教育王國

標題: 想問DSE口試場地係跟住址定隨機派？ [打印本頁]

作者: wwyee 時間: 15-3-14 18:28 標題: 想問DSE口試場地係跟住址定隨機派？

因為我之前聽過呀仔提過，問我想佢考試跟住址定校址，我話無所謂，最緊要你自己識去。今日有個媽媽話要同公司請假，話個女要去九龍考唔識去，所以要陪佢去，我問佢點解會派到咁九龍？個媽媽喺南區，佢都話唔知，仲話有3科要去東區同中西區，仲話唔知駛唔駛再請假。好奇一問有好多人話口試係全港學生撈亂然後隨意派試場，亦有媽咪話係跟住址無得選擇咩野區，咁究竟係點？咁呢位媽咪個女咪算唔好彩？

作者: noelching39 時間: 15-3-15 07:20

我仔返學同住係東區，全部派去東區，不過屋企樓下有 2 間中學，就一間都派唔到。真係好近，步行唔洗一分鐘

作者: wwyee 時間: 15-3-15 09:20 標題: 回覆：noelching39 的帖子

起碼熟悉戰地，勝券在握，打場靚仗，我仔學校灣仔區，住址南區考場分別喺返呢兩個區，所以奇怪點解佢派到咁散，識呢間學校幾另一個同學被派去東區蘇記。

作者: October. 時間: 15-3-15 09:46

DSE試場跟校網。

作者: wwyee 時間: 15-3-15 11:19 標題: 引用：DSE試場跟校網。

原帖由 October. 於 15-03-15 發表
DSE試場跟校網。

我同事個女所派試場絕對唔係跟校址，咁攪真係幾煩。

作者: October. 時間: 15-3-15 13:49

wwyee 發表於 15-3-15 11:19
我同事個女所派試場絕對唔係跟校址，咁攪真係幾煩。

原則上係跟校網派既，但估計口試涉及到考官人手安排，個別學生需要跨區考，我囡舊年都有個同學第二區考口試。

作者: ryanhowh 時間: 15-3-15 18:45

提示: 作者被禁止或刪除內容自動屏蔽

作者: polefong 時間: 15-3-15 21:21

我曾教過中學，可以解答一下。由於開放為口試試場的中學不多，所以未必能跟足校網。

作者: happycher 時間: 15-3-16 03:50

口試係吳會跟你筆試同區, 原因係想盡量公平d,統一番個standard.以免一d名校區個個學生爭野講,變相大家都吳夠發揮而一點差學校的地區, 個discussion 會deadair.

作者: wwyee 時間: 15-3-16 09:27 標題: 回覆：想問DSE口試場地係跟住址定隨機派？

我知道點解同事個女會過九龍考，原因係佢個女用普通話考。
而話點樣分口試區份，知道灣仔區同校，但住南區同學，全都去同一個南區學校考。
所以撈亂考又唔似。

作者: 憫父 時間: 15-3-19 07:28

本帖最後由憫父於 15-3-19 07:29 編輯

考試及評核局對學生筆試的地區是有規定的，可以看下列網頁便可以知道
http://www.hkeaa.edu.hk/DocLibra ... re_District_Eng.pdf

有個別科目由於太冷門或使用的作答語言太少人用，考的人不多，可能需要在其他區考試。
試場一覽表可以參看下列網頁：
http://www.hkeaa.edu.hk/tc/HKDSE ... s/exam_centres.html

有關試場的 Q & A 可參看
http://www.hkeaa.edu.hk/tc/hkdse/faq/q8.html

作者: wwyee 時間: 15-3-19 08:08 標題: 回覆：想問DSE口試場地係跟住址定隨機派？

謝謝，回應。我仔係南區灣仔區考場夾雜。

作者: 夏至瑾瑜 時間: 15-3-19 10:43

提示: 作者被禁止或刪除內容自動屏蔽

作者: dubbies 時間: 15-4-15 00:08 標題: 回覆：wwyee 的帖子

今年黃大仙區口試位不足，好多人被送到天水圍屯門考。仲有報dse可以選地區的

作者: DSS 時間: 15-9-23 23:32

試場地區選擇

六 . 試場地區選擇

26.考生可選擇應試地區，惟考生能否獲安排在所選地區應試，須視乎試場供求而定，因此考生可能被派往所選地區的鄰近地區應試。

試場地區選擇並不適用於口試、實習科目及報考人數較少的科目。

除非具備充份理由及證明文件，試場地區一經選定，不得更改。（註：試場地區選擇不會對考試成績造成任何影響，因此考評局建議考生盡量選擇其所住地區作為應試地區。）有關可選之試場地區，請參閱本文件第 13 頁，或考評局網頁(www.hkeaa.edu.hk - 香港中學文憑 - 考務安排 - 考試報名及費用 -考試報名 - 學校考生 )。

作者: Kittymummy 時間: 15-9-23 23:55 標題: 回覆：想問DSE口試場地係跟住址定隨機派？

E....咁即係筆試都可以選擇地區啦，太好了！

作者: Bettyblue 時間: 15-9-24 13:01

我女上年剛考完, 她和大部分同學、朋友都是在住址的試區或近區考筆試和口試, 跟據老師説, 因口試場地不足, 有小數考生會派到很遠, 例如香港派九

作者: lcn2009 時間: 15-11-25 11:14 標題: 引用：試場地區選擇六+.+試場地區選擇+26.考生可

原帖由 DSS 於 15-09-23 發表
試場地區選擇

是否試場的選擇真的不會影響成績

作者: yoyo712 時間: 16-2-19 13:26

random

作者: DDDDDDDDa 時間: 16-3-6 22:44

因為同區嘅，怕你考試同組有熟人
所以通常都鄰區

作者: DDDDDDDDa 時間: 16-3-6 22:45

或者跨區的！

作者: 洋蔥頭媽咪 時間: 16-3-7 08:33 標題: 回覆：想問DSE口試場地係跟住址定隨機派？

本帖最後由洋蔥頭媽咪於 16-3-7 22:50 編輯

我仔派了准考證好彩所有試場都係同區，考試時間有啲晨早有啲黃昏，若太遠就真係好唔方便。

作者: edith208 時間: 16-3-7 10:20 標題: 引用：因為我之前聽過呀仔提過，問我想佢考試跟住

原帖由 wwyee 於 15-03-14 發表
因為我之前聽過呀仔提過，問我想佢考試跟住址定校址，我話無所謂，最緊要你自己識去。今日有個媽媽話要同公 ...

自選考試地區。屋企附近喺學校區就最好填屋企嗰區。以前考會，我8科有5科喺walking distance 5至10分鐘內，人都定D。

歡迎光臨教育王國 (/)