教育王國

標題: 資優兒童的教育 [打印本頁]

作者: handh 時間: 15-4-9 16:58 標題: 資優兒童的教育

本帖最後由 handh 於 15-4-9 17:04 編輯

最近見大家討論資優小朋友讀書的安排，有點好奇。似乎不同家長會有不同做法。

我認識一位資優小朋友，小一考入出名教得深的名私小，小朋友輕鬆應付，名列前茅，小二插班名津，由於課程不深，更加輕鬆。小朋友情緒無大問題，與同班同學相處甚愉快，上課很守規，是老師眼中品學兼優的學生。

雖然課程淺，但小朋友的父母沒要求跳班。小朋友初時覺得悶，後來適應了，明白不能要求環境遷就自己，於是學懂在課堂中欣賞老師的教法，學習如何指導其他小朋友，亦有所得益。

由於學校功課考測能輕鬆應付，小朋友有大量時間自行閱讀，中文英文，科學歷史，全都很有興趣，亦靠此增長知識。
小朋友沒有參加其他學術深造課程，以免日後在學校上課距離太大。課外活動不太多，有音樂有運動，但沒有特別催谷。很多時間是親子遊玩，或自己創作和閱讀。

大家覺得這種方式，會浪費小朋友的資優潛質嗎？（因為以該小朋友的能力，其實可以讀高兩級也能應付的。）

作者: YanKanMom 時間: 15-4-9 17:11

回覆 handh 的帖子

如果小朋友上學能自得其樂, 不會因課程淺而鬧情緒, 能將上學與自學分清並樂在其中, 真是最好不過!

作者: MASAYA 時間: 15-4-9 17:29

唔覺浪費，除非小朋友自己要求學深學快

而且小學範圍遲早都學，點解要提早學？不如嘗試多d學校唔會教既野，眼光擴闊d仲好，如果唔好好享受有限既童年先叫浪費

作者: S-Kwok 時間: 15-4-10 09:22 標題: 引用：唔覺浪費，除非小朋友自己要求學深學快而且

原帖由 MASAYA 於 15-04-09 發表
唔覺浪費，除非小朋友自己要求學深學快

而且小學範圍遲早都學，點解要提早學？不如嘗試多d學校唔會教既野 ...

作者: wan_sosin 時間: 15-4-10 09:49 標題: 回覆：資優兒童的教育

很多時間是親子遊玩，創作，閱讀……很好啊！

小朋友能在playground自由自在跑跑跳跳有幾多年？學習可以終生，今日早人一步學又如何？十年，廿年後，其他人都有能力同一個步伐！
只要小朋友活得開心就好，難得能夠適應，有才能人又正面，還要期望更多嗎？

作者: 傻太 時間: 15-4-10 10:46 標題: 引用：+本帖最後由+handh+於+15-4-9+17:04+編輯+\

本帖最後由傻太於 15-4-10 11:26 編輯

原帖由 handh 於 15-04-09 發表
本帖最後由 handh 於 15-4-9 17:04 編輯

最近見大家討論資優小朋友讀書的安排，有點好奇。似乎不同家長 ...

小朋友上課情緒穩定，樂於和同齡同儕相處建立友誼，享受及好好利用剩餘時間，我覺得是健康成長的一部分。。。在我眼中，比起那些十二、三歲就入大學的，人生應該更完整

作者: Jane1983 時間: 15-4-10 11:40

日日返學都學d識晒既野，係有點浪費時間。但跳级幾影響小朋友社交發展，有d保留。

作者: handh 時間: 15-4-10 13:32

多謝大家回覆。

看來這裡的家長都是贊成小朋友輕鬆快樂成長多些。

作者: karbb1217 時間: 15-4-10 23:35 標題: 回覆：資優兒童的教育

我一直都主張開心返學為大前題，佢讀得開心，自然就會自動攞書去溫習，亦都會同同學打成一片。我小朋友，考試默書測驗前先會攞本書睇一睇，平時我都係做完功課再做少少補充，溫下書就去玩，都只係一至個半小時內完成既事。佢好enjoy返學！

我有個朋友佢小朋友派得唔好，但佢係考小學前係咁考名私同名直資，但無一間收，佢成日話佢小朋友志不在佢而家呢間垃圾學校，成日都怨天怨地。其實，小朋友都好大壓力。

作者: baby0903 時間: 15-4-11 00:18

"懂在課堂中欣賞老師的教法，學習如何指導其他小朋友"
難得

"沒有特別催谷。很多時間是親子遊玩，或自己創作和閱讀"
仲難得

作者: boyboy2006 時間: 15-4-12 01:29 標題: 引用：+本帖最後由+傻太+於+15-4-10+11:26+編輯+\

原帖由傻太於 15-04-10 發表
本帖最後由傻太於 15-4-10 11:26 編輯

作者: qwop 時間: 15-5-2 16:05 標題: 引用：+本帖最後由+handh+於+15-4-9+17:04+編輯+\

原帖由 handh 於 15-04-09 發表
本帖最後由 handh 於 15-4-9 17:04 編輯

最近見大家討論資優小朋友讀書的安排，有點好奇。似乎不同家長 ...

其實每個階段都唔同,我仔剛踏入12歳,話加入醫療輔助隊,我地梗支持佢,佢真係實行左,我問咁你好中意嘅hkage 課程點呀,佢話自己會因住時間黎安排,都唔使擔心,大左,佢地都知自己條路點行。

作者: olivia601 時間: 15-5-2 16:48

我個小朋友依家讀k1，但係我見佢成日返學都唔開心，又唔肯同小朋友玩，同醫生講，醫生建議我跳級，但係我覺得佢太細粒，我驚佢比人蝦，所以我反而同佢轉咗間英文學校，佢依家個人又開朗咗，肯同其他小朋友玩，返學返到唔願走，見到佢咁開心，我都好開心，查實只要揾到啱佢嘅學校，又洗乜跳級呢！

作者: gingerm 時間: 15-5-3 00:26 標題: 回覆：olivia601 的帖子

我又係考慮左好耐，決定俾小朋友返活動教學既幼稚園，希望返得 happy

我總覺得外國人會比較接受呢類小朋友

作者: olivia601 時間: 15-5-3 01:31

回覆 gingerm 的帖子

我個仔本來讀緊本地課程嘅幼稚園，但係轉咗之後，直頭喺2個人，每日都見佢好開心，社交都好咗好多。

作者: qwop 時間: 15-5-4 10:14

本帖最後由 qwop 於 15-5-4 10:17 編輯

olivia601 發表於 15-5-2 16:48
我個小朋友依家讀k1，但係我見佢成日返學都唔開心，又唔肯同小朋友玩，同醫生講，醫生建議我跳級，但係我覺 ...

其實英文對我仔黎講，佢話好易，26個字母only,佢捨難取易去閱讀，變左個番書仔，到小五先好好多，而家同佢講出師表，辛棄疾準備升中，中文，先係難架，英文對佢地黎講好容易。

作者: olivia601 時間: 15-5-4 16:07

回覆 qwop 的帖子

係味所以資優嘅小朋友都鍾意英文呢？

作者: qwop 時間: 15-5-4 19:49 標題: 引用：回覆+qwop+的帖子係味所以資優嘅小朋友都

原帖由 olivia601 於 15-05-04 發表
回覆 qwop 的帖子

係味所以資優嘅小朋友都鍾意英文呢？

應該咩類都有。我覺得我仔普普通通小朋友一個,而家年代小朋友一都好叻醒,如果要我講我覺得仔特别嘅地方,就係佢異常堅毅,無論咩挫敗,佢都可以好快重新起步,仲正面過我,同埋佢從來無講過任何人壞話。

作者: olivia601 時間: 15-5-4 20:56

回覆 qwop 的帖子

咁樣已經好難得嘞

作者: S-Kwok 時間: 15-5-6 11:54 標題: 引用：Quote:原帖由+olivia601+於+15-05-04+發表

原帖由 qwop 於 15-05-04 發表
應該咩類都有。我覺得我仔普普通通小朋友一個,而家年代小朋友一都好叻醒,如果要我講我覺得仔特别嘅地方,就 ...

我仔都係咁，只要有目標，佢嗰種堅持著實令我做媽媽嘅都甘拜下風

作者: dse2017 時間: 15-6-3 14:27

提示: 作者被禁止或刪除內容自動屏蔽

作者: dse2017 時間: 15-6-3 14:35

提示: 作者被禁止或刪除內容自動屏蔽

作者: HappyMatt 時間: 15-6-4 05:50

回覆 gingerm 的帖子

Yes ah .... 國人會比較接受呢類小朋友. My son's school will give test to all the kids in 2nd grade (free tuition public school in California). From 3rd grade, the school will group the gifted and talented kids together to take care of their needs.

歡迎光臨教育王國 (/)