教育王國

標題: 是否ready去留學 [打印本頁]

作者: JLYF 時間: 15-3-2 10:54 標題: 是否ready去留學

阿仔今年F1,我想佢F3去英國讀書, 但佢依家仲係勁痴身勁痴家,我睇佢F3未必肯走. 有朋友話小朋友大d就會唔同哂, 有冇jm有類似經驗可分享?我現在都唔知幫唔幫佢睇學校好

作者: brother4 時間: 15-3-2 11:41 標題: 回覆：是否ready去留學

每個留學生背後有-個故事，不用看，等小朋友想去才看學校，現在留意海外留學區家長選擇先

作者: SYSquare 時間: 15-3-2 11:48 標題: 回覆：是否ready去留學

JLYF

(一) 先給孩子有消化去外國升學的空間。(二) 要提早跟孩子商量, 是商量而不是家長單方面作出決定。

我的經驗是: 我們在P6時帶外國升學這思維給大仔, 他當時頗抗拒。我們明白去外國升學是一個重大改變, 需要給仔多一些時間去消化。為了讓他體驗boarding school, 我們鼓勵他在2014 summer參加遊學團。去完UK遊學團後, 膽量就大了和整個人開放了!

去年九月, 我們開始報UK學校, 他已不抗拒。直到有學校發出入學取錄通知時, 我們再次認真跟大仔傾談, 問他準備好去英國讀書未? 他的回應: 「我一早已經ready」, 我終於放下心頭巨石, 可以走啦! 現在萬事俱備, 只欠出發。前後用了兩年的時間給仔消化, 我鼓勵你提早跟孩子商量升國安排, 另一方面不斷搜集資料, 有兩手準備, 有備無患。

作者: 3b 時間: 15-3-2 13:05 標題: 引用：阿仔今年F1,我想佢F3去英國讀書,+但佢依家

原帖由 JLYF 於 15-03-02 發表
阿仔今年F1,我想佢F3去英國讀書, 但佢依家仲係勁痴身勁痴家,我睇佢F3未必肯走. 有朋友話小朋友大d就會唔同 ...

小兒跟你的兒子同齡，不跟我鬥嘴的時候是一隻樹熊，經常痴著我，發脾氣的時候是一隻哥司拉，很可怕。我們在2012年暑假到倫敦旅行，和當地朋友言談中提到，到英國讀書的想法，當時他很抗拒，每當我們提起時就要求我一齊去，但是我要留港工作，沒有可能一齊去。之後這幾年，我們每年都去英國玩，順帶給他灌輸到外國升學的好處。今年，他已經接受到英國讀中三的想法，所以我們在香港及英國參加了面試。

作者: etoile 時間: 15-3-2 13:40

可以試下帶佢去英國玩下同時去school visit，俾佢親身睇下個環境。

作者: JLYF 時間: 15-3-2 18:52

其實一直有同阿仔商量,佢p6暑假仲去咗英國遊學兩星期,不過去咗頭一個星期就勁homesick,要我日日打電話給他傾成個鐘,如果第陣都係咁真係會好辛苦.阿仔好明白出去讀書有好處,但就冇信心會捨得屋企囉

作者: Sheep006 時間: 15-3-2 19:04

回覆 JLYF 的帖子

我那個小學時已經想他Y7（F.1)去，但前幾年他唔肯去，唔知點解舊年突然話今年可以去讀Y9(F.3)，所以都搞得好趕！

作者: kin818kin 時間: 15-3-6 15:33

Sheep006 發表於 15-3-2 19:04
回覆 JLYF 的帖子

我那個小學時已經想他Y7（F.1)去，但前幾年他唔肯去，唔知點解舊年突然話今年可以去讀Y9 ...

小朋友咁細自己去外國流學，怕唔怕佢學壞？

作者: anglo-chinese 時間: 15-3-6 17:37

我自己細佬是f1 過去，因為也是太細個，所以想早點送出去獨立（比人話一個好大只的9歲，其實13歲）

現在平平安安，細個D送出去，我自己覺得學校照顧的比較嚴，我看過一些7歲開始寄宿的學校，覺得個訓練好好，反而一去就sixth form 無做個訓練係度。（哎，看到我一些名校一去就sixth form 的獨立能力，好擔心個阿媽會大學飛來陪讀）

如果f1 送出去，我推介一間叫 highfield school，非常好學校。他們第一，係得一個中國人，因為他們好嚴格，對每個國籍有限制。二。係一間專門幫助學生考獎學金的學校，上個禮拜拜訪完，個學校好proud 話他們所有學生都入到自己的第一志願。例如 charterhouse, marlborough college 等。看到學生非常自信，都覺得不錯。

歡迎光臨教育王國 (/)