教育王國

標題: 弱校/神校的band1學生比較 [打印本頁]
作者: BennkiChu    時間: 15-3-30 21:57     標題: 弱校/神校的band1學生比較

本人囝囝在屋邨小學就讀(網上資料屬於弱校)， 全級考top 10 - 15內 (全校110人)， 今年升中， 學校老師話屬band1b， 上網才知道都有分強校同弱校的band1學生，  本人想大家比下意見， 如果報band1中學又派到， 會否讀得比其他強校的band1c辛苦， 或差到連神校的band2a都不如，  望有這方面資料嘅家長幫忙解答。以決定大抽獎如何選校。
作者: BennkiChu    時間: 15-3-30 21:59

我想好多家長都可能有這方面的問題擔心， 大家討論下。
作者: lucia6119    時間: 15-3-30 22:11

首先 是神校的小學 多是英小  , 弱校的多是中文 , 去到 BAND 1 中學 多是英中 , 所以神校的學生 不用適應期 , 但弱校的 要面對 這改變 , 那麼便要看學生的意志 , 取勝心 , 努力一段時間自可進上 , 否則 自暴自棄的 便被慢慢拋離
作者: BennkiChu    時間: 15-3-30 22:30

我囝囝中英都係A以上成績，有9x分以上，  我想知神校係英小， 5係只英文科教英文咩， 是否還有其他科用英文教， 如果跟其他普通小學教內容冇分別， 甘我也不太擔心囝囝嘅話文能力， 求了解下英小比其他校強的原因。
作者: fionakong2008    時間: 15-3-30 22:32     標題: 引用：我囝囝中英都係A以上成績，有9x分以上，++

原帖由 BennkiChu 於 15-03-30 發表
我囝囝中英都係A以上成績，有9x分以上，  我想知神校係英小， 5係只英文科教英文咩， 是否還有其他科用英文 ...
英數、英常



作者: BennkiChu    時間: 15-3-30 22:35

fionakong2008 發表於 15-3-30 22:32
英數、英常
5怪得比其他學校強， 明白了， 謝
作者: bb560    時間: 15-3-30 22:35     標題: 引用：我囝囝中英都係A以上成績，有9x分以上，++

原帖由 BennkiChu 於 15-03-30 發表
我囝囝中英都係A以上成績，有9x分以上，  我想知神校係英小， 5係只英文科教英文咩， 是否還有其他科用英文 ...
有D小學用英文學科學，或學英國文學



作者: mcl203    時間: 15-3-30 22:41

(可能係部份英小)....除左中文/宗教...全用英文~~~
作者: BennkiChu    時間: 15-3-30 22:58

mcl203 發表於 15-3-30 22:41
(可能係部份英小)....除左中文/宗教...全用英文~~~
呢D神校真係要家長放很多心力財力先讀得起， 真係救命。
作者: wbmom    時間: 15-3-30 23:21

你又不用太悲觀，我仔也是中小，中學入了神校，好快便適應了，但要有心理準備，就算在中小英文好top，入到神校即變凡人。
作者: silvia_ng    時間: 15-3-30 23:38     標題: 回覆：弱校/神校的band1學生比較

剛剛同呀仔溫常識，教緊政府架構，三權分立，行政及立法果啲，全部係英文，真係都幾鬼深架(我覺，個仔唔覺) 。如果上到band 1英中，可以順利過渡，中小同學仔要花多啲時間係英文串字，可能科學，數學等科目會用多啲時間啦。至於我女小四，已經學緊光合作用，呼吸系統，循環系統既英文。講真，果陣我都係中學先接觸架咋！總之上到英中，唔好妄自菲薄，盡力追返個英文水平，咁就得架啦！而家學校果啲考試，就算成績幾好，始終同英小既學生有一段距離呢。



作者: BennkiChu    時間: 15-3-30 23:57

以前學果D....Phy Chem Bio,  A Maths 等等， 真係差5多比返老師， 我囝囝小六D英文 用 grammer,  都已經係5識教，有時仲比囝囝串我錯gramme，  又串我都5明英文有乜甘難， 真係比巨激爆， 不過上到英中知巨自己可搞掂。
作者: CPLA    時間: 15-3-31 00:04     標題: 引用：剛剛同呀仔溫常識，教緊政府架構，三權分立

原帖由 silvia_ng 於 15-03-30 發表
剛剛同呀仔溫常識，教緊政府架構，三權分立，行政及立法果啲，全部係英文，真係都幾鬼深架(我覺，個仔唔覺) ...
英小真係深好多，就連數學D多邊形、多面體都好多字要記，不過佢地慣咗又唔覺難。英文科都會比中小深好多，作文要幾百字。



作者: longlokma    時間: 15-3-31 00:12     標題: 引用：剛剛同呀仔溫常識，教緊政府架構，三權分立

原帖由 silvia_ng 於 15-03-30 發表
剛剛同呀仔溫常識，教緊政府架構，三權分立，行政及立法果啲，全部係英文，真係都幾鬼深架(我覺，個仔唔覺) ...
咁又唔驶講到英小同中小咁大差距。其實好多一線中小d學生英文都好強，學校不但有英文常識科，英文科本身亦有其他增潤课程。过去香港大部分英中学生还不是中小升上去，又有什麼學習困難呢？



作者: Grammacat    時間: 15-3-31 00:35

fionakong2008 發表於 15-3-30 22:32
英數、英常
我小朋友上PE, VA， computer  都是英文教
作者: SIYip    時間: 15-3-31 00:47

英小都係直資私校，跟得上嘅通常都係考慮d 非常出名嘅'神校' ,即使地區名校，佢地都唔會讀，所以同讀開一般官津小學的，大家嘅市場唔同。不過，小學升中學，分晒能力。本來30 人考10, 現在差過你嗰20 個已經去咗其他學校。可想而知，以往算叻嘅學生，去到可能中間偏低，呢個就要自己繼續努力啦。
作者: silvia_ng    時間: 15-3-31 07:18     標題: 引用：Quote:原帖由+silvia_ng+於+15-03-30+發表

原帖由 longlokma 於 15-03-31 發表
咁又唔驶講到英小同中小咁大差距。其實好多一線中小d學生英文都好強，學校不但有英文常識科，英文科本身亦 ...
英小接觸生字一定係多過中小，而且上到中學學科咁多，咁生字一定有排記。但中小學生上到中學，只要佢追返啲生字，儲返啲字庫，一個半個學期就攪掂。我睇過津校啲英文書，相比黎講真係生字較少。



作者: silvia_ng    時間: 15-3-31 07:18     標題: 引用：Quote:原帖由+silvia_ng+於+15-03-30+發表

原帖由 longlokma 於 15-03-31 發表
咁又唔驶講到英小同中小咁大差距。其實好多一線中小d學生英文都好強，學校不但有英文常識科，英文科本身亦 ...
英小接觸生字一定係多過中小，而且上到中學學科咁多，咁生字一定有排記。但中小學生上到中學，只要佢追返啲生字，儲返啲字庫，一個半個學期就攪掂。我睇過津校啲英文書，相比黎講真係生字較少。



作者: tonychan9    時間: 15-3-31 07:31     標題: 回覆：弱校/神校的band1學生比較

我女兒系英小上B1英中，英文強，中文弱！



作者: joyjoyparent    時間: 15-3-31 07:38

我認識一位DSE學生取得10星以上, 也是屋村中小上地區英中, 沒有如英小的大量英文閱讀, 但喜歡玩SCRABBLE, 在高中時非常勤力.
作者: longlokma    時間: 15-3-31 07:43     標題: 引用：Quote:原帖由+longlokma+於+15-03-31+發表

原帖由 silvia_ng 於 15-03-31 發表
英小接觸生字一定係多過中小，而且上到中學學科咁多，咁生字一定有排記。但中小學生上到中學，只要佢追返啲 ...
無論中英文或數理科，好多生字或學習內容是從課外書或課外学習而来的。學校課本提供的只是基本知識，如果只吸收課本知識，所有學校提供的也是好有限的。

不論什麼學校，真正有能力的學生不會把自己侷限在學校，只懂得被動的去學習，而是会主動的去尋求知識；
不論中小英小，真正懂教育的學校不会把學生規範在校內，只灌輸課本知識，而是會鼓勵學生自行探索以滿足求知慾。



作者: 王家爸爸    時間: 15-3-31 07:45

名小學既中文，其實一啲都唔弱，我仔中小（學校中文係區內算強）入傳統英中（大部分同學係英小上），中文都只係中游。
作者: hong2002    時間: 15-3-31 08:17     標題: 回覆：王家爸爸 的帖子

我仔來自英小，英小上英中識應容易d, 優勢係中一上學期最明顯。但只要係學習能力強既學生，好快就追番！極端例子就係國內來港的學生，一年追返六年既英文，就係要有超强鬥心！



作者: hagupit    時間: 15-3-31 08:53     標題: 回覆：BennkiChu 的帖子

中小上英中視乎學習態度和英文能力。識得小朋友讀中小，區內弱校，全級約考1x名，但英文幾好，以英文計全級頭幾，學習態度不錯。入左地區1a中學，中一跟得上。小朋友有個中學同學，小學是讀同區另一間弱校，小學時也是考全級1x，但英文較弱，升上中學包尾，現在自暴自棄，唔肯温書。



作者: BennkiChu    時間: 15-3-31 09:12

hagupit 發表於 15-3-31 08:53
中小上英中視乎學習態度和英文能力。識得小朋友讀中小，區內弱校，全級約考1x名，但英文幾好，以英文計全級 ...
明白， 呢樣真係好睇小朋友的本身資質同鬥心， 去到呢個階段， 做家長的除左支持， 真係幫5到好多。
作者: mcl203    時間: 15-3-31 09:46

王家爸爸 發表於 15-3-31 07:45
名小學既中文，其實一啲都唔弱，我仔中小（學校中文係區內算強）入傳統英中（大部分同學係英小上），中文都 ...
曾經有用家朋友講....小學階段....SJ仔d中文要求頗高....反為英文未係太高要求...(佢係比較佢囡囡)
btw...聽番黎乍~~~

作者: ykconniechan    時間: 15-3-31 11:00     標題: 引用：Quote:原帖由+longlokma+於+15-03-31+發表

原帖由 silvia_ng 於 15-03-31 發表
英小接觸生字一定係多過中小，而且上到中學學科咁多，咁生字一定有排記。但中小學生上到中學，只要佢追返啲 ...
同意! 就算係中小, 只要英文底子唔差, 相信上到英中都會慢慢pick up到! 反而最緊要係孩子的學習態度! 加上𠵱家DSE的死亡之卷並非英文, 所以中丶英丶數各個科目都咁重要!



作者: little_yolky    時間: 15-3-31 11:38

BennkiChu 發表於 15-3-30 21:57
本人囝囝在屋邨小學就讀(網上資料屬於弱校)， 全級考top 10 - 15內 (全校110人)， 今年升中， 學校老師話屬 ...
香港神校得3間, 都係直資, 咁唔考咪得囉。
囝囝既然係B1B, 咁你可以揀番B1B中學。如果係級10-15, 部份一級名校都唔會有機會, 咁你可以自行揀無咁一級既B1A名校一間, 合適又鐘意既B1B一間, 咪保險D囉。如果想博D, 咪兩間無咁一級既B1A名校, 大抽奬先謹慎都得。


其實, 英文考試幾多分真係無乜指標性。小心、答題技巧好就高D分。英小既優勢係語境好, 多咗機會學生字、聽、說機會都多D。所以, 讀中文小學就平時自己進補下囉。我哋學校係二線中小, 同區都算弱校, 幾年前有小女孩考入DGS, 校長話佢最初入去英文跟唔上, 都追咗3個月至追到。另一例子係另一間地區中小, 唔強唔弱咁, 都係二線啦, 小朋友考到協恩、英華, 上學期尾返母校小學分享, 返學好開心, 程度無問題。不過, 以上例子全部係B1A之中最top個批小朋友。


所以, 你小朋友唔考神校, 考一線學校咪得囉。
作者: MASAYA    時間: 15-3-31 12:24

longlokma 發表於 15-3-31 07:43
無論中英文或數理科，好多生字或學習內容是從課外書或課外学習而来的。學校課本提供的只是基本知識，如果只 ...
仲要家長明白，唔好將d學生推去補習，又拉返佢地只對住課本知識，考試技巧
作者: esthercheng32    時間: 15-3-31 12:29     標題: 引用：Quote:原帖由+silvia_ng+於+15-03-31+發表

原帖由 longlokma 於 15-03-31 發表
無論中英文或數理科，好多生字或學習內容是從課外書或課外学習而来的。學校課本提供的只是基本知識，如果只 ...
你講得好有意思



作者: 小木偶媽咪    時間: 15-3-31 13:06     標題: 回覆：弱校/神校的band1學生比較

本帖最後由 小木偶媽咪 於 15-3-31 13:10 編輯

我囡囡中小上1A英中，英文科比級平均分高，
（全級超過 4/5人英小升上）外國人班主任仲開口話佢英文好好。
其實就係因為睇書，我成日都講睇書幫助好大，
想英文好就要多睇書。




作者: BennkiChu    時間: 15-3-31 13:43

little_yolky 發表於 15-3-31 11:38
香港神校得3間, 都係直資, 咁唔考咪得囉。
囝囝既然係B1B, 咁你可以揀番B1B中學。如果係級10-15, 部份一級 ...
其實聽你地講， Band1英中都5係甘可怕，  學樓上話， 選一般band1已足夠，
作者: little_yolky    時間: 15-3-31 13:55

BennkiChu 發表於 15-3-31 13:43
其實聽你地講， Band1英中都5係甘可怕，  學樓上話， 選一般band1已足夠，
咪係, 唔駛妄自匪薄, band 1英中都有do re mi, 都有超受歡迎同一般受歡迎分別, style都唔一樣, 燕瘦環肥, 揀間啱自己又大機會入既咪得囉。

PS. 唔好只著重英文, 如果唔係plan去外國讀書, 要時刻緊記死亡之卷係中文唔係英文。
作者: BennkiChu    時間: 15-3-31 14:18

little_yolky 發表於 15-3-31 13:55
咪係, 唔駛妄自匪薄, band 1英中都有do re mi, 都有超受歡迎同一般受歡迎分別, style都唔一樣, 燕瘦環肥,  ...
e+係D學校太注重英文， 忽略左中文， 所以大部份學生D中文水平同我地20年前果代比係差左好多。
作者: little_yolky    時間: 15-3-31 14:23

BennkiChu 發表於 15-3-31 14:18
e+係D學校太注重英文， 忽略左中文， 所以大部份學生D中文水平同我地20年前果代比係差左好多。 ...
所以要自己進補, 我自小只教小朋友中文, 反正英文係當second language咁考, 唔會太深, 中文就勁深。
作者: bobbob    時間: 15-3-31 14:55

BennkiChu 發表於 15-3-31 14:18
e+係D學校太注重英文， 忽略左中文， 所以大部份學生D中文水平同我地20年前果代比係差左好多。 ...
我又唔係咁睇，香港當英文係第2語言，攞分要求低，只要grammar唔錯就ok。但中文作為母語（大部份人係）相對要求高，而且範圍闊，其實都見唔少中學生嘅中英文水平都好過我嗰代（2x年前）。
作者: 已刪除用戶    時間: 15-3-31 15:33     標題: 回覆：bobbob 的帖子

我覺得現在學中文好難，要識我們那一代 d 嘢，又要有現代要求如小組討論，好似範圍好廣，課程又 cover 唔到。好忙，但效果一般。



作者: BBKDWLAM    時間: 15-3-31 15:47     標題: 引用：Quote:BennkiChu+發表於+15-3-31+14:18+e+

原帖由 bobbob 於 15-03-31 發表
我又唔係咁睇，香港當英文係第2語言，攞分要求低，只要grammar唔錯就ok。但中文作為母語（大部份人係）相對 ...
同意，我覺得近年語文教育的書籍內容比幾十年前的好太多了，師資亦好好多。如學生肯學，一定掌握得比上幾代的好。但宜家的學生太忙，琴棋書畫上網手電，保持佢哋勤奮向學的態度才是成功關鍵。



作者: BennkiChu    時間: 15-3-31 16:38

我地以前D中文， 真係練出來的， D文言文又長又5明， 一篇文長到可以成2-3頁， 仲要成篇背默， 老師講極都5明果D之乎者也， 要花時間去圖書館找資料去理解D文係講乜， 最記得木蘭詞， 滿江紅， 出師表， 將進酒等， 真係出果D血到e+仲記得。  e+呢一代好幸運又幸福， 要乜資料上網就全部有， 5知其他家長有毛記得以前讀書要另找資料參考果D辛苦法呢。
作者: kaifu    時間: 15-3-31 17:24

本帖最後由 kaifu 於 15-3-31 17:35 編輯
bobbob 發表於 15-3-31 14:55
我又唔係咁睇，香港當英文係第2語言，攞分要求低，只要grammar唔錯就ok。但中文作為母語（大部份人係）相對 ...

個人認為英中學生該視英文為第一學習語言，英文不好，不只英文科成績差，其他科目也受到不同程度的限制，文科影響更甚，當然中文中史除外。事實上，英文是大學的學習語言，也是政府，大機構大公司的工作語言，英語能力是影響日後進修與工作發展的關鍵因素。
作者: TwinWong    時間: 15-3-31 17:37

BennkiChu 發表於 15-3-31 09:12
明白， 呢樣真係好睇小朋友的本身資質同鬥心， 去到呢個階段， 做家長的除左支持， 真係幫5到好多。 ...
見英小生三年級就拎住厚厚英文小說睇, 数/科學全英, 課程有可能教深一年, 由細操到大, 上英中無咩難度, 中小, 要段時間, 鬥心強, 很快會追到
為子女选得其所, 好重要
作者: bobbob    時間: 15-3-31 21:09

kaifu 發表於 15-3-31 17:24
個人認為英中學生該視英文為第一學習語言，英文不好，不只英文科成績差，其他科目也受到不同程度的限制， ...
我意思係考評局當英文係第2語言，所以評分要求低，唔係講緊學生取態，英語能力對學生將來學業同工作嘅影響當然無庸置疑。
作者: Grammacat    時間: 15-4-1 01:28

本帖最後由 Grammacat 於 15-4-1 09:31 編輯
BennkiChu 發表於 15-3-31 13:43
其實聽你地講， Band1英中都5係甘可怕，  學樓上話， 選一般band1已足夠，

努力一定無問題，中文其實更難學好
作者: 王家爸爸    時間: 15-4-1 07:21

bobbob 發表於 15-3-31 21:09
我意思係考評局當英文係第2語言，所以評分要求低，唔係講緊學生取態，英語能力對學生將來學業同工作嘅影響 ...
對香港人英文係第2語言，但係評分要求唔會低，因為學校有唔少唔識中文既同學。佢地既母語係英文，另外修讀法文（或者其他外語）。
作者: BennkiChu    時間: 15-4-1 08:28

王家爸爸 發表於 15-4-1 07:21
對香港人英文係第2語言，但係評分要求唔會低，因為學校有唔少唔識中文既同學。佢地既母語係英文， ...
你講果D已經5係我地普通市民讀D學校lor
作者: BennkiChu    時間: 15-4-1 08:39

其實我跟本都5使擔心， 因入band1的學生絕大多數都係來自中小， 學樓上話， 只要小朋友有鬥心， 係呢個level,  一定適應到英中。    e+又開始要煩囝囝D大抽獎揀校。
作者: KT0603    時間: 15-4-1 08:52     標題: 引用：Quote:BennkiChu+發表於+15-3-31+13:43+其

提示: 作者被禁止或刪除 內容自動屏蔽
作者: bb560    時間: 15-4-1 09:39     標題: 引用：Quote:王家爸爸+發表於+15-4-1+07:21+對香

原帖由 BennkiChu 於 15-04-01 發表
你講果D已經5係我地普通市民讀D學校lor
都唔係呀，王家爸爸囝囝間中學有直屬小學，間小學係津校，我識人抽入但係都無讀，佢媽咪話驚老師成日閙佢個囝，雖然我都聽人咁講，但係如果我係老師，可能重過份，三十個仔，如果有得5、6個曳到飛起，真係人都顛。



作者: mcl203    時間: 15-4-1 10:16

BennkiChu 發表於 15-4-1 08:28
你講果D已經5係我地普通市民讀D學校lor
英小津校都有少量外藉人士入讀嫁....能中能英
作者: little_yolky    時間: 15-4-2 10:10

王家爸爸 發表於 15-4-1 07:21
對香港人英文係第2語言，但係評分要求唔會低，因為學校有唔少唔識中文既同學。佢地既母語係英文， ...
咁即唔係一般既英中, 因為一般英中=要考DSE, 即要考死亡之卷:中文, 唔識中文既同學即係唔考DSE, 即係讀IB? 咁已經唔係樓主討論範圍了。一般英中, 考DSE時英文都係第一外語程度考, 但中文就用母語作為評分標準, 所以程度上, 一定係難過英文了。上到英中, 科科英文, 英文進步得快, 但中文反而要小心, 因為只有中文、文學、中史用中文。即好似中小一樣, 科科中文教, 中文自然好, 英文就差啲。



歡迎光臨 教育王國 (/) Powered by Discuz! X1.5