教育王國

標題: 一個怕醜小朋友的媽媽 [打印本頁]

作者: DIKE 時間: 15-4-13 15:18 標題: 一個怕醜小朋友的媽媽

小兒是一個見到陌生人就會好怕醜的人, 在熟悉的人面前就好活潑, 現在2歲多, 剛面試了多間PN班, 差不多全部WAITING LIST (有一間收了, 這間是有錢就會收的) 我心情好差, 因為我知小兒的怕生性格很大部份都是似我, 因為我性格也是這樣, 但我已用盡方法令他盡量大膽些, 例如多去街/郊外玩, 見多些人, 上PG, 去旅行等等~ 雖有改善, 但都是很怕生~

是不是這樣性格的小孩就註定很難考到想入的學校? 我還可以做一些什麼去幫他嗎? 謝謝~

作者: Herobear 時間: 15-4-13 15:50

我阿b係勁怕生保
佢未夠1歲個時人地望佢，佢都會喊
為咗考n
我同佢上playgroup,一星期一次
就嚟interview前6個月，日日揹佢去超市見多d人，同d阿姐傾計
經過特訓後，in個時都一樣係怕羞
不過冇喊，老師問有答，雖然好细聲
入咗間好嘅n

作者: DIKE 時間: 15-4-13 16:26

回覆 Herobear 的帖子

謝謝分享!
我現在給他一星期上2堂PG, 但由於我要工作, 只是奶奶及工人帶他去, 星期六日就一定帶他去玩~

作者: 964000 時間: 15-4-13 17:35

本帖最後由 964000 於 15-4-13 17:38 編輯

DIKE 發表於 15-4-13 15:18
小兒是一個見到陌生人就會好怕醜的人, 在熟悉的人面前就好活潑, 現在2歲多, 剛面試了多間PN班, 差不多全部W ...

首先，你不要怪他或自己，怕醜不錯是性格，只要見多Ｄ人，一定會改善，不過有人快Ｄ，有人慢Ｄ，萬一真係慢，小時interview可能會蝕扺Ｄ，算，第日咪用成績插班入。做agent個Ｄ(no offend)，好多都吾怕醜，做醫生，科學家，好多都怕醜啦，係咪？怕醜咪怕醜，一樣係寶貝。

作者: DIKE 時間: 15-4-14 12:12

回覆 964000 的帖子

多謝你~ 見到你嘅回覆我真係笑中有淚!

我沒有怪責小朋友, 因為我知佢已經盡力面試了~

作者: keep-calm 時間: 15-4-14 12:16 標題: 回覆：一個怕醜小朋友的媽媽

每個小朋友都有其發展步伐，尤其是男孩，家長真的急不來。2歳小朋友的性格氣質很大程度來自先天，家長教養的效果很多時再大點才浮現。只是PN面試，K1可能有驚喜呢？

作者: w.ling 時間: 15-4-15 09:49 標題: 回覆：DIKE 的帖子

試下間唔中轉下其他pg，佢熟習左個環境同人，自然又唔驚。其實我囡都係怕羞，怕多人。家下2歲半，都係咁架。但起碼唔好喊。阿囡in k時，都唔太答，肯答又細聲，鍾意跳舞但又唔敢跳。但有時考學校，真係睇彩數，阿囡都唔係in得好，但都有學校收，我覺得係睇運。所以我覺得，怕羞都好，最緊要唔喊就好好多呢。

作者: DIKE 時間: 15-4-15 11:08

回覆 keep-calm 的帖子

多謝你~ 我老公也是這樣說, K1 再試! (男人總比女人樂觀的)

作者: DIKE 時間: 15-4-15 11:12

回覆 w.ling 的帖子

謝謝你分享~

小兒其實已經有進步了, 他面試沒有喊, 也肯答, 但好細聲~ 他已經上獨立上堂的PG, 完全沒有問題的, 還很喜歡上。我們一起努力~

作者: 貝珠 時間: 15-4-15 19:44 標題: 回覆：一個怕醜小朋友的媽媽

要adjust 自己心態，勉強冇幸福

作者: 964000 時間: 15-4-16 16:57 標題: 引用：回覆+w.ling+的帖子謝謝你分享~小兒其實

原帖由 DIKE 於 15-04-15 發表
回覆 w.ling 的帖子

謝謝你分享~

其實我發現怕醜也有怕醜好。我女兩歲前好怕醜，頭dup dup, 吾出聲，做樹熊，但起碼坐/企定定。但而家見人多了，大膽了，老師叫佢做野，大聲say no, 會跑開當老師無到，自己攞野玩，

而家去interview我仲驚

作者: ensy 時間: 15-4-17 11:20 標題: 回覆：DIKE 的帖子

其實我女20個月之前ok，之後變得勁怕羞，interview連一粒聲都唔肯出，乜都唔做！我最初都好唔開心，明明乜都識乜都快過人，偏偏interview時表現唔到。不過後尾都睇開咗，佢發展過程中有呢個時期，惟有慢慢引導，無得逼。日日出街都無幫助，因為一去到陌生環境就打回原形！我有覺得成個PN interview遊戲對怕羞小朋友唔公平，但無辦法！可幸阿女好彩都有心儀offer！建議你可試一d高質素新校，之後睇情況有冇機會轉校！不過我見有好多新校唔錯，一路讀無問題！

作者: DIKE 時間: 15-4-17 12:26

回覆 ensy 的帖子

係呀, 可能世界本來就係唔公平~~ 謝謝分享!

作者: bbcheung53 時間: 15-4-17 15:54

ensy 發表於 15-4-17 11:20
其實我女20個月之前ok，之後變得勁怕羞，interview連一粒聲都唔肯出，乜都唔做！我最初都好唔開心，明明乜 ...

如果你係學校, 又覺得點先係公平呢? warm up 半個鐘至一個鐘先面試? 一係根據報名次序先到先得?
就係公平, 所以個個報名都有機會面試, 呢個歲數個個都天真可愛, 惟有用測試去分辨能力取錄, 唔係int 父母都已經好好啦

作者: ensy 時間: 15-4-17 17:50 標題: 引用：Quote:ensy+發表於+15-4-17+11:20+其實我女

原帖由 bbcheung53 於 15-04-17 發表
如果你係學校, 又覺得點先係公平呢? warm up 半個鐘至一個鐘先面試? 一係根據報名次序先到先得?
就係公平 ...

問題係，怕羞小朋友的確很難於短時間內表現自己，呢個係事實，要靠有經驗老師先識睇！我小朋友有名幼offer，所以我唔係因為自己係輸家先話怕羞小朋友蝕底。任何考核制度都會對某d人有利，我接受遊戲規則。再講，我覺得in父母都唔係唔公平。小朋友最受父母影響，而且越來越多學校重視家校合作，in父母好make sense。

作者: lambeanmama 時間: 15-4-17 19:58 標題: 回覆：一個怕醜小朋友的媽媽

我仔係12月細仔仲要超怕醜個種。但老實講，本性如此，且爸爸都係內向人，都唔會迫佢太多，也迫不到。我們日日俾佢落街玩兩個鐘，一星期上兩日playgroup。宜家十六個月大，起碼唔會爆喊，肯同小朋友玩及交流，但大人就麻麻地，要佢開聲有難度。作為父母，睇到有進步是最緊要的。仍在不斷鼓勵中。

作者: italiano 時間: 15-4-20 11:50

我個女同樓主個仔一樣, 好醒但怕醜
而我自己都屬係怕醜
今年考N又係全部一線學校都唔收, 二線就全部收
理性上我知道慢熱的人有其他好處, 例如觀察力強, 關心別人
但我又唔甘心, 因為考幼稚園一定蝕底
我暫時打算N班放佢響國際學校, 跟下鬼老師 (雖然鬼同學就唔多)
睇下有無幫助

作者: italiano 時間: 15-4-20 11:54

我覺得咁樣interview對怕醜小朋友係蝕底, 但唔係唔公平
其實唔單單係小朋友, 響大人的世界一樣係怕醜蝕底, 吹得就會贏
我自己都身受其害, 見到個女似我都惟有無奈

作者: CandyWongwwy 時間: 15-4-20 20:33

提示: 作者被禁止或刪除內容自動屏蔽

作者: ivybaby115 時間: 15-4-23 20:27 標題: 回覆：CandyWongwwy 的帖子

我個仔兩歲，也是非常怕醜，幸好有pn offer,但都想train 下佢，預備年底k1 interview! 我好想知應該點train，上interview 班、學前預備班或每天帶他落樓下坐下（我是working mum)。有冇人有經驗可分享？

作者: hedhed 時間: 15-4-25 00:03 標題: 引用：小兒是一個見到陌生人就會好怕醜的人,+在熟

原帖由 DIKE 於 15-04-13 發表
小兒是一個見到陌生人就會好怕醜的人, 在熟悉的人面前就好活潑, 現在2歲多, 剛面試了多間PN班, 差不多全部W ...

有錢就收唔代表咩乜，換個方向諗，佢係有教無類，唔代表課程唔好，小b返幾個月pn就要再戰k1了。返過pn樣樣都有改善同成長，到時好多好嘅k都會收。

作者: DIKE 時間: 15-4-25 18:53 標題: 回覆：hedhed 的帖子

我都希望係咁，謝謝~

作者: jenjenny 時間: 15-5-21 19:17 標題: 引用：小兒是一個見到陌生人就會好怕醜的人,+在熟

原帖由 DIKE 於 15-04-13 發表
小兒是一個見到陌生人就會好怕醜的人, 在熟悉的人面前就好活潑, 現在2歲多, 剛面試了多間PN班, 差不多全部W ...

你仲有k1可以考嘛。二歲時我女都超怕醜，講野好似蚊甘細聲，佢考k1都有5個offer,包括三間龍校，聖公會及聖大。你在家多些同佢玩interview遊戲，要練答完整句子，例如老師問佢乜名佢要答我係XXX, 問幾多歲要答到我今年兩歲少這些分一定要拿。老師早晨/午安/拜拜/多謝盡量要主動講，唔主動講亦要媽媽提完立即講。我們小朋友唔够presentable，呢啲分唔可以失。另外，面試除考答問題，亦有部份環節係做task的，你可平日係這方面多下功夫，要做到好好，盡量拿分，好好把握機會令老師留下印象。平日可教小朋友深少少的概念，例如一般小朋友考pn都未識顏色，我女已認識紅至紫，甘我就揾機會問佢，老師當常都buy。不過考k1就唔可以自己問，等小朋友自己發揮。設記考k1家長盡量少參與，最好完全唔出聲。講到家長表現，我們的表現不容忽視，一般都佔一半分數，衣著大方，談吐得宜，盡量唔好參與，基本上除禮貌方面我會提其他的什麼都唔會提，幾緊張都唔會出聲。所以唔好氣餒，面試家長佔50%，自己做到80/90分，小朋友的50%你的付出和努力亦佔兩/三成，這個要做100分。你可把握的其實有七成，我當時亦是抱着這信念努力

作者: jenjenny 時間: 15-5-21 19:23 標題: 引用：Quote:原帖由+DIKE+於+15-04-13+發表小兒是

原帖由 hedhed 於 15-04-25 發表
有錢就收唔代表咩乜，換個方向諗，佢係有教無類，唔代表課程唔好，小b返幾個月pn就要再戰k1了。返過pn樣樣 ...

還有一點相當重要的是親子關係，你同小朋友親子關係好，小朋友對你完全信任老師是看到的，這分數會加在家長的50%裏

作者: chuboforum 時間: 15-5-24 15:26

964000 發表於 15-4-16 16:57
其實我發現怕醜也有怕醜好。我女兩歲前好怕醜，頭dup dup, 吾出聲，做樹熊，但起碼坐/企定定。但而家見人多 ...

我諗要去間好D的playgroup，老師係會教manner同self control的，然後回家你再同佢溫習就改善到。

作者: DIKE 時間: 15-5-25 00:31 標題: 回覆：jenjenny 的帖子

明白，多謝分享~~

歡迎光臨教育王國 (/)