教育王國
標題: 教育局係咪會同學校講, 小朋友係BAND 幾咖? [打印本頁]
作者: minmin 時間: 15-3-17 08:33 標題: 教育局係咪會同學校講, 小朋友係BAND 幾咖?
如題?
作者: 已刪除用戶 時間: 15-3-17 08:41 標題: 回覆:minmin 的帖子
唔會,大家都係估估吓
作者: chesswin 時間: 15-3-17 09:30
其實我都唔明, 點解唔講,
作者: minmin 時間: 15-3-17 09:45
chesswin 發表於 15-3-17 09:30
其實我都唔明, 點解唔講,
咪係囉, 仲乜唔講清楚....又要分BAND...
作者: aleung922 時間: 15-3-17 10:42
我都係百思不得其解, 點解唔講清楚, 但又要分band. 知道banding, 可以容易選校.
作者: 憫父 時間: 15-3-17 11:25
我估
如果教育局公報資料的話,
或許會引致下列後果:
1. 家長會計到各間小學唔同 BANDING 學生的正確比例,表現一般或欠佳的小學會有十分大的收生壓力
2. 家長會計到各間小學歷年 BANDING 分佈的變化,知道哪間小學學業水平上升,哪間下跌,下 跌的學校會有十分大的收生壓力
小學為求自保,會用盡方量催谷學生,學生會有十分大的讀書壓力。
但派位基制下,無論學校如何催谷,各校網 (或全港) 總有 1/3 是 BAND 1,1/3 是 BAND 2,1/3 是 BAND 3。
即是說,學校要確保自己催谷得較其他學校更多及更有效,在惡性競爭下,小學生的讀書壓力會一年比一年重。
作者: hkpapa852 時間: 15-3-17 12:10
憫父 發表於 15-3-17 11:25
我估
如果教育局公報資料的話,
或許會引致下列後果:
可能還有一大堆投訴, 成績覆核需求....... 到時仲唔7國咁亂!
作者: aleung922 時間: 15-3-18 10:58
本帖最後由 aleung922 於 15-3-18 10:59 編輯
回覆 hkpapa852 的帖子
都知政府係咁, 永遠怕投訴. 但其實如果要投訴, 好多野都可以投訴, 例如自行又唔係一早知結果,點解唔計埋呈三分? 可能有小朋友呈三考得比呈一, 二好呢?
同埋既然都有自行呢個機制, 不如取消呈三, 咁自行有結果就通知家長, 不用玩大抽獎, 大抽獎又可以提早進行, 小朋友又可以考少個試.
家陣考完呈三, 又要考TSA, 繼而畢業試, 七月又入學試, 小朋友唔顚, 家長都比呢D”遊戲”玩死!
作者: 憫父 時間: 15-3-18 11:20
aleung922 發表於 15-3-18 10:58
回覆 hkpapa852 的帖子
咁自行有結果就通知家長, 不用玩大抽獎, 大抽獎又可以提早進行, 小朋友又可以考少個試.
2012年6月6日梁國雄在立法會內問過以下問題
政府會否改變現時的制度,在中學完成自行分配學位的部分後,立刻將結果通知學生及家長,不需他們再為統一派位的選擇而煩惱,或與小學老師發生不必要的衝突;若會,何時執行;若否,原因為何;
當時的教育局局長孫明揚的書面答覆如下:
教育局就「中學學位分配辦法」是否繼續採用「一併公布自行分配學位和統一派位結果」的安排,持開放態度。教育統籌委員會工作小組曾於二○○五年檢討中一派位機制時,因應部分家長要求提早公布自行分配學位結果的意見諮詢持分者有關安排(註一)。經過詳細考慮和向家長解釋後,我們的看法是有關安排行之經年,假如改變現行安排以讓班內一部分同學「提早」知悉自行分配學位的結果,或會造成不必要的標籤效應,並影響學生的整體學習氣氛。
此外,由二○○七年開始,每所學校的自行分配學位比例增加至30%,而家長和學生的選擇亦增加至兩所中學(須向教育局申明申請次序)。根據現行程序估計,中學完成核對學生的自行分配學位選擇及分配等工作後,最早可公布自行分配學位結果的日期是每年五月底/六月初,而小六學生此時已就統一派位提交選校表格,以便七月上旬公布派位結果,所以提早公布安排的空間和作用不大。事實上,由學校議會代表以及地區學校代表組成的「中學學位分配委員會」亦曾就此事交換意見。由於現時安排較能平衡各持分者的訴求,並配合學校的實際運作,故同意維持現行安排,以確保運作順暢。
資料來源:http://www.info.gov.hk/gia/general/201206/06/P201206060269.htm
作者: aleung922 時間: 15-3-18 11:42
回覆 憫父 的帖子
多謝你資訊. 不過至於話影響學習氣氛, 咁直資都預早知結果, 或多或少都已影響學習氣氛. 至於公布的日期, 係可能有D緊迫, 但事在人為啦!
算啦我都係講下啫, 要撼動政府的政策, 談何容易喇!
作者: Pearlma 時間: 15-3-20 03:23 標題: 回覆:憫父 的帖子
謝謝你找到的資料分享!👍👍👍
歡迎光臨 教育王國 (/) |
Powered by Discuz! X1.5 |