教育王國

標題: 請指教：兩歲小朋友的伴讀問題 [打印本頁]

作者: maylulu 時間: 15-4-9 00:04 標題: 請指教：兩歲小朋友的伴讀問題

請各位有經驗的爸爸媽媽指點迷津：

我個小朋友宜家快兩歲半，從一歲開始伴讀中英文圖書，尚談不上愛上“閱讀”，但都算中意看下書，可以乖乖地聽我地伴讀一個鍾甚至更長時間，尤其係睡前。目前已伴讀過百本。佢從兩歲起開始時常要求聽新故事，即係以前的書都不再看，新書讀幾次就厭，隔幾日就要求“新故事”。但我知道舊書其實佢都未消化啦，尤其係英文書。聽講閱讀應貴精不貴多，但夾硬講舊書佢又不中意, 會扭計。咁我應該點做較好呢？
請不吝賜教！多謝！

作者: Herobear 時間: 15-4-9 09:27

其實咁细個睇1個鐘對於佢嚟講係好長
佢會好累
d書睇幾次就厭，係咪本書悶？
我阿b一本書會睇好多次，佢鐘意嘅話，唔鐘意嘅就會睇都唔睇
你可以買唔同類型嘅，慢慢會知佢鐘意邊類
要培養成'習慣，係要令件事變得有趣，好玩

作者: maylulu 時間: 15-4-9 13:32 標題: 回覆：Herobear 的帖子

多謝回復！看來有地書可能佢真的不中意或對於佢來講太難啩！我冇逼佢伴讀一個鍾，係佢自己一直停落去，有時都講得我口乾舌燥。
想請問一個星期兩本新書會不會頻率太高？

作者: Olympian 時間: 15-4-9 15:47 標題: 回覆：maylulu 的帖子

小朋友是在看書，聽故事，又不是讀書，我覺得冇需要完全明白一每一本書才讀下一本。我個女三歲，一日分分鐘睇5，6本書。有新書，也有有舊書，佢自己在書櫃選。有些書他會重覆看4，5天，有些舊書會一個月後再拿來看不定。

不過，若有部分書你真的希望他學會，如認讀中英文字。可分開時間來讀。讀那部分書時，要讓他知道是學習。另一段時間才是輕鬆的親子伴讀。

我自問冇能力令我個3歲女聽我話學野，讀書認字都是交由老師處理。

作者: maylulu 時間: 15-4-10 13:19 標題: 回覆：Olympian 的帖子

我個小朋友宜家都係自己選書，所以總要求新書。看來我應該檢討下買的書是否唔安佢口味。

作者: yannietimb 時間: 15-4-10 23:18 標題: 回覆：請指教：兩歲小朋友的伴讀問題

如果他不停要求新書，在圖書館借書會更好，不怕浪費，小朋友好鐘意才決定買，不用搞到一屋書，但又好似唔鐘意睇！我仔同你小朋友差不多大，細個時想佢睇新書好難，但大左現在所有圖書館借回來的書都願意全部看一次，但只有他喜歡的才會看完再看，可能十本裡只有三本特別喜歡，其他好免強才看多一次半次！要學習，靠果三本睇好多次，我已覺得很足夠，最重要佢喜歡，對於我，他能養成看書興趣和習慣才最重要！

作者: Herobear 時間: 15-4-11 12:15

其實佢要求睇新書係好事
而且呢一刻唔鐘意唔等於大d唔鐘意
我冇計佢睇幾多本書1日
我希望佢養成習慣同喜愛閱讀
佢每日自己會欏嚟睇，我嘅目標已達
書我係冇限量供應
自己揀過先比佢睇

作者: maylulu 時間: 15-4-11 15:39 標題: 回覆：請指教：兩歲小朋友的伴讀問題

係呀，我以前都有去圖書舘借書俾佢看的，但圖書舘不近屋企，我又冇時間去慢慢選。時常買新書真係好貴。英文書就淘寶買划算好多，但中文書就得從誠品或者台灣買，唔平哦！

作者: RockMusicLover 時間: 15-4-16 11:23 標題: 回覆：maylulu 的帖子

佢地見到新書會好高興搶住睇其實好正常，有求知慾嘛，但要慢慢幫佢做到既能多讀也能精讀。佢係咪本本書都好快flip完要你轉? 有無一兩本係佢特別鍾意?

你係咪用繪本講故事佢聽? 佢成日轉或好快睇完，可能佢根本唔get到本書有趣既地方，可能係講既時候無咁生鬼，或有趣既地方佢未明白。

如果係前者，建議你由圖象豐富既圖書講起，你講之前係要自己睇一兩次先，搵再有趣既地方就同佢重點講。要多問答，佢唔答你代佢答，問答要精簡清晰。

兩歲小朋友以圖畫為主，聲音為副，慢慢開始認字。我由小朋友歲半開始用繪本伴讀，我會揀一d書係畫面好豐富，可一頁講好耐，可唔同方法去講，邊講邊問，而家我仔兩歲多，佢最鍾意睇100層樓的故事，每層樓佢都spot到特別既地方，初初我講佢知，邊講邊問，而家係佢問我 "蛇無腳既? 蛇嚮度做咩呀? 有幾多隻老鼠呀?" 要我答。

我暫時同佢睇書係完全無理到d字住，但書名和標題會一邊指一邊讀，重覆幾次，等佢知道書係有名有作者，有字，字係有意思. 希望小小心得幫到你。

作者: muimuib 時間: 15-4-16 11:51

提示: 作者被禁止或刪除內容自動屏蔽

作者: maylulu 時間: 15-4-16 22:33 標題: 回覆：RockMusicLover 的帖子

真係好詳細的指點，多謝你同其他媽咪的幫忙。我會反思下自己伴讀的方法，花多地心思！

歡迎光臨教育王國 (/)