教育王國

標題: 英文串字好中文默左幾個月既生字唔識 [打印本頁]

作者: kennis_t 時間: 15-3-14 13:01 標題: 英文串字好中文默左幾個月既生字唔識

如果小朋友有自閉傾向，英文強（好多生字識讀讀串，無專登叫佢串都記得，無學併音）, 中文無心記，有d字默左幾個月都唔識，明明默識左隔兩個星期又唔記得。

因為有自閉傾向所以想小班教學為大前題，已有一間英文私小offer小班既，大抽獎都選左小班第一志願。

我想問究竟比小朋友讀英小定中小？另外佢都有幾間直資waiting，我問過課外活動老師意見，佢話依家直資學校d 學生好醒，做咩學咩都好快，佢話驚我小朋友追唔(小朋友好慢動作, 食左豬油包咁）。其實真的嗎？

作者: 已刪除用戶 時間: 15-3-14 16:32

想問, 點解自傾想大班呢? 覺得多d機會識朋友?

我小朋友都係sen, 我會以包容為選校大前提, 呢個係我之前小小分享
http://www.edu-kingdom.com/forum ... page%3D4&page=1

我仔係adhd+非典型自閉, 最令我煩惱的係學唔識待人接物, 肉麻當有趣, 做事衝動有idea自己即刻郁手, 唔識同人合作同解釋, 呢d至最煩! 大人同佢interact時無咁覺, 但同同輩之間就出事, 老師識唔識去包容/調解, 有紛爭點處理, 小朋友行錯路學校有無資源心機去support, 呢d至最重要, 講得嚴重d真係影響小朋友對人生看法

學業方面, 如果小朋友英文叻d, 讀英文學校會輕鬆d (both你同佢)

直資小朋友係咪叻d, 我唔敢講, 不過呢一代小朋友都係叻d就真, 你話自己果個豬油膏, 咁佢同人夾時咩情況先? 豬得黎受歡迎, 肯聽同學意見, 佢自己又開心, 有咩所謂? 最怕豬得黎又霸道, 社交又差, 同學都唔願接近佢, 咁就大件事喇

作者: fishchow 時間: 15-3-14 22:15 標題: 回覆：英文串字好中文默左幾個月既生字唔識

可多d 玩拆字遊戲，提升興趣！

圖片附件: myphoto.jpg (15-3-14 22:15, 57.65 KB) / 下載次數 9
/forum.php?mod=attachment&aid=NDE1NjB8Y2RjMjZhODh8MTc3Mzc2MDkxNHww

作者: HMmummy 時間: 15-3-15 08:11 標題: 回覆：英文串字好中文默左幾個月既生字唔識

拆字好玩！

作者: HaYi 時間: 15-3-15 09:30

我個不是自閉, 但同你個一樣英文易D, 串字平時不需多溫, 中文弱D, 一定要溫.

佢讀英文直資學校, 課程主要是英文, 都深的, 但會易應付D, 但其實英文學校的中文都不淺, 依家佢P3中文默書都是一課課的, 錯一字又扣5分 (不是好多學校的3分), 我地唯有溫多D, 分開溫. 暫時都可以9字頭. 但中文有時筆順錯會是影響寫錯字, 要更小心去記/ 寫.

作者: jelly-pudding 時間: 15-3-16 23:53 標題: 引用：如果小朋友有自閉傾向，英文強（好多生字識

原帖由 kennis_t 於 15-03-14 發表
如果小朋友有自閉傾向，英文強（好多生字識讀讀串，無專登叫佢串都記得，無學併音）, 中文無心記，有d字默 ...

我個仔同你小朋友好似! 佢又係有自傾，社交差。記憶力幾好英文唔錯但中。文字就差啲。同你一樣有間英文私小offer, 等緊大抽獎我都係選小班教學的學校。我地係net 14.

作者: 小寶貝兒 時間: 15-3-17 13:28

Charlotte_mom 發表於 15-3-14 16:32
想問, 點解自傾想大班呢? 覺得多d機會識朋友?

我小朋友都係sen, 我會以包容為選校大前提, 呢個係我之前小 ...

係啊~ 我老公係中學老師, 佢班上都有D SEN既學生, 其中一個學生就係類似你仔咁樣, 唔識待人接物, 成日衝口而出得罪人, 我起初唔知都被佢嚇一嚇, 老公都花左好多心力先至令到同學仔都接受佢, 後來同畢業時同我老公講, 係老公做班主任果幾年先至有返讀書返學既樂趣!
我另外有個朋友, 佢仔有D ADHD, 小學前未CHECK到, 只係以為男仔活躍D, 入左間地區名校, 仲好開心, 點知個仔融入唔到, 學校又冇SUPPORT, 冇資源比佢仔, 佢終於捱完6年小學, 佢話呢6年大家都咁痛苦, 黎緊揀中學一定會睇清楚, 揀間岩個仔既, B3都唔緊要, 最緊要個仔讀得開心!

所以樓主, 揀一間SUPPORT好D, 包容多D既學校, 你同你小朋友都會舒服D~

作者: melonfans 時間: 15-3-22 23:59

kennis_t 發表於 15-3-14 13:01
如果小朋友有自閉傾向，英文強（好多生字識讀讀串，無專登叫佢串都記得，無學併音）, 中文無心記，有d字默 ...

我小朋友當初只肯學英文, 吾肯學中文, 到k2下學期先識, 攪咗好耐. 直至佢放學坐地鐵, 好鍾意地鐵站名, 就開始認中文字, 之後就好似turbo咁, tart 著咗仲識嘅字同英文差吾多.

自傾小朋友固執, 你揾到佢鍾意嘅野, tart 著佢就學得快過電腦.

作者: 細芝麻 時間: 15-3-23 07:38 標題: 回覆：英文串字好中文默左幾個月既生字唔識

我朋友個囝囝都係有自傾，而且社交差唔識同人溝通，英文好好（講得一口流利英語），4歳半人仔考pte merit，但中文好差，唔肯寫唔肯讀。佢上星期同我分享，話見社工時建議讀有支援自傾的小學，如果揀無支援的學校，會影響小朋友讀書身心發展

作者: feipow 時間: 15-3-23 21:03 標題: 回覆：英文串字好中文默左幾個月既生字唔識

提示: 作者被禁止或刪除內容自動屏蔽

作者: jelly-pudding 時間: 15-3-24 00:13 標題: 回覆：英文串字好中文默左幾個月既生字唔識

俾啲心機慢慢教啦，我個仔中文都唔好，不過岩岩K3下學期第一次中默都ok咗

歡迎光臨教育王國 (/)