教育王國

標題: 有沒有用家可以分享下，仔女讀得如何？ [打印本頁]

作者: pinkkwan 時間: 15-4-1 16:17 標題: 有沒有用家可以分享下，仔女讀得如何？

好希望可以知多啲碧濤校嘅情況，最擔心經常聽到老師換得好密？可否分享下。感激

作者: isaacma2012 時間: 15-4-1 19:09

本帖最後由 isaacma2012 於 15-4-2 08:24 編輯

年輕嘅英文老師, 今年大約換咗兩三位, 但每次有老師離職, 學校都會搵其他老師/主任代課, 直到新老師上任, 代課嗰位老師/主任唔會即刻走, 會等小朋友同新老師適應咗先返回原崗位。
個人意見, 宜家啲後生而英文好嘅人, 見邊到人工就高會跳槽, 學校都好難控制

除非再加多啲人工, 流失問題可能會減少啲, 但學費又會貴好多......
這間學校, 唔收生日會費、茶點費, 學費已經包晒, 所以算抵讀。

我小朋友讀中文PN班, 兩位中文班主任同外籍英文老師都好有愛心, 尤其係中文班主任, 小朋友初時返學喊住唔肯入學校, 會同我傾點樣處理會好啲。老師好願意同家長溝通, 分享佢嘅經驗俾我哋這班新手媽媽。小朋友返學後自理能力提升咗好多。

英文方面, 雖然我小朋友入學前我無同佢講英文, 但唔夠三個月已經識由ONE數到TWENTY(第一個月其實係適應期, 無乜點教書)。

所有教職員都記得我小朋友叫咩名, 我小朋友見到任何一位教職員都好開心咁打招。

作者: isaacma2012 時間: 15-4-1 19:15

學校其實有請多幾位助教, 有時某位老師唔舒服請病假, 助教會幫手代課。
小朋友好早已經同所有助教熟晒, 高年班嘅老師, 我小朋友都識晒(反而我唔知邊個打邊個), 所以有需要搵其他老師嚟代課時, 小朋友無適應問題。

作者: pinkkwan 時間: 15-4-1 22:35 標題: 回覆：isaacma2012 的帖子

Thx for your information

作者: kambobo2003 時間: 15-4-10 22:39 標題: 引用：+本帖最後由+isaacma2012+於+15-4-2+08:24+

原帖由 isaacma2012 於 15-04-01 發表
本帖最後由 isaacma2012 於 15-4-2 08:24 編輯

年輕嘅英文老師, 今年大約換咗兩三位, 但每次有老師離職, ...

學校係有收茶點費用

作者: assado 時間: 15-4-12 17:56 標題: 引用：好希望可以知多啲碧濤校嘅情況，最擔心經常

原帖由 pinkkwan 於 15-04-01 發表
好希望可以知多啲碧濤校嘅情況，最擔心經常聽到老師換得好密？可否分享下。感激

...

我吾覺成日換老師，起碼我小朋友果班冇先。

作者: LIEBESTRAUME 時間: 15-5-17 19:15 標題: 回覆：pinkkwan 的帖子

我仔嗰班冇轉過老師。言談間感覺到老師好用心去了解小朋友,有時會講到阿仔嘅特性,俾實質意見我。不是一咪讚賞來取悅家長,有要求,實事求是。一班20幾人,有3個老師,師生比例好好。

PN班11月起,學校逢星期五講故事,家長平日要伴讀。星期五老師會寫返小朋友嘅表現俾家長睇。我仔起初唔係講得太好,現在已經好鍾意,又會自動自覺話要睇書。又會扮老師講嘢。感覺到阿仔讀得好開心。

作者: e82020820 時間: 15-5-19 14:04 標題: 回覆：有沒有用家可以分享下，仔女讀得如何？

提示: 作者被禁止或刪除內容自動屏蔽

歡迎光臨教育王國 (/)