教育王國

標題: E位比I位好？ [打印本頁]

作者: LTY419 時間: 15-4-15 23:34 標題: E位比I位好？

如果大肌同言語慢半年，請問讀E定I位好？

作者: LTY419 時間: 15-4-15 23:43 標題: 回覆：LTY419 的帖子

讀I位會同時喺醫院做PT(每月2次）

作者: LTY419 時間: 15-4-16 22:24 標題: 回覆：LTY419 的帖子

麻煩各位俾吓意見我吖

作者: Chetlam 時間: 15-4-23 00:14 標題: 回覆：LTY419 的帖子

E位好好多, 因PT 是長駐中心

作者: Chetlam 時間: 15-4-23 00:15 標題: 回覆：LTY419 的帖子

同埋其他支援亦較完善, 仔仔認知能力正常?

作者: LTY419 時間: 15-4-23 08:15 標題: 回覆：Chetlam 的帖子

謝謝啊！阿女認知冇問題。其實之前排E位，但後來醫生社工建議可以轉I位，因為可以快啲排到，自己又怕阿女冇幼稚園收 ... 所以轉了亦剛派了I位。在社署俾最後可轉志願嗰日後一星期便收到幼稚園call waiting了。
後來上網發現好多媽媽都話I位冇乜用，才覺得自己好像揀錯了，怕拖累阿女發展 ...

作者: LTY419 時間: 15-4-23 08:26 標題: 回覆：Chetlam 的帖子

之後check番E位23/2的詳細排位狀況，其實阿女都應該會被派到E位呢 ... 一切已太遲了，依兩星期不斷自責中 ...

作者: legolas625 時間: 15-4-23 10:59

I位好似無PT

作者: LTY419 時間: 15-4-23 23:03 標題: 回覆：legolas625 的帖子

PT只可在醫院做呢

作者: Sarahroman 時間: 15-4-26 22:05 標題: 回覆：E位比I位好？

你有無申請轉番排E位

作者: momomo0303 時間: 15-4-27 00:11

提示: 作者被禁止或刪除內容自動屏蔽

作者: LTY419 時間: 15-4-27 06:44 標題: 回覆：Sarahroman 的帖子

未啊，社工話讀落後可寫信列明情況給醫生決定～

作者: LTY419 時間: 15-4-27 07:08 標題: 回覆：momomo0303 的帖子

請問估唔估到以我阿女情況，如讀E位可被安排一個月幾多次PT/ST/OT呢？佢兩歳但仍要用手按地才能由坐變企，未識自己上落樓梯；仲只係講得幾隻單字，大量bb話。麻煩媽媽憑經驗估吓吖，萬分感謝！

作者: long107 時間: 15-4-27 09:38 標題: 回覆：LTY419 的帖子

點解當初唔建議你排S位啊？

作者: LTY419 時間: 15-4-27 10:39 標題: 回覆：long107 的帖子

問過，醫生話未差到要讀S位，仲建議我由E轉I位 ...

作者: babypuipui 時間: 15-4-28 23:01 標題: 回覆：E位比I位好？

我係I位老師，I位老師和E位最大分別是，I位老師每天均會跟學生上個別訓練，而E位1星期只有1至2堂訓練堂，很靠家長跟進訓練，聽你小朋友情況，我認為I位較適合，當然學生能否有進步也要取決I位學校的安排及教師質素如何。

作者: Tifftiff0115 時間: 15-4-29 01:09 標題: 回覆：E位比I位好？

都已經排好，唯有照上，見步行步啦⋯

作者: ren 時間: 15-4-29 10:25

我覺得I位較方便在職父母，
如果係全職媽媽，I位，E位都分別不大，
最重要在家有keep住訓練，
I位比E位好在於小朋友不用走來走去上E位堂，
省回不少精力。
阿仔k3時上E位，眼見好多同學父母係雙職，
靠長老或工人帶去上，功效真係減半，
而阿仔個時要幼稚園，早訓中心兩邊跑，返屋企又要趕做功課，
真係好倦架。

作者: carmenkmlo 時間: 15-4-29 21:10 標題: 引用：我係I位老師，I位老師和E位最大分別是，I位

原帖由 babypuipui 於 15-04-28 發表
我係I位老師，I位老師和E位最大分別是，I位老師每天均會跟學生上個別訓練，而E位1星期只有1至2堂訓練堂，很 ...

但I位老師真係可以每天抽時間替那6名小朋友做治療嗎？
這個我想了解多些。
因為I位部分治療師不是長註學校，
有時一個月才來2-3次。

相比E位，一星期有1-2次治療，
似乎功效會較好。

如有理解錯誤，請糾正。
我小朋友現在排E位中。

作者: babypuipui 時間: 15-4-29 22:28 標題: 回覆：carmenkmlo 的帖子

正常係要安排每天要進行的，當然我知道有些學校未能安排，而OT，PT, 訓練大概2，3個月次,但因他們來的時間較短及少，一般會將意見交給我們，由兼收老師按優次安排有關訓練，我覺得很有成效，而E位據我所知係似到診所做訓練，家長可一起進行，一星期通常一次，至於其PT,OT如何安排則由兒童能力給予服務。當然你致電早期訓練中心會最清楚。希望幫到你。

作者: LTY419 時間: 15-5-1 10:13 標題: 回覆：LTY419 的帖子

很多謝各位的意見！
開學後視乎學校安排再決定～

作者: Jo3 時間: 15-5-1 19:25 標題: 引用：很多謝各位的意見！開學後視乎學校安排再

原帖由 LTY419 於 15-05-01 發表
很多謝各位的意見！
開學後視乎學校安排再決定～

我掙扎咗好耐，最後書面回覆接受咗I位，但內心仲好十五十六，不過都係睇下間I位學校安排我仔跟返出生年份讀K1定要降低一年…… 睇咗學校接見時的態度，是否夾到人緣，再決定是否要求轉E位。我另一間半日幼稚園早前註咗冊，衣加未敢退學住……

作者: 芒果米池 時間: 15-5-9 07:34 標題: 引用：我係I位老師，I位老師和E位最大分別是，I位

原帖由 babypuipui 於 15-04-28 發表
我係I位老師，I位老師和E位最大分別是，I位老師每天均會跟學生上個別訓練，而E位1星期只有1至2堂訓練堂，很 ...

不好意思，得知你是i位老師，想請問你，我已選好i位學校，但學校見議我仔仔8月10左右，早一個月入讀k1班以便早點上適應班，幼兒園適應班開始是2個鐘，一路加上去，但學校入面的非i位學生會9月才開始適應班，其實我仔仔現在，係普通幼稚園讀緊n班下午班，轉校之後會有時間上的轉變，早5個鐘起床，而8月分不可以用學卷又反唔足一個月，學費甚貴，請問其實有沒有提早上學的需要呢？

作者: 芒果米池 時間: 15-5-9 07:38 標題: 引用：我係I位老師，I位老師和E位最大分別是，I位

原帖由 babypuipui 於 15-04-28 發表
我係I位老師，I位老師和E位最大分別是，I位老師每天均會跟學生上個別訓練，而E位1星期只有1至2堂訓練堂，很 ...

學校說服務是6歲前，所以提供的i位服務只去到K2，這些程況，通常沒大問題之下，學校會比學生升讀K3嗎？
謝謝你！

作者: babypuipui 時間: 15-5-9 11:06 標題: 回覆：芒果米池的帖子

第一要睇你仔仔佢適應能力如何，如其實佢i得唔係咁緊要，你可以繼續9月先讀，但因有些小朋友適應力較弱，如9月入學學校人手未必容易照顧你的小朋友（如他適應力較弱）因9月也有其他新生，8月會少一點。另外上下午班問題適應一定有，也可能這個問題校方建議他8月入學，但我覺得讀全日班學生會午睡時間，也不會太累的

不要太擔心。

作者: babypuipui 時間: 15-5-9 11:08 標題: 引用：Quote:原帖由+babypuipui+於+15-04-28+發表

原帖由 芒果米池 於 15-05-09 發表
學校說服務是6歲前，所以提供的i位服務只去到K2，這些程況，通常沒大問題之下，學校會比學生升讀K3嗎？
謝 ...

原校升讀K3一般沒問題的，但你仔仔本身遲了入學還是留了一年級? 為何K3時不是6歲?

作者: 芒果米池 時間: 15-5-9 11:26 標題: 引用：Quote:原帖由+芒果米池+於+15-05-09+發表學

原帖由 babypuipui 於 15-05-09 發表
原校升讀K3一般沒問題的，但你仔仔本身遲了入學還是留了一年級? 為何K3時不是6歲?

...

今年重讀N班的，頭一年非常惡劣，今年班主任話佢進步很大。我面試i位時都有問佢地，可否直升，但佢地冇正面前回覆，只係話到時候睇下學位緊張與否，再問校長，但我當時沒有來得及反應。

作者: 芒果米池 時間: 15-5-9 11:29 標題: 引用：Quote:原帖由+芒果米池+於+15-05-09+發表學

原帖由 babypuipui 於 15-05-09 發表
原校升讀K3一般沒問題的，但你仔仔本身遲了入學還是留了一年級? 為何K3時不是6歲?

...

咁我想問有需要8月中開學呢

作者: babypuipui 時間: 15-5-9 11:35 標題: 引用：Quote:原帖由+babypuipui+於+15-05-09+發表

原帖由 芒果米池 於 15-05-09 發表
今年重讀N班的，頭一年非常惡劣，今年班主任話佢進步很大。我面試i位時都有問佢地，可否直升，但佢地冇正面 ...

以我所知7歲一定要入小學，所以如果佢K3已經7歲就真係唔知點處理，你要問清楚學校先喎!

作者: babypuipui 時間: 15-5-9 11:41 標題: 引用：Quote:原帖由+babypuipui+於+15-05-09+發表

原帖由 芒果米池 於 15-05-09 發表
今年重讀N班的，頭一年非常惡劣，今年班主任話佢進步很大。我面試i位時都有問佢地，可否直升，但佢地冇正面 ...

重讀N班就唔會叫K1，佢宜家即4歲讀K1? K1是3～4歲幼兒的! 如果佢去到新環境新地方會狂哭的，平時又很依賴你，咁我都建議佢8月入學。適應期都是1至2個星期，唔會蝕好多的!

作者: 芒果米池 時間: 15-5-9 11:55 標題: 引用：Quote:原帖由+芒果米池+於+15-05-09+發表今

原帖由 babypuipui 於 15-05-09 發表
重讀N班就唔會叫K1，佢宜家即4歲讀K1? K1是3～4歲幼兒的! 如果佢去到新環境新地方會狂哭的，平時又很依賴你 ...

我意思是，現在已經反緊第二年N班，下午班，來緊8月份去新學校讀k1，我相信佢有得玩唔會大喊，反而見到我先會dar我，但問題我8月11號反2個鐘適應班，咁9月都有班原有學生開始適應班，咁咪double左？

作者: 芒果米池 時間: 15-5-9 11:56 標題: 引用：Quote:原帖由+芒果米池+於+15-05-09+發表今

原帖由 babypuipui 於 15-05-09 發表
重讀N班就唔會叫K1，佢宜家即4歲讀K1? K1是3～4歲幼兒的! 如果佢去到新環境新地方會狂哭的，平時又很依賴你 ...

我計算過仔仔年齡，K3都係6歲，冇沖突的，好多謝你回覆

作者: babypuipui 時間: 15-5-9 15:51 標題: 引用：Quote:原帖由+babypuipui+於+15-05-09+發表

原帖由 芒果米池 於 15-05-09 發表
我意思是，現在已經反緊第二年N班，下午班，來緊8月份去新學校讀k1，我相信佢有得玩唔會大喊，反而見到我先 ...

咁你同學校講話8月返唔到要9月先到呢

重要係9月入如果仔仔適應力麻麻，未必夠人手照顧得咁好，如果排除呢樣嘢，9月入我覺得沒問題的

希望小朋友新入學開開心心

作者: 芒果米池 時間: 15-5-9 16:37 標題: 引用：Quote:原帖由+芒果米池+於+15-05-09+發表我

原帖由 babypuipui 於 15-05-09 發表
咁你同學校講話8月返唔到要9月先到呢重要係9月入如果仔仔適應力麻麻，未必夠人手照顧得咁好，如 ...

好多謝你意見

作者: methy 時間: 15-5-11 15:44 標題: 引用：我係I位老師，I位老師和E位最大分別是，I位

原帖由 babypuipui 於 15-04-28 發表
我係I位老師，I位老師和E位最大分別是，I位老師每天均會跟學生上個別訓練，而E位1星期只有1至2堂訓練堂，很 ...

E位唔只1-2堂的

E位有物理治療師（大肌）同言語治療師（言語）比相關訓練，睇小朋友情況比治療堂，人地治療師讀成幾年相關專業，再加實習，E位每月幾百蚊，就有咁專業既治療（私人$800-$1000），平靚正呀。

E位大肌室既治療器材工具環境，I位無法提供到，小朋友如果大肌弱， E位幫助好大，媽媽陪上堂，可以學到好多技巧。
言語治療一樣，每堂45分鐘至1小時，充實到暈，另外仲有小組，但E位煩在要帶出帶入，但我個人經驗好值得。

我仔果是一星期四堂個別訓練，一堂小組訓練。

作者: checkylam 時間: 15-5-12 12:08

回覆 babypuipui 的帖子

你是一位好老師, 但我見有些老師一星期才做一次訓練, 仲要幾個小朋友一起做, 唔知係咪要兼顧埋其他學校事務, 所以......, 所以撞好老師真是看運氣了

作者: babypuipui 時間: 15-5-12 12:41 標題: 回覆：checkylam 的帖子

其實我都聽過有些老師會這樣處理，所以真係要同學校溝通了解下，因為兼收組老師的責任就是要每天跟進學生情況，幫學生補底及協助他們融合，

所以你說得對或者真的碰運氣。

作者: babypuipui 時間: 15-5-12 12:56 標題: 回覆：methy 的帖子

如你仔仔一星期4堂個別訓練，真的很好呢! 由於我見到有些家長E位，大多每星期得一至兩課，而據我了解他們是按小朋友能力安排課堂次數，是嗎？如不是，那按你說E位就比I位好了，其實家長可考慮3樣嘢，就是課堂次數、其發展能力情況（如e位課堂時間會否影響其其恆常課程進度，繼而影響升讀主流小一），以及家長能否跟進家居訓練，只要小朋友有足夠實踐機會，他們就能有進步的。以上資料可互相了解下。

作者: carmenkmlo 時間: 15-5-12 13:37 標題: 引用：如你仔仔一星期4堂個別訓練，真的很好呢!+

原帖由 babypuipui 於 15-05-12 發表
如你仔仔一星期4堂個別訓練，真的很好呢! 由於我見到有些家長E位，大多每星期得一至兩課，而據我了解他們是 ...

其實，真係要碰運氣。
排到政府服務，也要看老師是否有愛心及觀察力強。
如果每個治療師都像妳做足100分，
父母一定十萬個放心。

另外，決定排E or I位，
也要看看有無主流幼稚園收小朋友讀K班。
好像我小朋友弱聽+言語遲緩，
主流幼稚園至少一半也不收，因為他們說沒有資源協助小朋友。
有時為了小朋友能在適學年齡入讀幼稚園，
只好考慮埋I位服務。

作者: coody1002 時間: 15-5-12 15:55

回覆 babypuipui 的帖子

你好，得知你是I 位老師，誠心求指教。
我女2歲時評估有言語遲緩，之後我選了排i位。
跟住入左主流學校讀k1. 近日，I 位學校打來叫我面試，我心理十分忐忑。
原因女n班和k1已轉一次校，而言語能力已進步很多，我亦曾詢問現在k1班主任，都表示比較其他同學沒有大問題，係發音要改善。而女女本生性格頗感性和慢熱，對陌生環境要一段時間才適應。
結論，
1.我應否比女女轉校？
2.現在讀的主流幼稚園學術和派位都比i位那間較好。
3.i位(5mins 步行可達)比現在讀(20mins 車程加路程)更近屋企。
4.現在是上午班，I 位是全日
5.還有我仲有一個弟弟跟住，已也將會讀i位學校的正常n班

不好意思，這麼多問題。但我真的很苦惱，好怕幫女選錯。請教各位有經驗媽媽指教，謝謝

作者: babypuipui 時間: 15-5-13 11:41 標題: 引用：回覆+babypuipui+的帖子你好，得知你是I+

原帖由 coody1002 於 15-05-12 發表
回覆 babypuipui 的帖子

你好，得知你是I 位老師，誠心求指教。

1.我應否比女女轉校？
如只是言語遲緩，要了解遲緩幾多，差距大不大，如放棄I位，看看能否轉排E位或有否能安排其他專業人士跟進。

2.現在讀的主流幼稚園學術和派位都比i位那間較好。
統一派位基本不受就讀學校所影響，但自行收生和扣門時才會有少許影響。

3.i位(5mins 步行可達)比現在讀(20mins 車程加路程)更近屋企。
主要視乎小朋友身體狀況，如行20分鐘車程及路程仍很精神，基本上不太影響學習。

4.現在是上午班，I 位是全日
即使你唔讀I位，你也要找全日班學校，提供多些語境給她，除非你能懂得如何跟她溝通，提供合適環境給她。

5.還有我仲有一個弟弟跟住，已也將會讀i位學校的正常n班
即弟弟有否障礙? 即使沒有讀n班也沒問題。除非弟弟有特殊需要，又排緊該校i位則有助教師及其適應。

希望以上資料幫到你。

作者: Jo3 時間: 15-5-13 15:02 標題: 引用：回覆+babypuipui+的帖子你好，得知你是I+

原帖由 coody1002 於 15-05-12 發表
回覆 babypuipui 的帖子

你好，得知你是I 位老師，誠心求指教。

「但我真的很苦惱，好怕幫女選錯。」，我都煩咁，好驚幚仔選錯！

作者: fishcowcow 時間: 15-5-14 10:22

我小朋友係K1入讀I位, 現在係K2, 初初選擇時都好忐忑究竟選邊樣先好, 讀落發覺, 其實最緊要係家長一定要跟, 而家小朋友I位每星期都有家居訓練功課, 老師亦會經常同我溝通阿仔在校問題及改善的情況, 以便我在家可以進行相關訓練

另外, 要睇下你小朋友而家的學校是否接納, 如果現校老師都有愛心的, 選I位E位都沒問題

作者: coody1002 時間: 15-5-14 16:02 標題: 回覆：E位比I位好？

首先，多謝各位的回覆及意見。
我最後放棄I 位了。因為女女開心童年好重要，我小時候小學就是轉了3次校，今天是有陰影的，我會好保護自己。而女女要每年轉一間幼稚園，我覺得不適合她。同時，我之前排隊上言語堂的地方也就快到了，所以我都好沉重心情下決定放棄了。希望自己無揀錯啦。大家加油

作者: swimmingpool 時間: 15-5-15 20:35 標題: 引用：我係I位老師，I位老師和E位最大分別是，I位

原帖由 babypuipui 於 15-04-28 發表
我係I位老師，I位老師和E位最大分別是，I位老師每天均會跟學生上個別訓練，而E位1星期只有1至2堂訓練堂，很 ...

你好老師，誠心希望能給我意見
我兒子是過動+專注力不足，現在讀K1幼稚園，兒子非常喜歡這學校，但他常常在學校騷擾其他小朋友，很難遵守規矩，現在我排到I位，我問了他轉校好嗎？他極力反對，所以我想請教，I位和E位那個較適合過動兒？萬分感激

作者: Letter_lalaland 時間: 15-5-31 22:15

本帖最後由 Letter_lalaland 於 15-6-1 06:12 編輯

E位的訓練如果家長不急於節省交通往來時間金錢
以一兩天時間完成所有訓練的話，
E位訓練中心的學生，有個別及小組訓練、又有言語治療+職業治療+物理治療；
雖然及不上S位每天密集式的訓練，
但比大部分I位只有一個月甚至一季一次的專職治療多。

個人工作經驗所得：包括從S、I、E位學生的家長、社工、special education needs (SEN) teacher 特殊教育老師、主流幼稚園校長、主流和兼收（I位）的pre-school teacher (PST) 幼稚園老師、教授的分享得知；每間學校、訓練中心所安排的訓練有所不同，主要跟據人手是否足夠，然後是學生的需要。
支援由高至低大家一致同意是S位、E位、I位，

對於babypuipui的學生能遇上如此盡責之學校及老師實在感到非常安慰。
只要依據小朋友的需要去選擇合適的學校，老師對小朋友關愛，
無論S位、E位、I位都無所謂。
重要的是老師有經驗且能夠與時並進

教院黃國茜教授在其2004發表的個案研究引述過一些幼稚園園長的意見：

「... 校長也認同經驗的重要性,但比對下,她認為培訓及進修比經驗更重要。
她解釋道:
如果老師只去教,而沒有接受培訓,她的知識不足以認識小朋友和他們身心發展...亦無法使用正確途徑去幫小朋友。

- 經驗可以累積,但正確的經驗可能要錯過好多次...可能要犧牲很多小朋友才能掌握一個正確方法。

- 理據不足,單憑經驗累積,有很多東西會錯誤地施行... 」


S位、E位、I位常見的老師和助教學歷一般有：
special education needs (SEN) teacher 特殊教育老師專業資格為  (大多爲在職進修）
特殊教育老師幼兒教育高級文憑（特殊教育）
教育學士（特殊教育）
學位教師教育文憑（特殊教育）
另有
特殊幼兒工作員 (SCCW)

pre-school teacher (PST) 幼稚園老師 - 有各種不同學歷例如：

QKT = 合格幼稚園教師，中五及於中學會考取得最少兩科合格
C(ECE) = 幼兒教育證書課程
BEd(ECE) = 教育學士 (幼兒教育)
PGDE (ECE)  = 學位教師教育文憑(幼兒教育)

另外學校/中心內常見的還有
Child care worker (CCW) 幼兒工作員 = 中五及於中學會考取得最少兩科合格

當然部分外國回流的 pre-school teacher 有碩士甚至雙碩士亦大有人在。

延伸閱讀：
1） http://www.acei-hkm.org.hk/Publication/FF-27%20Wong%20K%20S%20%20Lai%20Y%20C.pdf
2） http://www.soco.org.hk/publicati ... 15/pr_2015_2_8.docx
3）http://www.edb.gov.hk/tc/edu-system/special/sen-training/
4）http://www.heephong.org/webprod/ ... ith-open-university

作者: legolas625 時間: 15-6-1 02:27

協康e位一星期最多1、2堂。

一個月3至4堂pst，但上小組、家訪又當一次pst個別，分分鐘一個月得1至2次個別pst。3t視乎需要，最需要的一個月2堂，次則得1堂，甚至可能無，變左幾個月做一次review。

i位治療資源最少，適合在職家長，質素好唔好睇彩數。

作者: LTY419 時間: 15-6-1 13:03 標題: 回覆：legolas625 的帖子

謝謝你們啊! 其實如果要一星期請多過一次半日假陪阿女上堂真的有點困難, 除非搵人帶去 ... 睇30/4輪候資料, 原來e位仲未排到阿女(如果揀排e位), 所以讀住i位先係目前唯一最好的選擇～
i位老師禮拜六打嚟話六月約見，又建議俾阿女八月入學，盼望 ...

歡迎光臨教育王國 (/)