教育王國

標題: 中大水中月　靠工友落水拉船 [打印本頁]

作者: elbar 時間: 15-4-11 14:31 標題: 中大水中月　靠工友落水拉船

中文大學「博群花節」活動喺未圓湖裝置水中月「月船」。有教授噚日反駁呢隻月船係剽竊嘅講法，透露原來呢隻月船係工友好辛苦親身落水拉到湖中心，先可以喺黑暗中「發光發亮」。

【明報專訊】中文大學「博群花節」中未圓湖嘅水中月「月船」，早前畀網上博客質疑造型同俄羅斯藝術家Leonid Tishkov一系列叫Private Moon 嘅藝術品相似，主辦方本來已經喺網上回應，表明從未參考過呢系列作品，但呢件事原來仲有漣漪，有參與教授為設計者抱不平，原來「月船」喺未圓湖再現，經歷唔少思考同努力，有中大工友仲親自落水，將「月船」帶去臭臭嘅未圓湖中心，中大多一分浪漫，都靠佢哋一份心意。

有份參與佈置嘅中大新聞與傳播學院副教授朱順慈話，見到團隊被批評都覺得好難過，因為佢從頭到尾都有參與，知道水中月嘅概念完全係因應花節主題同校園環境發展。佢提到，幫手設計嘅同學都有啲唔開心，「箇中委屈同傷害，不言而喻」。

朱教授仲講咗段小插曲，原來設計者原本諗住將月亮背向獅子亭，最終工友覺得月亮應該面向獅子亭，設計者都唔再堅持，因為覺得落水「搏」嘅人係工友。佢希望，如果參觀者覺得水中月風景唔錯，就唔好忘記當中默默付出嘅人。發亮」。

作者: goodenough 時間: 15-4-12 02:41

水月輕舟並不是甚麼新鮮事，而且更是古人的至愛，每每將兩者相連一起。「輕舟划破壺中月」，「輕舟難載月，那與故人同」，或用作描寫景緻，或刻畫情懷。

如果係因應花節的主題，不如用紅樓夢中的水中月，鏡中花還好。反正任何意見不符基本法和人大8.31方案的，跟據梁振英的講話，都是鏡花水月，這個又可切題，又可提醒大家醒啦，還符合當前形勢！

作者: 20120808 時間: 15-4-12 12:46

紫荊夢

彎彎月兒原是缺
缺月還可向誰圓
荊花命薄儂自夢
他朝艷陽使斷腸

歡迎光臨教育王國 (/)