教育王國

標題: 等了又等 [打印本頁]

作者: heiyomami 時間: 15-4-19 00:38 標題: 等了又等

每當睇到ek D標題，什麽名校vs 名校怎擇？真的百般滋味在心頭！唉，見人地D仔女咁叻，自已個乜都冇，真傷。究竟我該如何做個好媽媽呢？

一直唔主張怪獸行为，冇補習只有玩，自以为小孩成長，學習順其自然，健康快樂才是重要，但現實就係現實！心傷痛！

現只可等上天安排，無奈！

作者: bubuG 時間: 15-4-19 01:27 標題: 回覆：等了又等

你可以睇睇：

http://www.edu-kingdom.com/forum.php?mod=viewthread&tid=3004618&extra=page%3D3

作者: 小曳人 時間: 15-4-19 05:03 標題: 回覆：heiyomami 的帖子

請不要以offer數量同孩子成長、学習、以及家長所付出嘅努力、成果劃上等号！

我當年都無得揀，但我只会覺得係性格影响面鉽表現，並不是家長或孩子失敗！
隨缘啦！

作者: cch0928 時間: 15-4-19 06:38 標題: 引用：請不要以offer數量同孩子成長、学習、以及

原帖由 小曳人 於 15-04-19 發表
請不要以offer數量同孩子成長、学習、以及家長所付出嘅努力、成果劃上等号！

我當年都無得揀，但我只会覺 ...

贊成！我都是這樣，最心儀的在等待中。加油！

作者: MrBeast 時間: 15-4-19 08:06

回覆 heiyomami 的帖子

愉快學習去考小一是一大騙局，我當年又做了儍瓜，不過人生有時好奇妙，可能你會抽到頭獎呢。不過都做定兩手準備，準備好叩門功夫，understand 下升中個game 點玩，只要小學讀得好，也可升b1中學的

作者: mimics218 時間: 15-4-19 08:17

提示: 作者被禁止或刪除內容自動屏蔽

作者: chansiub 時間: 15-4-19 08:41 標題: 回覆：mimics218 的帖子

如果連所謂興趣班都沒有就是真正的不怪獸。

相信這個年代幾乎沒有。

作者: chansiub 時間: 15-4-19 08:49 標題: 回覆：heiyomami 的帖子

這個遊戲從來都不是給所謂沒準備的人。要不然都不會有五個小孩的校長的出現。若果你不想跟主流，請把眼光放遠點。逆流是不易的！做不到的話就要回去做所謂有準備的家長。

作者: Jane1983 時間: 15-4-19 08:50

考小一係學術能力、性情和運氣的比拼，得吾得真系好難講。育兒路好長，呢個回合發覺自己做得吾好，咪變策略，跟住做好d。

作者: Jane1983 時間: 15-4-19 08:59

之前我小朋友的同學，有個男仔，真係好優秀，學術叻(識做初小家姐的功課)，温文有禮，又靚仔，但只得一間二線私小offer，家長非常失望，好彩後來大抽獎中了頭獎。

聽講佢都仲有叩門，不知道最後去了邊間。想講係小朋友我地盡力教，行吓行吓，會有出路。

作者: HMmummy 時間: 15-4-19 09:23 標題: 回覆：等了又等

未到最後，都未知結果；而呢個最後，究竟是等到八月尾，定人生的最後一日，睇你點定位，請繼續陪小朋友渡過開心的童年，多些生活體驗！做好叩門的準備。

作者: siden 時間: 15-4-19 10:10

MrBeast 發表於 15-4-19 08:06
回覆 heiyomami 的帖子

愉快學習去考小一是一大騙局，我當年又做了儍瓜，不過人生有時好奇妙，可能你會抽 ...

對。
尤其依家咁環境人数，愉快學習去考小一是大騙局。

作者: bubuG 時間: 15-4-19 10:32 標題: 回覆：等了又等

都唔明點解父母提升子女考小一競爭力會等同怪獸家長！跟西人學英文會話不知幾愉快！有時人地耕耘咗都未必有好收穫。

作者: fishchow 時間: 15-4-19 10:42 標題: 回覆：等了又等

仲有幾個月就考小一了，我有心痛的時候。星期六要上面試班、畫班和故事班，一個接一個。見到囡囡有不願上堂和疲倦的的時候，唯有勸佢、鼓勵佢。小朋友其實自己也會明，佢知道操練有助自信建立，因為佢學校班裡経常也要 present，缺乏自信會有很大的影響。

作者: chansiub 時間: 15-4-19 10:53 標題: 回覆：bubuG 的帖子

只能說適可而止。小孩子太累便要收手。提升能力重要，但身體健康更寶貴！

作者: brother4 時間: 15-4-19 10:59 標題: 回覆：等了又等

名校壓力大，教得快教得深，跟不上要轉校，不過入U多名校生

作者: Biscaya 時間: 15-4-19 11:23 標題: 回覆：等了又等

本帖最後由 Biscaya 於 15-4-20 01:49 編輯

究竟直/私學校收生標準是甚麼？是否真的越多證書獎狀就會被取錄？這個想法並非必然。有極受歡迎學校在第一輪小組面試時播放兩段十分鐘的迪士尼卡通片，第一段是Cars而第二段是Frozen，當播完之後問女考生關於Cars的內容，而問男考生有關Frozen內容去試探男女考生在面對自己沒有興趣的環境下的專注能力及反應。這樣的面試方法是非擁有甚麼證書獎狀能及，除了是小朋友天生性格之外還有大部分是在幼小時由家庭所培養。究竟父母應該為子女因投考學校而選擇在他們幾歲時接受各式各樣學術訓練，或努力培養子女在性格及學習態度去面對成長就真是見仁見智。

作者: bubuG 時間: 15-4-19 11:27 標題: 引用：究竟直/私學校收生標準是甚麼？是否真的越

原帖由 Biscaya 於 15-04-19 發表
究竟直/私學校收生標準是甚麼？是否真的越多證書獎狀就會被取錄？這個想法並非必然。有極受歡迎學校在第一 ...

究竟父母應該為子女因投考學校而選擇在他們幾歲時接受各式各樣學術訓練，或努力培養子女在性格及學習態度去面對成長就真是見仁見智-----》點解一定要二選一，而不可並存？

作者: Biscaya 時間: 15-4-19 11:31 標題: 引用：Quote:原帖由+Biscaya+於+15-04-19+發表究

原帖由 bubuG 於 15-04-19 發表
究竟父母應該為子女因投考學校而選擇在他們幾歲時接受各式各樣學術訓練，或努力培養子女在性格及學習態度去 ...

我的選擇是並存，我的小朋友在快樂而有大量學習的環境下成長，但並不會為考取學校而努力只為獲取證書及獎狀

作者: bubuG 時間: 15-4-19 11:44 標題: 引用：Quote:原帖由+bubuG+於+15-04-19+發表究竟

原帖由 Biscaya 於 15-04-19 發表
我的選擇是並存，我的小朋友在快樂而有大量學習的環境下成長，但並不會為考取學校而努力只為獲取證書及獎狀 ...

最弊樓主一早已経把「大量學習」定性怪獸。

作者: Biscaya 時間: 15-4-19 11:50 標題: 引用：Quote:原帖由+Biscaya+於+15-04-19+發表我

原帖由 bubuG 於 15-04-19 發表
最弊樓主一早已経把「大量學習」定性怪獸。

因為很多人認為只有上興趣班、學術班、各式各樣的"班"，要有證書才可以認為是學習。但其實在日常生活中有擁更多無論是學術或性格上極好的學習機會。

作者: peggyhklam 時間: 15-4-19 12:06

其實學習都可以愉快, 即使我小朋友學3樣課外活動佢仍然話好玩, 不想停學, 反而係我想停, 小朋友基本係喜歡學野, 呢個時候吸收最好

作者: bubuG 時間: 15-4-19 12:12 標題: 引用：Quote:原帖由+bubuG+於+15-04-19+發表最弊

原帖由 Biscaya 於 15-04-19 發表
因為很多人認為只有上興趣班、學術班、各式各樣的"班"，要有證書才可以認為是學習。但其實在日常生活中有擁 ...

屋企用母語，學校冇NET, 咪去下英文班學會話，玩下講下又一堂。攞唔攞cert唔重要，最重要係學習過程。

作者: jason1978 時間: 15-4-19 13:06 標題: 回覆：等了又等

咁其實怪獸與否視乎受方（即個細路）點睇，揀到佢愉快又有足夠休息同玩耍時間（playgroup唔算

作者: jason1978 時間: 15-4-19 13:10 標題: 回覆：jason1978 的帖子

）咪ok囉
仲有所安排嘅都係target oriented，為考小，我就覺得少少怪，如果返到同做到連個細路都睇得出就怪中之怪
以上純為個人見解

作者: ronniedad 時間: 15-4-19 13:14 標題: 回覆：等了又等

何謂興趣班？呢三個字真係咁難理解？

作者: Soundervolt 時間: 15-4-19 13:23 標題: 引用：何謂興趣班？呢三個字真係咁難理解？ +

原帖由 ronniedad 於 15-04-19 發表
何謂興趣班？呢三個字真係咁難理解？

今時今日俾幾歲大嘅人仔去上嘅興趣班如果冇證書，市場會比較窄。

作者: MrBeast 時間: 15-4-19 13:24

本帖最後由 MrBeast 於 15-4-19 13:26 編輯

Biscaya 發表於 15-4-19 11:23
究竟直/私學校收生標準是甚麼？是否真的越多證書獎狀就會被取錄？這個想法並非必然。有極受歡迎學校在第一 ...

如果間間都用類似方法就話者，但事實上有些環節是考小一程度的知識，跟著校長又大條道理話只看反應。仲有如果段片用英文的話，都以filter out 一大班人。

作者: MrBeast 時間: 15-4-19 13:33

bubuG 發表於 15-4-19 11:44
最弊樓主一早已経把「大量學習」定性怪獸。

咪住先，我不反對家長早教栽培子女，但問題是為什麼學校要收有被早教的學生呢？很多父母不是天生識教孩子，現時競爭環境下take short cut 去join d 班是可理解，不知不覺中自己做了怪獸都唔知。

作者: Biscaya 時間: 15-4-19 13:53 標題: 引用：+本帖最後由+MrBeast+於+15-4-19+13:26+編

原帖由 MrBeast 於 15-04-19 發表
本帖最後由 MrBeast 於 15-4-19 13:26 編輯

面試時是否小一或更高程度就是要應考者先至了解得到。然而幼童在學習的過程中是否需要用操練或㝢學習於生活的方式從而得到知識就各有各人的支持。我相信有心思的家長是有能力去令子女在無需上學術操練班的情況下用適當英語回答"Cars and Frozen"中的面試問題。愉快學習並非等同只顧玩樂而忽略學習。

作者: Biscaya 時間: 15-4-19 14:16 標題: 回覆：等了又等

本帖最後由 Biscaya 於 15-4-19 14:35 編輯

還有很多人相信被神級直/私學校篩選過的取錄者是精英中的精英，如果他們全是精英，那又為何每年每級都有學生退學，而有學席空缺給其他學校的精英申請者插班？

作者: macming2008 時間: 15-4-19 14:59 標題: 回覆：等了又等

有五個小孩來面試小一，但學位只得一個，A 說懂加數， B 說懂加減數， C 說懂加減乘數，D 說懂加減乘除數， E 說什麼都不懂。
如你是老師或校長，你會選誰？

作者: bubuG 時間: 15-4-19 15:11 標題: 引用：Quote:原帖由+MrBeast+於+15-04-19+發表本

原帖由 Biscaya 於 15-04-19 發表
面試時是否小一或更高程度就是要應考者先至了解得到。然而幼童在學習的過程中是否需要用操練或㝢學習於生活 ...

家長自己用港式英語教？

作者: Soundervolt 時間: 15-4-19 15:13 標題: 引用：有五個小孩來面試小一，但學位只得一個，A+

本帖最後由 Soundervolt 於 15-4-20 23:26 編輯

原帖由 macming2008 於 15-04-19 發表
有五個小孩來面試小一，但學位只得一個，A 說懂加數， B 說懂加減數， C 說懂加減乘數，D 說懂加減乘除數， ...

A，B，C，E只是代表暫時未懂加減乘除數，唔代表D能力比其他參考人強。

作者: bubuG 時間: 15-4-19 15:16 標題: 引用：+本帖最後由+Biscaya+於+15-4-19+14:35+編

原帖由 Biscaya 於 15-04-19 發表
本帖最後由 Biscaya 於 15-4-19 14:35 編輯

還有很多人相信被神級直/私學校篩選過的取錄者是精英中的精 ...

要轉走的，可能就是負碌入到神級學校的人，因為神級學校面試通常都唔考學術。

作者: macming2008 時間: 15-4-19 15:25 標題: 回覆：等了又等

五小孩在發展能力的時間都不同，有些早，有些遲，最終都是一樣，但學位只得一個，誰有機會取錄。最重是時間是公平，不會因你現在不懂而等你。

作者: Biscaya 時間: 15-4-19 15:29 標題: 引用：Quote:原帖由+Biscaya+於+15-04-19+發表面

原帖由 bubuG 於 15-04-19 發表
家長自己用港式英語教？

並非所有香港人都只說港式英語，我比較幸運，因為工作關係，我有大量外國客戶及朋友時常跟我們一家交往，太太又可說字正腔圓普通話，所以孩子在語言能力上不差，不過我相信幼童在小時候學懂正確學習態度遠比幼小時只集中操練學術更重要。我的孩子在幼稚園時在語文上並非突出，但現在高小已可獨自能跟外國及國內人用英語及普通話流𣈱溝通。所以家長應該尋找更多生活上的學習機會給小朋友更為重要。

作者: Biscaya 時間: 15-4-19 15:33 標題: 引用：五小孩在發展能力的時間都不同，有些早，有

原帖由 macming2008 於 15-04-19 發表
五小孩在發展能力的時間都不同，有些早，有些遲，最終都是一樣，但學位只得一個，誰有機會取錄。最重是時間 ...

點會唔等，我的孩子當年投考直/私小學全軍覆沒，今天他已在一所人稱傳統Band1A名校小學部就讀。學校是會等待有心有力的申請人。

作者: bubuG 時間: 15-4-19 15:41 標題: 引用：Quote:原帖由+bubuG+於+15-04-19+發表家長

原帖由 Biscaya 於 15-04-19 發表
並非所有香港人都只說港式英語，我比較幸運，因為工作關係，我有大量外國客戶及朋友時常跟我們一家交往，太 ...

「我比較幸運⋯⋯⋯」.......👍🏻

作者: Biscaya 時間: 15-4-19 15:47 標題: 引用：Quote:原帖由+Biscaya+於+15-04-19+發表並

本帖最後由 Biscaya 於 15-4-19 15:55 編輯

原帖由 bubuG 於 15-04-19 發表
「我比較幸運⋯⋯⋯」.......👍🏻

有幸運都要懂得利用才可，如果向您說出明天六合彩頭獎六個號碼但您仍然不去投注，那都是徒然！況且我的孩子雖然有好的語境及能力，但都未能在考小一時得到各學校取錄，有時幸運並非必然。

作者: 2boba 時間: 15-4-19 15:48 標題: 引用：Quote:原帖由+macming2008+於+15-04-19+發

原帖由 Biscaya 於 15-04-19 發表
點會唔等，我的孩子當年投考直/私小學全軍覆沒，今天他已在一所人稱傳統Band1A名校小學部就讀。學校是會等 ...

只要相信自己孩子的能力，應該沒有家長在這個階段感到心痛、無奈。

作者: macming2008 時間: 15-4-19 15:49 標題: 引用：Quote:原帖由+macming2008+於+15-04-19+發

原帖由 Biscaya 於 15-04-19 發表
點會唔等，我的孩子當年投考直/私小學全軍覆沒，今天他已在一所人稱傳統Band1A名校小學部就讀。學校是會等 ...

學校是會等待有心有力的申請人

正如好的貨品，一早賣清光，如要等待客人買，真是太好了

作者: bubuG 時間: 15-4-19 15:59 標題: 引用：+本帖最後由+Biscaya+於+15-4-19+15:52+編

原帖由 Biscaya 於 15-04-19 發表
本帖最後由 Biscaya 於 15-4-19 15:55 編輯

機會留給有準備的人。人地冇你咁好運，咪要尋求外援做準備囉。

作者: Biscaya 時間: 15-4-19 16:02 標題: 引用：Quote:原帖由+Biscaya+於+15-04-19+發表點

原帖由 macming2008 於 15-04-19 發表
學校是會等待有心有力的申請人
正如好的貨品，一早賣清光，如要等待客人買，真是太好了

...

如您及貴子女對某校十分心儀，這個世界上有種東西被稱為"插班"

作者: Biscaya 時間: 15-4-19 16:08 標題: 引用：Quote:原帖由+Biscaya+於+15-04-19+發表本

原帖由 bubuG 於 15-04-19 發表
機會留給有準備的人。人地冇你咁好運，咪要尋求外援做準備囉。

...

明白您的意思，我只想表達切勿只為擦亮投考時的履歷而令小朋友拔苗助長及令整家人承受過大壓力而已。

作者: toatoo 時間: 15-4-19 16:09 標題: 回覆：heiyomami 的帖子

本帖最後由 toatoo 於 15-4-20 14:17 編輯

希望你小朋友快些找到合適理想的學校啦!!

作者: notcool 時間: 15-4-19 16:09

本帖最後由 notcool 於 15-4-19 16:11 編輯

回覆 heiyomami 的帖子

Sometimes, after reading EK's forum, one may have impression that 考直/私小 is the dividing line of failure or success

作者: Biscaya 時間: 15-4-19 16:10 標題: 引用：Quote:原帖由+Biscaya+於+15-04-19+發表點

原帖由 2boba 於 15-04-19 發表
只要相信自己孩子的能力，應該沒有家長在這個階段感到心痛、無奈。

Totally agreed!

作者: heiyomami 時間: 15-4-19 16:14 標題: 引用：Quote:原帖由+macming2008+於+15-04-19+發

原帖由 Soundervolt 於 15-04-19 發表
A，B，C，E只是是代表暫時未懂加減乘除數，唔代表D能力比其他參考人強。

...

同意，個人覺得E夠坦白，这才是小孩！

作者: macming2008 時間: 15-4-19 16:24 標題: 引用：Quote:原帖由+macming2008+於+15-04-19+發

原帖由 Biscaya 於 15-04-19 發表
如您及貴子女對某校十分心儀，這個世界上有種東西被稱為"插班"

返回根本問題，不論小一面試或插班面試，如你是老師或校長，你怎選五個小孩？

作者: Ryan_baba 時間: 15-4-19 16:25

heiyomami 發表於 15-4-19 16:14
同意，個人覺得E夠坦白，这才是小孩！

我諗你會錯意。冇人話A、B、C、D係講大話，只係想指出個校長揀D學生係合理，因為D係比其他4人能力較高。

作者: macming2008 時間: 15-4-19 16:29 標題: 引用：Quote:原帖由+Soundervolt+於+15-04-19+發

原帖由 heiyomami 於 15-04-19 發表
同意，個人覺得E夠坦白，这才是小孩！

五個都是誠實的小孩

作者: macming2008 時間: 15-4-19 16:35 標題: 引用：Quote:heiyomami+發表於+15-4-19+16:14+同

原帖由 Ryan_baba 於 15-04-19 發表
我諗你會錯意。冇人話A、B、C、D係講大話，只係想指出個校長揀D學生係合理，因為D係比其他4人能力較高。 ...

作者: chansiub 時間: 15-4-19 16:46 標題: 回覆：toatoo 的帖子

其實我好奇有沒有人連興趣班都沒有能有所謂一缐offers. 因為一缐直私一般都要交portfolio 的。

作者: macming2008 時間: 15-4-19 16:54 標題: 引用：其實我好奇有沒有人連興趣班都沒有能有所謂

原帖由 chansiub 於 15-04-19 發表
其實我好奇有沒有人連興趣班都沒有能有所謂一缐offers. 因為一缐直私一般都要交portfolio 的。

...

見到笑一笑，認真就輸了(學位)。

作者: Biscaya 時間: 15-4-19 17:04 標題: 引用：Quote:原帖由+Biscaya+於+15-04-19+發表如

本帖最後由 Biscaya 於 15-4-19 17:21 編輯

原帖由 macming2008 於 15-04-19 發表
返回根本問題，不論小一面試或插班面試，如你是老師或校長，你怎選五個小孩？

...

小一及插班的要求有分別，因為投考小一時申請人是否大或小B都會在能力上有所距離，但插班的申請人已經歷了一兩年小學生涯，而一般小朋友進入小學後都變得較為成熟，能力差異比較縮短，插班申請者還有一至兩年小學成績去支持申請者在小學階段中真正學業能力，所以兩者不可比較。我不是校長，但我會選擇小一申請人的自理能力及學習態度為首要條件。

作者: chansiub 時間: 15-4-19 17:24 標題: 回覆：Biscaya 的帖子

其實真的沒什麼起跑缐。我認為機會會留給真正強的人。在幼稚園或小一面試全軍覆沒也不是什麼大問題。若果培養小朋友只為了小一面試，真的太沒意思了。很多家長失望，源於名校心魔。

作者: macming2008 時間: 15-4-19 17:45 標題: 回覆：chansiub 的帖子

幼稚園影響小學，小學影響中學，中學影響大學，大學影響出來社會做事，環環相扣，而大多數父母明白選校這遊戲規則，當然條條大路通羅馬，有能力或後追插入大有人在，但作為父母當然想自己小孩順勢讀上，別多生枝折。

作者: littlefaith 時間: 15-4-19 18:08

macming2008 發表於 15-4-19 17:45
幼稚園影響小學，小學影響中學，中學影響大學，大學影響出來社會做事，環環相扣，而大多數父母明白選校這遊 …

作為父母，小朋友太過順境未必係好事，要有返啲挫折先可以磨練小朋友逆流出而上。選校，我哋首要考慮唔係名校，而係學校是否適合小朋友。未有學校收，並非小朋友技不如人，只係小朋友未遇到佢嘅伯樂啫。

作者: Biscaya 時間: 15-4-19 18:23 標題: 引用：幼稚園影響小學，小學影響中學，中學影響大

本帖最後由 Biscaya 於 15-4-19 18:46 編輯

原帖由 macming2008 於 15-04-19 發表
幼稚園影響小學，小學影響中學，中學影響大學，大學影響出來社會做事，環環相扣，而大多數父母明白選校這遊 ...

最影響子女成長及成就是父母，學校只是小朋友成長學習中一件硬件。個人認為小朋友在幼小階段父母應該能令他們對學習產生熱愛，有著正面人生而並非拔苗助長，這樣無論考不到心儀小學，將來在任何小學或中學甚至大學階段的成績都有著深遠影響，起跑線並非由幼稚園或小學而起的。

作者: MrBeast 時間: 15-4-19 19:37

如交足貨比老闆、同事相處ok但只見身邊同事升職又唔升自己，心裏不舒服是人之常情吧。但我都同意與何和孩子一起誇過這亦境是一good life experience.

作者: chansiub 時間: 15-4-19 19:41 標題: 回覆：MrBeast 的帖子

Agree!

作者: ronniedad 時間: 15-4-19 21:33 標題: 引用：+本帖最後由+Biscaya+於+15-4-19+18:46+編

原帖由 Biscaya 於 15-04-19 發表
本帖最後由 Biscaya 於 15-4-19 18:46 編輯

無法同意更多

作者: macming2008 時間: 15-4-19 22:55 標題: 回覆：Biscaya 的帖子

養不教，父之過，教不嚴，師之惰。家庭和學校教育必須雙方配合，同樣重要。我不是教育家，不知道家長要子女學習至甚麼程度，才是揠苗助長。世上有些事是公平，想將來舒服，今天要辛苦。相反今天舒服，將來便辛苦。這就是傳煤無新意地形容家長, 孩子贏在起跑線。有些小孩是真可站在起跑線上，但不明白事理家長人云亦云，沒有對小孩理解，不給多些機會學習，這就埋沒了天才了。

作者: Soundervolt 時間: 15-4-19 23:02 標題: 回覆：macming2008 的帖子

算把啦，您都唔明人地講乜，您都係令您啲仔囡去考小學時同校長講除咗識加減乘除之外仲識微積分，唔會輸喺起跑線把啦！

作者: macming2008 時間: 15-4-19 23:09

本帖最後由 macming2008 於 15-4-19 23:18 編輯

Soundervolt 發表於 15-4-19 23:02
算把啦，您都唔明人地講乜，您都係令您啲仔囡去考小學時同校長講除咗識加減乘除之外仲識微積分，唔會輸喺起 ...

冷靜D....你可能誤會咗喇. 我只想討論問題.

作者: Soundervolt 時間: 15-4-19 23:47 標題: 引用：+本帖最後由+macming2008+於+15-4-19+23:18

原帖由 macming2008 於 15-04-19 發表
本帖最後由 macming2008 於 15-4-19 23:18 編輯

點會誤會您呢？"不知道家長要子女學習至甚麼程度，才是揠苗助長。"您這句講得十分清楚，完全明白您討論的精結。

作者: macming2008 時間: 15-4-19 23:58 標題: 引用：Quote:原帖由+macming2008+於+15-04-19+發

原帖由 Soundervolt 於 15-04-19 發表
點會誤會您呢？"不知道家長要子女學習至甚麼程度，才是揠苗助長。"您這句講得十分清楚，完全明白您討論的精 ...

學你話齋，"算把啦"，你岩，你對，世事都給你看透

作者: manta_ray 時間: 15-4-20 00:12

回覆 fishchow 的帖子

每個人對愉快學習嘅定義都唔同，我嘅底線係一定唔會勉強個小朋友，上啲佢地無興趣，或抗拒嘅興趣班

作者: silver921 時間: 15-4-20 06:11 標題: 回覆：Biscaya 的帖子

因為有私校收生無標準，入錯學生。最後，便讀不上。學校又要找別的。

作者: silver921 時間: 15-4-20 06:18 標題: 回覆：bubuG 的帖子

全對，所謂神級收生都神化地收。如果想入此學校，家長真是可以輕鬆，讓小朋友又開心過幼稚園，又無壓力上此小學。上到讀不讀到就另計。

作者: hoihoima 時間: 15-4-20 08:37

heiyomami 發表於 15-4-19 00:38
每當睇到ek D標題，什麽名校vs 名校怎擇？真的百般滋味在心頭！唉，見人地D仔女咁叻，自已個乜都冇，真傷。 ...

有點不明白，毫無準備點去考直、私？就算收了，又點會讀得上？

作者: ok3 時間: 15-4-20 09:20

chansiub發表於 15-4-19 16:46
其實我好奇有沒有人連興趣班都沒有能有所謂一缐offers. 因為一缐直私一般都要交portfolio 的。

...

讀書時好多同學考試時都話自己冇乜點讀書。你会唔会因此而唔讀？

作者: bopui0607 時間: 15-4-20 09:37

heiyomami 發表於 15-4-19 00:38
每當睇到ek D標題，什麽名校vs 名校怎擇？真的百般滋味在心頭！唉，見人地D仔女咁叻，自已個乜都冇，真傷。 ...

其實事情唔係咁兩極化既, 所謂預備左學好多野最後可能都冇offer, 聲稱自己咩都冇學, 比小朋友愉快成長又唔一定得個吉. 凡事都適可而止, 想清楚後, 做與不做都叫做向自己交待左, 唯有向前望. 事實上, 裝備小朋友並唔係只為面試, 就算到頭來冇好既offer, 相信小朋友會得到d野既, 當然, 心情上一定會好失望, 但都係個句, 向前看吧 !

作者: hkpapa852 時間: 15-4-20 09:41

我真係唔明, 點解大家係都要將考唔考到直/私立小學睇得咁緊要? 唔通呢樣已經係大家心中唯一可以用嚟衡量自己小朋友能力(定係自己既成就?)既指標?

其實全港至少有7成學生係要讀官津小學(其餘三成已包括國際學校), 最後會讀直資/私立其實只係小數. 而且入咗直資/私立小學, 不管是否神校, 亦唔代表一定會一帆風順.

如果覺得前期的準備已經做得不夠了, 如其長嗟短嘆, 不如做好叩門準備.

作者: chansiub 時間: 15-4-20 09:52 標題: 回覆：ok3 的帖子

我知答案，只是無奈及無聊也反問。

作者: Soundervolt 時間: 15-4-20 10:29

hkpapa852 發表於 15-4-20 09:41
我真係唔明, 點解大家係都要將考唔考到直/私立小學睇得咁緊要? 唔通呢樣已經係大家心中唯一可以用嚟衡量自 ...

"呢樣已經係大家心中唯一可以用嚟衡量自己小朋友能力(定係自己既成就?)既指標?"

"入咗直資/私立小學, 不管是否神校, 亦唔代表一定會一帆風順."

作者: mimics218 時間: 15-4-20 10:35

提示: 作者被禁止或刪除內容自動屏蔽

作者: ffaye 時間: 15-4-20 10:39 標題: 引用：我真係唔明,+點解大家係都要將考唔考到直/

原帖由 hkpapa852 於 15-04-20 發表
我真係唔明, 點解大家係都要將考唔考到直/私立小學睇得咁緊要? 唔通呢樣已經係大家心中唯一可以用嚟衡量自 ...

雖然全港有7成升小生係入官津校，但大部分响ek既活躍份子都係剩下嗰3成既考生既家長。所以响ek會令人覺得考唔到嗰3成位就代表失敗。

作者: Soundervolt 時間: 15-4-20 11:01 標題: 回覆：等了又等

本帖最後由 Soundervolt 於 15-4-20 11:02 編輯

好多人心目中好嘅直私學校講來講去都係嗰十間八間，全港名地區好嘅津小點止嗰十間八間呀？唔好以為要俾錢嘅一定好過免費嘅先至得賈。

作者: Charlotte_mom 時間: 15-4-20 11:24

mimics218 發表於 15-4-20 10:35
如果津校係咁好, 就唔會有人俾學費讀直/私.
我心目中好的津校只有數所, 入唔到咪寧願俾學費讀私校, 起碼有 ...

嘩, 我當一間收100人, 幾間都係收幾百人, 咁其餘幾萬個學生咪好愁?

除非自己小朋友真係擺明人中之龍, 否則都係現實d好

而且我同意, 直私質數唔一定比津校好, 有好的津校, 亦有唔好的直私

作者: Charlotte_mom 時間: 15-4-20 11:28

ffaye 發表於 15-4-20 10:39
雖然全港有7成升小生係入官津校，但大部分响ek既活躍份子都係剩下嗰3成既考生既家長。所以响ek會令人覺得考 ...

其實都唔係嘅.....好多津校都好架, 不過輪唔輪到自己得架?! 有25分/必收位直入, 無謂拎出黎講啦, 盞俾人話晒命; 唔係直入的, 講黎一樣side gas, 因為再討論都唔會改變到現狀, 一樣等運到
如果想靠自己, 唯有向直/資著手了

作者: mcl203 時間: 15-4-20 11:42

現實係....入到坊間追捧既官津....機會有幾大?
首要睇....係與學校既関係....跟住係你住係邊....最後叩門講運氣
呢度太多家長講插班....你有能力插班入一線官津....讀边間直/私/官/津理應一樣問題不大...一樣可以成績唔差
但未有直/私/官/津...係有得選擇既情况下....相信不太多人會選擇隨遇而安...再等P2..3...4...去嘗試突圍...唔係想去突圍...一定有機會嫁
家長傾向直私較穩陣...可以理解既~~~
ps..我小朋友係讀津校既~~~

作者: subb 時間: 15-4-20 11:56

本帖最後由 subb 於 15-4-20 11:58 編輯

mimics218 發表於 15-4-20 10:35
如果津校係咁好, 就唔會有人俾學費讀直/私.
我心目中好的津校只有數所, 入唔到咪寧願俾學費讀私校, 起碼有 ...

~~~ 肯比錢唔代表直/私一定好過津校, 比唔比錢原因考慮主／客觀因素有好多, 唔係一本通書睇到老，有人抽獎後放棄直/c小學位, 有人抽獎後又去考一樣, 咸魚青菜各有所好, 唔好一竹篙打一船人 !
學校只有是否適合與否，沒有最好　！　
如果錯配，給你最好未必是好事　！
多了解學校同小朋友特質吧　！

作者: Soundervolt 時間: 15-4-20 12:04 標題: 回覆：mcl203 的帖子

之前跟一位神校校長傾計，佢話坊間諗到學校收叩門生好講關係...但佢話香港有ICAC，所以佢唔會瓜田李下，佢仲話就算佢嘅親友申請都會攞去跟其他副校長同校監一齊決定，唔係任何一個人可以話事，唔會攞份工嚟"較飛"。插班情況唔同，因為申請人會有成績表同筆試支持被取錄，比較簡單。如果有能力插班就話讀邊間都有好成績，咁又可以話如果冇能力插入去一線學校亦都冇能力讀得掂，唔好以為好學校可以將學生化腐朽為神奇。

作者: hkpapa852 時間: 15-4-20 12:07

ffaye 發表於 15-4-20 10:39
雖然全港有7成升小生係入官津校，但大部分响ek既活躍份子都係剩下嗰3成既考生既家長。所以响ek會令人覺得考 ...

我咪係剩番個7成又係EK活躍既異形家長囉!

作者: Soundervolt 時間: 15-4-20 12:24 標題: 回覆：等了又等

有得考當然去考下啦，我同阿仔當年都有玩考直私小學呢個遊戲，不過對結果已有心理準備，落選嘅就應份，得嘅就當好彩。當然最後全部都係"應份"收場....

作者: mcl203 時間: 15-4-20 12:27

本帖最後由 mcl203 於 15-4-20 12:32 編輯

Soundervolt 發表於 15-4-20 12:04
之前跟一位神校校長傾計，佢話坊間諗到學校收叩門生好講關係...但佢話香港有ICAC，所以佢唔會瓜田李下，佢 ...

哈哈....呢d我都親耳聽過...亦唔信坊間諗到學校收叩門生好講關係

但現實係....又可以咁話....用高半級程度去插班為乜??...原校有能力教到高半級...理論上係新校係無可能讀唔掂

我亦見唔少(可以講係80%)...用較高程度去插班...頭一年仲有d野睇...第二年已係成績中上...所以一級官津亦唔係100%保證...都係還原睇小朋友本質

又現實睇到...考到一級直資中學....直私小學係較有優勢...可能....係英小令人感覺良好~~~

作者: hkpapa852 時間: 15-4-20 12:39

即使小朋友天資聰敏, 人見人愛, 車見車載,, 又有幾十張証書/獎狀傍身, 有邊個可以保証佢必入某某直資/私立小學?

而且以機會率計, 其實大抽獎中獎機會係高過考直資/私立小學.

又舉過例子, 男拔約3000人爭150個位, 成功機會約1/20.

喇沙每年大抽獎最多700人爭80個位, 咁你話邊個機會高D?

作者: mcl203 時間: 15-4-20 12:47

hkpapa852 發表於 15-4-20 12:39
即使小朋友天資聰敏, 人見人愛, 車見車載,, 又有幾十張証書/獎狀傍身, 有邊個可以保証佢必入某某直資/私立 ...

要計埋入場機會率

先假設同LS係無任何關係
想入LS...住91區....機會率係接近0

作者: Soundervolt 時間: 15-4-20 13:00 標題: 引用：+本帖最後由+mcl203+於+15-4-20+12:32+編輯

本帖最後由 Soundervolt 於 15-4-20 13:03 編輯

原帖由 mcl203 於 15-04-20 發表
本帖最後由 mcl203 於 15-4-20 12:32 編輯

犬兒係活生生例子，當年應份地派去咗間村校，呢間村校唔會教快教深佢咪一様走去插班，宜家都冇穿冇爛。神校教高半或一級未必係事實，有啲官津學校為爭取好成績或會比一線學校更進取。其實無論讀神校或官津學校都要力爭上游，眼見唔少神校學生中途下馬，入到未必有保證...

作者: mcl203 時間: 15-4-20 13:10

Soundervolt 發表於 15-4-20 13:00
犬兒係活生生例子，當年應份地派去咗間村校，呢間村校唔會教快教深佢咪一様走去插班，宜家都冇穿冇爛。神 ...

令公子好叻...早已係某d post知道了

只係有時自己咁諗...用高半級/1級去插班都幾有趣姐

亦不相信教高半年一年既說法...更唔覺教高半年一年有乜好處

ps...個人睇法而已~~~

作者: little_yolky 時間: 15-4-20 13:15

MrBeast 發表於 15-4-19 19:37
如交足貨比老闆、同事相處ok但只見身邊同事升職又唔升自己，心裏不舒服是人之常情吧。但我都同意與何和孩子 ...

咁既情況, 即係間公司唔啱你, 轉工吧, 唔好浪費青春, 揀間合適既公司都好重要

作者: Soundervolt 時間: 15-4-20 13:17 標題: 引用：Quote:Soundervolt+發表於+15-4-20+13:00+

原帖由 mcl203 於 15-04-20 發表
令公子好叻...早已係某d post知道了

只係有時自己咁諗...用高半級/1級去插班都幾有趣姐

容許我分享多少少，犬兒成功插班或多或少係因為接觸大量課外書藉所至，我相信跟學校係唔係教快教深未必有直接關係。

作者: little_yolky 時間: 15-4-20 13:19

mcl203 發表於 15-4-20 12:47
要計埋入場機會率

先假設同LS係無任何關係

首先嫁個LS校友, 然後信奉主耶穌基督, 咁, 天父一定會幫助你既兒子行該行的路。

不過, 如果你唔小心生咗位千金, 就要問吓自己係唔係MCS畢業至好喎

作者: mcl203 時間: 15-4-20 13:23

Soundervolt 發表於 15-4-20 13:17
容許我分享多少少，犬兒成功插班或多或少係因為接觸大量課外書藉所至，我相信跟學校係唔係教快教深未必有直 ...

我明白既....間間學校唔同....每個家長都會盡心盡力為子女....揀條適合既路行~~~

作者: heiyomami 時間: 15-4-20 13:42 標題: 回覆：Charlotte_mom 的帖子

agreed

作者: mimics218 時間: 15-4-20 13:48

提示: 作者被禁止或刪除內容自動屏蔽

作者: macming2008 時間: 15-4-20 14:01 標題: 回覆：等了又等

點解孩子會勤力讀書？可能很多原因，如有興趣，不想令父母失望，對自我有要求等等。而其中一原因是隔離同學仔勤力，從而影響到他也要勤力，不可比下去。這叫近朱者赤。
大部分報考直，私的家長，對小孩有一定要求，而同類的家長的小孩一起上課，自然會相輔相承。
我聽過一位名津校校長坦白說，他最怕一些求求其其，是是旦旦的家長小孩派了入校，不但霸了學位，還影響有心讀書學生。部分官津校明白這個，所以分精英班

歡迎光臨教育王國 (/)