教育王國
標題: 愛生事家庭之難唸的經 [打印本頁]
作者: 小時了了 時間: 15-3-18 09:18 標題: 愛生事家庭之難唸的經
本帖最後由 小時了了 於 15-3-18 09:20 編輯
http://www.skypost.hk/column/胡孟青/007003002030/%E6%84%9B%E7%94%9F%E4%BA%8B%E5%AE%B6%E5%BA%AD%E4%B9%8B%E9%9B%A3%E5%94%B8%E7%9A%84%E7%B6%93/171806
愛生事家庭之難唸的經 18/03/2015 胡孟青
說真的,你去問一個日理萬機、平日根本無閒暇與子女溝通的堂堂大男人、對其子女行為的感想,一時三刻,真係唔知點答好!即使是自己的另一半,當有人問及家事與育兒問題,亦語焉不詳。少有會如數家珍般「一輪嘴」,家長日最反映現實,在班主任面前說得最多者幾時都係媽媽,爸爸則淪為配角,只有爸爸單拖應戰的,一句起兩句止,已是極限。印象中,真正的男人少有如八婆般「東家長、西家短」如數家珍地向別人交代自己或別人的家事,尤其在一眾非親非故面前。
中國人懂得講「家家有本難唸的經」、「一家唔知一家事」,偏偏又喜歡八卦人家的家事,再以個人的認知去評論鞭撻,單憑一知半解得出的結論,是否對當事人有欠公允?想問,一眾充當家事顧問的批評者,當中又有幾多位與昨天再惹全城關注的港產愛生事家庭中任何一位成員有過第一身接觸或認識?身邊有位曾上門替其小朋友補習的補習老師,至今難忘當年其中一次上門開工時,應門的恰巧就是當今特首,親自開門的他,卻是零表情、零招呼、零眼神接觸,且甫開門就別過臉去,這是對孩子補習老師應有的態度嗎?抑或是行為榜樣?作為旁觀者,反而更想了解事件中飾演家庭主婦的一位,怎未有爭取機會出來示眾,起碼要與另一半拍住上,出來交代事件真相!論家事非論政,作為母親,是百分百恰如其身份吧!
作者: 小時了了 時間: 15-3-18 09:29
本帖最後由 小時了了 於 15-3-19 11:36 編輯
嘻!嘻! 阿青姐呢個專欄佢有時講股, 但更多時講佢湊仔及佢作為阿媽嘅耳聞目睹及個人教仔方法, 我鍾意睇佢教仔野多啲.
佢呢篇野講中晒我 C6 ---- 堂堂大男人、對其子女行為的感想,一時三刻,真係唔知點答好!.....少有會如數家珍般「一輪嘴」,家長日最反映現實,在班主任面前說得最多者幾時都係媽媽,爸爸則淪為配角,只有爸爸單拖應戰的,一句起兩句止,已是極限。印象中,真正的男人少有如八婆般「東家長、西家短」如數家珍地向別人交代自己或別人的家事,尤其在一眾非親非故面前。
所以, 係 EK 我真係好羨慕及欣賞有好爸爸同我地一眾 C9 吹水分享!
係 EK我識好少爸爸咋, 我好鍾意睇佢地嘅野, 係佢地身上學咗好多野, 亦真係有實踐係小女身上, 排名不分先後, 如有遺漏, 請莫見怪啊, 多謝您地啊! ABC-DAD, ANChan59 , awah112, eviepa, laorenjia, MASAYA, 憫父, 王家爸爸, 聰明仔爸爸(唔罵人時都幾好)....
作者: MASAYA 時間: 15-3-18 09:33
我仲驚妳地話 : 女人講野, 男人行開 
作者: little_yolky 時間: 15-3-18 11:41
小時了了 發表於 15-3-18 09:29 
嘻!嘻! 阿青姐呢個專欄佢有時講股, 但更多時講佢湊仔及佢作為阿媽嘅耳聞目睹及個人教仔方法, 我鍾意睇佢教 ...
係呀, 有時D爸爸真係唔知諗乜的。好似阿細剛過去考真道時, 要in家長, 老師問覺得小朋友有咩優缺點, C6用咗一句講優點, 用咗5分鐘係咁講缺點, 我同老師們都聽到O咗咀 
噚日阿細家長日, 因為預先派咗評估, 佢同老師講, 你哋都寫到妹妹天上有地下無咁, 咁我都無乜嘢需要講了。
好彩老師識咗我哋好多年(因為老師當年有教阿大), 知佢性格, 如果唔係都唔知呢個爸爸發生乜事, 點解係都要講阿女唔乖。
作者: YanKanMom 時間: 15-3-18 11:56
有時爸爸太投入子女事宜也未必是好事。孩子爸爸是緊張大師,子女的事他看得很重,常惹兒女生氣。
作者: alyk 時間: 15-3-18 12:06
回覆 YanKanMom 的帖子
同意, 我們現在在管教上已有分岐.
作者: bobbob 時間: 15-3-18 12:30
little_yolky 發表於 15-3-18 11:41 
係呀, 有時D爸爸真係唔知諗乜的。好似阿細剛過去考真道時, 要in家長, 老師問覺得小朋友有咩優缺點, C6用咗 ...
我老公啱啱相反,家長日不斷讚自己個仔,搞到老師唔知點應佢
作者: ANChan59 時間: 15-3-18 12:42 標題: 回覆:小時了了 的帖子
睇完上半部,以為妳笑我地係八公添

作者: wan_sosin 時間: 15-3-18 13:10 標題: 回覆:愛生事家庭之難唸的經
係EK出現嘅爸爸,真係難能可貴!唔講車,唔通樓,唔講股,走嚟同班呀太講仔女,值得欣賞尊重!
不過我都好欣賞我老公,佢好尊重我教仔,亦會盡量同我合作!每次我提意嘅嘢,佢都支持,我哋好少為教仔嘈交,仔女見到父母同心,已經係對佢哋有好正面嘅影響!

作者: Jessy 時間: 15-3-18 13:19
bk的爸爸真的很好, 有時我都會怨自己老公不聞不問, 但可能不聞不問的好處就係有關學習上/學業上的事, 我可以話晒事唔會有人同我argue羅.
作者: YanKanMom 時間: 15-3-18 14:16
或且這樣說,我欣賞孩子爸爸愛家庭愛子女,但不想他的世界只有子女或比重過重。其實這是人的問題,與性別無關,只不過一般來說,女生較男生重家庭。
作者: little_yolky 時間: 15-3-18 14:33
wan_sosin 發表於 15-3-18 13:10 
係EK出現嘅爸爸,真係難能可貴!唔講車,唔通樓,唔講股,走嚟同班呀太講仔女,值得欣賞尊重!
不過我都好 ...
我同老公都好少講嘢, 有時講嘢講多兩句, 細女就會話:你哋兩個唔好嘈交啦。其實我哋無嘈交, 只係討論問題而已。
作者: wan_sosin 時間: 15-3-18 15:24 標題: 引用:Quote:wan_sosin+發表於+15-3-18+13:10+係E
原帖由 little_yolky 於 15-03-18 發表
我同老公都好少講嘢, 有時講嘢講多兩句, 細女就會話:你哋兩個唔好嘈交啦。其實我哋無嘈交, 只係討論問題而 ...
你哋係激烈地討論嗟!
我同我老公傾偈,我個仔會唔底得,加把口埋嚟,九唔搭八講D嘢,佢唔多鍾意我哋密密傾唔理佢!

作者: little_yolky 時間: 15-3-18 16:05
wan_sosin 發表於 15-3-18 15:24 
你哋係激烈地討論嗟!
我同我老公傾偈,我個仔會唔底得,加把口埋嚟,九唔搭八講D嘢,佢唔多鍾意我 ...
無激烈討論la, 係平時無乜聲, 突然聽到聲, 仲要講咁多句, 你來我往, 所以就話我哋嘈交囉 
作者: wan_sosin 時間: 15-3-18 16:41 標題: 引用:Quote:wan_sosin+發表於+15-3-18+15:24+你
原帖由 little_yolky 於 15-03-18 發表
無激烈討論la, 係平時無乜聲, 突然聽到聲, 仲要講咁多句, 你來我往, 所以就話我哋嘈交囉 ...
咁你哋平常應該真係幾靜!
我老公多嘢講嘅人,我之前都有講,佢唔係木木獨獨!佢好鍾意講佢D故仔,小學參加講故事比賽!中學參加全港朗誦比賽,都有獎攞!呀仔好鍾意聽佢講歷史故事!佢成日話傳受D功力比呀仔,但呀仔唔采佢!

作者: little_yolky 時間: 15-3-18 17:09
wan_sosin 發表於 15-3-18 16:41 
咁你哋平常應該真係幾靜!
我老公多嘢講嘅人,我之前都有講,佢唔係木木獨獨!佢好鍾意講佢D故仔,小學參加 ...
我哋真係唔鐘意講嘢, 平時溝通多用whatsapp。
最記得大寶BB時, 聽人講話要同BB講多D嘢, BB先識講嘢。真係攞咗我條命, BB無feed back, 講乜啫, 好似儍瓜咁, 咁咪同佢講新聞囉。當年美國大選, 同佢講:呢個係奧巴馬, 呢個係希拉莉, 佢見到就好快瞓覺.....不過, 馬英九佢就會望多兩眼。
作者: MASAYA 時間: 15-3-18 17:20
little_yolky 發表於 15-3-18 17:09 
我哋真係唔鐘意講嘢, 平時溝通多用whatsapp。
最記得大寶BB時, 聽人講話要同BB講多D嘢, BB先識講嘢。真係攞 ...
我兩個女BB個陣我老婆都好鍾意同佢地講野,但主要講d同佢兩個之間既野,例如媽媽好愛佢地,希望佢地開開心心咁長大,講下天氣,講下佢地既手手腳腳,講下衫衫褲褲,乜都講一餐,而家兩個女講野講唔停,唔知有冇關係 
作者: little_yolky 時間: 15-3-18 17:29
MASAYA 發表於 15-3-18 17:20 
我兩個女BB個陣我老婆都好鍾意同佢地講野,但主要講d同佢兩個之間既野,例如媽媽好愛佢地,希望佢地開開心 ...
一定有啦, 我大女歲半過唔到健康院語言測試, 兩歲俾我踢咗入N1班, 細女就發音唔正, 要去做言語治療。好彩兩個依家都無事, 真係大步攬過 
作者: picture 時間: 15-3-18 17:30 標題: 回覆:愛生事家庭之難唸的經
其實男人……绝大部份都比一個普通女人理智同冷靜。就算女人幾有分析能力都好,當被持不同意見的其他c9包圍下,完先分析好的都有機會被動搖。
e.g. 考唔考GAPSK, 考邊級,考琴呢?
越問越煩惱,越傾越担心
呢個時候就係D爸爸發挥作用,把開始亂-既媽媽拉回正軌

作者: wan_sosin 時間: 15-3-18 22:43
little_yolky 發表於 15-3-18 17:09 
我哋真係唔鐘意講嘢, 平時溝通多用whatsapp。
最記得大寶BB時, 聽人講話要同BB講多D嘢, BB先識講嘢。真係攞 ...
攪笑,同BB講新聞!我本身都唔係多嘢講,但我都有做傻婆日日同個仔講嘢,其實都唔係咁難,有時講下故仔囉,但我個仔都唔係早講嘢,不過就發音好準.
歡迎光臨 教育王國 (/) |
Powered by Discuz! X1.5 |