教育王國

標題: 有没有小朋友超级喜歡主動和陌生人談天，不理男女老幼 [打印本頁]

作者: leepm1128 時間: 15-3-14 23:19 標題: 有没有小朋友超级喜歡主動和陌生人談天，不理男女老幼

小女極喜歡談及自己的事，個性非常心急極度外向，兩歳半起只要在街上(例如坐地鐵，巴士，或坐同一架升降機)
就會找機會和陌生人談天和問問題

一歲時在家裡的地上發現"小於半隻尾指指甲的红色物體"後跟我説是汽球
(原来是破碎了的汽球殘留物)

試過兩歲半左右，自己想出以糖易糖的方式去令陌生姐姐讓她咬一囗
棉花

現在三歲半
今天外出了三小時，已主動向五位陌生人發問和談天

知道她比一般同齡的小孩成熟，聪敏愛發問，自理能力好。
不確定是否資優。
只是想知是否有相類似的資優兒。

作者: Janet._. 時間: 15-3-15 00:52

提示: 作者被禁止或刪除內容自動屏蔽

作者: Radiomama 時間: 15-3-15 07:53 標題: 回覆：leepm1128 的帖子

我認識兩位這樣的孩子，一個是資優、一個是ADHD.

作者: leepm1128 時間: 15-3-15 08:29

Janet:可能是我没特别阻止她和别人談天，所以她“变本加厲“xD
弁我也猜她很有可能是比平凡人多點小聰明，加上不怕羞

作者: leepm1128 時間: 15-3-15 08:33

本帖最後由 leepm1128 於 15-3-15 08:34 編輯

义iRadiomama 發表於 1-3-15 07:53
我認識兩位這樣的孩子，一個是資優、一個是ADHD.

ADHD 請問是指過度活躍症嗎？我也曾懷疑過，不過發現她懂得靜下來，專心地看書/砌lego/畫畫多過20分鐘

作者: baby0903 時間: 15-3-15 23:36

我個仔都係非常外向，任何時候都要講野，同所有人都講得一餐。無端端撩餐廳隔離枱食客，仲講笑話比人聽。

佢係資優。但我唔肯定多野講，外向同資優有冇直接關係。但聽人講過多野講即證明個腦係不停轉梗，所以可能有D關係。

作者: leepm1128 時間: 15-3-16 07:32

本帖最後由 leepm1128 於 15-3-16 07:37 編輯

baby0903 發表於 15-3-15 23:36
我個仔都係非常外向，任何時候都要講野，同所有人都講得一餐。無端端撩餐廳隔離枱食客，仲講笑話比人聽。

...

請問你的小朋友除了非常健談外,還有甚麼資優特質

同佢去食大x樂
佢寧願去揀張有一位婆婆坐嘅枱都唔揀吉枱就係想同婆婆吹水

作者: Radiomama 時間: 15-3-16 08:51

回覆 leepm1128 的帖子

資優沒有框，文靜多愁善感有之、外向主動也有之; 極端的有阿氏保加(偏向自閉)+資優，也有ADHD(過度活躍)+資優; 孩子只是三歲多，聰明伶俐可喜可賀，慢慢引導她發展同理心、愛心亦好重要，適當指示"安靜"的規舉，別人說話要耐心聽，久而久之，日後在學校才不會撞板。

作者: leepm1128 時間: 15-3-16 09:59

Radiomama 發表於 15-3-16 08:51
回覆 leepm1128 的帖子

資優沒有框，文靜多愁善感有之、外向主動也有之; 極端的有阿氏保加(偏向自閉)+資優 ...

多謝你的意見,現階斷我應該專注培養她的品格和同理心,
維持她的好奇心之餘也要教導她社會的規範
(不過我反而想她從小揰板中學習,這樣她才印像深刻

)

她没上過N班,K班第一天上課就是走去班主任枱前問東問西

上課一個月班主任說差不多全校的老師和姨姨都認識我女兒,因為她喜歡找人談天

我也興幸為女兒選擇了一間重德育和有愛心的幼稚園

作者: Rachelmummy2008 時間: 15-3-16 12:39

路過的。
見你的囡囡喜歡同人傾計，好似我囡囡的性格。
小女四歲起開始完全唔驚陌生人，有次食食下見她同隔離的年青男女眉來眼去，又有次連地址電話講埋俾另一對父母聽。
新年拜年完全一個人應付一年見一次的親戚。
學習的時候搖頭搖腦，望着她自己也眼花花！
現在過了兩年，兩歲至八十歲她傾兩句已經好熟絡，有時落樓下會撞到她的“熟人“！
見她有些特别，所以來看這版面。自己一邊學習，一邊引導她而已。

作者: MewB 時間: 15-3-16 13:06 標題: 回覆：有没有小朋友超级喜歡主動和陌生人談天，不理男女老幼

小兒情況和你的小朋友相似,他也是資優的. 幸好經我不斷勸告後,現在已可克制一點. 最攞命是新年人家給他利是後,佢會企圖即時拆, 我喝止他後, 他就會問人封利是係幾多錢. 如此行為常使我提心吊膽. 他也是不停說話的, 他喜歡計數和寫電腦程式, 就會常自言自語諗D新的 programming idea 出來.

作者: leepm1128 時間: 15-3-16 15:33

本帖最後由 leepm1128 於 15-3-16 15:37 編輯

Rachelmummy2008 發表於 15-3-16 12:39
路過的。
見你的囡囡喜歡同人傾計，好似我囡囡的性格。
小女四歲起開始完全唔驚陌生人，有次食食下見她同隔 ...

請問你的女女在學習方面表現如何?
她會有花盤問到底的行為嗎?

作者: leepm1128 時間: 15-3-16 15:41

MewB 發表於 15-3-16 13:06
小兒情況和你的小朋友相似,他也是資優的. 幸好經我不斷勸告後,現在已可克制一點. 最攞命是新年人家給他利 ...

請問你的兒子多大了?
是升小學後經學校老師堤意下去做資優評詁嗎?

作者: Janet._. 時間: 15-3-16 23:36

提示: 作者被禁止或刪除內容自動屏蔽

作者: leepm1128 時間: 15-3-17 07:33

Janet._. 發表於 15-3-16 23:36
不過希望不要令你失望我除了IQ 比平均高少少之外，
我仲有亞氐保加症同輕微ADHD
呢2個病都要食藥既

Janet 你係幾歲知?

作者: Janet._. 時間: 15-3-17 19:53

提示: 作者被禁止或刪除內容自動屏蔽

作者: Rachelmummy2008 時間: 15-3-17 22:19

回覆 leepm1128 的帖子

女兒問問題比較廣泛，不過不會問得太深入。她留意别人說話的用詞，聽不懂識問人點解。
有些問題並不易答，她對倫理宗教人生等問題最考起我。

作者: gelmask 時間: 15-3-17 22:40

MewB 發表於 15-3-16 13:06
小兒情況和你的小朋友相似,他也是資優的. 幸好經我不斷勸告後,現在已可克制一點. 最攞命是新年人家給他利 ...

同我個仔好似，佢剛去醫院做評估，有專注力不足，但冇做iq test

作者: chilokma 時間: 15-3-19 23:38 標題: 回覆：gelmask 的帖子

提示: 作者被禁止或刪除內容自動屏蔽

作者: leepm1128 時間: 15-3-21 09:31

chilokma 發表於 15-3-19 23:38
只係路過
我小朋友都係咁，好細個既時候已經好中意同陌生人笑，識講野之後又係咁同陌生人hello, byebye。
...

我個女同你描述嘅一模一樣!!

作者: Radiomama 時間: 15-3-21 11:30 標題: 回覆：leepm1128 的帖子

ADHD其實是指兩個方面：專注力不足及過度活躍；活潑主動是好事，慢慢加以指導，示範，孩子漸長會明白如何在適當時候、適當地點，做適當事情。
是否資優是其次的事。

作者: leepm1128 時間: 15-3-26 19:13

前幾日同啊囡坐巴士,佢又撩人傾計同玩

1, "請問叔叔你睇咩片''''叔叔你背囊掛左咩''''可唔可以借支消毒搓手液黎睇下''''請問你邊個站落車''''你去果度做乜野''

2.''請問可以借黎玩下嗎?(指住哥哥手上的玩具)''''''原來係原芯筆芯,咁哥哥你有冇帶原芯筆?''
''哥哥幾多歲, 我2011年出世,依家3歲8個月,你呢?''

3.回程時跟坐對面的叔叔打了幾個眼色後就玩起''她指上下左右,叔叔依著她指的方向扭動頭'' @@

令我哭笑不得....

作者: lillymarie 時間: 15-3-27 20:57

leepm1128 發表於 15-3-26 19:13
前幾日同啊囡坐巴士,佢又撩人傾計同玩

1, "請問叔叔你睇咩片''''叔叔你背囊掛左咩''''可唔可以借支消毒搓 ...

為何她會那麼準確地知道自己3歲8個月的呢？

作者: leepm1128 時間: 15-3-27 23:02

我之前教過她日期，月份，年份的概念
她推算到自己是3歲幾多個月

7/3時她說自己是3歲7個月，再過一天就3歲8個月了
6月就是3歲11個月
(她8/7生日)

作者: lillymarie 時間: 15-3-28 09:43

leepm1128 發表於 15-3-27 23:02
我之前教過她日期，月份，年份的概念
她推算到自己是3歲幾多個月

厲害啊！那她現在除了和其他人傾計之外，最喜歡做甚麼？

作者: YanKanMom 時間: 15-3-28 10:10

回覆 leepm1128 的帖子

姑勿論你囡囡是否資優, 她絶對是一個很吃得開的小妮子.

作者: lui 時間: 15-3-29 05:40 標題: 引用：前幾日同啊囡坐巴士,佢又撩人傾計同玩1,+"

原帖由 leepm1128 於 15-03-26 發表
前幾日同啊囡坐巴士,佢又撩人傾計同玩

1, "請問叔叔你睇咩片''叔叔你背囊掛左咩''可唔可以借支消毒搓 ...

我女也是2011年出生，依家三歲五個月，又係由小到大都同人傾計，去邊d人都超喜歡佢，走曬出來同佢傾計，學校全校老師姐姐也識佢，個個都想攬佢。佢兩歲幾己問同𨋢四歳姐姐幾多歳，出𨋢同大堂的管理員講人地原來幾多歳。教過的一次就記得，listening 超強。佢自己出拼音叫我blending.又自己作rhyming 既字。不過我覺得佢冇數學天分，佢爺爺係數学教授佢一點都冇特別。對衣服要求高，不可以緊，只穿黃色！兩歲多時有一天婆婆帶佢回校時告訴他他眼睛不舒服所以走喑地方看不清，要走平時相反方向，在一個星期後婆婆走原來的路，他問婆婆你眼晴係0米好番好多了。不過我只認為他是小聰明和吃得開的孩子。

作者: leepm1128 時間: 15-3-29 16:33

lillymarie 發表於 15-3-28 09:43
厲害啊！那她現在除了和其他人傾計之外，最喜歡做甚麼？

她喜歡摺紙,玩LEGO,看YOUTUBE學整泥膠,去公園同小朋友玩

最喜歡問問題,搭傘(唔理對像)

作者: leepm1128 時間: 15-3-29 16:36

YanKanMom 發表於 15-3-28 10:10
回覆 leepm1128 的帖子

姑勿論你囡囡是否資優, 她絶對是一個很吃得開的小妮子. ...

對....非常吃得開,像小公關

作者: leepm1128 時間: 15-3-29 16:54

lui 發表於 15-3-29 05:40
我女也是2011年出生，依家三歲五個月，又係由小到大都同人傾計，去邊d人都超喜歡佢，走曬出來同佢傾計，學 ...

我們倆的女兒應該是同一類性格特質:)

listening 強,隨時搭入大人的話題

今天她又用對話氹得兩位婆婆讚她聰明乖巧,兩位姨姨跟她對話,一位叔叔送她紙扇,一位姐姐請她吃麥樂雞

作者: lui 時間: 15-3-29 17:20 標題: 引用：Quote:lui+發表於+15-3-29+05:40+我女也是2

原帖由 leepm1128 於 15-03-29 發表
我們倆的女兒應該是同一類性格特質:)

listening 強,隨時搭入大人的話題

哈哈，應該係。佢連在外國無論乜人也可以講一餐，我們現在泰國人地婆婆餵埋佢食薯條（佢右手打緊石膏），還有非常強的同理心。

作者: leepm1128 時間: 15-3-29 17:37

lui 發表於 15-3-29 17:20
哈哈，應該係。佢連在外國無論乜人也可以講一餐，我們現在泰國人地婆婆餵埋佢食薯條（佢右手打緊石膏），還 ...

對,同理心極強,常常邀請別人(特別是老人家)坐我們對面的空位吃飯
一歲半懂得去''呵呵摸摸安慰''在哭的小孩
一個月前見到其他小朋友等秋千哭會說''你吾好喊啦,我好快玩完比你玩''

也是在外國言語不通的地方跟乜人也可以講一餐,玩一餐
一對四,一對十都試過, (全部都是年長過她的哥哥姐姐)

小朋友的世界真是快楽

作者: tomato0765 時間: 15-4-25 23:56

你囡同我囡的行為好似。但我囡唔鐘意同同齡小朋友玩。甘先煩。唔鐘意返學。只鐘意同老師傾計。老師唔多理佢。所以攪到佢無哂興趣。

作者: leepm1128 時間: 15-4-26 04:20

tomato0765 發表於 15-4-25 23:56
你囡同我囡的行為好似。但我囡唔鐘意同同齡小朋友玩。甘先煩。唔鐘意返學。只鐘意同老師傾計。老師唔多理佢 ...

你囡囡幾大? 有時間可以帶佢去公園,等佢揾d哥哥姐姐玩同吹水~

我囡都喜歡同老師,校工姨姨,高年班哥哥姐姐傾計

作者: tomato0765 時間: 15-4-26 13:43

3歲。有機會我地可以約埋d 小朋友一齊玩

作者: leepm1128 時間: 15-4-27 21:29

好啊

歡迎光臨教育王國 (/)