者很易察覺到大個個d behavial changes . 你可試下問下女女喜歡不喜歡和你單獨出街，再決定。

至於個英文班，用letter sound可以接受, 最緊要佢relate 到phonics sound 和個字母便可，如佢拼得返個字應該都只是時間問題，同時或者你和小朋友多些親子閱讀，可能效果更好。

作者: NO.1YUET 時間: 15-4-23 17:45 標題: 引用：Quote:原帖由+MrBeast+於+15-04-22+發表本

原帖由 little_kid 於 15-04-23 發表
昨日試響細佬面前讚家姐食飯食得哂（平日佢係慢世mor王，食飯走來走去），家姐昨日餐飯真係表現幾好。希望k ...

恭喜你，這已代表你搵到源頭。一步一步啦不要心急。先攪好她的情緒。學習要遇百樂。一找到方向，她會進步神速。

作者: little_kid 時間: 15-4-23 20:51 標題: 回覆：教唔惦兩個小孩，灰~

多謝大家的提點及鼓勵！找到了其中一個源頭，我會努力令兩個小孩都覺得公平。

作者: little_kid 時間: 15-4-23 20:54 標題: 回覆：教唔惦兩個小孩，灰~

有時候覺得佢地係上天派來訓練我EQ!!

作者: little_kid 時間: 15-4-23 21:11 標題: 引用：Quote:little_kid+發表於+15-4-23+07:29+昨

原帖由 MrBeast 於 15-04-23 發表
我有fd 花多左時間心機係個細，我旁觀者很易察覺到大個個d behavial changes . 你可試下問下女女喜 ...

可接受嗎？大女phonic 學兩年仍未學完，所以未識併音架。我見其他centre 有的一年已學懂。其實大家學邊種phonic ？
另外，女兒學了少許併音（但未學識），成日想併返出黎（但又併錯）唔記串字。我覺得學英文始終要記生字，唔係下下併，對嗎？大女現在亦停了學併音。

作者: NO.1YUET 時間: 15-4-23 21:58 標題: 引用：Quote:原帖由+MrBeast+於+15-04-23+發表我

原帖由 little_kid 於 15-04-23 發表
可接受嗎？大女phonic 學兩年仍未學完，所以未識併音架。我見其他centre 有的一年已學懂。其實大家學邊種ph ...

我囝囝都學咗年半。好難講，我兩個小朋友都有學，家姐唔係好識運用番出嚟但細路拼同串都還可以。其實外學的知識視乎你要求D乜，我志在他們打好基礎及幫忙校內學習所以進度慢一點我不太介意。不想他們好像在校內一樣被催谷。

作者: MrBeast 時間: 15-4-24 06:50

little_kid 發表於 15-4-23 21:11
可接受嗎？大女phonic 學兩年仍未學完，所以未識併音架。我見其他centre 有的一年已學懂。其實大家學邊種ph ...

咁睇下接受的定義是什麼law, 專家話by k3, 小朋友應能分辨到begin / first sound, ie sun bun fun, 唔係就最好留意下有冇其他讀障特徵，但切記每個小朋友發展都不一樣，某一area pick up 較慢未必代表一定有問題，可能只是要找較合適的方法。blending 對某些小朋友來說是很難，比些心機和耐性吧。至於串字，傳統方法就whole word approach, 有利於視覺記憶強的小朋友，如phonics 學得好能張phonics soubd 轉返letters 亦可行。

作者: Jane1983 時間: 15-4-24 07:27

如果係出面centre學，一星期一堂，平常小朋友無睇video，無接觸，咁上完堂水過鴨背，好似無學過，都吾出奇。

作者: irenelwl 時間: 15-4-24 08:29

回覆 little_kid 的帖子

細佬大左，大個個想引父母注意好正常，我女同仔差4年，行為上會由獨立變依賴，要多讚同鼓勵他幫忙照顧弟弟同做好榜樣，咁佢又知你有注意佢又有大人讚就開心。但讀書問題又另一會事，要留意多點。我女英文好弱，都有係出面學英文，初初以為唔適應，我又死跟爛跟，衰又未貼地，但又無氣色，最後自己出去評估為讀障，而家還要多方面搵資源比佢，希望學習上對佢有幫助。

作者: rchchan0505 時間: 15-4-24 08:42

你是很用心的好媽媽！加油！

你女兒很大機會是倒退 (regression)，心理學常提到的，因細佬奪去媽媽的時間，另她生活有變而引起焦慮，也是attention seeking.

要比佢感覺到你很愛佢、重視佢，比番d單對單的開心親子時間，多讚賞和鼓勵，最緊要吾好因為細佬而鬧佢…（我衣書直說咋）

聽過專家講要讓每個孩子有與父母單獨相處的親子快樂時間，另孩子覺得自己獨特和被重視，事半功倍

作者: little_kid 時間: 15-4-24 14:00 標題: 引用：回覆+little_kid+的帖子細佬大左，大個個

原帖由 irenelwl 於 15-04-24 發表
回覆 little_kid 的帖子

細佬大左，大個個想引父母注意好正常，我女同仔差4年，行為上會由獨立變依賴，要 ...

當我用了很多方法小孩都沒改善進步，我會很慌同沮喪。你當時一定好辛苦了！有了正確治療，現在小孩友定有改善，對不？

你在那裡做評估的？
我想帶小孩去做評估。小孩是否可以唔覺唔覺做緊評估，唔覺唔覺做緊治療？

作者: little_kid 時間: 15-4-24 14:02 標題: 引用：Quote:little_kid+發表於+15-4-23+21:11+可

原帖由 MrBeast 於 15-04-24 發表
咁睇下接受的定義是什麼law, 專家話by k3, 小朋友應能分辨到begin / first sound, ie sun bun fun, 唔係就 ...

好專業，我又學到嘢，謝謝！

作者: MrBeast 時間: 15-4-24 14:09

回覆 little_kid 的帖子

都只是聽埋聽埋一堆講座。
Hk 有位dr richard wong 寫了一本學英文的書，cover了不同的技巧，不過我唔記得個書名，有興趣google 下。

作者: little_kid 時間: 15-4-24 14:12 標題: 引用：你是很用心的好媽媽！加油！你女兒很大機會

原帖由 rchchan0505 於 15-04-24 發表
你是很用心的好媽媽！加油！

你女兒很大機會是倒退 (regression)，心理學常提到的，因細佬奪去媽媽的時間 ...

謝謝你呀！我仍要不斷努力！

話事話，出左黎做事，有家庭，有小朋友，發現心理學／壓力管理呢D幾有用，點解中學無得讀，哈哈！

作者: irenelwl 時間: 15-4-26 16:30

我經社工介紹去私家做，你可以同學校班主任傾下先。

作者: little_kid 時間: 15-4-27 18:39 標題: 回覆：irenelwl 的帖子

那麼有繼續學phonics ，英文班嗎？如果有學障，報讀坊間的課程是否適合？

歡迎光臨教育王國 (/)