教育王國

標題: 出席簡介會重要嗎 [打印本頁]

作者: lcyesther 時間: 15-3-8 16:30 標題: 出席簡介會重要嗎

通常學校都話自己兩文三語並重，重視學生自由探索，有不同課外活動呢D。反而bk中的用家更多能指出學校特色。
而且最大問題係，熱門果D幾千人先收果幾十個，家長只好多報幾間個back up.如果十幾間都去簡介會，都要花不少時間。
其實簡介會幫不幫到interview 呢？多數學校點名嗎？對扣門有沒有加分？

作者: anixon 時間: 15-3-8 18:43

如果真的要扣門, 寫信時你話聽過簡介會,
覺得...什麼什麼...如何如何適合你子女, 咁我諗誠意上都好d~

作者: Ryan_baba 時間: 15-3-8 18:46

重要，我係去左簡介會之後決定唔報某些學校的。

作者: HMmummy 時間: 15-3-8 20:42 標題: 引用：重要，我係去左簡介會之後決定唔報某些學校

原帖由 Ryan_baba 於 15-03-08 發表
重要，我係去左簡介會之後決定唔報某些學校的。

Agree

作者: Charlotte_mom 時間: 15-3-8 21:17

Ryan_baba 發表於 15-3-8 18:46
重要，我係去左簡介會之後決定唔報某些學校的。

me too
真係要抽d時間認識多d, 有d人地講到點好好好, 去到睇下....點下focus同自己想要嘅唔一樣? 至知原來"認同教學理念"唔係齋talk
除左聽台上講同ppt, 亦可觀察下師生互動, 睇下佢搵咩學生出黎見人, 個ppt sell咩 (勁話自己學生得咩獎? 勁講tsa咩水平? 定聽完2個鐘都唔知up咩), admin 同事表現(有無d主任級物體在附近黑口黑面催3催4, admin對家長詢問態度友唔友善, 大唔大鼻, 或呼喝細路唔好攪唔好跑)

所有野加埋你就知其實果間係咩學校, 你嘅小朋友就會o係讀stay 6年, 呢樣好緊要

作者: lauwingtai 時間: 15-3-8 21:52 標題: 引用：重要，我係去左簡介會之後決定唔報某些學校

原帖由 Ryan_baba 於 15-03-08 發表
重要，我係去左簡介會之後決定唔報某些學校的。

同意，有啲學校，多頭以為很稱心，聽完簡介會可能發現完全唔啱心水

作者: Ryan_baba 時間: 15-3-8 22:46

Charlotte_mom 發表於 15-3-8 21:17
me too
真係要抽d時間認識多d, 有d人地講到點好好好, 去到睇下....點下focus同自己想要嘅唔一樣? 至知原來" ...

係呀，我去過一個小一簡介會，個校長不斷講自己學校同邊間外國大學同資優學院點合作／有聯繫，又冇乜點講自己學校嘅課程安排。自問真係冇諗到咁遠，最後，起身走人。

作者: hoihoima 時間: 15-3-8 23:05

lcyesther 發表於 15-3-8 16:30
通常學校都話自己兩文三語並重，重視學生自由探索，有不同課外活動呢D。反而bk中的用家更多能指出學校特色 ...

要在幾個月間搜集大量資料、參加簡介會等確實很花時間，在職父母就更辛苦。所以可以早一年開始參觀小學的開放日，學樓上家長所講，看看老師、學生、職員的表現、校園氣氛等，對了解學校大有幫助。

作者: Lam3Tai 時間: 15-3-9 08:16

我就會去聽，當然預計佢會sell 學校(唔通倒自己米咩)，但親身聽教學理念，睇學校環境，講者老師校長們即場表情反應，都可以得到好多資訊。
在職家長係忙，又要留意簡介會時間，同人鬥快報，又唔係個個session都有時間去，又要搜集學校資料。但始終第一手，"力不到不為財"嘛！

作者: MrBeast 時間: 15-3-9 09:20

Charlotte_mom 發表於 15-3-8 21:17
me too
真係要抽d時間認識多d, 有d人地講到點好好好, 去到睇下....點下focus同自己想要嘅唔一樣? 至知原來" ...

Me3
有d in 時仲會問有冇去簡介⋯⋯

作者: cat_house 時間: 15-3-9 10:21 標題: 回覆：出席簡介會重要嗎

簡介會是幫你去理解學校理念的。如果你問面試會否取決於你有無去簡介會，我會說不會。簡介會位置有限，也不會take attendance, 難道小朋友表現出色會因為家長沒到簡介會而不取錄嗎？

作者: dsedse 時間: 15-3-9 10:39

科技發達,要親自去嗎?如有上網看更方便

作者: hoihoima 時間: 15-3-9 12:54

dsedse 發表於 15-3-9 10:39
科技發達,要親自去嗎?如有上網看更方便

我只知道TSL、YW有得上網睇

作者: lcyesther 時間: 15-3-9 13:53 標題: 回覆：出席簡介會重要嗎

多謝各位的提點。因為幼稚園很努力去聽簡介會，結果幾間心儀的全落空，感覺浪費時間，才有感而發

作者: alyk 時間: 15-3-9 14:15

本帖最後由 alyk 於 15-3-9 14:16 編輯

回覆 lcyesther 的帖子

最心儀果2, 3間去聽聽還是需要的, 第一睇下對唔對板, 第二睇下扣門有冇特別要求.
話說我去聽一個簡介會, 有人問到是否需要111才可扣門? 校長答得很清楚, 大意如下:

我們學校並不须要111才可扣門, 但當分數接近甚至稍低的話, 學校是會視乎是否111而優先考慮.
例如: 60分有111, 65分冇111, 學校會收有111先......甚至大家今天到這簡介會也會被記錄......

所以是否重要你自己至知!!!

作者: 小寶貝兒 時間: 15-3-9 14:48

Ryan_baba 發表於 15-3-8 18:46
重要，我係去左簡介會之後決定唔報某些學校的。

SAME HERE!!!去完簡介會, 令我重新將學校排名(我打算排好名次, 到時唔洗再上黎問AAA VS BBB VS CCC)
以及某D學校即使係地區熱門, 都唔會報(已打電話去問過, 我有20分, 理論上成功機會不少)

我去學校簡介會的目的係親自睇下間學校, 同老師傾下, 盡力從中找一間最適合囡囡的學校~

作者: 小寶貝兒 時間: 15-3-9 14:49

dsedse 發表於 15-3-9 10:39
科技發達,要親自去嗎?如有上網看更方便

有D野, 係要親身去過至知的~

作者: 夏至瑾瑜 時間: 15-3-9 14:50

提示: 作者被禁止或刪除內容自動屏蔽

作者: Charlotte_mom 時間: 15-3-9 14:58

dsedse 發表於 15-3-9 10:39
科技發達,要親自去嗎?如有上網看更方便

網上睇的話, 你只會睇到幕前, 睇唔到幕後

作者: 開心小花 時間: 15-3-9 15:06 標題: 回覆：出席簡介會重要嗎

我覺得去簡介會及學校開放日令你會更了解學校。上年，我同老公去完某間直資的簡介會後，決定唔報名。另外，原本自行有2間都心儀的，我地亦係去完呢2間學校的簡介會及開放日後，決定交表去其中一間。

作者: Christi 時間: 15-3-9 15:14

本帖最後由 Christi 於 15-3-9 15:15 編輯

未必幫到你面試,但肯定幫到你揀學校.
建議花多啲時間去了解:
1.課程
2.看下學生功課
3.同學生傾下偈
4.了解評核機制.好多學生話愉快學習,但個評核點設計,好主導老師點教
5.環境

BK收料唔係唔好,但一人一句,好容易錯讀,亦要留意在BK讚學校容易,講吓某校唔好的地方隨時比圍,所以好多人一係唔講,一係好的才講.

作者: 200904 時間: 15-3-9 15:45

我會留意校長及工作人員。有些校長真的很自以爲是，鉄板著臉，語氣傲慢，有些工作人員，也是愛理不理，這些學校，就算怎樣標青，我都不會考慮。

作者: 開心小花 時間: 15-3-9 15:56 標題: 回覆：出席簡介會重要嗎

除了校長，教師之外，我仲會留意幫手的學生的表現，學生與老師之間的互動，返來幫手的學生只限高年班，定低年班的學生都有份參與呢？另外，再跟值日的學生傾下。你會有不少得著。

作者: erniewellie 時間: 15-3-9 16:54 標題: 引用：除了校長，教師之外，我仲會留意幫手的學生

原帖由 開心小花 於 15-03-09 發表
除了校長，教師之外，我仲會留意幫手的學生的表現，學生與老師之間的互動，返來幫手的學生只限高年班，定低 ...

這也正正是我的策略

作者: erniewellie 時間: 15-3-9 16:56 標題: 引用：我會留意校長及工作人員。有些校長真的很自

原帖由 200904 於 15-03-09 發表
我會留意校長及工作人員。有些校長真的很自以爲是，鉄板著臉，語氣傲慢，有些工作人員，也是愛理不理，這些 ...

係呀，網站可以做得美輪美奐，簡介可以講到天下無敵，往往就是這些 subtle 位見真章

作者: kylok 時間: 15-3-9 20:03 標題: 引用：除了校長，教師之外，我仲會留意幫手的學生

原帖由 開心小花 於 15-03-09 發表
除了校長，教師之外，我仲會留意幫手的學生的表現，學生與老師之間的互動，返來幫手的學生只限高年班，定低 ...

唔好意思, 冇乜頭緖。想問下你會同值日
嘅學生傾啲乜嘢呢？

作者: sissysze 時間: 15-3-9 20:16 標題: 引用：+本帖最後由+alyk+於+15-3-9+14:16+編輯+\

原帖由 alyk 於 15-03-09 發表
本帖最後由 alyk 於 15-3-9 14:16 編輯

回覆 lcyesther 的帖子

唔係甘都信呀 .....

作者: 開心小花 時間: 15-3-9 23:29 標題: 引用：Quote:原帖由+開心小花+於+15-03-09+發表除

原帖由 kylok 於 15-03-09 發表
唔好意思, 冇乜頭緖。想問下你會同值日
嘅學生傾啲乜嘢呢？

有些學校會標榜兩文三語，就會用普通話及英文問on duty的學生，睇下佢地語文能力。會問下佢地功課量，多唔多抄寫的功課，測驗，黙書情況，最喜歡上哪一課？英文堂是否真是全英文，中文就全普通話？如果聽唔明點算？有無機會出去比賽和參加活動等等。我甚至問過個學生學校午餐好唔好食。都主要係圍繞住學校生活，都係傾下偈咁。我主要想睇返D學生的即場反應，有無禮貌，表達能力同應變能力。同埋睇下學校講的，同學生講的情況是否一致。

作者: alyk 時間: 15-3-10 11:32

回覆 sissysze 的帖子

校長直接講冇得你話唔信架, 只可以寧可信其有.事實上, 所有入表扣門都有得in, 而in時會問是否111, 有朋友要即時出示副本.

EK上有人成日話某某學校非111不in不收, 唔通我就信? 唔入表試下? 咁我寧可信個校長囉!

歡迎光臨教育王國 (/)