教育王國

標題: 請問88校網 [打印本頁]

作者: 力媽 時間: 15-4-15 11:01 標題: 請問88校網

大圍陳元喜小學和保良局王賜豪小學邊間好D？

作者: siden 時間: 15-4-15 11:07 標題: 回覆：請問88校網

陳元喜

作者: 小曳人 時間: 15-4-15 13:39

熱門程度：陳元喜>王賜豪
中學派位：陳元喜>王賜豪

作者: hobby 時間: 15-4-15 15:30

自行15分

陳元喜 >> 唔知有冇人入到
王賜豪 >> 識人今年入到

作者: 力媽 時間: 15-4-15 20:19 標題: 回覆：請問88校網

陳元喜難入嗎？係咪勁熱門小學，出年阿仔要選校，想首選這校，不知有無機，但又想隱陣D，選次熱的，還有甚麽好選擇呢？

作者: lauwingtai 時間: 15-4-15 21:04

力媽發表於 15-4-15 20:19
陳元喜難入嗎？係咪勁熱門小學，出年阿仔要選校，想首選這校，不知有無機，但又想隱陣D，選次熱的，還有甚 ...

陳小大概是88網的第三熱門吧! 第一志願要抽的, 機會中等。

作者: siden 時間: 15-4-15 21:24 標題: 引用：陳元喜難入嗎？係咪勁熱門小學，出年阿仔要

原帖由力媽於 15-04-15 發表
陳元喜難入嗎？係咪勁熱門小學，出年阿仔要選校，想首選這校，不知有無機，但又想隱陣D，選次熱的，還有甚 ...

呢網沙官、聖心、陳元喜、迦密，全要放第一。

沙官、聖心最hit

陳元喜、迦密放乙一唔係必入但機會一定好過沙官聖心。

作者: ren 時間: 15-4-18 19:18

雖則話大抽獎人人有機會抽，
但我覺得都要小朋友能力，家長助力配合到才好，
識得有人讀陳，家長要番工，放工後跟功課溫習要攪到好夜，
不過…都識人讀王都話跟得辛苦嘅，
88唔多學校，儘量間間都去了解下先啦。
睇下邊間最啱自己小朋友。

作者: 小曳人 時間: 15-4-18 22:50

仲有新翠白普理都要放乙一，聽聞早一年乙一幾乎收哂

作者: 力媽 時間: 15-4-19 12:42 標題: 回覆：請問88校網

咁白普理會唔會好谷，好多功課？同陳元喜邊間好D？

作者: siden 時間: 15-4-19 13:32

回覆力媽的帖子

陳好過白

作者: square72 時間: 15-5-10 01:16

力媽發表於 15-4-15 11:01
大圍陳元喜小學和保良局王賜豪小學邊間好D？

無話邊間好啲... 陳元喜係大熱，但佢早兩年同鄭榮之脫離左聯繫，會唔會影响升中派位仲係未知之數，但哩間家長們既意見都較極端，因為學校著重成績，學校有拔尖班，但無補底班，你叻學校會推你出去參加好多比賽，有好多唔同既班比你上。。。但相反你差，學校會建議你轉校。。識得有人細仔可以跟家姐入冼次雲都唔跟，寧願等統一派位。。。最後比佢入左陳元喜，但讀咗一年半。。係二年級下學期轉咗去張煊昌，轉咗後，佢覺得張煊昌仲適合自己小朋友，覺得張煊昌比陳元喜好添。。。

作者: 小曳人 時間: 15-5-10 10:14 標題: 引用：咁白普理會唔會好谷，好多功課？同陳元喜邊

本帖最後由小曳人於 15-5-10 14:19 編輯

原帖由力媽於 15-04-19 發表
咁白普理會唔會好谷，好多功課？同陳元喜邊間好D？

陳大班，重成積，唔駛問都会覚得係多功課嘅学校！以我所知，白的確相對係輕鬆d，不過如果有用家答到你就更好

如果你嘅"好"係愉快学習的話，大熱嗰幾間—定"唔夠好"！但如果你要升中派位"好"，咁頂頭大熱都幾好！

作者: MASAYA 時間: 15-5-11 11:02

白普理上年乙一唔夠位，今年加開一班，理論上機會率大增，但未知結果，當然下年更加唔知，對比沙官聖心陳元喜迦密，"聽聞" 較輕鬆，但升中派位唔差，仲透明度好高，校網睇得晒學生派去邊間中學，其他大熱四間大家都講好多我就唔講喇

歡迎光臨教育王國 (/)