教育王國

標題: k3 生學中文字 [打印本頁]

作者: hippoo 時間: 15-3-19 15:30 標題: k3 生學中文字

以經長期伴讀中文書( 如我自已會讀/ 漢字 500), 但仍唔係認得好多字

想請教買字咭, 一隻隻咁記定睇中文書對認字有效D ?

請指教

作者: MASAYA 時間: 15-3-19 15:38

唔好買字卡，繼續睇故事書，除非你好急佢認得多d中文

靠字卡認字，有可能小學既時候閱讀理解冇咁好

當然，雙管齊下都冇話唔得既，視乎你急唔急睇到成效啦

作者: kayi0556 時間: 15-3-19 16:40

我細囡係長期伴讀+字卡認字同記解釋，有d簡單的字要默寫， so far都唔錯，佢識的字比同學仔多，但我諗要花比較多的時間整字卡，我囡係俾老師教的，我自己冇乜時間，但有時間我都會伴讀，佢自己亦會主動拎書睇，重要睇好多次，最緊要佢有興趣唔抗拒

作者: little_yolky 時間: 15-3-19 17:32

hippoo 發表於 15-3-19 15:30
以經長期伴讀中文書( 如我自已會讀/ 漢字 500), 但仍唔係認得好多字

想請教買字咭, 一隻隻咁記定睇中文 ...

漢字500好鬼悶

我囡囡K3時係雙管齊下：
第一管：佢揀自己鐘意既書自己睇, 當年係睇《西遊記》幼兒版, 叫我講咗幾次, 又叫女麻女麻講咗幾次, 又叫爸爸講咗幾次, 因為講得多, 佢記得故仔, 自己估下估下, 認下認下咁睇。之後, 就自己嘗試睇《紅樓夢》幼兒版。睇明咗, 就睇兒童版(即一版公仔一版字, 幼兒版係文字中加插少少公仔, 字亦少D)
第二管：伴讀, 伴讀就揀啲薄啲, 淺啲既書仔, 一邊讀(係讀, 唔係講), 一邊用手指指住, 等佢認字。好似我自己會讀(青田), 讀咗一兩次, 會請佢自己讀, 可以返手讀, 等佢真係記得隻字。

如是者, 佢自己上到小一就識睇《一年級鮮事多》及小兵閱讀系列的書了。小一下學期就唔再睇幼兒版了, 依家小二, 就睇青少年版了。

作者: chanwendy 時間: 15-3-24 10:03

我仔主要靠學校所教的, 睇書都會. 睇電視我一定開字幕, 我仔反而主力睇字幕, 初時見到識的字佢話我知見到咩字, 後來變成唔識的字問我係咩字, 靠字幕都學到不少字.

作者: NaughtyKids 時間: 15-3-24 10:47 標題: 回覆：k3 生學中文字

我主要靠伴讀，無刻意令小朋友去認字，日子有功，上小學後中文認字好好，讀、寫、黙都好好。

作者: IloveJJ 時間: 15-3-24 10:55 標題: 引用：以經長期+伴讀中文書(+如我自已會讀/+漢字+

提示: 作者被禁止或刪除內容自動屏蔽

作者: wan_sosin 時間: 15-3-24 11:16 標題: 引用：Quote:原帖由+hippoo+於+15-03-19+發表以經

原帖由 IloveJJ 於 15-03-24 發表
我仔小一已睇神奇樹屋中文版，我從來無用字卡，最緊要培養佢閱讀興趣。K2前，我只係同佢讀咗惟一一本認字書 ...

培養閱讀興趣，重要過單去認字！喜歡閱讀自然會去認字！
我都係由BB開始講故事，睇書，朋友送咗盒字卡，我仔只係睇公仔當紙牌玩，雖然我仔到K3都未叫認好多字，但K3尾到小一頭，突然躍進咗很多！就好似BB時唔肯講嘢，但一開口就不停講咁！中文老師意見係佢中文高於水平！

作者: rhodo 時間: 15-3-24 12:07

想請教下你地同小朋友講故事, 會用口語化定照讀文字+口語化既解釋?

作者: rhodo 時間: 15-3-24 12:13

我仔K2, 鐘意睇書但唔鐘意認字。
試過用人地送既字卡教佢都有興趣學既, 可能死板Ｄ，讀圖書都有，而且最近有進步，佢要我讀一句佢跟我讀一句咁！
但畢竟讀字卡會有少許效果，我自己就整左Ｄ好簡單既字卡俾阿仔認字，佢都幾有興趣！有時會叫我唔好讀，等佢讀。
我覺得刻意要佢認字（即如字卡果Ｄ）冇話唔好既，只要唔好俾佢覺得有壓力就得！我會讚＋鼓勵佢讀岩果Ｄ，錯既我就扮冇野咁再讀俾佢聽。
小朋友鐘意，有興趣，有心去認係最緊要！

作者: MASAYA 時間: 15-3-24 12:16

rhodo 發表於 15-3-24 12:07
想請教下你地同小朋友講故事, 會用口語化定照讀文字+口語化既解釋?

我地係K3下學期前口語講故事，K3下學期開始照本宣科，其實用左五年幾廣東話溝通，要認字係好快既事

作者: kayi0556 時間: 15-3-24 12:22

回覆 rhodo 的帖子

我都有問過呀囡，佢話鐘意玩字卡遊戲，所以提起佢的興趣

所以我諗字卡係有用的，不過重點係點教，我囡老師會講一個故事，再玩字卡玩遊戲，所以每次我囡叫我講故仔，要我同佢玩字卡，但邊有咁多字卡架

作者: kayi0556 時間: 15-3-24 12:27

回覆 rhodo 的帖子

我講故事係用口語講一次，之後我再用書面語讀一次，再分開同囡，一人讀一版，有時我老公響度，一人扮一個角色，我囡好受落

第一次一定要用口語，有時佢重會模仿我的語氣，好好笑

作者: rhodo 時間: 15-3-24 12:34

回覆 kayi0556 的帖子

我係自己寫架，去書局買長方形果種白卡。不過就要花點時間自己寫啦....其實講故事+認字故事入面既字呢個方法GOOD呀!! 我諗住仿傚

作者: rhodo 時間: 15-3-24 12:35

回覆 kayi0556 的帖子

"有時佢重會模仿我的語氣，好好笑" << 會呀會呀!! 真係好好笑

作者: wan_sosin 時間: 15-3-24 12:47 標題: 引用：想請教下你地同小朋友講故事,+會用口語化定

原帖由 rhodo 於 15-03-24 發表
想請教下你地同小朋友講故事, 會用口語化定照讀文字+口語化既解釋?

睇下邊個階段，細嘅時間，多數口語講故事，慢慢加上講完再讀！K3開始多數讀，因為讀都已經明白，我好彈性，睇下本書嘅內容性質深淺，加上個仔嘅反應才決定！
有時我連普通話都讀下，我雖然普通話一般，但間中見書有拼音跟，都貪得意讀下！

作者: Toni22 時間: 15-3-24 16:16 標題: 回覆：k3 生學中文字

K1-K2時我會口語講一次比個女聽，K3時會照書讀一次，再會叫佢自己朗讀一次。問下問題、感想，睇下佢讀完是否真正明白內容。

作者: Lam3Tai 時間: 15-3-24 17:12

我睇內容，而家多數書面語讀一次，再口語講一次，特別詞語就再多D解釋，例如成語。

作者: anixon 時間: 15-3-26 11:44

咁細個，睇故事書有趣味D

作者: janettsui 時間: 15-3-28 00:48

伴讀係不二法門, 我都係由bb開始每日都會講故事, 先指住D字咁照讀, 之後先再口語講解, 中英都係咁, 我係有講基礎漢字500, 但無用字卡
女女K2時已經有自己閱讀既習慣, 宜家K3, 中文除左繪本, 可以自己睇橋樑書, 大偵探福爾摩斯, 兒童版西遊記同三國演義, 英文亦睇緊chapter book
雖然佢可以自己睇, 但我每日仍有2次伴讀時間, 但我英文唔叻, 就轉左俾有audio cd既chapter book佢邊睇邊聽
語文係需要浸既, 加油!!

作者: licpd 時間: 15-3-28 08:53

每個小朋友的性格未必一樣，我個女喜歡唱歌，跳舞，距學中文除了伴讀，就系唱兒歌，一路唱一路跳，可以背默寫成首歌出來。

作者: hippoo 時間: 15-4-11 15:01 標題: 回覆：k3 生學中文字

up

作者: edpo 時間: 15-4-12 19:50 標題: 回覆：hippoo 的帖子

我仔k2，有閱讀習慣，英文已可開始自己睇chapter books，不過佢唔會主動睇中文書，我無逼佢，但我會教佢睇基礎漢字，佢睇英文好快，但學中文就用字卡學會深刻啲，其實我諗睇小朋友興趣，學識睇字都係先後嘅問題…

作者: buckscheung 時間: 15-4-14 19:45

提示: 作者被禁止或刪除內容自動屏蔽

作者: shamshamwong 時間: 15-4-18 11:37

回覆 little_yolky 的帖子

你好...西遊記幼兒班邊度有得買..謝

作者: dlee_ca 時間: 15-4-18 21:18 標題: 回覆：k3 生學中文字

為乜？

作者: little_yolky 時間: 15-4-20 08:57

shamshamwong 發表於 15-4-18 11:37
回覆 little_yolky 的帖子

你好...西遊記幼兒班邊度有得買..謝

商務, 唔記得左上角定右上角寫住幼兒版的。

作者: 細芝麻 時間: 15-4-20 10:03 標題: 回覆：k3 生學中文字

我從來都無俾認字卡阿囝睇，主要閱讀中，英文書幫助阿囝認字。

作者: nekoneko79 時間: 15-4-20 14:57

我有三個小朋友, 屋企的書基本上係一定多過佢學校幼稚園的書, 同埋周圍拎, 周圍睇 (reachable), 我其實不會真係日日捉住佢地講故事, 反而係佢地會鍾意捉我講, 同埋見到唔識的字會問。

哥哥好細已經開始漢字500, 依家k3, 基本上閱讀程度已達到小學三年級左右, 當然寫字另計。但妹妹k1, 同樣方法, 同樣教材, 結果, 都係要用返字咭逐個逐個字認, 到依家仲未追到學校水平.............對於漢字500亳無興趣, 對住d圖畫同字一舊雲咁; 第3個仲係bb, 尚是未知之數

所以, 小朋友都係要睇性格同能力..........因材施教雖然老土, 但work

作者: shamshamwong 時間: 15-4-22 00:03 標題: 引用：Quote:shamshamwong+發表於+15-4-18+11:37+

原帖由 little_yolky 於 15-04-20 發表
商務, 唔記得左上角定右上角寫住幼兒版的。

Thanks

作者: little_yolky 時間: 15-4-22 08:30

shamshamwong 發表於 15-4-22 00:03
Thanks

我返屋企再睇清楚, 係柏雅出版社的, 右上角寫住「低幼漫畫」, 但入面唔係漫畫, 係字嚟, 不過啲圖係好大幅。

作者: shamshamwong 時間: 15-4-26 19:34 標題: 回覆：little_yolky 的帖子

明白，thanks

歡迎光臨教育王國 (/)