教育王國

標題: 請賜教，可能讀唔返精英班 [打印本頁]

作者: tontonma 時間: 15-4-12 17:38 標題: 請賜教，可能讀唔返精英班

阿仔今年中一，在一間band 2學校讀英文班，但因為祇得一班，所以要全級頭三十名下年先可以升返英文班。但阿仔好似唔係太適應中學的出卷模式。因為他是一個不變通的人。所以很多細科的思考題佢就死得。今次上學期，是考五十，但他的英文數卻是全級頭幾名。首先我都唔知點幫佢，但老師又叫我唔好幫佢，訓練自學。但如果入唔返，佢又要從新學中文數。我很擔心，我們計劃讀完中二往外地升學，如果他學中文數就怕他不適應將來的英文數。第二，你們是否認為与其往外地升學。不如有佢開心過埋依二年，入唔入到英文班都不是問題？因為都會為讀書関係較緊張。請賜教。

作者: YDLFATHER 時間: 15-4-12 18:23

讀好英文係關鍵

作者: Yanamami 時間: 15-4-12 19:54

楼上講得啱，加操英文準備出國好过，数学轉英文学習应唔会太难｡如果仔已盡力，唔好為入唔入到精英班而伤感情啦。反正会出國，英文掂，其他就易話為｡学习态度先係最重要｡

作者: 黃巴士 時間: 15-4-12 20:02

同意!先讀好英文。數學書是否英文，但上堂是中文教?

作者: tontonma 時間: 15-4-12 22:58

回覆黃巴士的帖子

不是，都是中文書，中文教。多謝大家的分享和意見。有時見佢讀極，分數都唔係咁高，我自己都有挫敗感

作者: HIN2003 時間: 15-4-12 23:37

試吓轉直資，多數直資都係英中，反正都係讀一年，選間校風好的直資，好過讀中文班。

作者: Yanamami 時間: 15-4-13 07:53

tontonma 發表於 15-4-12 22:58
回覆黃巴士的帖子

不是，都是中文書，中文教。多謝大家的分享和意見。有時見佢讀極，分數都唔係咁高，我 ...

孩子係自己生出黎，有幾聰明有幾大能力，只要佢係有盡力，就只好接受佢就係佢｡讀極都係禁可能未摸清讀書方法、答題技巧？我覚得只要佢学习态度好，就唔好睇分数禁重，反正要出國，又係另一片天｡好多係HK讀得好掙扎既，出國後反而有出头｡青春期睇紧品德操行比成績更重要呢~好多男仔到F3先開竅，你仔应已好生性啦~

作者: TwinWong 時間: 15-4-13 08:48

唔好太強迫佢一定要入精英班, 小學時係中文数學,
小五开始的行常補習, 會要求老師比英文數子女做,
令佢中/英文数都掌握到, 考試至操返中文数

作者: 黃巴士 時間: 15-4-13 12:12

本帖最後由黃巴士於 15-4-13 12:12 編輯

一般出國, 都會要求學生REPEAT一年以适應當地課程.  我諗樓主不要太憂心學業方面, 只要他"想"讀, 相信問題不大.  始終孩子年紀少, 來日方長.
如樓上其他家長說, 最要留意是在外孩子青春期的品德多於學業.  畢竟外國生的誘惑都不少.
現在, 可以做的, (愚見) 不妨在暑假找一些英文數學班或英文班, 多吸收數學英文生字.  輕鬆些令他過渡依段時間, 可能有額外驚喜.

作者: tontonma 時間: 15-4-14 10:45

你們講得好啱，我都等緊佢開竅，學習態度最緊要。我對佢讀返英文班信心不大，如果真係唔得，就在出邊補下英文數，直至佢出國，多謝各位寶貴意見

作者: 王家爸爸 時間: 15-4-14 11:25

tontonma 發表於 15-4-12 17:38
阿仔今年中一，在一間band 2學校讀英文班，但因為祇得一班，所以要全級頭三十名下年先可以升返英文班。但阿 ...

首先，小朋友英文好唔好？
如果英文唔好，入到英文班唔一定係好事。

作者: tontonma 時間: 15-4-14 11:41

回覆王家爸爸的帖子

他英文都可以，其實他學校的英文班，祇是數學和science 用英文書，英文教而已

作者: 王家爸爸 時間: 15-4-14 15:47

tontonma 發表於 15-4-14 11:41
回覆王家爸爸的帖子

他英文都可以，其實他學校的英文班，祇是數學和science 用英文書，英文教而已 ...

有一點你需要考慮，雖然與同校學生比較算係英文都可以，但係幾年之後（DSE時），係需要同Band 1學校既同學比。駕馭英文既能力是否可以同Band 1學校既同學比？如果有信心，當然需要盡力爭取讀英文班。如果唔係，讀中文班可能仲好。

作者: Yanamami 時間: 15-4-14 15:55

王家爸爸發表於 15-4-14 15:47
有一點你需要考慮，雖然與同校學生比較算係英文都可以，但係幾年之後（DSE時），係需要同Band 1學校既同學 ...

讀完中二都出国了，唔需要同hk band1生比拼~

作者: PMAN0917 時間: 15-4-14 16:06

回覆 tontonma 的帖子

去年就是害怕英文班, 中文班, 所以放棄香島轉投唐中

作者: brother4 時間: 15-4-14 20:15 標題: 回覆：請賜教，可能讀唔返精英班

朋友一様想如邊到跌底，就邊到起番身，中-跌出精英班，中二中三是中數，中四入番英文班，俾個機會孩子=給孩子將來逆境能克服

歡迎光臨教育王國 (/)