教育王國

標題: 九真新生 [打印本頁]

作者: trflm 時間: 15-3-2 14:14 標題: 九真新生

1. 想請問學校有沒有校巴入荃灣呢? 若有, 想問早上幾點要上車呢? (另外, 小朋友要幾點回到學校呢?)
2. 想問學校會否在暑假期間舉行新生活動, 例如: 家長會, 小一適應班等? 若會, 唔知暑假什麼時間舉行呢?
(因為暑假想同孩子去旅行, 公司又要提早請假, 所以想就一下時間!)

謝謝!!!

作者: leafun 時間: 15-3-3 11:45 標題: 回覆：trflm 的帖子

有小一迎新日，多數響最尾或尾二星期六早上舉行。

作者: trflm 時間: 15-3-4 12:17

即八月中/尾左右 ??

謝謝你!!!

作者: leafun 時間: 15-3-4 16:56 標題: 回覆：trflm 的帖子

有校車去荃灣，但因唔係住果區，所以幾點上車唔太知。八點開始上課。

作者: kochiman2004 時間: 15-3-4 17:12 標題: 回覆：trflm 的帖子

筌灣約六點七至六點九上車。

作者: cowboynn 時間: 15-3-4 19:34 標題: 回覆：九真新生

請問九真多唔多課餘活動？

作者: kochiman2004 時間: 15-3-5 15:34 標題: 回覆：cowboynn 的帖子

自由參加：歌詠，長笛，小提琴，舞蹈，田徑隊，跳繩，奥數，英語劇。

作者: kochiman2004 時間: 15-3-9 17:31 標題: 回覆：cowboynn 的帖子

如果你囡囡主課成績好，會被邀請參加中文大學辦的資優小學生課程。

作者: cowboynn 時間: 15-3-11 19:22 標題: 回覆：kochiman2004 的帖子

好多謝kochiman2004嘅回覆，都好似幾好。
想問問除咗興趣班外，學校多唔多其他活動，有其他家長話學校規模較細資源會小D，但我在校刋都見有搞D類似fun day 和探訪老人的社區活動，所以想知除讀書外，多唔多其他活動，可增加小朋友對學校的歸屬感，希望有家長可分享，謝謝

作者: kochiman2004 時間: 15-3-12 10:04 標題: 回覆：cowboynn 的帖子

校内Thu有enrichment似拔尖補底，Fri有AI似多元智能發展，對外亦有主題學習日，英語話劇，長假期有交流團，暑假有遊學團。
學校細資源少係正確。另一角度看，關顧多，着重關愛，師生關係密切，這些是大校相對弱。亦因為這原因，當年放棄港真小而選擇九真小。

作者: cowboynn 時間: 15-3-12 20:37 標題: 回覆：kochiman2004 的帖子

真心好多謝您的資料，唔知係咪學校較為細，人數又較少，感覺上唔係咁多人講呢間學校，咁您覺得資源少最明顯影響是什麼？係咪校內設備真係少好多，如運動堂少D花款可以玩，圖書館書藉少，只是舉例而已。仲有學校谷唔谷，會唔會讀得好辛苦，係咪學校和家長都傾向多㚈出補習

作者: kochiman2004 時間: 15-3-12 21:32 標題: 回覆：cowboynn 的帖子

少人選有以下原因：
學校細，資源小，活動地方小，圖書小，以前九真中係中中，被人grade做band2中學，學校及家長極低調，唔宣傳，主科唔合格要留班，事實上，校内其他設備比大校相對少等等。
學校個人感覺吾算谷，小女每日都係開心返學，吾覺佢辛苦，佢每日放學都有一個鐘看電視，半個鐘自己看書。
小女無補習，但我知佢果班大多有補習。

作者: leafun 時間: 15-3-13 10:52 標題: 回覆：cowboynn 的帖子

圖書館細，但學校會用「漂書」方式，要求學生讀書，平均每個月中、英各一本，並要交報告。各科無好似其他學校教高半年，但學校有自己出既supplementary。學校有拔尖補底，但主科唔合格就要留班。我覺得真小無其他私校咁谷，但對學生要求嚴格。我個女都無補習，同埋十分鍾意睇書，所以學校既「漂書」計劃佢好鍾意。

作者: kochiman2004 時間: 15-3-13 15:28 標題: 回覆：leafun 的帖子

認同leafun，只要小朋友喜歡看書，返學開心，成績一定不會差。其實，選一間適合小朋友的學校對小朋友學習及成長很重要。眼見香港很多父母只求自己心中［名校］而忽略小朋友是否真的適合在那裡成長？讀得辛苦又唔開心，對書本無晒興趣，沉醉於玩手機，試一兩年後要轉校，咁又何必？

作者: kochiman2004 時間: 15-3-13 16:11 標題: 回覆：kochiman2004 的帖子

九真小都幾嚴：全班太嘈，無得放小息，唔可以跑樓梯，或跳樓梯，被發現罰企一個小息。講大話罰企兩個小息。一個星期無交三次功課，家長接電話，再犯見家長。多次改正都錯，明顯胡亂做功課，寫字撩草累敎不改等等…罰留堂。衣衫不整，長短袜，穿顏色外套，無寒冷警告穿羽絨，口頭警告，再犯寫手册。對老師，書記，校工姨姨無禮，視乎情況决定懲罰方式。亦因為［嚴］，九真小學生好有discipline，外出活動給人很有［家教］感覺。例如：學童或牙科保健。年年該中心職員都讚九真小學生有禮，好乖好聽話！

作者: cowboynn 時間: 15-3-16 18:34 標題: 回覆：kochiman2004 的帖子

好多謝兩位的分享，好詳盡！

作者: rhodo 時間: 15-4-29 10:16

想請問教學模式係傳統定活動教學？定係一半半？

作者: kochiman2004 時間: 15-5-8 09:21 標題: 回覆：rhodo 的帖子

屬於傳統

作者: cowcow826 時間: 15-6-11 09:15

九真今年開幾多班?

作者: kochiman2004 時間: 15-6-11 13:54 標題: 回覆：cowcow826 的帖子

這個問題今年答唔到，有人估計1至2班

歡迎光臨教育王國 (/)