教育王國

標題: 想請教過來人 [打印本頁]

作者: LanEE 時間: 15-2-25 08:40 標題: 想請教過來人

小男孩未夠三歲,疑有暴力傾向,每當見到母親會像大受刺激,情緒會突然爆發地:
*刻意動手出盡力打對方,例如用手抓、(meet)
拉頭髮、隨手攞硬物扑頭,在對方身後玩偷襲,最近仲用櫈車埋去。
*但學校老師話佢無乜異樣,亦會對其他人做出咁嚴重攻擊。

請問:
—可帶佢去邊度評估係最快?(政府吾敢考慮因怕命短等吾到。)
—呢類case通常要點醫?
麻煩哂各位。

作者: methy 時間: 15-2-25 10:20 標題: 引用：小男孩未夠三歲,疑有暴力傾向,每當見到母親

原帖由 LanEE 於 15-02-25 發表
小男孩未夠三歲,疑有暴力傾向,每當見到母親會像大受刺激,情緒會突然爆發地:
*刻意動手出盡力打對方,例如用 ...

似係佢同媽媽相處既問題，會唔會佢媽媽平時係咁對小朋友（我無惡意指責）？
對其他人無呢d行為，有自制力,情緒唔見得有好大問題，我估可能要處理既係親子關係。

作者: LanEE 時間: 15-2-25 10:29

回覆 methy 的帖子

佢媽無哂佢辦法時係會動手以為可鎮壓到佢,點知會惡化到而家咁,佢已經好後悔。

作者: LanEE 時間: 15-2-25 10:44

回覆 methy 的帖子

如果真係親子關係問題,可以去邊度上堂惡補呢?

作者: VirginiaLi 時間: 15-2-25 11:51

提示: 作者被禁止或刪除內容自動屏蔽

作者: babypuipui 時間: 15-2-25 23:29 標題: 回覆：想請教過來人

沒有見到母親時，待人接物是否正常? 語言表達ok?

作者: LanEE 時間: 15-2-26 01:17

本帖最後由 LanEE 於 15-2-26 01:18 編輯

回覆 babypuipui 的帖子

1)小朋友對其他家人長輩也有動手,但因個個就哂佢要乜有乜,相比起對媽媽叫做無咁暴力囉!2)說話能力超強,理解力也高,在外對陌生成人對答如流兼得體,所以好難聯想到佢在家的真實情況。

作者: babypuipui 時間: 15-2-26 01:45 標題: 回覆：LanEE 的帖子

咁似乎是教養問題機會較多，專注力如何? 能否安靜玩玩具或看圖書? 活動量大嗎？會否過度活躍情況?

作者: LanEE 時間: 15-2-26 11:30

回覆 babypuipui 的帖子

☆ 佢玩玩具口味狹窄,只玩車仔和總是粗暴地撞擊,勁撞木門、撞牆、有時自己撞頭或撞人,邊發出好high叫聲,動作好快和似受控,口中重覆又重覆講兩句相同說話一百幾拾次。
☆ 在家絶愛睇書亦好難安靜下來,我每次要好有方法耐性引導佢,又真係可以聽命睇書讀字約半小時,不過吾係成日有機會被我教,因為成個早上佢一定瞓覺,有時會中午先肯起身就要趕返學。

☆ 佢啲破壞力每日在黃昏之後發作直至凌晨,隔離左右樓上樓下都有投訴。

作者: babypuipui 時間: 15-2-26 12:53 標題: 回覆：想請教過來人

因未見過小朋友，但就自撞，尖叫，愛衝擊這些行為特徵評估，確有點自閉及過度活躍特徵，未知家庭如何教養及在課室情況如何，因半日班教師會較少時間觀察的，但如非教養問題而引起的行為問題則作評估較適合。

作者: LanEE 時間: 15-2-26 13:06

回覆 babypuipui 的帖子

已pm你,謝謝!

作者: 洋蔥頭媽咪 時間: 15-3-4 17:52 標題: 引用：小男孩未夠三歲,疑有暴力傾向,每當見到母親

原帖由 LanEE 於 15-02-25 發表
小男孩未夠三歲,疑有暴力傾向,每當見到母親會像大受刺激,情緒會突然爆發地:
*刻意動手出盡力打對方,例如用 ...

從你描述小朋友似有自閉頃向或過度活躍，但有乜問題要經專家才能確定，如果你完全唔想排政府唯有自費找私人，建議你盡快約見心理學家睇下小朋友有咩問題先。

作者: LanEE 時間: 15-3-5 01:48

回覆洋蔥頭媽咪的帖子

多謝意見。

作者: piglet0529 時間: 15-3-5 06:57 標題: 引用：回覆+babypuipui+的帖子 ☆+佢玩玩具口味

原帖由 LanEE 於 15-02-26 發表
回覆 babypuipui 的帖子

☆ 佢玩玩具口味狹窄,只玩車仔和總是粗暴地撞擊,勁撞木門、撞牆、有時自己撞頭或 ...

同意樓下所講似自閉加過度活躍, 要去評估一下

作者: wong73 時間: 15-3-6 12:32

提示: 作者被禁止或刪除內容自動屏蔽

作者: 君子好球 時間: 15-12-27 17:01

建議，用運動治療，最好是俾巨學習一些競技類的有樂趣的運動。

作者: pekkle321 時間: 15-12-28 01:11 標題: 引用：Quote:原帖由+LanEE+於+15-02-25+發表小男

原帖由 洋蔥頭媽咪 於 15-03-04 發表
從你描述小朋友似有自閉頃向或過度活躍，但有乜問題要經專家才能確定，如果你完全唔想排政府唯有自費找私人 ...

想問下如何去見心理學家？因為我發覺仔六歳有暴力傾向，只要一唔順心或同人玩打到佢，佢就會發狂打人，仲要好狠果種，要叫先停！試過有次我唔比佢做一件事，佢雙手捉我頸，好似想我死咁。但我冇暴力對過佢，錯只會鬧同罰企多，如果好曳都係打手板同pat pat. 但爸爸eq差，成日發狂鬧人，唔知関唔關事？

作者: 洋蔥頭媽咪 時間: 15-12-28 09:47 標題: 引用：Quote:原帖由+洋蔥頭媽咪+於+15-03-04+發表

本帖最後由洋蔥頭媽咪於 15-12-28 09:50 編輯

原帖由 pekkle321 於 15-12-28 發表
想問下如何去見心理學家？因為我發覺仔六歳有暴力傾向，只要一唔順心或同人玩打到佢，佢就會發狂打人，仲 ...

父母係小朋友一面鏡子，父親EQ低容易發脾氣，孩子就會學了以發脾氣或暴力來發洩自己不滿，你小朋友已經6歲的確要盡快處理。孩子讀小一未？在校是否有相同問題？就咁睇好難知小朋友有冇其他問題，你可以主動聯絡學校社工，看看能否安排政府服務/評估，或面見心理學家/精神科醫生，亦可睇自己家庭醫生再寫紙排政府，不過時間有可能排好耐，又或是自費到坊間面見私人醫生，但要考慮價錢會比較貴，要看看孩子有沒有其他問題，找出原因才能幫倒小朋友。

歡迎光臨教育王國 (/)