教育王國

標題: 協康會評估. 價錢有$5800及$1000的分別 [打印本頁]

作者: Cpscherrys 時間: 15-3-31 23:04 標題: 協康會評估. 價錢有$5800及$1000的分別

我囝今年2歲. 上星期去完CAC見姑娘. 姑娘話要排期等評估大約9個月以上. 所以想揾協康會做評估. 旦系上網見到有兩種. 兒童綜合能力初步測試服務--$1000。另一種系心理服務--$5800。想問下有冇jm知道兩種分別或者有冇已經去過做評估. 感謝

作者: DollyCC 時間: 15-4-1 15:01 標題: 回覆：Cpscherrys 的帖子

我是比5800做評估，心理學家做，計分有報告

作者: isis89 時間: 15-4-1 15:12

初步測試服務應該係佢d導師同小朋友睇，睇下佢哪一方面有待改進。
而5800果個係心理學家同你小朋友分析，有詳細報告，可排政府服務

作者: bobbob 時間: 15-4-1 15:58

Cpscherrys 發表於 15-3-31 23:04
我囝今年2歲. 上星期去完CAC見姑娘. 姑娘話要排期等評估大約9個月以上. 所以想揾協康會做評估. 旦系上網見 ...

初步評估係資深幼兒導師做大概個零鐘，最主要好general咁睇返小朋友唔同範疇嘅能力去到邊，從而suggest要做邊類訓練去加強，通常有少少懷疑可以試試。如果想排政府服務要正式搵心理學家做，佢哋有套正統嘅tools去評估，通常唔止做1日，因為小朋友唔多合作，佢哋心情唔同會好影響結果，完成後如有需要可以立即攞份報吿去搵社工排政府服務。

作者: checkylam 時間: 15-4-1 16:41

想問吓係咪看$5,800, 呢個, 就可以看到小朋友有冇感統問題, 有冇專注力問題, 有冇ADHD, 有冇亞氏保加等, 佢哋用的評估係咪全行都統一的呢?

作者: Cpscherrys 時間: 15-4-1 22:17 標題: 回覆：協康會評估. 價錢有$5800及$1000的分別

謝謝大家🙇

作者: xenafan 時間: 15-4-1 22:22 標題: 回覆：Cpscherrys 的帖子

我今年1月晌協康會做完assessment. 我是在上年10月入表申請, 12月有協康姑娘聯絡我有位可以做assessment。姑娘晌電話度話會先見心理學家, 約用1小時與家長傾下小朋友問題, 當日也會觀察小朋友舉動, 如果心理學家認為小朋友冇問題而家長又同意不需要進一步評估, 咁就收1千。如果雙方都認為有必要進一步評估, 咁就收5800。
我個女就要進一步評估, 再去中心兩三次做IQ test(因為一次小朋友比較難完成), 同埋做自閉症測試, 第四次去攞報告同時會俾意見你需要邊方面嘅支援。
我都有提及懷疑阿女有感统及大小肌問題, 佢就話個d需要另外排職業治療師做評估。希望答到你嘅問題。

作者: Cpscherrys 時間: 15-4-1 22:42 標題: 回覆：xenafan 的帖子

原來系咁. 謝謝

作者: jojolauka 時間: 15-4-2 09:42

回覆 xenafan 的帖子

請問$5800 是包了幾次的TEST 定是只包第一次 ?

作者: DollyCC 時間: 15-4-2 11:01 標題: 回覆：jojolauka 的帖子

我係一次攪惦收$5800,我估睇小朋友含唔合作

作者: xenafan 時間: 15-4-2 12:22 標題: 回覆：jojolauka 的帖子

包晒几次嘅tests. 5800包做到有assessment result同result consultation.

作者: xenafan 時間: 15-4-2 12:27 標題: 回覆：xenafan 的帖子

去几多次絕對係睇小朋友是否能一次完成。比較細嘅小朋友佢地建議分几次做, 因為越細專注力越低。又或者小朋友眼瞓發脾氣等都會影響結果, 所以要當日睇情況決定去几多次

作者: PurinBB 時間: 15-5-1 10:58

請問你們小朋友睇協康之前有沒有在外面評估過啊？
我小朋友係容鳳書健康中心做了評估專注力較弱，但要等政府排期到2016年先可以去睇，我諗緊是否去協康再評估多次好些，然後可以快些得到適當的治療可以幫到佢，因為等政府實在太久。Thx.

歡迎光臨教育王國 (/)