教育王國

標題: 真心請教：將來會去海外升中，幼稚園需要搏入名校/龍校嗎 [打印本頁]

作者: maylulu 時間: 15-4-21 12:32 標題: 真心請教：將來會去海外升中，幼稚園需要搏入名校/龍校嗎

由小朋友開始報PN開始，我承認我地完全羊群心理，人報我又報，不報名校/龍校好似對不起佢。之但係搞到我心力交瘁。但轉頭想，我地本身有海外護照，將來中學都會去外國返
(小學覺得太細個，想留係香港), 那麼我地需不需要甘辛苦的籌謀入名牌幼稚園/龍校咧？有冇過來人可以分享下？

多謝！！！

作者: chungayu2 時間: 15-4-21 13:00

其實如果想小朋友初中開始在外國讀, 不如諗在小四/五時去好D, 我見D小朋友在這階段會比較容易溶合D......

作者: Koala0000 時間: 15-4-21 14:03

小四/小五去會忘記中文，都系應該起碼讀完小學先去。如果未讀完小學就去，就不如小學都去外國讀，起碼口音都純正D啦。

作者: ensy 時間: 15-4-21 18:23 標題: 回覆：maylulu 的帖子

我同樣情況，但我覺得early education好重要，唔會因為有後路就求其揀學校，始終老師同學對小朋友成長好重要！我唔prefer谷，不過想小朋友會有興趣學習，有自發性，良好語言背景！所以對幼稚園都好有要求！我覺得小學喺香港讀ok，學好中文好緊要，英文自小訓練唔會太差！最重要考慮係，無人知10年後會點，如果有變數走唔到，留港都要跟得上！

作者: keep-calm 時間: 15-4-21 18:44 標題: 回覆：真心請教：將來會去海外升中，幼稚園需要搏入名校/龍校嗎

大家討論下，如果中學諗住去海外讀,咁幼稚園、小學會㨂較傳統/著重中文的或行ib/活動教學/重英文為主的？

作者: ensy 時間: 15-4-21 22:37 標題: 引用：大家討論下，如果中學諗住去海外讀,咁幼稚

原帖由 keep-calm 於 15-04-21 發表
大家討論下，如果中學諗住去海外讀,咁幼稚園、小學會㨂較傳統/著重中文的或行ib/活動教學/重英文為主的？

...

個人認為，問題係你想點陪養你嘅小朋友。傳統/活動各有所長，亦需配合小朋友性格。如果初中就走，咁小學儘量學好中文。要知20年後，中文程度可能對事業好大影響，而身為中國人亦應學好中文。至於英文涵接，坦白講，視乎佢去邊！去少華人鎮仔，好快可以pick up，去超多華人大城市，分分鐘10年都講唔好！長遠嚟講，保持學習興趣最重要！

作者: boba 時間: 15-4-22 00:29 標題: 回覆：真心請教：將來會去海外升中，幼稚園需要搏入名校/龍校嗎

我都係諗住讀完小學走
但仲有個妹妹，唔知應該一齊定分開走好

作者: 小曳人 時間: 15-4-22 09:26

如果諗住中學唔响香港讀，我會更加重視中文，因為佢以後嘅中文唔會兩有進步
學到幾多就幾多，所以一定讀local school

至於有個細嘅，係咪一齊走，我會睇返嗰間有無親友可以代即顧個大嘅，始終一個1x歲嘅人仔，無屋企人啲身邊無話唔得，有就更好
如果無人啲嗰邊，就一家一齊好d

作者: ensy 時間: 15-4-22 11:03 標題: 引用：我都係諗住讀完小學走但仲有個妹妹，唔知

原帖由 boba 於 15-04-22 發表
我都係諗住讀完小學走
但仲有個妹妹，唔知應該一齊定分開走好

好depends on你去邊！如果係boarding school，可以分開去，太細離開父母好可憐，對親子關係有影響。如果係去美加搵監護人，我唔建議！最好你自己陪兩個一齊去！見過太多學壞例子，搏唔過！

作者: TGTY 時間: 15-4-22 18:49

回覆 boba 的帖子

我也是打算他們讀完小學走。不過冇打算一齊走，原因抽班小學的話，人地已做了幾年同學，識朋友仔開頭可能困難D！這只是我的想法！

作者: reneemissingham 時間: 15-4-22 22:03 標題: 回覆：TGTY 的帖子

我會小五走，因為要過去考中學。

作者: boba 時間: 15-4-23 18:03

ensy 發表於 15-4-22 11:03
好depends on你去邊！如果係boarding school，可以分開去，太細離開父母好可憐，對親子關係有影響。如果係 ...

其實都有親戚喺度, 亦可以boarding, 只係2個女,始终會擔心又唔捨得

作者: Bunnygirl 時間: 15-4-23 18:27

i would prefer dragon school as he/ she will have a group of fren from kinder to p/ junior high. so even if he/ she decides to move back to hk after uni there's still some contact/ thing to remember in HK. however if you think he/ she should stay in foreign countries and not coming back then better move as early as possible so they can be native.

歡迎光臨教育王國 (/)