教育王國
標題: 整個人都覺得被釋放了 [打印本頁]
作者: Liebe 時間: 15-4-16 01:59 標題: 整個人都覺得被釋放了
二月做評估知道我個小朋友系過度活躍症同專注力不足，當收到評估結果嗰刻真系喺街嚎哭。
去排油麻地精神科
第一次去到哩個地方交資料排期，交學校、家長嘅問卷，收到個張覆診紙個期系2016年6月尾，我心諗，2016年可能我真系已經比佢激死左，亦好留意當時等緊睇醫生嘅小朋友，我佩服嘅，系佢地嘅父母，
過幾日收到電話，安排我地有特快，三星期後第一次見醫生，簡直就系上天對我嘅恩賜，因為本來由下年先可以見醫生，宜家居然快到可以三星期後就見，感動到喺街喊。
新年後第一次見醫生，醫生講嘅野好少，佢話體重太輕，吾適合食藥住，要轉介去兒科檢查下先，驚佢負荷吾到，然後我即刻去兒科又排期，排到6月尾，我已經覺得好漫長，吾知哩幾個月點過，
期間一次大測，我已經要求學校比佢去特別室考試，學校話因為評估報告只系話佢有過度活躍症嘅特徵，而冇話肯定佢有，所以不受理！
我當時心諗：難道有感冒嘅特徵但吾代表感冒？！
結果，因為佢控制吾到自己，同學問野佢答左，結果被當作弊處理，缺點，扣分。
一個月後即系前日，第2次見醫生，我終於要求開藥試一試，醫生話因為未做檢查所以份量開少啲，初初會出現幾分中心跳快，短暫時間嘅呼吸困難，體重會愈來愈輕，要慢慢適應，如果太嚴重要即刻停藥。一日2次，一次半粒。
我沿途回家諗左好耐，到底為乜野要小朋友咁樣食藥？到底系咪真系對佢好？
內心掙扎左好耐，但系因為屋企仲有另一個小朋友，佢嘅影響力好大，會影響埋個細嘅，所以我決定比佢試下，如果有異樣，馬上停，膳食方面我亦重新調整，運動量會比佢增加，
食左幾日，效果明顯改善。
聽說藥力要一星期後先發揮到，所以我都分吾清楚佢系藥物影響？定系佢心理作用？
有人鬧過我，話我自私所以比佢食藥，話食藥吾系幫到佢，而系幫到我。
有人話過我，吾系丫嘛？咁輕仲食？
其實哩啲人系因為真系冇做過擁有過度活躍症小朋友嘅父母，所以佢地吾明。
我同佢拉鋸咗一年幾，期間打到比人告虐兒，我試過拉住佢想一齊死。我亦因為咁，被安排睇精神科。
但年幾後嘅今日，我感恩，我感謝主冇放棄過我地，一直幫我地以最快嘅時間獲得最好嘅治療。
希望大家一齊加油！
另外想問，過度活躍症會可以有大少少嘅單位之外，仲有冇其他嘅支援？
作者: 麥兜MaMa 時間: 15-4-16 10:36
好多社區中心, 社福機構, 有藥物以外的訓練.
如小童群益, 協康. 私人亦有不少, 如朗研.
作者: 麥兜MaMa 時間: 15-4-16 10:41
你甘快排到見醫生, 應係比較嚴重的case.
我去排期姑娘都有問, 如果嚴重的會安排插快期.
除左藥, 快d找d 訓練, 及多d運動, 體能甚至感統, 用盡佢d精力都會有改善.
作者: Liebe 時間: 15-4-16 11:39 標題: 引用：你甘快排到見醫生,+應係比較嚴重的case.+我
原帖由 麥兜MaMa 於 15-04-16 發表
你甘快排到見醫生, 應係比較嚴重的case.
我去排期姑娘都有問, 如果嚴重的會安排插快期.
作者: Liebe 時間: 15-4-16 11:40 標題: 引用：好多社區中心,+社福機構,+有藥物以外的訓練
原帖由 麥兜MaMa 於 15-04-16 發表
好多社區中心, 社福機構, 有藥物以外的訓練.
如小童群益, 協康. 私人亦有不少, 如朗研. ...
作者: Queeniebaby 時間: 15-4-16 13:01
小朋友幾大呀？
作者: Liebe 時間: 15-4-16 13:39 標題: 引用：小朋友幾大呀？
原帖由 Queeniebaby 於 15-04-16 發表
小朋友幾大呀？
作者: 麥兜MaMa 時間: 15-4-17 09:42
小童群益會有"小跳豆"(?)計劃比SEN的小學生.
我仔較細, 有另一個隔星期上的注專力班, 四位小朋友上.
另, 我去年上左朗研復活節的密集"突破"後, 每週上一堂. 當時學校叫我找d改善情緒的班比佢上. "突破"恆堂都有一週, 1,2或3次的. 仔上左有改善, 又不十分嚴重, 因此我地1週1次.
作者: 麥兜MaMa 時間: 15-4-17 10:07
另外, 不同中心既導師, 學校老師, 我兒童成長老師, 甚至聽簡介的校長們, 均說ADHD要多做運動, 最好帶刺激,一來洗走多餘的精力, 二來亦幫個腦發展.
ADHD與腦內傳導物質有關, 食藥都係幫佢調節. 因此改善發展亦有幫助.
夏天我俾佢學遊水, 未學識不重要. 心肺好左, 人突然高左.
後來和一個導師傾起, 我覺得佢感統, 協調差,單腳跳唔得, 佢介紹左我們去評估感統. 而家每週一堂, 當埋運動班. (正常每週2堂考果好d) 佢的平衡肌肉發展好左好多, 在學校評估度看到.
作者: 麥兜MaMa 時間: 15-4-17 10:23
我知道小學既生活比佢幼稚園(由其不多功課的)忙百倍.
因此依家儘量訓練多d, 到時易適應d.
作者: wan_sosin 時間: 15-4-17 12:34 標題: 引用：另外,+不同中心既導師,+學校老師,+我兒童成
原帖由 麥兜MaMa 於 15-04-17 發表
另外, 不同中心既導師, 學校老師, 我兒童成長老師, 甚至聽簡介的校長們, 均說ADHD要多做運動, 最好帶刺激, ...
作者: loklok0104 時間: 15-4-28 22:39 標題: 引用：二月做評估知道我個小朋友系過度活躍症同專
原帖由 Liebe 於 15-04-16 發表
二月做評估知道我個小朋友系過度活躍症同專注力不足，當收到評估結果嗰刻真系喺街嚎哭。
去排油麻地精神科
...
作者: Liebe 時間: 15-5-3 01:44 標題: 引用：Quote:原帖由+Liebe+於+15-04-16+發表二月
原帖由 loklok0104 於 15-04-28 發表
其實你個case小朋友真係應該要食藥，因為已經去到破壞家庭關係情況，食藥可以緩衝家庭關係。我細仔7歳，我 ...
作者: EVAGOGO 時間: 15-5-8 04:33
評估係幾多歲做架？
作者: EVAGOGO 時間: 15-5-8 04:35
我思疑囝囝可能有
作者: caerion 時間: 15-5-8 22:37
本帖最後由 caerion 於 15-5-8 22:41 編輯
唔知幫唔幫到你，但想鼓勵和分享一些經驗：我boss的兒子十幾年前被評為過度活躍症兒童，佢安排兒子學一種運動，要消耗大量的精力，每天密集訓練.....現在已大學畢業了！又有同事的兒子他的兒子又被評過度活躍，佢訓練兒子打乒乓球，現已讀上了IVY 母子感情很好，兒子還感激媽媽當日沒有放棄佢！！其實照顧一個普通的孩子都不易，何況是需要特別照顧的孩子，我也知道香港的社會的支援不，但要不氣餒！！因還有很多同行者，加油！協康會的專家分享：運動可以釋放他們的能量和發洩，打乒乓球可訓練專注力，因乒乓球的size細。
作者: isme 時間: 15-5-10 21:13
caerion 發表於 15-5-8 22:37 
唔知幫唔幫到你，但想鼓勵和分享一些經驗：我boss的兒子十幾年前被評為過度活躍症兒童，佢安排兒子學一種運 ...
作者: babyheima 時間: 15-5-12 12:39 標題: 引用：二月做評估知道我個小朋友系過度活躍症同專
原帖由 Liebe 於 15-04-16 發表
二月做評估知道我個小朋友系過度活躍症同專注力不足，當收到評估結果嗰刻真系喺街嚎哭。
去排油麻地精神科
...
作者: Liebe 時間: 15-5-12 21:42 標題: 引用：+本帖最後由+caerion+於+15-5-8+22:41+編輯
原帖由 caerion 於 15-05-08 發表
本帖最後由 caerion 於 15-5-8 22:41 編輯
唔知幫唔幫到你，但想鼓勵和分享一些經驗：我boss的兒子十幾 ...
作者: 曲曲 時間: 15-5-15 17:32
提示: 作者被禁止或刪除 內容自動屏蔽
作者: 無氣同你講 時間: 15-5-29 22:35
本帖最後由 無氣同你講 於 15-5-29 22:35 編輯
Liebe 發表於 15-4-16 01:59
二月做評估知道我個小朋友系過度活躍症同專注力不足，當收到評估結果嗰刻真系喺街嚎哭。
去排油麻地精神科
...
鄧你開心，無錯，未試過有過度活躍症小朋友的父母係唔會明，我都有想過同佢一齊死既衝動。
作者: ah80327 時間: 15-9-5 00:35
當診斷係adhd, 我心都鬆左，起碼知道唔係自己唔識教仔
作者: Liebe 時間: 15-9-10 03:21 標題: 引用：當診斷係adhd,+我心都鬆左，起碼知道唔係自
原帖由 ah80327 於 15-09-05 發表
當診斷係adhd, 我心都鬆左，起碼知道唔係自己唔識教仔
所以真系已經釋懷好多。
不過仲要面對好多野。
作者: Tecoelectric 時間: 15-9-10 10:14 標題: 回覆：Liebe 的帖子
真係非常支持你，請不要放棄，其實食藥可以好已經好感恩，世界上更多藥物也不能醫的病，這種孩子須要更多愛和了解，我個仔食一個月嘔一個月，當中痛苦只有父母才明白，油蔴地那裏還有行為治療，你問下姑娘可以幫你安排
作者: DollyCC 時間: 15-9-10 11:00 標題: 回覆：Tecoelectric 的帖子
我地5歲昨日見心理學家都話病徵明顯,排見醫生及安排3月上小適應班
作者: Liebe 時間: 15-9-11 02:34 標題: 引用：真係非常支持你，請不要放棄，其實食藥可以
原帖由 Tecoelectric 於 15-09-10 發表
真係非常支持你，請不要放棄，其實食藥可以好已經好感恩，世界上更多藥物也不能醫的病，這種孩子須要更多愛 ...
作者: Tecoelectric 時間: 15-9-11 14:01 標題: 回覆：Liebe 的帖子
勤力覆診，要試藥量，不停調，試過醫生叫我一個月後才返，我即問佢咁是否嘔一個月才可以回來？明知佢不穩定也不給期，後來我自已爭取10天後回去。尼段時間好其怪，我覺得食了葯後小朋友好像成熟了小小，即使停了葯也有這感覺，𣎴知為什麼？可能心理作用而已😅
作者: ah80327 時間: 15-9-20 04:07
回覆 DollyCC 的帖子
我地都就快見臨床心理學家，都希望會提供小一適應班
作者: 緣份的天空 時間: 15-9-21 17:07
我地大家一齊努力
作者: 緣份的天空 時間: 15-9-21 17:27
回覆 caerion 的帖子
感激
作者: bobohello 時間: 15-9-21 23:33 標題: 回覆：Liebe 的帖子
我仔食咗個幾月， 當初都係1516
身邊又係一大堆人講我到我錯晒咁
跟一又係要食藥的同學仔媽咪傾完
我唔會再理其他人講咩
佢話 "話你的人， 自己或者佢地個仔有食藥嗎？"
呢個幾月， 見佢行動快咗， 周身郁少咗， 出街識拖住， 明顯大家關係好咗， 壓力少咗， 真係冇乜唔好
作者: DollyCC 時間: 15-9-22 06:44 標題: 回覆：bobohello 的帖子
我諗要食始終要食,趁食藥定左行為治療,早d改善關係,行為。。。各樣。又唔係食一世,好多中學都停藥啦。而家細仲肯聽食藥,而家唔食攪到青春期反叛,又衝動又唔聽講,真係攪唔到。
作者: COE1205 時間: 15-9-22 09:11
bobohello 發表於 15-9-21 23:33
我仔食咗個幾月， 當初都係1516
身邊又係一大堆人講我到我錯晒咁
跟一又係要食藥的同學仔媽咪傾完
作者: 63628100 時間: 15-9-22 18:33 標題: 回覆：COE1205 的帖子
有正常小朋友的人都未必明白，更何況冇小朋友的！好多時最受壓的係親戚的說話！
成日係街聽到人話其他小朋友冇家教，確診後雖然冇比人話過，不過回想真係感受好深！有d家庭唔係唔教，而係努力中！希望大家都多d包容，比多d時間同機會大家去努力！
自己的心理狀態都好重要，我都學習中！
大家努力呀！
作者: Liebe 時間: 15-9-23 13:04 標題: 回覆：整個人都覺得被釋放了
今日轉咗藥，加咗膠囊。大家有試過，可分享嗎？
作者: bobohello 時間: 15-9-24 17:06
DollyCC 發表於 15-9-22 06:44
我諗要食始終要食,趁食藥定左行為治療,早d改善關係,行為。。。各樣。又唔係食一世,好多中學都停藥啦。而家 ...
趁佢細學習好習慣
幫忙學習, 自理, 從而增加自信
好過4,5年級
被定形, 被標籤, 冇自信, 憤世族
才接受現實, 到頭來咪又係用藥
作者: DollyCC 時間: 15-9-25 01:42 標題: 回覆：bobohello 的帖子
我親戚正是這樣。日日打打鬧鬧,明明見到係叻仔,但成績差,不停闖禍,仲鑊鑊新鮮。5年級食藥後有改善。升中加埋青春期,藥都唔肯食,學校要逼先食。反叛又唔聽人講。
作者: metrochung 時間: 15-9-25 06:38 標題: 回覆：Liebe 的帖子
係唔係LA？
作者: metrochung 時間: 15-9-25 06:39 標題: 引用：今日轉咗藥，加咗膠囊。大家有試過，可分享
原帖由 Liebe 於 15-09-23 發表
今日轉咗藥，加咗膠囊。大家有試過，可分享嗎？
作者: idak 時間: 15-9-25 09:21 標題: 回覆：整個人都覺得被釋放了
你就好睇到成效！囡囡剛試藥，都係四圍走，情緒差！
作者: metrochung 時間: 15-9-25 10:15 標題: 回覆：idak 的帖子
我仔最初食Ritalin,情緒不穩定，而效果也不顯著，胃口也變差。之後轉食LA，胃口一樣差，中午幾乎可以不吃飯，藥力過了就肚餓，老師話佢比之前專心咗，但藥力不足以應付放學後做功課，我和仔為了功課吵吵鬧鬧，關係開始變差，所以我决定放學後仔去補習社，我可以煩少一樣，功課仍然有甩留，自己心態也調節咗，反思功課重要還是親子關係重要，抽多了時間傾學校生活，我和仔的關係好轉。我仔是上課日才食藥，起初有在假期食藥看他的反應，只是胃口差，之後我睇唔到佢食藥後的反應，直至上年學期尾，有一日放假叫佢食藥(因為有很多功課要做)，我見佢胃口極差，連愛吃的零食也不吃，玩也不願玩，個一刻心好痛，我喊咗出來，點解活潑開朗嘅佢變成目定口呆，在食LA的兩年中，我仔多次表達他不想食藥，所以我也試過兩三次自行停藥，不過每次停藥一星期左右就比老師發現及投訴，所以一直照食。直到我喊出來嗰日我不想仔再食LA，所以提出轉藥……
作者: COE1205 時間: 15-9-25 11:12
Liebe 發表於 15-9-23 13:04
今日轉咗藥，加咗膠囊。大家有試過，可分享嗎？
作者: Liebe 時間: 15-9-26 01:38 標題: 引用：我仔最初食Ritalin,情緒不穩定，而效果也不
原帖由 metrochung 於 15-09-25 發表
我仔最初食Ritalin,情緒不穩定，而效果也不顯著，胃口也變差。之後轉食LA，胃口一樣差，中午幾乎可以不吃飯 ...
睇見你都覺得辛苦。宜家情況點？仲有冇食其他藥？
作者: Liebe 時間: 15-9-26 01:39 標題: 回覆：整個人都覺得被釋放了
哩隻
作者: Liebe 時間: 15-9-26 01:39 標題: 回覆：整個人都覺得被釋放了
圖片附件: 1443202784248.jpg (15-9-26 01:39, 26.93 KB) / 下載次數 47
/forum.php?mod=attachment&aid=NTc1Mjh8MzI4YTI2YWV8MTc2MTQwMzI2MXww
作者: Liebe 時間: 15-9-26 01:43 標題: 回覆：整個人都覺得被釋放了
因為我已經掉咗啲包裝。所以吾系好知系咩名。
宜家上午一粒r字頭加哩隻膠囊一粒。下午放學半粒r字頭。
頭一日食我幫佢請假，因為我想親自留意到佢嘅反應。
頭一日系暈，冇胃口，勁乖勁乖。
到返學，全部讚不絕口。
但就話中午食好少。
不過放學我會比飯佢食，因為已經藥力冇晒。食左飯再食藥，做功課。
到幾個中之後，藥力散咗，就又晚餐了。
作者: Liebe 時間: 15-9-26 01:51 標題: 引用：Quote:原帖由+Liebe+於+15-04-16+發表二月
原帖由 loklok0104 於 15-04-28 發表
其實你個case小朋友真係應該要食藥，因為已經去到破壞家庭關係情況，食藥可以緩衝家庭關係。我細仔7歳，我 ...
作者: metrochung 時間: 15-9-26 14:21 標題: 回覆：Liebe 的帖子
Ritalin,4小時
Ritalin LA,8小時
Concerta,12小時
Strattera,24小時
藥廠話的效力，但實際情況有所出入，因人而異，所以首先了解食緊乜，有乜副作用
作者: Cocaine308 時間: 15-9-27 00:30 標題: 回覆：整個人都覺得被釋放了
你已經好叻 ，加油!
| 歡迎光臨 教育王國 (/) |
Powered by Discuz! X1.5 |